ᑲᑐᔾᔨᖃᑎᖃᑎᒌᒃᑐᑦ ᑲᓇᑕᒥ

“]2012-ᖑᑎᓪᓗᒍ, ᐸᐅᒃᑑᑎᒃᑯᑦ ᑲᑐᔾᔨᖃᑎᖃᓕᓚᐅᕐᑐᑦ ᑲᑐᔾᔨᖃᑎᒌᒃᑐᑦ ᑲᓇᑕᒥ – Encounters with Canada ᑎᐅᕆ ᕚᒃᔅ ᑲᓇᑕᒥᐅᑦ ᒪᒃᑯᒃᑐᑦ ᐱᓕᕆᕝᕕᐊᓂᒃ ᐃᓕᓐᓂᐊᕐᑎᑦᑎᓂᕐᒥᒃ ᑲᑎᒪᓯᓐᓈᖅᑎᓪᓗᒋᑦ ᐱᓇᓱᐊᕈᓯᓕᒫᒧᑦ ᐃᓕᓐᓂᐊᕐᓂᕐᒧᑦ ᖃᐅᔨᒪᓂᕐᒥᓪᓗ ᑕᐅᖅᓰᖃᑎᖃᓂᕐᒧᑦ ᑲᑎᑲᑎᒌᖕᓂᕆᔭᐅᔪᒧᑦ ᑲᓇᑕᒥᐅᑦ ᒪᒃᑯᒃᑐᖏᓐᓂᑦ. ᐸᐅᒃᑑᑎᒃᑯᑦ ᓴᖅᑭᑎᑦᑎᓯᒪᕗᑦ ᑐᓂᓯᓯᒪᕗᓪᓗ ᐃᓕᓐᓂᐊᕐᑎᑦᑎᓂᐅᔪᓂᒃ ᑐᑭᒧᐊᒍᑎᖃᕐᓗᑎᒃ ᐃᑲᔪᕈᑎᒃᓴᕆᔭᐅᓯᒪᔪᓪᓗ ᐃᓅᖃᑎᒌᑦᓯᐊᒃᑲᓐᓂᕈᓐᓇᕐᓂᕐᒧᑦ ᓇᓛᒎᖅᑐᓂᒃ ᑭᒡᓯᓂᐊᖅᑎᓂᑦ ᐊᒻᒪᓗ ᓂᕆᐅᒋᔭᐅᓯᒪᔪᓄᑦ ᑐᓐᖓᕕᖓᓂᒃ.

ᑐᕌᒐᕆᔭᐅᓯᒪᔪᖅ ᐱᓕᕆᐊᒧᑦ ᐃᑲᔪᖅᑕᐅᓇᓱᐊᕐᓯᒪᓪᓗᑎᒃ ᑲᓇᑕᒥᐅᑦ, ᐱᓗᐊᖅᑐᒥᒃ ᒪᒃᑯᒃᑐᑦ (ᐃᓄᐃᑦ, ᐊᓪᓚᐃ, ᐊᓪᓚᖓᔪᑦ, ᓄᓇᖃᖅᑳᖅᓯᒪᔫᖏᑦᑐᓪᓗ, ᑲᓇᑕᒥᐅᑕᓐᖑᕋᑖᕐᑐᑦ ᐊᒻᒪᓗ ᓄᓇᐅᑉ ᐊᓯᐊᓂᓐᖔᕐᓯᒪᔪᑦ ᐊᕐᕌᒍᓖᑦ 14-17) ᑐᑭᓯᐅᒪᖁᓪᓗᒋᑦ ᐊᒃᑐᐃᔾᔪᑎᒋᔭᐅᓯᒪᔪᑦ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᐃᓄᖕᓂᑦ ᓄᓇᓕᒋᔭᖏᓐᓂᓪᓗ ᑐᕌᒐᖃᓕᖅᑎᑦᑎᓇᓱᐊᕐᓂᕐᒥᒃ ᐱᐅᓂᕐᓴᑎᒍᑦ ᑐᑭᓯᐅᒪᔭᐅᖁᓪᓗᒍ ᐃᓄᐃᑦ ᐃᓕᓐᓂᐊᕆᐊᖅᐸᓚᐅᖅᓯᒪᓂᖏᓐᓄᑦ.