ᐸᐅᒃᑑᑎᒃᑯᑦ ᐃᓄᐃᑦ ᐊᕐᓇᐃᑦ ᑲᓇᑕ ᓯᕗᓕᐅᕆᓯᒪᕗᑦ ᑲᓇᑕᒥ ᐃᖏᕐᕋᓯᑎᑕᐅᓯᒪᔪᒧᑦ ᑐᑭᓯᐅᒪᖃᑎᒌᑦᑎᐊᕐᓂᕐᒥᒃ ᐃᒡᓗᓕᕆᓂᕐᒧᑦ ᐊᒻᒪᓗ ᕿᒫᕕᖕᓂ ᑕᐃᒪᐃᓕᖓᓪᓚᒃᑐᓂᒃ ᐊᑐᖅᑕᐅᔪᓂᒃ ᐃᓄᖕᓂᑦ ᐊᕐᓇᓂᑦ, ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐃᓄᐃᑦ, ᐊᒻᒪᓗ ᖃᑕᖑᑎᖏᑦ ᐃᓚᖏᑦ – ᑕᒪᕐᒥᒃ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᑦ ᓄᓇᖓᓃᑦᑐᑦ ᓄᓇᓕᖅᐸᐅᔭᓂ ᑕᐃᑲᓂ ᐊᒥᓱᑦ ᐃᓄᐃᑦ ᓄᓇᖃᕐᕕᒋᔭᖏᓐᓂ.

ᐅᓇ ᐱᓕᕆᐊᕆᔭᕗᑦ ᒪᑐᓯᓗᑕ ᖃᐅᔨᒪᔾᔪᑎᒃᓴᓂᒃ ᐃᖅᐸᖅᓯᒪᔪᖏᓐᓂᒃ, ᐊᑑᑎᖃᑦᑎᐊᖅᑐᒥᒃ ᑮᓇᐅᔭᒃᓴᖃᖅᑎᑦᑎᓗᑕ ᐊᒻᒪᓗ ᐊᑐᐊᒐᖅ ᐋᕿᒋᐊᖅᑕᐅᑦᑎᐊᕐᓗᓂ, ᐊᒻᒪᓗ ᐱᕚᓪᓕᕐᓗᑎᒃ ᐃᓄᖕᓂᑦ ᐊᐅᓚᑕᐅᔪᑦ ᐃᒡᓗᒃᓴᑦ ᐋᕿᒃᓯᒪᑎᑦᑎᓂᐊᖅᑐᑦ ᐊᑐᖅᓯᓗᑎᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᐱᐅᓯᖏᓐᓂᒃ, ᐊᒻᒪᓗ ᖃᐅᔨᒪᔭᖏᓐᓂᒃ.

ᐅᓇ ᐱᓕᕆᐊᖑᔪᖅ ᑐᓐᖓᑎᑕᐅᔪᖅ ᐃᓄᐃᑦ ᖃᐅᔨᓴᕈᑎᓄᑦ ᓇᖕᒥᓂᖃᖅᑐᑦ ᑐᓐᖓᔾᔪᑎᒋᓗᒍ ᐊᒻᒪᓗ ᑲᓇᑕᒥ ᐃᓄᖕᓄᑦ ᐋᕿᒃᓯᒪᔾᔪᑎᒃᓴᑦ ᖃᐅᔨᓴᕐᓂᕐᒧᑦ.

ᐅᓇ ᐱᓕᕆᐊᖑᔪᖅ ᓴᓇᓯᒪᔪᖅ ᒪᓕᑦᑎᐊᖅᖢᓂ ᖃᐅᔨᓴᕈᑎᑦ ᐃᓗᓕᖏᓐᓂᒃ, ᐅᑯᐊᓗ ᖃᐅᔨᒪᑎᑦᑎᓂᐊᖅᑐᑦ ᐸᐅᒃᑑᑎᒃᑯᑦ ᑕᓪᓕᒪᓄᑦ-ᐊᕐᕌᒍᓄᑦ ᑭᒡᒐᖅᑐᐃᓗᑎᒃ ᐋᕿᒃᓯᒪᔾᔪᑎᒃᓴᓂᒃ, ᑐᑭᓯᓇᖅᓯᑎᑕᐅᓗᑎᒃ ᖃᐅᔨᓴᖅᑕᐅᔪᑦ ᐱᓕᕆᐊᖑᔾᔪᑕᐅᔪᓐᓇᕐᓗᑎᒃ ᐊᑐᐊᒐᓕᕐᓂᒃᒧᑦ ᐊᒻᒪᓗ ᑮᓇᐅᔭᒃᓴᓄᑦ ᐊᑐᓕᖁᔭᐅᔪᓄᑦ.

• 52.9% ᐃᓄᐃᑦ ᑕᒪᐃᓐᓂ ᐃᓄᐃᑦ ᓄᓇᖓᓂ ᐃᒡᓗᖃᖅᑐᑦ ᑕᑖᖅᖢᑎᒃ ᐃᓄᒋᐊᓗᐊᖅᖢᑎᒃ.
• 32.7% ᐃᓄᐃᑦ ᐊᖏᕐᕋᖃᖅᑐᑦ ᐊᖏᕐᕋᕐᓂ ᐊᒃᓱᐊᓘᖅᑐᑦ ᓴᓇᔭᕆᐊᓕᑦ ᓱᕋᒃᓯᒪᔪᑦ.
• ᐃᓄᐃᑦ ᐊᕐᓇᐃᑦ ᐅᑯᐊ 6× ᐱᓂᖅᓴᐅᔪᑦ ᓄᓇᖅᑲᖅᑳᖅᓯᒪᔫᓐᖏᑦᑐᓂᑦ ᐊᕐᓇᓂᑦ ᐃᒡᓗᖃᖅᑐᑦ ᐃᒡᓗᑦᑎᐊᕙᐅᓐᖏᑦᑐᓂᒃ.
• ᖃᓂᒋᔮᓂ 59% ᐃᓄᐃᑦ ᓄᓇᖏᑦ ᐱᑕᖃᓐᖏᑦᑐᑦ ᕿᒫᕕᖕᓂᒃ. ᐅᑯᐊ ᖃᓄᐃᓕᖓᓂᖏᑦ ᕿᒫᕕᑦ ᐊᒃᑐᐃᔪᑦ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ, ᐃᓘᓯᖏᓐᓄᑦ, ᐊᒻᒪᓗ ᖃᓄᐃᖏᑦᑎᐊᕆᐊᖃᕐᓂᖏᓐᓄᑦ ᐃᓄᐃᑦ ᐊᕐᓇᐃᑦ, ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐃᓄᐃᑦ ᐊᒻᒪᓗ ᐃᓚᖏᑦ ᖃᑕᖑᑎᖏᑦ, ᐱᓗᐊᖅᑐᒥᒃ ᑖᒃᑯᐊ ᕿᒫᓯᒪᔪᑦ ᐋᓐᓂᖅᓯᖅᑕᐅᖃᑦᑕᕋᒥᒃ.
• ᐃᓄᖕᓂᑦ-ᐊᐅᓚᑕᐅᔪᓂᒃ ᐋᕿᒃᓯᒪᔾᔪᑎᒃᓴᑦ ᖃᐅᔨᓇᖅᓯᑎᑦᑎᓯᒪᔪᑦ ᐊᑑᑎᖃᖅᑐᓂᒃ – ᑕᐃᑲᓂ ᐃᓄᐃᑦ ᓯᕗᓕᐅᖅᑎᑦ ᐃᒡᓗᓕᕆᓂᕐᒧᑦ ᐅᓄᖅᓯᓯᒪᓕᖅᑐᑦ ᐊᕙᑖᓂᑦ 1981 ᐊᒻᒪᓗ 2021, ᓄᓇᓕᖕᓂ ᖃᓄᐃᖏᑦᑎᐊᖁᓪᓗᒋᑦ ᐱᐅᓯᕚᓪᓕᖅᑎᑦᑎᓯᒪᓕᖅᑐᑦ ᐃᒪᓐᓇᐅᑎᒋᔪᖅ 21%.

ᐸᐅᒃᑑᑎᒃᑯᑦ ᐃᓄᖕᓄᑦ-ᐱᓯᒪᔪᑦ ᐊᖑᑎᓄᑦ ᐊᕐᓇᓄᓪᓗ ᖃᓄᐃᓕᐅᕈᑎᒃᓴᐃᑦ ᑐᑭᒧᐊᒃᑎᑦᑎᔪᑦ ᖃᐅᔨᓴᕐᓂᕐᒥᒃ ᐊᒻᒪᓗ ᒪᓕᒃᑐᑦ ᐅᓗᕆᐊᓇᖅᑐᑰᖅᓯᒪᔪᑦ, ᑐᑭᖃᖅᑐᓂᒃ, ᐊᒻᒪᓗ ᐃᓄᖕᓂᑦ-ᐊᐅᓚᑕᐅᔪᓂᒃ ᖃᐅᔨᓴᕈᓯᕐᓂᕐᒥᒃ.

ᐅᓇ ᐱᓕᕆᐊᖑᔪᖅ ᐱᓕᕆᔭᐅᔪᖅ ᐃᑲᔪᖅᑎᒋᓪᓗᒋᑦ ᐃᓄᐃᑦ ᓄᓇᑖᖅᓯᒪᔪᑦ ᐊᐅᓚᑦᓯᔨᖏᑦ, ᖃᐅᔨᒪᓂᐊᕋᑦᑕ ᐅᑯᐊ ᓇᓂᔭᐅᔪᑦ ᐊᑑᑎᖃᖅᑐᑦ, ᐃᒃᐱᒍᓱᑦᑎᐊᖅᑐᑦ, ᐊᒻᒪᓗ ᐃᑲᔫᑎᔪᑦ ᑖᒃᑯᓄᖓ ᓴᓇᖃᑕᐅᔪᓄᑦ ᐃᓄᐃᑦ ᓄᓇᖏᓐᓂ. ᐅᓇ ᖃᐅᔨᓴᕐᓂᖅ ᐊᖏᖅᑕᐅᓯᒪᔪᑦ ᑕᒪᐃᓐᓂᑦ ᑎᓴᒪᓂᑦ ᐊᕕᒃᑐᖅᓯᒪᔪᓂᑦ ᐃᓄᐃᑦ ᓄᓇᖓᓂ.

ᐊᒡᒋᖅᑐᖅ ᑭᒡᒐᖅᑐᖅᑎᐅᓂᖅ ᓂᕈᐊᖅᑕᐅᓯᒪᔪᓂᑦ ᓇᓗᓇᐃᑦᑎᐊᖅᓯᒪᓂᐊᖅᑐᖅ ᐊᑕᐃᓐᓇᕐᓂᐊᖅᑐᓂᒃ ᐱᓕᕆᐊᒃᓴᓂᒃ ᐃᒪᓐᓇ:

• ᐋᕿᑦᑎᐊᕐᓗᒋᑦ ᐊᑯᓂᐅᔪᒃᑯᑦ, ᐊᔾᔨᒋᔭᐅᓐᖏᑦᑑᓪᓗᑎᒃ-ᐱᓯᒪᓂᖃᖅᑐᓂᒃ ᑮᓇᐅᔭᒃᓴᓂᒃ ᐃᓄᐃᑦ ᐃᒡᓗᒃᓴᖏᓐᓄᑦ ᐊᒻᒪᓗ ᕿᒫᕕᒃᓴᖏᓐᓄᑦ
• ᐱᕚᓪᓕᖅᑎᓯᒪᓗᒋᑦ ᐃᓄᐃᑦ ᓯᕗᓕᐅᖅᑎᑦ ᐊᒻᒪᓗ ᑐᑭᒧᐊᒃᑎᑦᑎᓂᖅ ᐃᒡᓗᐃᑦ ᖃᓄᖅ ᓴᓇᓯᒪᓂᐊᕐᓂᖏᓐᓄᑦ, ᑐᓂᓯᓂᕆᓂᐊᖅᑕᒥᖕᓂᒃ, ᐊᒻᒪᓗ ᐊᑐᐊᒐᕐᓂᒃ
• ᐃᑲᔪᕐᓗᒋᑦ ᐃᓄᖕᓂᑦ-ᐊᐅᓚᑕᐅᔪᑦ ᖃᐅᔨᓴᕐᓂᖅ, ᖃᐅᔨᓴᕈᑎ ᑐᑭᓯᓇᖅᓯᔪᑦ, ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑦ ᐱᕙᓪᓕᐊᑎᑕᐅᓂᖏᑦ.
• ᐊᔭᐅᖅᓯᓗᑎᒃ ᐱᐅᓯᑐᖃᕐᒧᑦ ᐊᑑᑎᖃᖅᑐᑦ ᕿᒫᕕᖕᓂᒃ ᐊᒻᒪᓗ ᑕᒪᐃᓐᓄᑦ ᐃᑲᔫᑎᒃᓴᓂᒃ, ᐃᓚᒋᔭᐅᓪᓗᒋᑦ ᐱᓕᕆᑎᑦᑎᔾᔪᑕᐅᔪᑦ ᐃᓐᓇᑐᖃᕐᓄᑦ ᐊᒻᒪᓗ ᐱᔭᕆᐅᖅᓴᑎᑦᑎᓂᖅ ᕿᒫᕕᖕᒥ ᐃᖅᑲᓇᐃᔭᖅᑎᓂᒃ  

ᑕᐃᒪᓗ ᕿᒫᕕᖕᒥᒃ ᐊᐅᓚᑦᑎᔨᐅᒍᕕᑦ, ᐱᔨᑦᑎᕋᖅᑎᐅᒍᕕᑦ, ᐅᕝᕙᓘᓐᓃᑦ ᐊᑐᐊᒐᕐᑎᒍᑦ ᑭᒡᒐᖅᑐᖅᑎᐅᓂᖅ, ᑐᓴᖅᑕᐅᖁᔭᓯ ᐊᒻᒪᓗ ᐊᑐᖅᓯᒪᔭᓯ ᐃᑲᔪᕈᓐᓇᖅᑐᑦ ᓴᖕᖏᒃᑎᒋᐊᕐᓗᒍ ᑕᒪᓐᓇ ᐱᓕᕆᐊᕆᔭᕗᑦ.

ᐃᓕᑦᑎᒃᑲᓐᓂᕈᓐᓇᖅᑐᑎᑦ ᐅᕝᕙᓘᓐᓃᑦ ᐃᓚᐅᔪᓐᓇᖅᑐᑎᑦ ᐱᓕᕆᐊᖑᔪᒧᑦ, ᐅᖃᖃᑎᒋᓗᒍ:

ᑭᒻ ᐋᓕᕗ
ᐃᓇᖐᓯᒪᔪᖅ ᐊᐅᓚᑦᓯᔨᖓᓂ, ᐃᓅᓯᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ
ᐸᐅᒃᑑᑎᒃᑯᑦ ᐃᓄᐃᑦ ᐊᕐᓇᐃᑦ ᑲᓇᑕ
koliver@pauktuutit.ca

ᕿᒫᕕᖕᓂᒃ ᐊᐅᓚᑦᑎᔩᑦ ᐱᕕᖃᖅᑎᑕᐅᕗᑦ ᐃᑲᔪᕐᓗᑎᒃ ᐱᕈᖅᐸᓪᓕᐊᔪᒥ ᖃᐅᔨᓴᕈᑎᓂᒃ ᓄᐊᑦᑎᕕᐅᔪᖅ ᑖᒃᑯᓂᖓ ᕿᒫᕕᖕᓂᒃ ᐊᐅᓚᑦᑎᔪᑦ ᑕᒪᐃᓐᓂ ᑲᓇᑕ. ᐃᓚᐅᔪᑦ ᐃᑲᔪᕐᓂᐊᖅᑐᑦ ᓴᖕᖏᒃᑎᒋᐊᕐᓗᒋᑦ ᑕᑯᔭᐅᓯᒪᔪᓂᒃ-ᐱᓯᒪᔪᑦ ᑭᒡᒐᖅᑐᐃᓂᖅ ᐱᐅᓯᕚᓪᓕᕐᓂᐊᕐᒪᑕ ᐃᑲᔪᖅᑕᖏᓂᖏᑦ ᐃᓄᐃᑦ ᐊᕐᓇᐃᑦ, ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐃᓄᐃᑦ, ᐊᒻᒪᓗ ᐃᓚᖏᑦ ᕿᓂᖅᑐᑦ ᐃᓯᕆᐊᖃᖅᑐᑦ ᕿᒫᕕᖕᓄᑦ. ᑕᒪᒃᑯᐊ ᐃᓚᐅᔪᑦ ᐱᑎᑕᐅᓂᐊᖅᑐᑦ ᑐᓐᓂᖁᓯᐊᓂᒃ ᑐᕌᖅᑐᓄᑦ ᕿᒫᕕᒃ ᐱᖁᑎᒃᓴᖏᓐᓂᒃ.   

ᐃᓚᐅᓂᐊᕐᓗᑎᑦ, ᐊᑏ ᓇᕿᓪᓗᒍ ᐅᕘᓇ.