ᑐᓴᖅᑎᑦᑎᔾᔪᑏᑦ: 2013-ᒥ ᑲᑎᒪᕕᒡᔪᐊᕐᓂᖃᕐᓂᐊᕐᓂᖏᑕ

 

Suite 520, 1 Nicholas Street, Ottawa, ON, K1N 7B7 613 238 3977 FAX: 613 238 1787 www.pauktuutit.ca

ᐸᐅᒃᑑᑎᑦ ᐊᕐᓇᐃᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑲᓇᑕᒥ ᑲᑎᒪᕕᒡᔪᐊᕐᓂᖃᕐᓂᐊᖅᑐᑦ ᐋᑐᕙ, ᐋᓐᑎᐊᕆᐅᒥ, ᒫᔾᔨ 5-ᒥᑦ 7-ᒧᑦ, 2013-ᖑᓕᖅᐸᑦ. ᑲᑎᒪᔨᒋᔭᐅᔪᑦ ᐱᓕᕆᐊᖑᓚᐅᖅᑐᓂᒃ 2011-12 ᐊᑐᖅᑎᓪᓗᒍ ᑲᑎᒪᕕᒡᔪᐊᖅᑎᓪᓗᒋᑦ ᐅᖃᐅᓯᖃᖅᓂᐊᖅᑐᑎᒃ. ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ ᑭᒃᑯᑐᐃᓐᓇᓄᑦ ᒪᑐᐃᖖᒐᑎᑕᐅᓂᐊᕐᑐᖅ, ᓯᓂᒃᑕᕐᕕᖓᑕ Southway Hotel ᑲᑎᒪᕕᖓᓐᓂ.

ᐱᓕᕆᐊᖑᓂᐊᖅᑐᓄᑦ ᐃᓚᒋᔭᐅᓪᓗᓂ, ᓂᕈᐊᖅᖠᓂᖃᕐᓂᐊᕆᕗᑦ ᑲᑎᒪᔨᒋᔭᐅᓕᕐᓂᐊᖅᑐᓂᒃ ᓄᓇᑦᓯᐊᕗᒻᒥ, ᕿᑭᖅᑖᓘᑉ ᓯᕿᓂᖅᐸᓯᐊᓂ ᐊᒻᒪᓗ ᑭᕙᓪᓕᐅᑉ ᐊᕕᒃᑐᖅᓯᒪᓂᕆᔭᖏᓂᑦ, ᐊᒻᒪᓗ ᐊᑕᐅᓯᕐᒥᒃ ᒪᒃᑯᒃᑐᓄᑦ ᐱᔾᔪᑎᖃᖅᑎᐅᔪᑉ ᐃᓂᒋᓕᕋᔭᖅᑕᖓᓄᑦ.

ᑭᓇᑐᐃᓐᓇᖅ ᐊᕐᓇᖅ ᐃᓄᒃ ᓂᕈᐊᒐᒃᓴᖖᒍᖅᑎᑕᐅᔪᓐᓇᕐᐳᖅ ᐸᐅᒃᑑᑎᒃᑯᑦ ᑲᑎᒪᔨᖏᓄᑦ. ᓂᕈᐊᒐᒃᓴᖖᒍᖅᑎᑦᑎᔾᔪᑎᑦ ᑕᑕᑎᕆᐊᓖᑦ ᐱᔭᐅᔪᓐᓇᖅᐳᑦ ᓄᓇᓕᐅᔪᓂ ᕼᐋᒻᓚᒃᑯᑦ ᑎᑎᕋᕐᕕᖏᓐᓂᑦ, ᐸᐅᒃᑑᑎᒃᑯᑦ ᖃᕆᑕᐅᔭᑎᒍᑦ ᐊᑦᑕᑕᕐᕕᖓᓐᓂᑦ ᐅᕙᓂ ᑐᕌᕈᑎᒥ www.pauktuutit.ca, ᐅᕝᕙᓘᓐᓃᑦ ᐅᖄᓚᓗᓯ ᐊᑭᖃᖖᒋᑦᑐᒃᑯᑦ 1-800-667-0749-ᒧᑦ. ᓂᕈᐊᒐᒃᓴᖖᒍᖅᑎᑦᓯᕙᓪᓕᐊᓂᖅ ᐃᓱᓕᕝᕕᒃᓴᖃᖅᑎᑕᐅᓂᐊᕐᐳᖅ ᐱᔭᐅᓯᒪᓕᕆᐊᖃᕐᓗᑎᒃᓗ 5:00-ᒧᐊᖅᐸᑦ ᐅᓐᓄᒃᓴᒃᑯᑦ ᑕᓪᓕᒥᕐᒥ, ᒫᔾᔨ 1, 2013.

ᑕᒪᒃᑯᐊ ᒥᒃᓵᓄᑦ ᑐᓴᖅᑎᑕᐅᒋᐊᒃᑲᓐᓂᕈᒪᔪᑦ ᑕᑯᒋᐊᕈᓐᓇᖅᐳᑦ ᖃᕆᑕᐅᔭᑎᒍᑦ ᐊᑦᑕᑕᕐᕕᐊᓐᓂ ᐅᕙᓂ ᑐᕌᕈᑎᖓᓂ www.pauktuutit.ca, ᖃᕆᑕᐅᔭᑎᒍᑦ ᐊᐱᖅᑯᑎᖃᕐᓗᑎᒃ ᑐᕌᖅᑎᓪᓗᒋᑦ ᐅᕗᖓinfo@pauktuutit.caᒧᑦ, ᐅᕝᕙᓘᓐᓃᑦ ᐊᑭᖃᖖᒋᑦᑐᒃᑯᑦ ᐅᖃᓗᒡᓗᑎᒃ ᐅᕗᖓ 1-800-667-0749-ᒧᑦ.

AGM Notice Inuktitut