ᑮᓇᖅ ᐃᔨᖅᓯᒪᔭᐅᓂᖓ

ᐸᐅᒃᑑᑎᒃᑯᑦ ᐱᓕᕆᐊᖃᕈᓐᓇᕐᓯᓯᒪᕗᑦ ᐱᓕᕆᐊᖑᕙᓪᓕᐊᓂᖓ I ᐱᓕᕆᐊᖃᕐᓂᖅ ᐱᔭᐅᔭᕆᐊᓕᖕᓄᑦ ᓱᕈᓯᐅᑎᓪᓗᒋᑦ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓯᒪᔪᓄᑦ ᐱᓕᕆᐊᖅ 2007/08-ᒥ. ᐱᓕᕆᐊᒃᓴᕆᔭᐅᓯᒪᔪᑦ ᐋᖅᑭᒃᓯᓗᑎᒃ ᕿᓕᕐᑐᖅ ᑕᕐᕆᔭᖓᓕᐊᖑᓯᒪᔪᒥᒃ ᑭᒃᑯᓕᒫᓄᑦ ᐅᔾᔨᕈᓱᓕᖅᑎᑦᑎᔾᔪᑎᒃᓴᖅ ᐊᑎᖃᕐᑐᖅ ᑮᓇᐅᑉ ᐃᔨᖅᓯᒪᔭᐅᓂᖓ ᑲᓛᖦᖠᑦ ᓄᓈᓐᓂᑦ ᐅᖃᐅᓯᖓᓂᑦ ᑲᓇᑕᒥᐅᑦ ᐃᓄᒃᑎᑐᑦ ᐅᖃᐅᓯᖓᒎᓕᖅᑎᑕᐅᓯᒪᓪᓗᓂ, ᓴᖅᑭᑦᑎᓯᒪᓪᓗᑎᒃ ᐱᓕᕆᑎᑦᑎᔨᐅᔪᒧᑦ ᐃᓚᐅᔪᓄᓪᓗ ᐊᑐᐊᒐᒃᓴᑦ, ᑎᑎᕋᕐᓂᖅ ᐃᓚᓕᐅᔾᔨᓯᒪᓪᓗᓂ ᐱᓕᕆᐊᖃᕐᓂᕐᒧᑦ ᐅᖃᓕᒫᒐᒥᒃ ᑎᓴᒪᑦ ᐅᓪᓗᓄᑦ ᐱᓕᒻᒪᒃᓴᐃᓂᕐᒧᑦ ᐃᓕᓐᓂᐊᕐᓯᓐᓈᕐᑎᓪᓗᒋᑦ ᑲᑎᒪᑎᑦᑎᓂᖅ ᐃᖅᑲᓇᐃᔭᖅᑎᓄᑦ, ᐃᓕᓐᓂᐊᕐᑎᑦᑎᔨᐅᔪᓄᑦ ᐊᓯᖏᓐᓄᓪᓗ ᐱᓕᕆᔨᒻᒪᕆᐅᔪᓄᑦ.

ᐱᓕᕆᕙᓪᓕᐊᖑᓂᖓ II ᐱᓕᕆᐊᖃᕐᓂᖅ ᐱᔭᐅᔭᕆᐊᓕᖕᓄᑦ ᓱᕈᓯᐅᑎᓪᓗᒋᑦ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓯᒪᔪᕕᓃᑦ ᐋᖅᑭᒃᓱᖅᑕᐅᕙᓐᓪᓕᐊᕗᖅ ᑭᖑᓪᓕᕐᒧᑦ ᕿᓪᓕᕐᑐᖅ ᑕᕐᕆᔭᒐᓕᐊᖅ ᓴᖅᑭᑕᐅᓯᒪᓪᓗᓂ ᑲᓛᖦᖠᑦ ᓄᓈᓐᓂ. ᓯᕗᓪᓕᖅ ᑕᕐᕆᔭᒐᒃᓴᓕᐊᖑᓯᒪᔪᖅ ᐱᔾᔪᑎᖃᕐᑐᖅ ᐊᒃᑐᐃᔾᔪᑕᐅᓯᒪᔪᑦ ᓱᕈᓯᐅᑎᓪᓗᒍ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓯᒪᔪᖅ ᓱᕈᓯᐅᓪᓗᓂ ᑭᖑᓪᓕᖅ ᑕᕐᕆᔭᒐᓕᐊᖑᓯᒪᔪᖅ ᐱᔾᔪᖃᕐᑐᖅ ᐃᓐᓇᐃᑦ ᐃᓱᒪᒋᔭᓯᒪᔭᖏᑦ ᓱᕈᓯᐅᓪᓗᑎᒃ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓯᒪᔪᓂᒃ. ᐱᒻᒪᕆᐅᕗᖅ ᑕᒪᕐᒥᒃ ᓯᕗᓪᓕᖅ ᑭᖑᓪᓕᕐᓗ ᑕᕐᕆᔭᒐᓕᐊᖑᓯᒪᔪᑦ ᐃᓚᒋᔭᐅᓗᑎᒃ ᐱᓕᒻᒪᒃᓴᐃᔾᔪᑎᒧᑦ ᐃᓕᓐᓂᐊᕐᑎᑦᑎᔾᔪᑎᓄᑦ/ᐃᑲᔪᕈᑎᒃᓴᓄᑦ.

ᐱᔾᔪᑎᒋᓪᓗᒍ ᐃᓗᓕᖏᑦ ᐊᑦᑕᕐᓇᖅᑑᓂᖏᓐᓄᑦ ᐊᒻᒪᓗ ᐊᑦᑕᕐᓇᖏᑦᑐᒦᑦᑕᕆᐊᖃᕐᓂᖏᓐᓄᑦ ᐅᖃᐅᓯᐅᓂᐊᕐᑎᓪᓗᒋᑦ ᑕᒪᒃᑯᐊ ᐱᔾᔪᑎᒃᓴᐅᔪᑦ, ᐸᐅᒃᑑᑎᒃᑯᑦ ᐊᑐᓕᖁᔨᔾᔪᑎᒃᓴᓕᐅᕐᓯᒪᕗᑦ ᑮᓇᐅᑉ ᐃᔨᖅᑕᐅᓯᒪᓂᖓᓄᑦ ᐃᓕᓐᓂᐊᕈᑎᒃᓴᖅ ᐊᑐᕐᑕᐅᓗᓂ ᐃᓕᓐᓂᐊᕐᑎᑦᑎᕝᕕᐅᒐᔭᕐᑐᒥ ᑭᓯᐊᓂ ᐱᑕᖃᕐᓂᕐᓴᐅᑎᓪᓗᒋᑦ ᐃᑲᔪᖅᑐᐃᔾᔪᑎᒃᓴᑦ ᐃᑲᔪᕈᑎᒃᓴᓪᓗ ᓄᓕᐊᕐᓂᒃᑯᑦ ᐱᓂᕐᓗᒃᑕᐅᓂᒃᑯᑦ ᐱᕋᔭᒃᑕᐅᓯᒪᔪᓄᑦ, ᐱᓂᕐᓗᒃᑕᐅᓂᑯᓄᑦ ᐃᓚᖏᔭᖏᓐᓄᓪᓗ ᐊᑐᐃᓐᓇᐅᑎᓪᓗᒋᑦ ᓄᓇᓕᒋᔭᖏᓐᓂ.