ᐊᐱᖅᑯᑏᑦ ᐊᒻᒪ ᑭᐅᔾᔪᑏᑦ
- ᑭᒃᑯᑦ ᐱᔪᓐᓇᖅᑎᑕᐅᕙᑦ ᐱᔪᓐᓇᖅᑲ ᕿᒫᕕᓐᓄᑦ ᐱᓕᕆᐊᓄᑦ ᑮᓇᐅᔭᖃᖅᑎᑕᐅᓂᕐᒧᑦ?
ᐃᓄᐃᑦ ᐊᒻᒪ ᓄᓇᑖᓂᕐᒧᑦ ᑲᑐᔾᔨᖃᑎᒋᑦ ᐊᒻᒪ ᒐᕙᒪᐃᑦ ᐃᓄᐃᑦ ᓄᓇᖓᓐᓂ ᐊᒻᒪ ᐃᓄᒋᐊᑦᑐᓃᑦᑐᓂᑦ, ᐱᔪᓐᓇᖅᑎᑕᐅᔪᑦ ᑐᓂᓯᓗᑎ ᑐᔅᓯᕋᐅᑎᓕᐅᕆᐊᓐᖓᓂᕐᒨᖓᔪᓄᑦ. ᐃᓄᓐᓄᑦ ᑐᔅᓯᕋᐅᑎᓕᐅᕈᑏᑦ ᓯᕗᓪᓕᐅᔾᔭᐅᑎᑕᐅᓂᐊᖅᑐᑦ.
ᐃᓄᓐᓅᖏᑦᑐᖅ ᑲᑐᔾᔨᖃᑎᒌᑦ ᐊᒻᒪ ᒐᕙᒪᐃᑦ ᐱᔪᓐᓇᖅᑎᑕᐅᒻᒥᔪᑦ. ᑖᒃᑯᐊ ᑐᔅᓯᕋᐅᑎᓕᐅᕈᑏᑦ ᓇᓗᓇᐃᖅᓯᒋᐊᖃᓂᐊᖅᑐᑦ ᐃᓄᐃᑦ ᓄᓇᓕᖏᓐᓂ ᐱᔨᑦᑎᖅᑕᖏᓐᓂ, ᐊᒻᒪ ᑕᑯᔅᓴᐅᑎᑕᐅᓯᒪᔪᖃᖅᑐᓂ ᐃᑲᔪᖅᑕᐅᓂᕐᒧᑦ ᐃᓄᓐᓄᑦ ᓄᓇᓕᒻᒥ ᐱᔪᓐᓇᐅᑎᓕᓐᓂᑦ, ᐊᒻᒪ ᐃᓄᓐᓄᑦ ᑐᑭᒧᐊᖅᑎᑕᐅᔪᑦ ᐱᔨᑦᑎᕋᐅᑏᑦ.
- ᖃᓄᐃᑦᑐᑦ ᐱᓕᕆᐊᑦ ᖃᓄᐃᑦᑑᓂᖏᑦ ᕿᒫᕕᓐᓄᑦ ᐱᔪᓐᓇᖅᑎᑕᐅᕙᑦ ᐊᑖᓂ ᑕᕝᕙᓂ ᐱᓕᕆᐊᓂᑦ?
ᑮᓇᐅᔭᖃᖅᑎᑕᐅᓂᖅ ᐊᑖᓂ ᑕᕝᕙᓂ ᐱᓕᕆᐊᒥᑦ ᓄᑖᓄᑦ ᓴᓇᔭᐅᔪᓄᑦ ᐅᕝᕙᓘᓐᓃᑦ ᓂᐅᕕᖅᑕᐅᓂᖓᓄᑦ ᐊᒻᒪ ᐊᓯᔾᔨᖅᑕᐅᓂᖓᓄᑦ ᒫᓐᓇᐅᔪᒥᑦ ᐱᖁᑎᐅᔪᖅ ᓴᖅᑭᖅᑎᑕᐅᓂᖓᓄᑦ ᓄᑖᖅ ᕿᒫᕕᒻᒧᑦ ᐃᓂᐅᔪᑦ ᑐᕌᖓᑎᑕᐅᔪᑦ ᐃᓄᓐᓄᑦ ᐊᕐᓇᓄᑦ, ᓱᕈᓯᕐᓄᑦ ᐊᒻᒪ 2SLGBTQ ᕿᒫᔪᓄᑦ ᐃᓚᒌᓂ ᐋᓐᓂᖅᑎᕆᓂᕐᒥᑦ.
- ᖃᑦᑎᑦ ᕿᒫᕖᑦ ᓴᓇᔭᐅᓂᐊᖅᑲᑦ ᐊᑖᓂ ᑕᕝᕙᓂ ᐱᓕᕆᐊᓂᑦ?
ᑮᓇᐅᔭᖃᖅᑎᑕᐅᓂᐅᔪᑦ ᐃᓕᐅᖅᑲᖅᑕᐅᓯᒪᔪᑦ ᑮᓇᐅᔭᖃᖅᑎᑦᑎᓗᑎ 5 ᐃᓄᓐᓄᑦ ᑐᕌᖓᔪᓂᑦ ᕿᒫᕈᓐᓂᑦ.
- ᖃᑦᑎᐅᕙᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᐅᕙᑦ ᓴᓇᓗᓂ ᕿᒫᕕᓐᓂᑦ?
ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᑮᓇᐅᔭᖃᖅᑎᑦᑎᓂᐊᖅᑐᑦ ᑐᓐᖓᓂᖃᖅᑐᓂ ᐊᑭᒋᒐᔪᑦᑕᖏᓐᓂ $7.2 ᒥᓕᐊᓐ ᐊᑕᐅᓯᖅ ᕿᒫᕕᒃ ᐅᑭᐅᑕᖅᑐᒥ ᓄᓇᖓᓄ ᓇᒦᓐᓂᖓᓄ ᓄᓇᓕᕐᔪᐊᒥᑦ ᐊᒻᒪ $3.48 ᒥᓕᐊᓐ ᐊᑕᐅᓯᖅ ᕿᒫᕕᒃ ᖃᓪᓗᓛᓂᑦ ᐊᒻᒪ ᐃᓄᒋᐊᑦᑐᓃᑦᑐᓂᑦ. ᑭᓯᐊᓂᓕ, ᑐᔅᓯᕋᐅᑎᓕᐅᖅᑐᑦ ᐱᑕᖃᖅᑎᑦᑎᔭᕆᐊᓖᑦ ᓴᓇᔭᐅᓂᖓᓄᑦ ᐊᑐᖅᑐᓴᓂᑦ ᑐᕌᖓᔪᓂᑦ ᑐᔅᓯᕌᖓᓄᑦ ᐃᓪᓗᒧᑦ.
ᐃᓕᐅᖅᑲᖅᑕᐅᓂᕆᓯᒪᔭᖏᑦ ᖁᔭᓈᖅᑕᐅᔪᓐᓇᖅᑐᑦ ᐊᑐᖅᑐᐊᕈᑎᑦ ᑎᑭᓯᒪᔪᓄᑦ 100% ᐱᔪᓐᓇᖅᑎᑕᐅᔪᑦ ᐊᑭᑐᔪᓄᑦ ᐊᑭᖏᓐᓄᑦ ᓴᓇᔭᐅᓂᖏᓐᓄᑦ ᓄᑖᑦ ᕿᒫᕖᑦ ᐅᕝᕙᓘᓐᓃᑦ ᓂᐅᕕᖅᑕᐅᓂᖓᓄᑦ ᐊᒻᒪ ᓇᔪᕋᖅᓴᐅᑎᑕᐅᓕᖅᑎᑲᓐᓂᕐᓂᖏᓐᓄᑦ ᐃᓪᓗᐃᑦ ᐊᓯᔾᔨᖅᑕᐅᓂᖏᓐᓄᑦ ᕿᒫᕕᓐᓄᑦ. ᓂᕈᐊᖅᑕᐅᓯᒪᔪᑦ ᑐᔅᓯᕋᐅᑎᓕᐅᖅᑐᑦ ᐊᖏᖃᑎᖃᓂᐊᖅᑐᑦ ᐊᑐᖅᑐᐊᓂᕐᒧᑦ ᐊᖏᕈᒻᒥᑦ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ (CMHC) 20 ᐊᕐᕌᒍᓂᑦ ᐊᑯᓂᐅᓂᖃᖅᑐᒧᑦ. ᐊᑕᖏᖅᑐᒍ ᐊᖏᓂᖓ ᖁᔭᓈᖅᑕᐅᔪᓐᓇᖅᑐᑦ ᐊᑐᖅᑐᐊᖅᑕᐅᔪᑦ ᐱᑎᑕᐅᖃᑦᑕᓂᐊᖅᑐᑦ 20 ᐊᔾᔨᒌᓂᑦ ᐊᕐᕌᒍᑕᒫᑦ ᐊᖏᓂᖏᓐᓂᑦ, ᐱᑕᖃᖅᑎᑕᐅᓪᓗᑎ ᖃᓄᐃᓘᕈᑕᐅᓂᐊᖅᑐᑦ ᓇᓗᓇᐃᔭᖅᓯᒪᓂᖏᓐᓄᑦ ᐊᒻᒪ ᖃᓄᐃᓐᓂᕆᒋᐊᓕᖏᑦ ᐊᖏᕈᒻᒥᑦ ᐱᓕᕆᐊᖑᐃᓐᓇᕐᓗᑎ.
ᐱᔪᓐᓇᖅᑎᑕᐅᔪᑦ ᐊᑭᑐᔪᓄᑦ ᐊᑭᖏᓐᓄᑦ ᐱᖃᓯᐅᔾᔨᔪᑦ:
- ᓄᓇᒥᑦ ᓂᐅᕕᕐᓂᖅ
- ᓴᓇᔭᐅᓂᖓ, ᓂᐅᕕᖅᑕᐅᓂᖓ ᐊᒻᒪ ᓇᔪᕋᖅᓴᐅᑎᑕᐅᓕᖅᑎᑲᓐᓂᕐᓂᖏᓐᓄᑦ ᐅᕝᕙᓘᓐᓃᑦ ᐊᓯᔾᔨᖅᑕᐅᓂᖓᓄᑦ ᐃᓪᓗᐃᑦ
- ᐊᕿᑦᑐᑦ ᐊᑭᖏᑦ (ᓲᕐᓗ. ᓴᓇᓯᒪᔪᓕᕆᔨ, ᓴᓇᔪᓕᕆᔨ, ᐅᕝᕙᓘᓐᓃᑦ ᐱᓕᕆᐊᒧᑦ ᐊᐅᓚᑦᑎᓂᕐᒧᑦ ᐊᑭᓕᕆᐊᓖᑦ, ᐊᓯᖏᑦ ᐅᖃᐅᔾᔨᒋᐊᖅᑎᓂᑦ ᐊᑭᖏᑦ, ᐊᑭᖏᑦ ᐱᕙᓪᓕᐊᑎᑦᑎᓂᕐᒧᑦ ᐊᑭᓕᕆᐊᓕᓐᓂᑦ ᐊᒻᒪ/ᐅᕝᕙᓘᓐᓃᑦ ᐱᒧᓐᓇᐅᑎᓄᑦ, ᑖᒃᓰᑦ, ᓴᓇᔭᐅᓂᖓᓄᑦ ᓇᓪᓕᐅᒃᑯᒫᑦ, ᕿᑐᓐᖏᐅᕈᑎᖏᓐᓄᑦ ᐊᑭᓕᕆᐊᓖᑦ ᒫᓐᓇᐅᔪᒥᑦ ᑮᓇᐅᔭᖃᖅᑎᑕᐅᓂᕐᒧᑦ, ᒪᓕᒐᓕᕆᓂᕐᒧᑦ ᐊᑭᓕᕆᐊᓖᑦ, ᖃᐅᔨᓴᓂᕐᒧᑦ, ᐊᑎᖃᖃᑕᐅᓂᖅ ᐃᓕᓴᕆᔭᐅᓯᒪᔪᓂᑦ ᖁᓚᕐᓇᐃᖅᓯᒪᔪᓂᑦ ᐱᓕᕆᐊᓂᑦ ᐊᑐᕈᓂ, ᐊᒻᒪ ᓴᖅᑭᔮᖅᑎᑦᑎᓂᕐᒧᑦ ᐊᑭᖏᓐᓄᑦ ᐊᑭᑦᑐᕋᐅᑎᔾᔪᑎᓄᑦ.)
- ᐱᔭᔅᓴᐅᓂᖏᓐᓄᑦ ᐃᓄᒻᒧᑦ ᐊᔪᕈᑎᓕᓐᓄᑦ
- ᑎᓯᔪᑦ ᐃᓪᓗᒥᐅᑕᐃᑦ ᐱᑕᖃᕆᐊᖃᖅᑎᑕᐅᔪᑦ ᐊᐅᓚᓂᖓᓄ ᐱᓕᕆᐊᖅ (ᓲᕐᓗ, ᐃᓪᓗᒥᐅᑕᐃᑦ, ᐃᓗᐊᓄ ᓴᓇᓯᒪᔪᑦ, ᓅᑕᔅᓴᐅᖏᑦᑐᑦ ᐊᒻᒪ ᐊᖏᔫᑏᑦ ᓴᓇᓂᕐᒧᑦ ᓱᓇᒃᑯᑖᑦ
- ᓈᒻᒪᑦᑐᒥ ᐃᓪᓗᒥᑦ ᐊᑦᑕᓇᐃᖅᓯᒪᑎᑦᑎᓂᖅ
- ᓱᕈᓯᒃᑯᕕᒃ
- ᓄᓇᓕᕆᓂᖅ
- ᖃᑦᑎᐅᕙᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᐅᕙᑦ ᐊᐅᓚᑦᑎᓗᓂ ᕿᒫᕕᓐᓂᑦ?
ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ (ISC) ᐱᑕᖃᖅᑎᑦᑎᒐᔪᖃᑦᑕᓂᐊᖅᑐᑦ $1 ᒥᓕᐊᓐ ᐊᑕᐅᓯᖅ ᐊᕐᕌᒍ ᐊᑕᐅᓯᕐᒧᑦ ᕿᒫᕕᒻᒧᑦ ᐃᓚᒌᓂᑦ ᐋᓐᓂᖅᑎᕆᑎᑦᑕᐃᓕᓂᕐᒧᑦ ᐱᓕᕆᐊᖓᑎᒍᑦ (FVPP). ᑭᓯᐊᓂᓕ, ᑐᔅᓯᕋᐅᑎᓕᐅᖅᑐᑦ ᐱᑕᖃᖅᑎᑦᑎᔭᕆᐊᓖᑦ ᐊᐅᓚᓂᖓᓄ ᐊᑐᖅᑐᓴᓂᑦ ᑐᕌᖓᔪᓂᑦ ᑐᔅᓯᕌᖓᓄᑦ ᐃᓪᓗᒧᑦ.
ᓂᕈᐊᖅᑕᐅᓯᒪᔪᑦ ᑐᔅᓯᕋᐅᑎᓕᐅᖅᑐᑦ ᐊᖏᖃᑎᖃᓂᐊᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᕈᒻᒥᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ (ISC) ᐱᑕᖃᕆᐊᖃᖅᑎᑕᐅᓂᐊᖅᑐᖅ ᑐᓂᓯᓗᑎ ᐊᕐᕌᒍᑕᒫᑦ ᑮᓇᐅᔭᓕᕆᓂᕐᒧᑦ ᐊᒻᒪ ᐱᓕᕆᔭᐅᔪᓄᑦ ᐅᓂᒃᑳᓂᑦ.
ᐱᔪᓐᓇᖅᑎᑕᐅᔪᑦ ᐊᑭᖏᓐᓄᑦ ᐱᖃᓯᐅᔾᔨᔪᑦ:
| ᑮᓇᐅᔾᔭᔅᓵᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐃᑲᔫᓯᐊᑦ | ᓱᓇᒃᑯᑖᑦ ᐊᒻᒪ ᓱᓇᒃᑯᑖᕈᓘᔭᐃᑦ |
| ᖃᐅᔨᒪᓂᓕᓐᓄᑦ ᐊᑭᓕᕆᐊᓖ (ᑳᓐᑐᕌᑦ) | ᖃᐅᔨᓴᖅᑕᐅᓂᖏᑦ ᐊᒻᒪ ᖃᐅᔨᓴᕐᓂᐅᔪᖅ |
| ᑲᑎᒪᔾᔪᓯᐊᑦ ᐃᓐᓇᑐᖃᕐᓄᑦ | ᒪᓕᒐᕐᓄᑦ ᐊᒻᒪ ᑮᓇᐅᔭᒃᑯᕕᒻᒧᑦ ᐊᑭᖏᑦ |
| ᓄᓇᕗᒻᒥ ᐊᐅᓪᓚᕐᓂᖅ ᐊᒻᒪ ᐃᖏᕋᔾᔪᑎᓕᕆᓂᖅ | ᓇᓪᓕᐅᒃᑯᒫᑦ |
| ᑲᑎᒪᓂᐅᔪᑦ | ᖄᖓᒎᖅᑐᑦ ᐊᐅᓚᓂᖏᓐᓄᑦ ᐊᑭᖏᑦ |
| ᑐᓐᖓᓱᑦᑎᑦᑎᓂᕐᒧᑦ | ᑐᑭᒧᐊᑦᑕᐅᑎᒋᔪᑦ ᐱᔨᑦᑎᖅᑕᓄᑦ ᐊᑭᖏᑦ |
| ᓱᓇᒃᑯᑖᑦ | ᐃᓕᓐᓂᐊᑎᑦᑎᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ |
| ᐊᑐᖅᑐᐊᓂᕐᒧᑦ ᐊᒻᒪ ᐃᓪᓗᒨᖓᔪᑦ | ᑐᐊᕕᕐᓇᖅᑐᓄᑦ ᐅᖄᓚᐅᑎᖓ |
| ᑐᑭᓯᓇᖅᑎᑦᑎᓂᕐᒧᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ | ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᑐᐊᕕᕐᓇᖅᑐᓄᑦ ᐱᔨᑦᑎᖅᑕᑦ |
| ᐊᐅᓚᓂᖏᑦ, ᒥᑭᔪᑦ ᓴᓇᔭᐅᒋᐊᓖᑦ, ᐱᐅᓯᑎᒋᐊᖅᑕᐅᔪᑦ ᐊᒻᒪ ᓴᓇᔭᐅᔪᑦ ᐃᓪᓗᒧᑦ ᐅᖓᑕᐅᔾᔨᖏᑦᑐᑦ $50,000 |
- ᑭᓲᕙᑦ ᐱᕙᓪᓕᐊᓂᖓ ᐱᔭᔅᓴᐅᓂᖏᓐᓄᑦ ᑮᓇᐅᔭᖃᖅᑎᑕᐅᓂᕐᒧᑦ?
ᑐᔅᓯᕋᐅᑎᓕᐅᖅᑐᑦ ᐱᕕᔅᓴᖃᓂᐊᖅᑐᑦ ᑐᓂᓯᓗᑎ ᑐᔅᓯᕋᐅᑎᓕᐅᕈᑎᒥᑦ ᑭᐅᓗᑎ ᑐᔅᓯᕌᖑᔪᓄᑦ ᑐᓂᔭᐅᔪᓄᑦ. ᓂᕈᐊᖅᐸᓪᓕᐊᓂᕐᒧᑦ ᐱᕙᓪᓕᐊᓂᖓ ᐊᑕᖏᖅᑐᒋᑦ ᐱᔪᓐᓇᖅᑎᑕᐅᔪᑦ ᑐᔅᓯᕋᐅᑎᓕᐅᕈᑏᑦ ᐱᔭᐅᔪᑦ ᐱᓕᕆᐊᖑᓂᐊᖅᑐᑦ ᐊᕐᕌᒍᖏᓐᓂ 2021 ᐊᒻᒪ 2022 ᓇᓗᓇᐃᕐᓗᒍ ᕿᒪᕖᑦ ᐱᓗᑎ ᑮᓇᐅᔭᖃᖅᑎᑕᐅᓂᕐᒧᑦ.
- ᖃᓄᖅ ᑐᔅᓯᕋᐅᑏᑦ ᖃᐅᔨᓴᖅᑕᐅᓂᐊᖅᑲᑦ?
ᑐᔅᓯᕋᐅᑏᑦ ᕿᒥᕐᕈᔭᐅᓂᐊᖅᑐᑦ ᐊᒻᒪ ᖃᐅᔨᓴᖅᑕᐅᓗᑎ ᑐᓴᕐᕕᖃᕐᓗᑎ ᕿᑭᒡᒐᖅᑐᐃᔨᓂᑦ ᐃᓄᐃᑦ ᑲᑐᔾᔨᖃᑎᒌᓂᑦ (ᓲᕐᓗ, ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ (CMHC), ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ, ᐸᐅᒃᑑᑎᑦ, ᐊᒻᒪ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ ᐊᒻᒪ ᐅᑭᐅᑕᖅᑐᓕᕆᓂᕐᒧᑦ ᑲᓇᑕᒥ).
- ᖃᓄᖅ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓚᒋᔭᐅᑎᒥᑕᐅᓂᐊᖅᑲᑦ?
ᑭᒡᒐᖅᑐᐃᔩᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐃᓚᒋᔭᐅᓂᐊᖅᑐᑦ ᓂᕈᐊᓂᕐᒧᑦ ᑲᑎᒪᔨᕋᓛᓂᑦ ᓴᖅᑭᑎᑦᑎᓗᑎ ᐱᑎᑕᐅᔪᓂᑦ ᐱᕙᓪᓕᐊᓂᖓᓄᑦ, ᐊᒻᒪᓗᑦᑕᐅᖅ ᕿᒥᕐᓗᕈᓗᒋ ᑐᔅᓯᕋᐅᑏᑦ ᓇ; ᓗᓇᐃᕐᓗᒋᑦ ᓇᓪᓕᐊ ᐱᔪᓐᓇᖅᑎᑕᐅᔪᓂᑦ ᓂᕈᐊᖅᑕᐅᓂᐊᖅᑐᓂᑦ.
- ᑭᓲᓂᐊᖅᑲᑦ ᖃᓄᐃᑦᑐᒡᒍᑕᐅᓂᖏᑦ ᖃᐅᔨᓴᓂᕐᒧᑦ ᑐᔅᓯᕋᐅᑎᓂᑦ?
ᐱᔾᔪᑎᒋᓪᓗᒍ ᑭᓪᓕᖃᖅᑎᑕᐅᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᐅᔪᑦ, ᓯᕗᓪᓕᐅᔾᔭᐅᓂᐊᖅᑐᑦ ᑐᔅᓯᕌᖑᔪᓄᑦ ᕿᒫᕕᓐᓄᑦ ᐱᑕᖃᕆᐊᖃᕐᓂᖅᐹᓂᑦ. ᑐᔅᓯᕋᐅᑏᑦ ᖃᐅᔨᓴᖅᑕᐅᓂᐊᖅᑐᑦ ᐊᒥᓱᒐᓚᓐᓂᑦ ᐊᔾᔨᒌᖏᑦᑐᓂ ᖃᓄᐃᑦᑐᒡᒍᑕᐅᓂᖏᓐᓄᑦ, ᐱᖃᓯᐅᑎᓪᓗᑎ ᖃᓄᖅ ᑐᔅᓯᕌᖑᔪᖅ ᐱᓕᕆᐊᖅ ᖃᓄᐃᓕᓯᒋᐊᕐᓂᖓᓄᑦ ᕿᒫᕕᒻᒥ ᐱᑕᖃᕆᐊᖃᕐᓂᖓᓄᑦ, ᐊᒥᓲᓂᖏᑦ ᓄᓇᓖᑦ ᐱᔨᑦᑎᖅᑕᖏᑦ, ᓄᓇᖓᓂ ᓇᒦᓐᓂᖓ, ᐸᕐᓇᑕᐅᓯᒪᔪᑦ ᐊᑐᖅᑕᐅᓂᐊᖅᑐᑦ ᐊᑦᑕᓇᐃᖅᓯᒪᑦᑎᐊᖁᓪᓗᒋᑦ ᓇᔪᖅᓯᔪᑦ, ᐆᒻᒪᖅᑯᑎᓂᑦ ᐊᑐᑦᑎᐊᕐᓂᖓ, ᐊᒻᒪ ᐅᐸᒐᔅᓴᐅᓂᖓ, ᓴᓇᔭᐅᓂᖓ ᐊᒻᒪ ᐊᐅᓚᓂᖓᓄᑦ ᐊᑭᖏᑦ.
- ᑭᓇ ᖃᐅᔨᒋᐊᕐᕕᒋᔪᓐᓇᖅᑲᕋ ᑐᑭᓯᒋᐊᒃᑲᓐᓂᕈᒪᒍᒪ?
ᐊᐅᓪᓚᑎᑦᑎᕕᒋᔪᓐᓇᖅᑕᑎᑦ ᖃᕋᓴᐅᔭᒃᑯᑦ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ (CMHC) ᑎᑎᖅᑲᒃᑯᕕᖓᓄ ᐅᕗᖓ NewShelterInitiative@cmhc-schl.gc.ca ᐊᒻᒪ ᐃᓚᒋᔭᐅᔪᖅ ᕿᒫᕕᓐᓄᑦ ᐱᓕᕆᐊᐊᓂᑦ ᐃᓕᓐᓄᑦ ᖃᐅᔨᒋᐊᓂᐊᖅᑐᖅ.
ᖃᐅᔨᒋᐊᕐᕕᒋᔪᓐᓇᕐᒥᔭᐃᑦ ᑯᕆᔅᑏᓐ ᓘᑦ ᐅᕙᓂ clund@pauktuutit.ca ᐱᑕᖃᖅᑎᑦᑎᑲᓐᓂᕈᓐᓇᖅᑐᖅ ᑐᑭᓯᒋᐊᕈᑎᓂᑦ ᐃᓕᓐᓂᑦ ᐃᑲᔪᕐᓗᓂ ᐱᔭᕇᕐᓗᒍ ᑐᔅᓯᕋᐅᑎᓕᐅᕈᑦ.