ᐃᓄᐃᑦ ᐊᕐᓇᐃᑦ ᐱᓕᕆᕝᕕᖏᓐᓄᑦ ᑐᓴᐅᒪᖃᑦᑕᐅᑎᒌᒍᑎᓕᕆᓂᖅ (IWBN)

“]”]”]”]”]”]

ᐊᕕᒃᓯᒪᔪᑎᒍᑦ ᑭᓯᐊᓂ ᑭᖑᓕᕇᒃᓱᖅᑎᑕᐅᔪᒃᑯᑦ ᐱᓕᕆᐊᖅ ᐃᓄᐃᑦ ᐊᕐᓇᐃᑦ ᐱᓕᕆᕝᕕᖃᕐᑐᑦ ᑐᓴᐅᒪᖃᑦᑕᐅᑎᒌᒍᑎᓕᕆᓂᐅᕗᖅ (IWBN), ᑮᓇᐅᔭᖃᖅᑎᑕᐅᓯᒪᓪᓗᓂ ᐃᓄᓕᕆᔨᑐᖃᒃᑯᓐᓂ (AANDC). ᐸᐅᒃᑑᑎᒃᑯᑦ ᓯᕗᓪᓕᖅᐹᖅ ᖃᐅᔨᓴᕈᑎᒋᔭᐅᓯᒪᔪᖅ ᐱᔭᐅᔭᕆᐊᓕᖕᓄᑦ ᓇᓗᓇᐃᖅᓯᓯᒪᕗᖅ ᐱᑕᖃᕆᐊᖃᕐᓂᖓᓂᒃ ᑕᐃᒪᐃᓪᓗᐊᖃᑎᒌᒃᑐᓄᑦ ᐃᓕᓐᓂᐊᕐᑎᑦᑎᓂᐅᒐᔭᕐᑐᓂᒃ ᐊᒻᒪᓗ ᑕᐃᒪᐃᓪᓗᐊᖃᑎᖏᓐᓂᑦ ᐃᑲᔪᖅᓱᖅᑕᐅᓂᕐᓴᐅᓗᑎᒃ. ᐱᔭᐅᔭᕆᐊᖃᕐᓂᖓ ᐊᑐᓕᖅᑎᑕᐅᔪᓐᓇᖁᓪᓗᒍ ᐃᓄᐃᑦ ᐊᕐᓇᐃᑦ ᐱᓕᕆᕝᕕᖃᖅᑐᓄᑦ ᑐᓴᐅᒪᖃᑦᑕᐅᑎᒌᒍᑎᓕᕆᓂᕐᒧᑦ ᐱᓕᕆᐊᖅ ᐱᕕᖃᕐᑎᑦᑎᓇᓱᐊᖃᑦᑕᕐᐳᖅ ᐊᕐᓇᐃᑦ ᑐᕌᑲᐅᑎᒋᔪᒃᑯᑦ ᐃᓕᓐᓂᐊᕈᓐᓇᕐᓗᑎᒃ ᐊᓯᖏᑕ ᐊᑐᕐᓯᒪᔭᖏᓐᓂᒃ ᐱᕈᖅᑎᑦᑎᓇᓱᐊᕐᓂᕐᒧᑦ ᐃᓕᓴᕆᔭᐅᓯᒪᔪᑎᒍᑦ ᑐᓴᐅᒪᖃᑦᑕᐅᑎᒌᒍᑎᒋᔭᐅᔪᓂ ᐃᓄᐃᑦ ᐊᕐᓇᓄᑦ ᐱᓕᕆᕝᕕᖏᓐᓂᑦ. ᑖᓐᓇ ᐃᓚᖃᓂᐊᕐᑐᖅ ᐊᑕᖏᐅᒪᔪᑎᒍᑦ ᐊᔾᔨᒌᖏᑦᑐᓂᒃ ᐃᓄᐃᑦ ᐱᓕᕆᕝᕕᖃᕐᑐᑦ ᐊᕐᓇᓂᒃ, ᑖᒃᑯᓇᓐᖓᑦ ᐱᒋᐊᖅᑎᑦᑎᓕᓵᕐᑐᓂᑦ ᑖᒃᑯᓄᖓ ᑲᔪᓯᓂᖃᑦᑎᐊᕐᓯᒪᔪᑦ ᐃᓂᓪᓚᒃᓯᒪᓂᖃᑦᑎᐊᓕᕐᓯᒪᔪᓪᓗ ᐱᓕᕆᕝᕕᐅᔪᓂᒃ ᑭᓯᐊᓂ ᐱᓕᒻᒪᒃᓴᖅᑕᐅᖏᓐᓇᕆᐊᖃᖅᑐᓄᑦ ᓱᓕ, ᐃᓕᓐᓂᐊᖃᑦᑕᐅᑎᓂᕐᒧᑦ ᑕᐃᒪᐃᓪᓗᐊᖃᑕᒋᔭᖏᓐᓂᓪᓗ ᐃᑲᔪᖅᓱᖅᑕᐅᓂᕐᒧᑦ. ᐱᓕᕆᐊᖅ ᐱᒋᐊᖅᐸᓪᓕᐊᑎᓪᓗᒍ ᐃᖃᓗᖕᓂ ᖃᐅᔨᓴᕈᑕᐅᓪᓗᓂ ᑲᔪᓯᓂᖃᕈᓐᓇᕐᒪᖔᑦ, ᐊᑯᓂᐅᔪᒧᑦ ᑐᕌᒐᕆᔭᐅᔪᖅ ᐱᓕᕆᐊᒧᑦ ᓴᖅᑮᔾᔪᑕᐅᓇᓱᐊᕐᐳᖅ ᐃᔾᔪᐊᒐᒃᓴᐅᒐᔭᕐᑐᒥᒃ ᐊᑐᖅᑕᐅᔪᓐᓇᕋᔭᕐᑐᖅ ᐊᓯᖏᓐᓂᑦ ᐊᕕᒃᑐᖅᓯᒪᓂᐅᔪᓂᑦ ᓄᓇᓕᐅᔪᓂᓪᓗ. ᑐᑭᓯᒋᐊᒃᑲᓐᓂᕈᒪᒍᕕᑦ ᑖᒃᑯᓂᖓ ᒪᕐᕉᒃ ᐱᓕᕆᐊᖑᔫᖕᓂᒃ, ᖃᐅᔨᒋᐊᕐᕕᒋᔪᓐᓇᕐᐸᑦ ᐃᓄᐃᑦ ᐊᕐᓇᐃᑦ ᐱᓕᕆᕝᕕᖃᕐᑐᓄᑦ ᓇᓗᓇᐃᔭᖅᓯᒪᔪᑦ – IWBNfactsheet.

Publications

ThumbnailsTitleAdditional NotesDatesDownloads
No posts found