ᐃᓅᖃᑎᒌᑦᓯᐊᒃᑲᓐᓂᕈᓐᓇᕐᓂᕐᒧᑦ ᓇᓛᒎᖅᑐᓂᒃ ᑭᒡᓯᓂᐊᖅᑎᑦ ᐃᖅᑲᐅᒪᓂᕐᒧᑦ ᐱᒋᐊᕈᑎᒋᓯᒪᔭᖓᑦ (ᕿᐱᓐᖑᐊᖅ)

“]

“] ᐱᒋᐊᕐᓗᓂ 2011 – 2013, ᐸᐅᒃᑑᑎᒃᑯᑦ ᓴᖅᑮᓂᐊᕐᑐᑦ ᕿᐱᓐᖑᐊᒥᒃ ᐃᓚᖃᕐᓗᓂ ᐅᖃᓕᒫᒐᒃᓴᓕᐊᖑᒃᑲᓐᓂᕐᓯᒪᔪᖅ ᓂᐱᖃᕈᑎᐅᓗᓂ ᓇᓗᓇᐃᖅᓯᔾᔪᑎᐅᔪᓐᓇᕐᓗᓂᓗ ᐃᓄᐃᑦ ᐊᕐᓇᐃᑦ ᐊᔾᔨᐅᖏᑦᑐᑎᒍᑦ ᐊᑐᖅᓯᒪᔭᖏᓐᓂᒃ ᐊᒃᑐᐃᔾᔪᑕᐅᓯᒪᔪᓪᓗ ᐃᓕᓐᓂᐊᕆᐊᕐᕕᐅᕙᓚᐅᖅᓯᒪᔪᓄᑦ ᑲᓇᑕᒥ ᐃᓕᓐᓂᐊᕆᐊᕐᕕᐅᕙᓚᐅᖅᓯᒪᔪᓄᑦ ᐃᖅᑲᐅᒪᑦᑎᓂᕐᒧᑦ ᐱᒋᐊᕈᑎᐅᓗᓂ. ᐱᓕᕆᐊᖅ ᐱᑕᖃᕐᑎᑦᑎᓂᐊᕐᑐᖅ ᐱᓪᓚᕆᐅᔪᑎᒍᑦ, ᐊᑯᓂᐅᔪᒧᑦ ᐃᖅᑲᐅᒪᔾᔪᑎᐅᒐᔭᕐᑐᖅ ᐊᑐᕐᑎᑦᑎᓗᓂ ᐃᓄᐃᑦ ᐅᖃᐅᓯᖓᒍᑦ, ᐱᖅᑯᓯᖓᒍᑦ ᐱᒻᒪᕆᐅᒋᔭᖏᓐᓂᓪᓗ. ᐃᓄᐃᑦ ᐊᕐᓇᐃᑦ ᐃᓚᐅᖃᑕᐅᔪᑦ ᓄᓇᓕᐅᔪᓂ ᓴᓇᓐᖑᐊᕐᓂᐊᓗᑎᒃ ᓂᕈᐊᕆᓯᒪᔭᖓᒍᑦ ᖃᐅᔨᔾᔪᑎᒋᓯᒪᔭᖏᓐᓄᑦ ᐃᓕᓐᓂᐊᕆᐊᕐᕕᒋᓯᒪᔭᖏᓐᓂ. ᐊᑐᓂ ᓄᓇᓕᐅᔪᖅᐅᓂᒃᑳᓕᐅᕐᓂᐊᕐᓗᓂ ᓴᓇᓐᖑᐊᕐᓯᒪᓂᒃᑯᑦ ᐊᐅᓚᖏᑦᑐᑦ ᐊᔾᔨᓕᐅᖅᓯᒪᔪᑎᒍᑦ ᐊᒻᒪᓗ ᐊᔾᔨᓕᐅᕆᔨᒧᑦ ᐊᐅᓚᔫᓕᐅᖅᑕᐅᕝᕕᐅᓗᑎᒃ ᐊᕐᕕᓂᓖᑦ ᐊᑕᐅᓯᕐᓗ ᓄᓇᓕᐅᔪᓂ. ᑕᕐᕆᔭᒐᓕᐊᖑᔪᒥ ᐅᓂᒃᑳᓕᐅᖅᓯᒪᔪᖅ ᐊᓯᐅᔾᔭᐃᕋᔭᕐᒪᑦ ᐊᑐᖅᓯᒪᓂᑰᒋᔭᖏᓐᓄᑦ ᒪᒥᓴᐃᔪᓐᓇᓕᖅᑎᑦᑎᓗᓂᓗ ᑐᑭᓯᐅᒪᔭᐅᔪᓐᓇᓕᕐᓗᓂᓗ ᐃᓕᓐᓂᐊᕆᐊᕐᓯᒪᔪᕕᓂᕐᓄᑦ ᓄᓇᓕᒋᔭᖏᓐᓄᓪᓗ ᐊᓯᖏᓐᓄᓪᓗ ᑲᓇᑕᒥᐅᑕᐅᔪᓄᑦ ᓇᓗᓇᐃᕈᑎᒃᓴᐅᓕᓂᐊᕐᓗᓂ ᐊᓯᔾᔨᕐᑕᕈᓐᓇᕐᓯᒪᓂᖏᓐᓄᑦ, ᓴᓐᖏᓂᕆᓯᒪᔭᖏᓐᓄᑦ, ᓴᐱᖏᑦᑐᕕᓂᐅᓂᖏᓐᓄᑦ ᐃᓕᖅᑯᓯᕆᔭᐅᓯᒪᓪᓗᓂ ᐊᓂᒍᐃᔾᔪᑎᖃᕈᓐᓇᕐᓯᒪᔪᑦ ᐊᒃᓱᕈᓐᓇᑐᕐᓯᐅᖅᑎᓪᓗᒋᑦ ᐃᓄᐃᑦ ᐊᒻᒪᓗ ᑲᓇᑕᒥ ᐊᑐᕆᐊᓐᖓᕐᑕᐅᓯᒪᓂᖓᓄᑦ. ᐸᐅᒃᑑᑎᒃᑯᑦ ᖃᐅᔨᓴᖅᐸᓪᓕᐊᓂᐊᕐᑐᑦ ᐊᒻᒪᓗ ᑲᓇᑕᒥ ᓴᖅᑭᑕᐅᓂᐊᕐᓗᓂ ᐅᓂᒃᑳᓕᐊᕆᔭᐅᓯᒪᔪᑦ 2013 ᐱᒋᐊᓕᓵᓂᐸᓗᐊᓂ. ᐅᓂᒃᑳᓕᐊᕆᔭᐅᓯᒪᔪᖅ ᓇᒥᑐᐃᓐᓇᖅ ᑕᑯᒃᓴᐅᔪᓐᓇᕐᓂᐊᕐᓗᓂ ᑕᐅᑐᒃᑕᐅᔪᓐᓇᕐᓗᓂᓗ ᐃᓕᓐᓂᐊᕐᑎᑦᑎᓂᒃᑯᑦ ᑭᒃᑯᑐᐃᓐᓇᕐᓄᑦ ᐃᓄᐃᑦ ᐃᓕᓐᓂᐊᕆᐊᖅᐸᓚᐅᕐᓯᒪᓂᖏᓐᓂᒃ ᐊᑐᓕᖅᑎᑕᐅᓗᓂᓗ ᐊᑯᓂᐅᔪᒧᓪᓗ ᑐᑭᓯᐅᒪᔭᐅᔪᓐᓇᓕᕐᓂᐊᕐᒪᑦ ᐊᒃᑐᐃᔭᐅᓯᒪᔪᑦ ᐱᖃᑕᐅᓯᒪᔪᓂᑦ.