ᐱᕋᔭᖕᓂᒃᑯᑦ ᐱᕋᔭᒃᑕᐅᓯᒪᔪᑦ

ᒫᓐᓇᐅᔪᑎᒍᑦ ᐊᒥᓲᓂᕆᔭᖏᑦ ᐋᓐᓂᕐᓯᕆᔾᔪᑕᐅᕙᒃᑐᑦ ᐃᓄᐃᑦ ᐊᕐᓇᓄᑦ 14 ᐊᒥᓱᐊᖅᑎᕐᑐᑎᒍᑦ ᖁᕝᕙᓯᖕᓂᕐᓴᐅᕗᖅ ᑲᓇᑕᓕᒫᒥ ᐊᑯᓪᓕᖅᐹᖅᓱᕐᓂᕆᔭᖓᒍᑦ ᐊᒻᓗ ᓇᓚᐅᑦᑖᕐᑕᐅᓯᒪᑐᐃᓐᓇᕐᑐᖅ 29 ᐳᓴᓐᑎ ᐊᐃᑉᐸᕇᓂ ᐱᓂᕐᓗᒃᓯᔾᔪᑕᐅᓯᒪᔪᑦ ᐅᓂᒃᑳᓕᐊᖑᓯᒪᓪᓗᑎᒃ.[1] ᓱᓕ, ᒫᓐᓇᓕᓴᐅᔪᖅ ᐊᒥᓲᓂᖏᑦ ᐱᓂᕐᓗᒃᓯᓂᒃᑯᑦ ᐱᕋᔭᒍᑕᐅᔪᑦ ᐅᑭᐅᖅᑕᖅᑐᒥ ᑎᓴᒪᐅᔪᖅᑐᑎᒍᑦ ᖁᕝᕙᓯᖕᓂᕐᓴᐅᕗᖅ ᑲᓇᑕᓕᒫᒥᓕ ᐊᑯᓪᓕᖅᐹᖅᓱᕐᓂᕆᔭᖓᒍᑦ, ᐊᒥᓲᕆᔭᖏᑦ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓯᒪᔪᑦ 10 ᐅᖓᑎᐊᓄᑦ ᐊᒥᓱᐊᖅᑎᕐᑐᑎᒍᑦ ᖁᕝᕙᓯᖕᓂᕐᓴᐅᓪᓗᓂ ᑲᓇᑕᓕᒫᒥᓕ ᐊᑯᓪᓕᖅᐹᕐᓱᕐᓂᕆᔭᖓᒍᑦ.[2]

ᐱᒋᐊᕐᓯᒪᓪᓗᓂ 21 ᔪᓚᐃ 2011-ᒥ, ᓈᓴᖅᑐᓕᕆᔨᒃᑯᑦ ᑲᓇᑕᒥ ᐅᖃᕐᓯᒪᕗᑦ ᑲᑕᒋᐊᖅᓯᒪᓪᓗᓂ ᐱᕋᔭᒍᑕᐅᓯᒪᔪᑦ ᑲᓇᑕᒥ, ᑕᐃᒪᐃᓐᓇᓂ ᓄᓇᕗᒥ.  ᐅᓂᒃᑳᓕᐅᕐᓯᒪᕗᑦ ᓇᓕᖅᑲᖏᓐᓃᑦᑐᑦ ᖃᓄᐃᓕᖓᓂᕆᓯᒪᔭᖏᑦ ᐱᔾᔪᑎᖃᕐᐳᖅ ᓄᓇᕗᒥᒃ:

  • ᓄᓇᕗᒥ ᐅᓂᒃᑳᓕᐊᕆᔭᐅᓯᒪᔪᑦ ᐱᕋᔭᖕᓂᕐᒧᑦ ᖁᕝᕙᕆᐊᖅᓯᒪᕗᖅ ᑎᓴᒪᑦ ᐳᓴᓐᑎᓄᑦ;
  • ᑭᓱᓕᒫᑎᒍᑦ, 10 ᐳᓴᓐᑎ ᖁᕝᕙᕆᐊᖅᓯᒪᓂᖃᕐᑐᖅ ᐱᓂᕐᓗᒃᓯᓂᒃᑯᑦ ᐱᕋᔭᖕᓂᕐᒧᑦ (ᐊᕐᕌᒍᖓ 2009-10);
  • ᓄᓇᕗᒥ ᐱᓂᕐᓗᒃᓯᓂᒃᑯᑦ ᐱᕋᔭᖕᓂᒻᒪᕆᐅᓯᒪᔪᑦ ᑕᓪᓕᒪᑦ ᐅᖓᑎᐊᓄᑦ ᐊᒥᓱᐊᖅᑎᕐᓯᒪᔪᑎᒍᑦ ᖁᕝᕙᓯᖕᓂᕐᓴᐅᓪᓗᓂ ᑲᓇᑕᓕᒫᒥᓕ.[3]

ᓇᓗᓇᐃᔭᐃᓂᖅ ᐱᔭᐅᔭᕆᐊᓕᖕᓂᒃ ᓯᕗᓪᓕᐅᔾᔭᐅᒋᐊᓖᓪᓗ ᐃᓄᐃᑦ ᐱᕋᔭᒃᑕᐅᓂᒃᑯᑦ ᓵᑕᐅᓯᒪᔪᑦ ᐱᒻᒪᕆᐅᕗᖅ ᐱᐅᓂᕐᓴᑎᒍᑦ ᐃᑲᔪᖅᑕᐅᓂᕐᓴᐅᖁᓪᓗᒋᑦ ᑖᒃᑯᐊ ᐃᓄᐃᑦ ᐃᓚᒌᓪᓗ. ᑲᓇᑕᓕᒫᒥ ᐅᖃᐅᔾᔪᐃᖃᑎᒌᖕᓂᖃᕐᓯᒪᕗᑦ ᐊᐅᓚᑕᐅᓪᓗᓂ ᐸᐅᒃᑑᑎᒃᑯᓐᓂ 2011-ᒥ ᐱᑕᖃᕐᑎᑦᑎᓯᒪᓪᓗᓂ ᐊᑦᑕᕐᓇᖏᑦᑐᒥ ᐃᓚᐅᔪᓐᓴᕐᓗᑎᓪᓗ ᐊᕙᑎᒋᔭᖓᓂ ᓇᓗᓇᐃᖅᑕᐅᖁᓪᓗᒋᑦ ᑕᒪᒃᑯᐊ ᐱᔭᐅᔭᕆᐊᓖᑦ ᐊᒻᒪᓗ ᐅᔾᔨᕈᓱᖕᓂᕐᓴᐅᑎᑦᑎᓂᕐᒧᑦ ᐱᕋᔭᒃᑕᐅᓯᒪᔪᑦ ᐱᔪᓐᓇᐅᑎᖏᓐᓂᒃ, ᐱᔨᑦᑎᕋᕈᑎᓄᑦ, ᐱᓕᕆᐊᓄᓪᓗ ᐊᒻᒪᓗ ᐃᓗᓕᖃᖏᓐᓂᐅᑐᐃᓐᓇᕆᐊᓕᖕᓂᒃ.