ᐃᕐᓂᓱᒃᓰᓂᖅ

“]


[1] Pauktuutit, Suvaguuq, Vol. X, N0 1, 1995, p. 10.

ᐃᓕᖅᑯᓯᑐᖃᒃᑯᑦ ᐃᕐᓂᓱᒃᓰᓂᕐᒧᑦ ᐱᓕᒻᒪᒃᓴᖅᑕᐅᕙᒃᑐᑦ ᐊᒃᑐᐊᖓᓪᓚᕆᒃᓯᒪᓪᓗᓂ ᐃᓄᐃᑦ ᐃᓅᓯᖏᓐᓄᑦ ᐊᒻᒪᓗ ᐱᒻᒪᕆᐅᓪᓗᓂ ᐋᖅᑭᐅᒪᑎᑦᑎᓂᕐᒥᒃ ᐃᓚᒌᖕᓂᕐᒧᑦ ᐃᓄᐃᑦ ᓄᓇᓕᖏᓐᓂ. ᐅᖓᒋᓕᕈᑕᐅᓂᖓ ᐃᓚᒌᓂ ᐊᒻᒪᓗ ᓄᓇᓕᐅᔪᒧᑦ ᓱᕋᒐᒃᓴᐅᓇᓂ ᐊᒻᒪᓗ ᐱᒻᒪᕆᐅᑎᑕᐅᓯᒪᕗᖅ ᐃᕐᓂᔭᐅᓂᖓᑕ ᐅᖓᑎᐊᓄᑦ, ᐅᖓᕙᕆᐊᕈᑎᐅᓪᓗᓂ ᓱᕈᓯᐅᑉ ᐃᓕᓐᓂᐊᕐᓂᕆᔭᖓᓄᑦ ᐃᓂᒋᔭᖓᓄᓪᓗ ᓄᓇᓕᐅᔪᒥ. ᓱᕈᓰᑦ ᐅᖓᒋᔭᖃᑦᑎᐊᕐᓗᑎᒃ ᐃᓄᖕᒥᒃ ᐃᕐᓂᓱᒃᓰᓯᒪᔪᒧᑦ, ᐱᓗᐊᖅᑐᒥᒃ ᐊᓈᓇᑦᑎᐊᕆᔭᐅᓯᒪᑉᐸᑦ. ᓱᕈᓰᑦ ᐃᓕᓐᓂᐊᕐᑎᑕᐅᕙᓪᓗᑎᒃ ᖁᔭᓕᔭᕆᐊᖃᕐᓂᕐᒥᒃ ᐃᖅᑲᒋᔭᖃᑦᑎᐊᕆᐊᖃᕐᓂᕐᒥᓪᓗ ᐃᓄᖕᒥᒃ ᐃᑲᔪᕐᓯᒪᔪᖅ ᐃᓅᑎᓪᓗᒍ. ᐊᑑᑎᒋᓐᖑᐊᕐᓗᒍ, ᐱᖅᑯᓯᐅᓯᒪᕗᖅ ᓱᕈᓯᐅᑉ ᓯᕗᓪᓕᖅᐹᖅ ᒥᖅᓱᒐᒥᓂᒃ ᓯᕗᓪᓕᖅᐹᕐᓘᓐᓃᑦ ᐊᖑᒋᐅᖅᑕᒥᓂᒃ ᑐᓐᓂᖅᑯᑎᒋᓗᓂᐅᒃ ᐊᕐᓇᓕᐊᒥᓄᑦ. ᑕᒪᓐᓇ ᖁᔭᓕᔾᔪᓯᖅ ᑕᐃᒪᐃᖏᓐᓇᕐᑎᑕᐅᓕᒫᕐᓗᓂ ᐊᑐᓕᖅᑎᑕᐅᓯᒪᓪᓗᓂ ᐃᓚᒌᖕᓂᒃᑯᑦ ᓱᕈᓯᐅᑉ ᐃᓅᓯᓕᒫᖓᒍᑦ. ᖃᓄᐃᑦᑑᒐᔭᕐᓂᖓ ᐊᓯᔾᔨᖅᐸᓪᓕᐊᑎᓪᓗᒍ, ᑕᐃᒪᐃᒃᑲᓗᐊᖅᑎᓪᓗᒍ, ᐊᒥᓲᖏᓐᓂᕐᓴᐅᔪᓄᑦ ᐱᕕᒃᓴᐅᖃᑦᑕᕐᓯᒪᖕᒪᑦ ᐃᓄᐃᑦ ᐊᕐᓇᓄᑦ ᐃᕐᓂᓱᒃᓰᓂᕐᒧᑦ. ᐃᓄᐃᑦ ‘ᐊᔭᐅᖅᑐᕐᑕᐅᓯᒪᓪᓗᑎᒃ’ ᓄᓇᓕᖕᓄᐊᖅᑎᐅᖅᑲᕐᓗᑎᒃ ᒐᕙᒪᑐᖃᒃᑯᓐᓂ 1950-ᖏᓐᓂ ᐱᔾᔪᑎᒋᓪᓗᒋᑦ ᐃᓚᒌᓄᑦ ᐃᑲᔫᓯᐊᖅᑖᕐᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐱᔨᑦᑎᕋᕈᑎᑦ. ᐱᒋᐊᕐᓂᕆᔭᖓᓂ, ᒐᕙᒪᒃᑯᑦ ᐃᕐᓂᓱᒃᓰᔨᑦ ᐋᓐᓂᐊᓯᐅᕐᑎᓂᒃ ᐄᖓᓚᒥᓐᖔᕐᓯᒪᔪᓂᒃ ᐃᓄᐃᑦ ᓄᓇᓕᖏᓐᓄᐊᕐᑎᑦᑎᓯᒪᕗᑦ. ᑖᒃᑯᐊ ᐋᓐᓂᐊᓯᐅᖅᑏᑦ ᐃᓚᐅᕙᓪᓗᑎᒃ ᐃᕐᓂᓱᕝᕕᐅᔪᖅ ᐊᖏᕐᕋᕆᔭᐅᔪᒥ ᖃᐃᖁᔭᐅᑎᓪᓗᒋᑦ ᐱᓕᕆᖃᑎᖃᕐᓗᑎᓪᓗ ᐃᓄᐃᑦ ᐃᕐᓂᓱᒃᓰᔪᓂᒃ. ᑭᖑᓂᐊᒍᑦ, ᐊᕐᓇᐃᑦ ᖃᐃᖁᔭᐅᖃᑦᑕᓕᕐᓯᒪᓪᓗᑎᒃ ᐃᕐᓂᓱᒃᓰᖃᑕᐅᓗᑎᒃ ᐋᓐᓂᐊᕕᖕᓂ ᐃᓄᐃᑦ ᐃᕐᓂᓱᒃᓰᔨᐅᔪᓂᒃ ᐃᑲᔪᖁᓪᓗᒋᑦ ᐃᕐᓂᓱᒃᑐᖃᕐᑎᓪᓗᒍ. ᑭᓯᐊᓂ ᑭᖑᓂᖓᒍᑦᑕᐅᖅ, ᐃᓚᐅᖁᔭᐅᖃᑦᑕᕈᓐᓃᕐᓯᒪᓪᓗᑎᒃ. ᐊᖏᕐᕋᒥ ᐃᕐᓂᓱᖕᓂᖅ ᐊᒻᒪᓗ ᐃᓄᐃᑦ ᐃᕐᓂᓱᒃᓰᕙᖕᓂᖏᑦ ᐊᑐᖁᔭᐅᔪᓐᓃᖅᐸᓪᓕᐊᓯᒪᓪᓗᓂ ᐃᓛᓐᓂᒃᑯᓪᓗ, ᐃᓄᐃᑦ ᐃᕐᓂᓱᒃᓰᔨᐅᔪᑦ ᐅᓗᕆᐊᖅᓵᖅᑕᐅᖃᑦᑕᕐᓯᒪᓪᓗᑎᒃ ᒪᓕᒐᑎᒍᑦ ᖃᓄᐃᓕᐅᕈᑕᐅᒐᔭᕐᓂᖓᓄᑦ ᐊᖏᕐᕋᕆᔭᐅᔪᒥ ᐃᕐᓂᓱᒃᓰᓂᐊᖅᐸᑕ.[1] ᐃᓚᓕᐅᑎᓗᒍ, ᐋᓐᓂᐊᖅᑐᓕᕆᓂᕐᒧᑦ ᐊᐅᓚᑦᑎᔨᐅᔪᑦ ᐊᕐᓇᓂᒃ ᐊᑦᑕᕐᓇᖅᑐᒦᒃᑲᔭᕋᓱᒋᔭᐅᔪᓂᒃ ᐊᐅᓪᓚᕐᑎᑦᑎᖃᑦᑕᓕᓚᐅᕐᓯᒪᕗᑦ ᐋᓐᓂᐊᕕᐊᓗᖕᓄᑦ. ᑕᒪᓐᓇ ᐊᑐᓕᕈᑕᐅᖔᕐᓯᒪᓪᓗᓂ ᐅᓪᓗᒥᒧᑦ ᐱᓕᒻᒪᒃᓴᖅᑕᐅᕙᓕᕐᑐᒧᑦ ᑕᒪᕐᒥᑲᓴᒃ ᐃᓄᐃᑦ ᐊᕐᓇᐃᑦ ᐃᓂᕙᓕᕐᓗᑎᒃ ᐋᓐᓂᐊᕕᐊᓗᖕᓂ ᐊᖏᕐᕋᖏᑕ ᐅᖓᓯᒋᔭᒻᒪᕆᖓᓄᑦ. ᓄᓇᕕᒻᒥ, ᐃᕐᓂᓂᖅ ᓄᓇᓕᐅᑉ ᓯᓚᑖᓂ ᑕᐅᑐᖕᓂᕆᔭᐅᓕᖅᓯᒪᒋᕗᖅ ᓇᓗᓇᐃᒃᑯᑎᐅᓪᓗᓂ ᐃᖅᑲᒋᔭᖃᖏᓐᓂᕐᒧᑦ, ᐃᒃᓯᖕᓇᐃᓂᕐᒧᑦ ᐊᒻᒪᓗ ᓄᓇᑖᕐᕕᐅᓕᕐᓯᒪᓂᖓᓄᓪᓗ ᑐᕌᒐᕆᔭᐅᓪᓗᓂ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᐅᔭᕆᐊᖃᕐᓂᖏᓐᓄᑦ ᓄᓇᖃᖅᑳᕐᓯᒪᔪᑦ ᓄᓇᓕᖏᑦ. ᐸᐅᒃᑑᑎᒃᑯᑦ ᐱᓕᕆᐊᖃᒻᒪᕆᒃᓯᒪᕗᑦ ᒪᓕᒐᓕᐅᕆᔨᓂᒃ ᐊᔭᐅᖅᑐᐃᕆᓯᒪᕗᑦ ᐃᓄᐃᑦ ᐊᕐᓇᐃᑦ ᓄᓇᓕᖏᓐᓂ ᐃᕐᓂᓱᖃᑦᑕᓕᕐᓗᑎᒃ. ᐱᒋᐊᖅᑎᑕᐅᓯᒪᒋᕗᖅ ᑎᑎᕋᖅᑕᐅᓗᓂ ᐃᓕᖅᑯᓯᑐᖃᒃᑯᑦ ᐃᕐᓂᓱᒃᓰᕙᖕᓂᕐᒧᑦ ᐱᓕᒻᒪᒃᓴᖅᑕᐅᕙᖕᓂᖓ ᐊᓐᓇᐅᒻᒪᔾᔭᐃᖅᑕᐅᖁᓪᓗᒍ ᐃᓄᑐᖃᐃᑦ ᖃᐅᔨᒪᓂᕆᔭᖓᑦ ᐊᓯᐅᓚᐅᖅᑎᓐᓇᒍ. ᑲᑐᔾᔨᖃᑎᒌᒃᑯᑦ ᑕᑎᒋᔭᐅᓯᒪᕗᑦ ᖃᐅᔨᒪᓂᖃᑦᑎᐊᕐᓂᖏᓐᓄᑦ ᐃᓕᖅᑯᓯᑐᖃᒃᑯᑦ ᐃᓄᐃᑦ ᐱᓕᒻᒪᒃᓴᖃᑦᑕᕐᑕᖏᓐᓂᒃ ᐊᒃᑐᐊᓂᖃᕐᑐᑦ ᓇᔾᔨᔪᓕᕆᓂᕐᒧᑦ, ᐃᕐᓂᓱᖕᓂᕐᒧᑦ, ᐃᕐᓂᓱᒃᓰᔪᓕᕆᓂᕐᒧᑦ ᖃᐅᔨᓴᕐᓂᒃᑯᑦ ᐱᓕᕆᐊᖑᓯᒪᔪᑦ 1992/93-ᒥ. ᖃᐅᔨᒪᓂᕆᔭᐅᔪᑦ ᐃᓚᖃᕐᐳᑦ ᐃᓄᐃᑦ ᖃᐅᔨᒪᓂᑐᖃᕆᔭᖏᓐᓂᒃ ᐊᒃᑐᐊᓂᖃᕐᑐᑦ ᓇᔾᔨᔪᓂᒃ ᑲᒪᒋᔭᖃᑦᑎᐊᕐᓂᕐᒧᑦ ᐊᒻᒪ ᓂᕆᔭᒃᓴᑦᑎᐊᕙᖕᓂᒃ ᓄᐊᑕᐅᓯᒪᔪᑦ 75 ᑭᒡᓕᖃᖅᑎᑕᐅᖏᑦᑐᒃᑯᑦ ᐊᐱᖅᓱᕐᓂᐅᔪᓂᑦ ᐃᓕᖅᑯᓯᑐᖃᒃᑯᑦ ᐃᕐᓂᓱᒃᓰᔨᐅᓯᒪᔪᓂᒃ ᐅᑭᐅᖅᑕᖅᑐᒥ. ᐅᑎᕐᑎᑕᐅᓂᖓ ᐃᕐᓂᓱᒃᓰᕙᖕᓂᖅ ᐃᓕᓴᕆᔭᐅᕙᓪᓕᐊᕗᖅ ᑲᓇᑕᓕᒫᒥ ᐊᒻᒪᓗ ᐅᑭᐅᖅᑕᖅᑐᒥ ᓇᓖᕌᕈᑎᒃᓴᐅᓪᓗᓂ ᐃᓅᓕᓴᐃᓂᒃᑯᑦ ᐊᑲᐅᓂᕐᓴᒃᑰᕆᐊᖅᑎᑦᑎᓂᕐᒧᑦ. ᖁᕝᕙᕆᐊᖅᑎᑕᐅᕙᓪᓕᐊᖁᔭᐅᓯᒪᓂᖓᓄᑦ, ᐊᒻᒪᓗ ᐆᒃᑐᕋᖅᑕᐅᓂᒃᑯᑦ ᐊᑭᑭᓐᓂᕐᓴᐅᓯᒪᓂᖓᓄᑦ, ᐊᖏᖅᑕᐅᓯᒪᓂᖓᓄᓪᓗ ᒪᓕᒐᓕᐊᖑᓯᒪᓂᖓᓄᓪᓗ, ᐃᕐᓂᓱᒃᓰᕙᖕᓂᖅ ᑲᓇᑕᒥ ᐊᕕᒃᑐᖅᓯᒪᓂᐊᓂ ᑐᓐᖓᓂᖃᕐᐳᑦ. ᐃᓄᐃᑦ ᐃᕐᓂᓱᒃᓰᔨᐅᔪᑦ ᐱᓕᒻᒪᒃᓴᖅᑕᐅᕙᓕᕐᐳᑦ ᐊᒻᒪᓗ ᐊᒥᓲᓂᕐᓴᐅᔪᑦ ᐊᕐᓇᐃᑦ ᓂᕈᐊᕆᔭᖃᖔᕐᓂᕐᓴᐅᕙᓪᓕᐊᓪᓗᑎᒃ ᓄᓇᓕᒋᔭᒥᖕᓂ ᐃᕐᓂᖔᕐᓗᑎᒃ. ᐃᓄᐃᑦ ᐊᕐᓇᐃᑦ ᖁᔭᒋᔭᖃᑦᑎᐊᕋᓗᐊᕐᑎᓪᓗᒋᑦ ᐅᓪᓗᒥᐅᓕᖅᑐᒥ ᐃᓅᓕᓴᐅᑎᐅᔪᓄᑦ ᐊᒻᒪᓗ ᐱᑕᖃᐅᕐᓂᖓ ᓘᒃᑖᓂᒃ ᐋᓐᓂᐊᓯᐅᖅᑎᓂᓪᓗ ᐃᓗᐊᖏᔾᔪᑎᖃᑳᓪᓚᖕᓂᐊᕐᓂᖅᐸᑕ, ᖃᓪᓗᓈᓂ ᐋᓐᓂᐊᕕᐊᓗᖓᓂ ᐃᕐᓂᔭᕆᐊᖃᕐᓂᖅ ᐸᐃᓐᖑᕈᑎᐅᕙᒻᒪᑦ, ᑲᓐᖑᓱᓪᓗᑎᒃ ᐊᒃᓱᕈᓐᓇᕐᑐᖅᓯᐅᕐᓗᑎᓪᓘᓐᓃᑦ ᑖᒃᑯᓇᓂ ᐱᓕᕆᕝᕕᐅᔪᓂ. ᐋᓐᓂᐊᕕᐅᑉ ᐅᖓᓯᒃᑑᓂᖏᓐᓄᑦ ᑕᒪᕐᒥᐸᓗᒃ ᐃᓄᐃᑦ ᓄᓇᓕᖏᓐᓄᑦ ᐅᖃᐅᓯᕐᓗ ᐊᒡᕕᐊᕈᑎᐅᕙᖕᓂᖓᓄᑦ ᐊᕐᓇᒧᑦ ᐅᖓᓯᒃᑐᕐᓯᐅᖅᑯᐃᔨᒋᔭᐅᕙᒃᐳᖅ, ᑭᐱᓐᖑᔾᔪᑎᒋᔭᐅᓗᓂ ᐊᕕᒃᓯᒪᔾᔪᑎᐅᖅᑯᐃᔨᒋᔭᐅᓗᓂᓗ. ᑖᒃᑯᐊᓕᒫᖅ ᐱᔾᔪᑎᐅᔪᑦ, ᐃᓱᒫᓗᒍᑎᖃᕐᓂᕐᓗ ᕿᒫᐃᔭᕆᐊᖃᕐᓂᕐᒥᓂᒃ ᒥᑭᑦᑐᓛᖁᑎᖏᓐᓂᒃ, ᐃᓛᓐᓂᒃᑯᓪᓗ ᓄᑕᕋᓛᖏᓐᓂᒃ, ᐃᓚᖏᔭᖏᓐᓂᓪᓗ ᐊᑯᓂᐅᔪᒧᑦ, ᓴᖅᑮᔾᔪᑎᐅᓕᖃᑦᑕᕐᒪᑦ ᖃᓄᐃᖏᑦᑎᐊᓂᒃᑯᑦ ᐊᕙᑎᒋᒐᔭᖅᑕᕋᓗᐊᖓᓂ ᐃᕐᓂᕕᒋᒐᔭᖅᑕᖓᓂ. ᐱᕈᖅᑎᑦᑎᓂᖅ “ᖁᕝᕙᕆᐊᖅᑎᑦᑎᓇᓱᐊᓂᕐᒥᒃ, ᐃᑲᔪᖅᓱᐃᓂᖅ ᓴᓐᖏᓂᖃᓕᕐᑎᑦᑎᓂᕐᓗ ᐃᓄᐃᑦ ᐃᕐᓂᓱᒃᓰᔨᓂᒃ” ᑲᑎᒪᔾᔪᑕᐅᓯᒪᕗᖅ ᒫᔨ 13 – 15, 2007-ᒥ, ᐃᖃᓗᐃᑦ, ᓄᓇᕗᒥ, ᐸᐅᒃᑑᑎᒃᑯᑦ ᑲᑎᒪᒋᐊᕐᑎᑦᑎᓯᒪᕗᑦ ᐅᑭᐅᖅᑕᖅᑐᒥ ᐃᕐᓂᓱᒃᓰᓂᕐᒧᑦ ᐱᓕᕆᐊᖃᓂᕐᒥᒃ ᑲᑎᒪᔩᑦ (AMWG). ᒫᔨ 11-12, 2008-ᖑᑎᓪᓗᒍ, ᐱᓕᕆᐊᖃᓂᕐᒧᑦ ᑲᑎᒪᔩᑦ ᑲᑎᖃᑎᒌᒃᓯᒪᕗᑦ ᐊᑐᕚᒥ ᐊᒻᒪ ᓴᖅᑮᓯᒪᓪᓗᑎᒃ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᒃ ᑭᖑᓪᓖᒃ ᒪᕐᕉᒃ ᐊᕐᕌᒎᓂᐊᖅᑑᖕᓄᑦ. ᐱᓕᕆᐊᖃᕐᓂᕐᒧᑦ ᑲᑎᒪᔩᑦ ᐊᑐᓕᖁᔨᔾᔪᑎᒃᓴᓕᐅᖅᓯᒪᕗᑦ ᐸᐅᒃᑑᑎᒃᑯᑦ ᐊᐅᓚᑦᑏᓐᓇᕐᓗᑎᒃ ᑲᑎᒪᔨᓂᒃ ᑭᓯᐊᓂ ᐱᓕᕆᐊᖑᔭᕆᐊᖃᖅᑐᓕᒫᑦ ᑲᓇᑕᒥ ᖃᓄᐃᓕᐅᕈᑎᖃᓂᕐᒧᑦ ᐸᕐᓇᐅᑎᓕᐊᖑᔪᑦ ᐱᔭᕇᖅᑕᐅᑉᐸᑕ. 2008-2009-ᒥ ᐱᓕᕆᐊᖃᕐᓂᕐᒧᑦ ᑲᑎᒪᔩᑦ ᐊᑕᖏᕐᑐᑎᒍᑦ ᑲᑎᒪᖃᑎᒋᓪᓚᑦᑖᕐᓗᒋᑦ ᑲᑎᒪᖃᑎᖃᕈᓐᓇᕐᓯᓚᐅᖏᑦᑐᑦ ᐱᔾᔪᑎᒋᓪᓗᒍ ᓂᕆᐅᒋᔭᐅᖏᑦᑐᑦ ᖃᓄᐃᓕᖓᓂᕆᓚᐅᖅᑕᖏᓐᓄᑦ ᐊᒻᒪᓗ 2009/10-ᒥ 2010/11-ᒥᓗ ᑮᓇᐅᔭᖃᖅᑎᑕᐅᔪᓐᓇᕐᓯᒪᓇᓂ ᑕᒪᓐᓇ ᐱᓕᕆᐊᖑᕙᓪᓕᐊᔪᖅ ᐃᑲᔪᖅᓱᖅᑕᐅᖁᓪᓗᒍ. ᑲᑎᒪᔨᐅᖃᑕᐅᔪᑦ ᐱᓕᕆᐊᖃᕐᓂᕐᒧᑦ ᓯᕗᒧᐊᒃᑎᑦᑎᔪᒪᓯᒪᓪᓗᑎᒃ ᐃᓄᐃᑦ ᐃᕐᓂᓱᒃᓰᓂᕐᒧᑦ ᑲᑎᒪᔾᔪᑎᒃᓴᒥᒃ ᐊᒻᒪᓗ ᐊᑐᓕᖅᑎᑦᑎᔪᒪᓯᒪᓪᓗᑎᒃ ᐃᓗᓕᕆᔭᐅᔪᑦ ᐆᒃᑐᕋᐅᑦ ᑲᓇᑕᒥ ᐃᓄᐃᑦ ᐃᕐᓂᓱᒃᓰᕙᖕᓂᕐᒧᑦ ᖃᓄᐃᓕᐅᕈᑎᖃᓂᕐᒥᒃ ᐸᕐᓇᐅᑎᓕᐊᒧᑦ ᓴᖅᑭᑕᐅᓯᒪᓪᓗᓂ 2008-ᒥ. ᐃᕐᓂᕙᖕᓂᖅ ᐊᖏᕐᕋᒧᑦ ᖃᓂᓐᓂᕐᓴᐅᔪᒥᒃ ᓯᕗᓪᓕᐅᔾᔭᐅᒋᐊᖃᖅᑎᑕᐅᓯᒪᖕᒪᑦ ᐃᓄᐃᑦ ᓄᓇᓕᖏᓐᓂ.