ᓇᓗᓇᐃᔭᐃᓂᖅ ᐃᓄᐃᑦ ᐱᕋᔭᒃᑕᐅᓯᒪᔪᓄᑦ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐱᔭᕆᐊᓕᖏᓐᓂᓪᓗ

ᑖᓐᓇ ᐱᓕᕆᐊᖅ ᐋᖅᑭᒃᓱᖅᑕᐅᓯᒪᕗᖅ ᐃᓕᓴᕆᔭᐅᖁᓪᓗᒋᑦ ᐊᔾᔨᐅᖏᑦᑐᑦ ᐱᔭᐅᔭᕆᐊᓖᑦ, ᐱᔾᔪᑎᒃᓴᐅᔪᑦ ᐊᒻᒪᓗ ᓯᕗᓪᓕᐅᔾᔭᐅᒋᐊᓖᑦ ᐃᓄᐃᑦ ᐊᕐᓇᓄᑦ ᐊᒃᑐᐊᓂᖃᖅᑎᓪᓗᒍ ᐊᒃᑐᐃᔾᔪᑕᐅᓯᒪᔪᑦ ᐱᕋᔭᕝᕕᐅᓯᒪᓂᖏᓐᓄᑦ ᐊᒻᒪᓗ ᐅᓪᓗᒥᓕᓴᐅᔪᒥᒃ ᑐᑭᓯᒋᐊᕈᑎᒃᓴᖃᖅᑎᑦᑎᓂᕐᒧᑦ, ᐱᓕᕆᐊᑦ ᐊᒻᒪᓗ ᐱᔨᑦᑎᕋᕈᑎᑦ ᐊᑐᐃᓐᓇᐅᔪᑦ ᓄᓇᓕᖏᓐᓂ. ᖃᓄᐃᓕᔾᔪᑎᐅᓇᓱᐊᕐᓯᒪᔪᑦ ᐱᓕᕆᐊᒧᑦ ᐅᑯᐊᖑᕗᑦ:

  • ᐃᓕᓴᕆᔭᐅᖁᓪᓗᒋᑦ ᐱᔭᐅᔭᕆᐊᓖᑦ ᓯᕗᓪᓕᐅᔾᔭᐅᒋᐊᓖᓪᓗ ᐃᓄᐃᑦ ᐱᕋᔭᒃᑕᐅᓂᒃᑯᑦ ᓵᔾᔪᑕᐅᓯᒪᔪᑦ;
  • ᐱᔪᓐᓇᖁᓪᓗᒋᑦ ᑲᓇᑕᓕᒫᒥ ᑭᐅᔾᔪᑎᐅᓯᒪᔪᑦ ᖃᐅᔨᒪᓂᕐᒧᑦ ᐅᔾᔨᕈᓱᓕᖅᑎᑦᑎᓂᕐᒧᓪᓗ ᐃᓄᐃᑦ ᐱᕋᔭᒃᑕᐅᕙᒃᑐᑦ ᐱᔨᑦᑎᕋᕈᑎᓄᑦ ᐱᓕᕆᐊᓄᓪᓗ ᒫᓐᓇᐅᔪᒥ ᐊᑐᐃᓐᓇᐅᔪᑦ ᐃᓄᖕᓄᑦ ᓄᓇᖃᕐᑐᑦ 53 ᐅᑭᐅᖅᑕᖅᑐᒥ ᐅᖓᓯᒃᑐᒥᓗ ᓄᓇᓕᖕᓃᑦᑐᓄᑦ ᐊᒻᒪᓗ ᐊᖏᓂᕐᓴᐅᔪᑦ ᓄᓇᓕᐸᐅᔭᓕᖕᓂ ᐱᓕᕆᕝᕕᐅᔪᑦ ᐊᒥᓲᓂᕐᓴᐅᔪᓂᒃ ᐃᓄᖕᓂᒃ ᓄᓇᖃᕐᕕᐅᔪᑦ;
  • ᐅᔾᔨᕆᔭᐅᓂᕐᓴᐅᖁᓪᓗᒍ ᑐᑭᓯᒋᐊᕈᑎᒃᓴᖅ ᐱᔾᔪᑎᖃᕐᑐᖅ ᐱᔪᓐᓇᐅᑎᒋᔭᐅᔪᓄᑦ, ᐱᔨᑦᑎᕋᕈᑎᑦ ᐱᓕᕆᐊᓪᓗ ᐊᑐᐃᓐᓇᐅᔪᑦ ᐱᕋᔭᒃᑕᐅᓂᒃᑯᑦ ᓵᔾᔪᑕᐅᓯᒪᔪᑦ; ᐊᒻᒪᓗ
  • ᐃᓕᓴᖅᓯᓂᕐᒧᑦ ᐃᓗᓕᖃᖏᓐᓂᐅᑐᐃᓐᓇᕆᐊᓕᒃ ᐊᑐᐃᓐᓇᖃᕈᓐᓇᖁᓪᓗᒋᑦ ᐊᒻᒪᓗ/ᐅᕝᕙᓗ ᐊᑐᐃᓐᓇᐅᑎᑦᑎᑕᐅᔪᑦ ᑐᑭᓯᒋᐊᕈᑎᒃᓴᑦ, ᐱᔨᑦᑎᕋᕈᑎᑦ ᐱᓕᕆᐊᓪᓗ ᐃᓄᐃᑦ ᐱᕋᔭᒃᑕᐅᓂᒃᑯᑦ ᓵᔾᔪᑕᐅᓯᒪᔪᑦ.