ᐅᓖᐱᑲ ᐊᒻᒪᓗ ᐊᐃᓴᑭ

ᐱᓂᕐᓗᒃᑕᐃᓕᒪᔪᓕᕆᔨᒃᑯᑦ ᐸᐅᒃᑑᑎᒃᑯᓐᓂ ᐃᓄᐃᑦ ᐊᕐᓇᐃᑦ ᑲᓇᑕᒥ ᐱᒃᑯᒍᓱᓪᓗᑎᒃ ᐅᔾᔨᕆᔭᐅᑎᑦᑎᕗᑦ ᒪᕐᕉᒃ ᓄᑖᖑᓂᕐᐹᖑᔫᖕᓂᒃ ᐃᓚᖏᔭᐅᓕᕐᓯᒪᔪᑦ ᒪᒃᑯᒃᑐᓄᑦ ᐱᒋᐊᖅᑎᑦᑎᔾᔪᑎᒋᓯᒪᔭᑦᑎᓐᓄᑦ. ᐃᑲᔪᕐᑕᐅᓪᓗᑕ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᑎᓂᑦ, ᐅᓖᐱᑲ ᐊᒻᒪᓗ ᐊᐃᓴᑭ ᐃᓄᓐᖑᐊᖑᕘᒃ ᓴᖅᑭᑕᐅᓯᒪᔫᒃ ᑭᒡᒐᖅᑐᐃᓂᐊᕐᓗᑎᒃ ᐱᐅᔪᑎᒍᑦ ᐃᓕᖅᑯᓯᕆᔭᐅᓕᕈᓐᓇᕐᑐᓂᒃ ᐊᒻᒪᓗ ᓂᐱᖃᕈᑕᐅᓗᑎᒃ ᐅᓪᓗᒥᐅᓕᕐᑐᒥ ᒪᒃᑯᒃᑐᓄᑦ. ᒪᕐᕉᒃ ᑕᑯᓴᐅᑎᑕᐅᓂᐊᕐᓗᑎᒃ ᐊᔾᔨᒌᖏᑦᑐᒃᑯᑦ ᑐᓴᕈᑎᓕᕆᔾᔪᑎᑎᒍᑦ ᑐᕌᖓᓪᓗᐊᑕᕐᑐᑦ ᒪᒃᑯᒃᑐᓄᑦ ᐊᒃᑐᐊᓂᖃᕐᑐᓄᑦ ᐱᔾᔪᑎᒃᓴᓄᑦ, ᐱᓕᕆᐊᓄᑦ ᐊᑐᐊᒐᓄᓪᓗ.

ᓯᕗᓂᒃᓴᑦᑎᐊᑯᓗᒻᒥ ᖃᓄᐃᓕᖓᓕᕐᒪᖔᑦ ᖃᐅᔨᓴᖅᐸᓪᓕᐊᔪᓐᓇᕐᓂᐊᕐᐸᑦ ᐅᓖᐱᑲᐅᑉ ᐊᐃᓴᑭᐅᓪᓗ ᖃᓄᐃᓕᐅᕐᓂᕆᔭᖏᓐᓂᒃ ᑭᒃᑯᑐᐃᓐᓇᕐᓄᑦ ᑐᓴᕈᑎᓕᕆᔾᔪᑎᑎᒍᑦ ᕙᐃᔅᐳᒃᑯᑦ, ᑐᐃᑐᒃᑯᑦ ᐊᒻᒪᓗ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃᑎᒍᑦ.