MMIWG2S+ ᑎᑎᖃᑦ ᓈᓴᖅᓯᒪᔪᓪᓗ ᐱᓕᕆᐊᖑᔪᑦ
ᐱᔾᔪᑎᓕᒃ ᑐᑭᓯᓇᓱᖃᑎᒌᒍᓯᕐᒥᒃ
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᐊᕐᓇᐃᑦ ᒥᓯᕝ ᐅᑎᒻᐱᓯᒍᐊᑦ, ᐋᓐᑎᐅᕆᐅ ᐊᓪᓚᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ, ᐊᒻᒪᓗ 2 ᐊᖑᑎᓄᑦ ᐊᕐᓇᓄᑦ ᑕᒪᐃᓐᓅᖓᔪᖅ ᐱᖁᔨᕗᖔᕈᑎᖓᑦ ᐃᑲᔪᖅᑎᒌᒡᓗᑎᒃ ᓴᕿᑦᑎᓪᓗᑎᒃ ᓄᓇᖅᑲᖅᑳᖅᓯᒪᔪᓂᑦ-ᐊᐅᓚᑕᐅᔪᖅ ᑲᓇᑕᒥ ᓈᓴᖅᓯᒪᔪᓂᒃ ᑎᑎᖃᓂᒡᓗ ᓄᐊᑦᑎᕕᖓ ᐊᓯᐅᖃᔪᓂᒃ, ᐃᓄᐊᖅᑕᐅᓯᒪᔪᓂᒃ ᐊᓪᓚᓂᒃ, ᐃᓄᖕᓂᑦ ᐊᒻᒪᓗ ᐊᓪᓚᐃᖓᔪᓂᒃ ᐊᕐᓇᓂᒃ, ᓂᕕᐊᖅᓵᓂᒃ, ᐊᖑᑎᕐᔭᖓᔪᑦ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ. ᐱᓕᕆᖃᑎᒋᓪᓗᒋᑦ ᓴᓇᖃᑎᒋᓂᐊᖅᑕᖏᑦ ᑲᒪᑦᑎᐊᓲᑦ ᖃᐅᔨᓴᖅᓯᒪᔪᓂᒃ ᐊᒻᒪᓗ ᖃᐅᔨᓴᖅᑎᑦ ᐊᐅᓚᑦᓯᔨᑦ CDCI ᐊᒻᒪᓗ ᒍᐊᑉᐸᒻ ᑎᑎᕋᖅᓯᒪᔪᖁᑎᖏᑦ – ᐅᑯᐊᓗ ᓴᓇᖃᑎᒌᓚᐅᖅᓯᒪᔪᑦ ᑲᑐᔾᔨᓪᓗᑎᒃ ᐋᕿᒃᓱᖅᑕᐅᑎᓪᓗᒍ ᐃᑭᐊᕿᕕᒃᑯᑦ ᖃᐅᔨᓴᕈᑎᓂᒃ ᓄᐊᑦᑎᕕᒃ ᑖᒃᑯᓄᖓ ᑲᓇᑕᒥ ᐱᓇᓱᐊᕐᕕᖓ ᑭᒡᓕᓯᓂᐊᖅᑎᒃᑯᑦ.
- ᑕᒪᒃᑯᐊᖑᒐᓗᐊᖅᑎᓪᓗᒋᑦ ᐅᓄᖅᓯᔪᑦ ᖃᐅᔨᒪᔭᐅᔭᕆᐊᖃᖅᑐᑦ ᐊᒻᒪᓗ ᑐᑭᓯᐅᒪᔭᐅᔪᓂᒃ ᐊᖁᓯᐅᕐᓗᒋᑦ ᓴᕿᑦᑎᐊᕐᓗᒋᑦ ᑖᒃᑯᓇᖓᑦ ᑲᓇᑕᒥ ᐃᖃᖅᑐᖅᑕᐅᑎᑦᑎᓂᕐᒧᑦ ᑐᑭᓯᔪᒪᔪᓄᑦ, ᐊᓪᓚᐃᑦ, ᐊᓪᓚᐃᖓᔪᑦ ᐊᒻᒪᓗ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ, ᐊᒻᒪᓗ ᐊᖑᑎᕐᔭᖓᔪᑦ ᐊᒻᒪᓗ ᐊᕐᓇᐅᔭᕆᐊᖃᖅᑐᕆᔪᑦ ᐊᖑᑕᐅᔭᕆᐊᖃᖅᑐᕆᔪᑦ ᓱᓕ ᐃᓅᓯᖏᑦ ᐊᕿᕋᖅᑐᕐᓂᖅ , ᑭᓲᑎᑕᐅᓐᖏᑦᑐᑦ, ᐊᒻᒪᓗ ᑐᕌᖅᑕᐅᔪᑦ.
- ᑕᐃᒪᖓᓂᑦ 6 ᐊᕐᕌᒍᓂ ᐃᖃᖅᑐᖅᑕᐅᑎᑦᑎᓪᓗᑎᒃ ᑐᑭᓯᑎᑕᐅᔪᒪᓚᐅᖅᑎᓪᓗᒋᑦ, ᑖᒃᑯᐊᑐᐊᖅ 2 ᑖᒃᑯᓇᖓᑦ 231 ᑎᔭᐅᑎᑦᑎᓇᓱᒃᓯᒪᕗᑦ ᐊᑐᓕᖅᑎᑕᐅᓯᒪᓪᓗᓂ.
- ᐅᓇ ᐱᓕᕆᐊᖑᔪᖅ ᓴᖕᖏᒃᑎᒋᐊᖅᑎᑦᑎᓯᒪᔪᖅ ᖃᐅᔨᒪᔨᒻᒪᕆᐅᓂᖅ ᐃᑲᔪᕐᓂᖅ ᐊᒻᒪᓗ ᐊᒃᓱᕈᖅᑎᑦᑎᓂᖅ ᑲᓇᑕᐅᑉ ᒐᕙᒪᒃᑯᓂᒃ ᐊᑐᓕᖅᑕᐅᑎᑦᑎᓗᑎᒃ ᑕᒪᕐᒥᒃ 231 ᑎᒍᔭᐅᔭᕆᐊᖃᖅᑐᓄᑦ ᓇᓗᓇᐃᖅᑕᐅᓯᒪᔪᑦ ᑲᓇᑕᒥ ᐃᖃᖅᑐᖅᑕᐅᑎᑦᑎᔪᑦ ᑐᓴᖅᑕᐅᔪᒪᓪᓗᑎᒃ ᐊᓯᐅᖃᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖅᑲᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓵᑦ.
ᐃᒪᓐᓇ ᐃᓚᐅᔪᓐᓇᖅᑐᑎᑦ
ᒫᓐᓇᐅᔪᖅ, ᖃᐅᔨᓴᕈᑎᑖᑦ ᑎᑎᕋᖅᓯᒪᔪᑦ ᓈᓴᐅᑎᓪᓗ ᐱᓕᕆᐊᖑᓂᖓ ᐊᐅᓪᓗᑎᔪᖅ ᓈᓴᖅᑕᐅᓯᒪᔪᓂᒃ ᓄᐊᑦᑎᕙᓪᓕᐊᔪᑦ – ᐊᒻᒪᓗ ᐅᓇ ᐊᑯᓂᐅᓂᐊᖅᑐᖅ.
ᑕᐃᒪᖓᒧᑦ ᐊᒡᒋᖅᑐᒥ ᐊᕐᕌᒍᒥ, ᐱᓕᕆᖃᑎᒌᑦ ᓴᕿᑦᑎᓂᐊᖅᑐᑦ ᐊᒻᒪᓗ ᐊᑐᓕᖅᑕᐅᑎᑦᑎᓗᑎᒃ ᓄᓇᓕᖕᓂ ᑲᑎᒪᖃᑎᒋᓗᒋᑦ ᐸᕐᓇᐅᑎᓂᒃ ᓴᕿᑕᐅᓗᑎᒃ ᑐᑭᒧᐊᒍᑎᒃᓴᑦ ᐊᒻᒪᓗ ᓂᕆᐅᒋᔭᐅᔪᑦ ᖃᐅᔨᓴᕈᑎᓂᒃ ᓈᓴᐅᑎᓂᒃ ᑎᑎᖃᓂᒡᓗ ᐊᑐᖅᓯᓂᖅ ᕿᓂᕐᓗᑎᒃ ᐋᕿᑦᑎᐊᖅᓯᒪᔪᓐᓇᖅᑐᒥᒃ ᑕᒪᐃᓐᓂᑦ ᐊᔾᔨᒌᓐᖏᑦᑐᓂᑦ ᐊᒻᒪᓗ ᐃᒻᒥᒃᑯᖅᑐᑦ ᖃᐅᔨᒪᔨᑦ ᑲᑎᒪᔨᕋᓛᓂᑦ ᑖᒃᑯᓄᖓ ᑎᑎᕋᖅᓯᒪᔪᓄᑦ ᓈᓴᖅᓯᒪᔪᓄᓪᓗ ᖃᐅᔨᓴᖅᓯᒪᔪᑦ. ᓄᓇᖅᑲᖅᑳᖅᓯᒪᔪᓂᑦ-ᐊᐅᓚᑕᐅᓗᑎᒃ ᐊᐅᓚᑦᓯᔨᓂᑦ ᑐᓴᖅᑎᑕᐅᔪᒪᕗᒍᑦ ᖃᐅᔨᓴᕈᑎᑦᑎᓂᒃ ᓈᓴᐅᑎᓂᒃ ᑎᑎᖃᓂᒃ ᐅᕙᑦᑎᓐᓄᑦ ᖃᓕᕇᓕᖅᓯᒪᔪᖃᕐᓂᐊᓐᖏᒻᒪᑦ ᐱᓕᕆᐊᕆᔭᑦᑎᒍᑦ ᐊᒻᒪᓗ ᐃᑲᔪᕐᓗᓯ ᐱᔭᕇᑦᑎᐊᖅᓯᒪᓂᐊᕐᒪᑦ ᑲᓇᑕᒥ ᑎᑎᕋᖅᓯᒪᔪ ᓈᓴᖅᓯᒪᔪᓂᒡᓗ ᖃᐅᔨᓴᖅᓯᔪᑎᕗᑦ.
ᐊᑏ ᑕᑕᑎᕐᓗᒍ ᐅᓇ ᓇᐃᑦᑐᖅ ᐃᑭᐊᕿᕕᒃᑯᑦ ᐱᓕᕆᖃᑕᐅᔪᒪᒍᕕᑦ ᐃᓕᑦᑎᒃᑲᓐᓂᕐᓗᑎᓗ ᑕᒪᑐᒥᖓ ᐱᓕᕆᐊᖑᔪᒥᒃ.