ᐅᖃᓕᒫᒐᓕᐊᕆᔭᐅᓯᒪᔪᑦ

Tamakkua pikKujaliat tunijaujut kamavut sunatuinnanik pinianniKagiamut, pisimajumit âkKigiattisigiamut mânnaluatsiak maligatsait piusinginnik pellugit maligatsanik atuttauKujauKattajunut, utittisivalliagiamut Inuit maligatsait piusituKanginnik, ammalu utittilugu Inuit sangijonninginnik. Sanatillugit suliatsanik katingatillugit, tapvainauttumut utittisinikkut iniKallutik anginitsauniattumut, akuni piusiKatillugit ammalu tungaviKatillugit asiangusiajunut. Tamakkua puttujunnetut tugâgutet tamakkununga pikKujalianut ilonnanginnik utittisigasuajuk ilingajumut Inuit imminik pigumagiamut.

ᐃᒣᓕᒋᐊᕈᑎᑦᓴᐅᔪᐃᑦ ᐁᑦᑑᑕᐅᓯᒪᕗᑦ ᑕᒡᒐᓂ ᐊᐅᓚᑦᔭᒋᐊᕈᑕᐅᔪᑦ ᐊᖏᔪᒻᒪᕆᒻᒥᒃ ᑐᖕᖓᕕᖃᕐᑎᓪᓗᒋᑦ, ᐋᕐᕿᒋᐊᕐᑕᐅᓂᖏᑦ ᒫᓐᓇ ᐃᕐᖃᑐᐃᓂᐅᕙᑦᑐᑦ ᐊᓯᑦᔨᕆᐊᕐᑕᐅᑦᓱᑎᒃ, ᑐᑭᓯᓐᓇᕆᐊᕐᑕᐅᑦᓱᑎᓪᓗ ᐃᓄᐃᑦ ᐃᕐᖃᑐᐃᓂᕐᒧᑦ ᐱᓇᓱᐊᕐᓂᕆᓲᑐᖃᖏᓐᓄᑦ, ᐊᒻᒪᓗ ᐃᓄᐃᑦ ᐱᔪᓐᓇᐅᑎᑐᖃᖏᑦ ᐅᑎᕐᑎᑕᐅᒋᐊᕐᓱᑎᒃ. ᑐᕌᖓᕗᑦ ᐱᓇᓱᐊᖃᑎᒌᒍᑕᐅᔪᓐᓇᖁᓪᓗᒋᑦ, ᐋᕐᕿᒋᐊᕐᑕᐅᓂᖏᑦ ᐊᐅᓚᑦᔭᒋᐊᕐᑕᐅᑦᓴᐅᑎᒋᑦᓱᑎᒃ ᐃᓱᐊᕐᓯᒋᐊᕐᑕᐅᑦᓱᑎᒃ, ᓯᕕᑐᔪᒨᓕᖓᔪᒥᒃ ᑐᕌᕐᓂᖃᕐᑎᓪᓗᒋᑦ ᐋᕐᕿᓯᒪᓂᖏᓪᓗ ᐃᓱᐊᕐᓯᒋᐊᕐᑕᐅᑦᓱᑎᒃ. ᐃᒣᓕᒋᐊᕈᑕᐅᔪᐃᑦ ᑐᕌᖓᓂᖃᕐᐳᑦ ᐃᓄᐃᑦ ᐃᒻᒥᓐᓂᒃ ᐱᔪᓐᓇᐅᑎᒋᓯᒪᔭᖏᑦ ᓱᓇᒥᒐᓱᐊᕐᓗᒋᑦ ᐊᑑᑎᓕᕆᐊᕐᑎᑕᐅᔪᓐᓇᖁᓪᓗᒋᑦ.

ᐃᕐᖃᑐᐃᓂᐅᑉ ᐊᐅᓚᓂᖓ ᑲᓇᑕᒥ ᐊᑯᓂ ᖃᐅᔨᒪᔭᐅᓯᒪᒻᒪᑦ ᑌᒣᓪᓗᐊᕇᑎᑦᓯᕙᖏᓐᓂᖓ ᓱᓇᐅᑎᑦᓯᖕᖏᓗᐊᓲᖑᑦᓱᓂᓗ ᓄᓇᖃᕐᖄᓯᒪᔪᓂᒃ ᐃᓄᓐᓂᒃ, ᐱᓗᐊᕐᑐᒥᒃ ᓄᓇᖃᕐᖄᓯᒪᔪᓂᒃ ᐊᕐᓇᓂᒃ, ᓂᕕᐊᕐᓯᐊᓂᒃ, ᖃᓄᐃᑦᑑᓂᕐᒥᓐᓂᒡᓗ ᐊᓯᑦᔩᓯᒪᔪᓂᒃ. ᐱᐅᓯᕐᑖᕐᑎᑕᐅᓇᓱᐊᕐᓂ ᓱᓕ ᑲᔪᓯᖏᓐᓇᐳᖅ ᖃᓄᑐᐃᓐᓇᑦᓯᐊᖅ, ᐃᓚᒋᔭᐅᑎᓪᓗᒋᑦ ᐱᒍᑦᔭᐅᓗᐊᓲᖑᓂᖏᑦ ᓄᓇᖃᕐᖄᓯᒪᔪᐃᑦ ᑎᒍᔭᐅᒪᕕᒻᒥ, ᐊᑯᓓᑦᑐᒥᒃ ᐊᖑᑕᐅᖃᑎᒌᑦ-ᖑᔪᑦ ᐋᓐᓂᑎᕆᐅᑎᓂᖏᑦ, ᐃᓅᖃᑎᒃᓴᔭᕆᖕᖏᑕᒥᒡᓗ ᑐᖕᖓᓂᖃᕐᑐᓄᑦ ᐱᖁᔭᑎᒍᑦ ᐊᒻᒪᓗ ᐱᖁᔭᓄᑦ ᑎᒍᔭᐅᑎᑦᓯᕙᒃᓱᑎᒃ ᑎᒥᐅᔪᐃᑦ. ᑕᒪᓐᓇ ᑐᓴᕐᑎᑦᓯᓂᖅ ᑐᕌᖓᕗᖅ ᓵᖕᖓᔭᐅᖁᓪᓗᒋᑦ ᐃᓱᐃᓗᑕᐅᓲᑦ ᓱᓇᓕᒫᑎᒍᑦ ᕿᒥᕐᕈᓗᒋᑦ ᐊᑑᑎᔭᐅᖃᑦᑕᓯᒪᔪᐃᑦ ᐊᒻᒪᓗ ᑕᒪᒃᑯᐊ ᓵᖕᖓᔭᐅᓪᓚᕆᒋᐊᖃᓕᕐᒪᑕ.

TAINNA MALIGATSALGIJET CANADAMI INIGJAUSIMAJUK PIUSIKATLUNI atjigettisingitumik ammalu mitautiKasimavut NunaKakKâsimajuit inunginnut, piluattumik NunaKakKâsimajuit annanut, niviatsianut, ammalu angutiugumajunut/annaugumajunut atjigengitojunut immigolingajunut. Maligatsanik sakKititsiKattajunut atukKujiKattajut suli sakKiKattavut Kanutsuatuinnak, ilautigillugit kiggatuluagasuaKattajut NunaKakKâsimajuit inunginnut pannanaitsimavimmejunut, takutsauluaKattaningit angutiugumajunut/annaugumajunullu ilinganiKajunut pilukannimik, ammalu piusigijauKattajunut mitautigijaunnimik iluani maligatsanut ammalu maligatsanik sakKititsiKattajunut suliaKapvinut. Tânna allaKutik tugâgutiKajuk kamagiamut taikkununga pimmagittunut pitjutaujunut angijummik takunnâtillugit taimangasuaniusimajunut pitanginnut ammalu ullumiulittuk apomautigijauKattajunut.

ᐸᐅᒃᑑᑎᒃᑯᑦ ᐱᒋᐊᖅᑎᑦᓯᓚᐅᖅᑐᑦ ᑖᑦᓱᒥᖓ ᐱᓕᕆᐊᑦᓴᒥᑦ ᑐᑭᓯᐅᒪᓂᖅᓴᐅᓂᕐᒧᑦ ᐊᑦᓱᕉᑕᐅᖃᑦᑕᖅᑐᓂᑦ ᑐᕌᖓᔪᓂᑦ ᐃᓪᓗᓕᕆᓂᕐᒧᑦ ᐊᒻᒪᓗ ᐊᖏᕐᕋᖃᙱᓐᓂᕐᒧᑦ ᐃᓄᓐᓄᑦ ᐊᕐᓇᓄᑦ ᓄᓇᓕᐸᐅᔭᕐᓂᑦ. ᑕᒪᓐᓇ ᐱᓕᕆᐊᖑᓂᖓ ᖃᐅᔨᓴᑦᑐᖅ ᖃᓄᖅ ᖃᓪᓗᓈᓃᑦᑐᑦ ᐃᓄᐃᑦ ᐊᕐᓇᐃᑦ ᑲᒪᒋᔭᖃᓲᖑᒻᒪᖔᑦ ᐃᓪᓗᑖᕋᓱᐊᕐᓂᕐᒥᑦ ᖃᓪᓗᓈᓂᑦ ᓄᓇᓕᐸᐅᔭᕐᓂᑦ ᐊᒻᒪᓗ ᑐᑭᓯᐅᒪᓂᕐᒧᑦ ᐊᕝᕕᐊᕈᑕᐅᕙᑦᑐᓂᑦ ᐊᑐᖃᑦᑕᖅᑐᖏᓐᓂᒃ. ᖃᐅᔨᓴᕐᓂᖅᑕᖃᓚᐅᖅᑐᖅ ᒪᓕᑦᓱᑎᒃ ᑐᙵᕕᐅᔪᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐸᐅᒃᑑᑎᒃᑯᑦ ᐃᓄᓐᓄᑦ ᑐᕌᖓᔪᖅ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ-ᑐᙵᕕᖃᕐᓂᕐᒥᑦ ᖃᐅᔨᓴᕐᓂᕐᒥᑦ (GBA+) ᐋᖅᑭᑦᓱᖅᓯᒪᔪᖅ, ᖄᓕᕇᖑᔪᓂᑦ, ᐊᒻᒪᓗ ᓇᓗᓇᐃᖅᓯᔾᔪᑎᓂᑦ ᑐᙵᕕᖃᕐᓂᕐᒥᑦ ᑐᑭᓯᐅᒪᓂᕐᒥᑦ.

https://pauktuutit.ca/wp-content/uploads/PAUKTUUTIT-Unique-Challenges-Faced-by-Inuit-Women-in-Urban-Centres-Regarding-Housing-and-Homelessness-IK.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᐅᑐᐱᕆ 2024

ᑖᓐᓇ ᐊᑕᖐᑦᑎᐊᖅᑐᖅ ᐅᓂᒃᑳᓕᐊᖅ, ᐋᖅᑭᑦᓱᖅᑕᐅᔪᖅ ᐱᓕᕆᖃᑎᖃᑦᓯᐊᕐᓂᒃᑯᑦ ᐃᓄᓐᓂᒃ ᓇᒻᒥᓂᖃᖅᑎᐅᔪᓂᑦ, ᐃᑲᔪᖅᓱᖅᑐᓂᑦ ᑲᑐᔾᔨᖃᑎᒌᓂᑦ, ᐊᒻᒪᓗ ᑳᓐᑐᓛᒃᑕᐅᓯᒪᔪᑦ ᑐᑦᑕᕐᕖᑦ, ᑐᕌᖓᔪᖅ ᐃᑲᔪᖅᓱᕐᓂᖅᓴᐅᓂᕐᒥᑦ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓗᑎᒃ ᐃᓄᐃᑦ ᓇᒻᒥᓂᖃᖅᑎᐅᔪᓂᑦ. ᐊᑐᐃᓐᓇᐅᑎᑦᓯᔪᖅ ᐱᒻᒪᕆᐅᔪᓂᑦ ᐅᖃᐅᓯᑦᓴᓂᑦ ᐊᑦᓱᕉᑕᐅᔪᓂᑦ ᐊᒻᒪᓗ ᐱᕕᑦᓴᖃᕐᓂᐅᔪᓂᑦ ᐊᑐᖅᑕᐅᔪᓂᑦ ᐃᓄᓐᓄᑦ ᐊᕐᓇᓄᑦ ᐊᑐᐃᓐᓇᖃᕐᕕᐅᓂᕐᒥᑦ ᑳᓐᑐᓛᒃᑖᕐᓂᕐᒧᑦ ᐊᒻᒪᓗ ᐱᓕᕆᓇᓱᐊᕐᓂᕐᒥᑦ ᓂᐅᕕᕐᓂᕐᒧᑦ ᐱᓕᕆᔾᔪᓯᐅᔪᓂᑦ, ᑐᑭᓯᐅᒪᑎᑦᓯᕗᖅ ᐱᒋᐊᖃᖅᑕᖏᓐᓂᒃ ᐊᒻᒪᓗ ᐱᒍᒪᔭᖏᓐᓂᒃ ᐱᕙᓪᓕᐊᑎᑦᓯᓂᒃᑯᑦ ᐃᓄᓐᓄᑦ ᑐᕌᖓᔪᒥᑦ ᐱᓕᕆᔾᔪᓯᕐᒥᑦ ᐋᖅᑭᑦᓱᖅᓯᒪᔪᒥᑦ.

ᐊᕐᕌᒍᒥᑦ ᓴᖅᑭᑕᐅᔪᖅ ᔪᓚᐃ 2024

ᑖᓐᓇ “ᓄᓇᕐᔪᐊᓕᒫᒥ ᓱᓕᓂᕋᕈᑦ ᐱᔪᓐᓇᐅᑎᒋᔭᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᓐᓄᑦ” ᑐᑭᖃᖅᑎᑦᓯᕗᖅ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᒥᑦ ᐊᑐᕆᐊᓕᖏᓐᓂᒃ. ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᒪᓕᒐᐅᙱᑦᑐᖅ, ᑭᓯᐊᓂ ᐅᖃᐅᔾᔪᐃᓲᖅ ᑲᓇᑕᐅᑉ ᒐᕙᒪᖓᓂ ᒪᓕᒐᖏᓐᓂᒃ ᖃᐅᔨᒪᒋᐊᕐᔫᒥᓗᑎᒃ ᐋᓐᓂᖅᓯᓕᖏᒃᑲᓗᐊᕐᒪᖔᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐱᔪᓐᓇᐅᑎᖏᓐᓂᒃ ᓴᐳᔾᔨᓗᑎᒃ.

ᐸᐅᒃᑑᑎᒃᑯᑦ ᓴᖅᑮᓯᒪᔪᑦ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᓴᙱᓂᖅᑖᖅᑎᑦᓯᓂᕐᒥᑦ ᐃᓄᓐᓂᒃ ᐊᕐᓇᓂᑦ, ᓂᕕᐊᖅᓯᐊᓂ, ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᐅᙱᓐᓂᖏᓐᓂᒃ ᒪᑭᑕᓂᕐᒧᑦ ᐱᔪᓐᓇᐅᑎᖏᓐᓄᑦ.

https://pauktuutit.ca/wp-content/uploads/UNDRIP-and-Inuit-woman_inuktut.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᔫᓂ 2024

ᑖᓐᓇ “ᓄᓇᕐᔪᐊᓕᒫᒥ ᓱᓕᓂᕋᕈᑦ ᐱᔪᓐᓇᐅᑎᒋᔭᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᓐᓄᑦ” ᑐᑭᖃᖅᑎᑦᓯᕗᖅ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᒥᑦ ᐊᑐᕆᐊᓕᖏᓐᓂᒃ. ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᒪᓕᒐᐅᙱᑦᑐᖅ, ᑭᓯᐊᓂ ᐅᖃᐅᔾᔪᐃᓲᖅ ᑲᓇᑕᐅᑉ ᒐᕙᒪᖓᓂ ᒪᓕᒐᖏᓐᓂᒃ ᖃᐅᔨᒪᒋᐊᕐᔫᒥᓗᑎᒃ ᐋᓐᓂᖅᓯᓕᖏᒃᑲᓗᐊᕐᒪᖔᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐱᔪᓐᓇᐅᑎᖏᓐᓂᒃ ᓴᐳᔾᔨᓗᑎᒃ.

ᐸᐅᒃᑑᑎᒃᑯᑦ ᓴᖅᑮᓯᒪᔪᑦ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᓴᙱᓂᖅᑖᖅᑎᑦᓯᓂᕐᒥᑦ ᐃᓄᓐᓂᒃ ᐊᕐᓇᓂᑦ, ᓂᕕᐊᖅᓯᐊᓂ, ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᐅᙱᓐᓂᖏᓐᓂᒃ ᒪᑭᑕᓂᕐᒧᑦ ᐱᔪᓐᓇᐅᑎᖏᓐᓄᑦ.

https://pauktuutit.ca/wp-content/uploads/what-is-undrip_Inuktut.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᔫᓂ 2024

ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓯᕗᓪᓕᐊᔾᔨᓯᒪᔪᑦ ᐊᖏᓪᓕᒋᐊᖅᑎᑦᓯᓂᕐᒥᑦ ᐃᓄᓐᓂᒃ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ ᐃᓄᓐᓄᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᐅᙱᑦᑐᓂᑦ ᐃᓄᓐᓂᒃ. ᐱᒋᐊᖅᑎᑦᓯᓂᕐᒥᑦ ᐱᓕᕆᕝᕕᐅᔪᓂᑦ ᐊᓯᔾᔩᓂᕐᒥᑦ, ᐸᐅᒃᑑᑎᒃᑯᑦ ᑎᒍᒥᐊᖅᑎᐅᔪᓂᑦ ᑲᑎᑎᑦᓯᓚᐅᖅᑐᑦ ᑲᑐᔾᔨᖃᑎᖃᖅᓱᑎᒃ ᑲᓇᑕᒥ ᑲᑎᒪᔨᓂᑦ ᓄᓇᖃᖅᑳᖅᓯᒪᔪᓂᑦ ᐃᕐᓂᓱᑦᓰᔨᓂᑦ, ᐃᑲᔪᖅᓱᖅᑕᐅᓪᓗᑎᒃ ᑮᓇᐅᔭᕐᓂᒃ ᑕᐃᑲᙵᑦ ᓄᓇᖃᖅᑳᖅᓯᒪᔪᑦ ᐱᔨᑦᓯᕈᑏᑦ ᑲᓇᑕᒥ. ᖃᕋᓴᐅᔭᒃᑯᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᑎᑦᓯᓚᐅᖅᑐᒍᑦ ᐅᓐᓄᓴᐃᓐᓇᒃᑯᑦ ᒫᔾᔨ 28-30, 2023-ᒥᑦ, ᐅᔾᔨᕈᓱᓕᖅᑎᑦᓯᓂᕐᒧᑦ ᐊᑦᓱᕉᑕᐅᕙᑦᑐᓂᑦ ᐃᓄᓐᓄᑦ, ᐱᔭᑦᓴᕆᔭᖏᑦ ᐃᓄᐃᑦ ᐃᕐᓂᓱᑦᓰᔩᑦ, ᐱᒻᒪᕆᐅᓂᖓ ᐃᓕᖅᑯᓯᒨᖓᑦᓯᐊᖅᑐᒥᑦ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ, ᐊᒻᒪᓗ ᐱᑕᖃᕆᐊᖃᕐᓂᖓᓂ ᐱᔪᓐᓇᐅᑎᑎᒍᑦ ᑐᙵᕕᖃᖅᑐᒥᑦ ᐋᖅᑭᑦᓱᖅᓯᒪᔪᒥᑦ ᐃᑲᔪᖅᓱᕐᓂᕐᒧᑦ ᐅᑎᖅᑎᑕᐅᓂᖓ ᐊᒻᒪᓗ ᐊᑐᖃᓯᐅᑎᓂᖓ ᐃᓄᓐᓄᑦ ᐃᕐᓂᓱᑦᓰᓂᕐᒥᑦ.

ᑖᓐᓇ ᐅᓂᒃᑳᓕᐊᖅ ᓇᐃᓈᖅᓯᔪᖅ ᑲᔪᓯᑎᑕᐅᔪᓂᑦ ᐊᒻᒪᓗ ᐊᓂᒍᖅᑎᑕᐅᔪᓂᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᓂᐅᔪᒥᑦ. ᐃᓚᒋᔭᐅᕗᖅ ᑲᔪᓰᓐᓇᖅᑐᒥᑦ ᐊᑦᓱᕈᕐᓂᕐᒥᑦ ᐱᕙᓪᓕᐊᑎᑦᓯᓂᕐᒥᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᐋᖅᑭᑦᓱᖅᓯᒪᔪᒥᑦ, ᑐᙵᕕᖃᕐᓗᑎᒃ ᐅᑉᐱᕆᔭᐅᔪᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᐱᐅᑦᑎᐊᖅᑐᒥᑦ, ᖃᐅᔨᓴᖅᑕᐅᓂᑰᑦᓯᐊᖅᑐᓂᑦ, ᐊᒻᒪᓗ ᐃᓕᖅᑯᓯᑎᒍᑦ ᐊᑦᑕᕐᓇᙱᑦᑐᒥᑦ ᐸᖅᑭᔭᐅᑦᓯᐊᕐᓗᑎᒃ.

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᑖᓐᓇ ᖃᐅᔨᓴᕐᓂᖅ ᐅᖃᐅᓯᖃᖅᐳᖅ ᖃᐅᔨᔭᐅᓪᓗᐊᑕᖅᑐᓂᑦ ᑐᕌᖓᔪᓂᑦ ᐊᑐᐃᓐᓇᐅᓂᖏᓐᓂᒃ ᕿᒫᕖᑦ ᐊᒻᒪᓗ ᐊᑦᑕᕐᓇᙱᑦᑐᑦ ᐃᓂᑦᓴᐃᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐃᓄᓐᓄᑦ ᕿᑐᕐᖓᖏᓐᓄᓪᓗ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᑦ ᓄᓇᖓᓂ, ᐊᕝᕕᐊᕈᑕᐅᖃᑦᑕᖅᑐᓪᓗ ᐱᔨᑦᓯᕋᖅᑕᐅᔪᑦ ᐊᒻᒪᓗ ᐱᔨᑦᓯᕋᖅᑐᑦ ᖃᐅᔨᖃᑦᑕᖅᑕᖏᓐᓂᒃ ᐊᒻᒪᓗ ᐱᕕᑦᓴᐅᔪᓂᑦ ᐱᐅᓯᑎᑦᓯᓂᕐᒥᑦ ᐱᔨᑦᓯᕋᕐᓂᐅᔪᒥᑦ. ᐊᑐᑦᓯᐊᕐᓂᒃᑯᑦ ᐱᑕᖃᖅᐸᒌᖅᑐᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐊᒻᒪᓗ ᐊᐱᖅᓱᑦᑎᐊᕐᓂᒃᑯᑦ, ᑖᓐᓇ ᐱᓕᕆᐊᑦᓴᖅ ᑲᒪᒋᔭᖃᖅᑐᖅ ᐊᒥᒐᕆᔭᐅᓪᓚᕆᑦᑐᓂᑦ ᖃᐅᔨᒪᔭᐅᔪᓂᑦ ᐱᓪᓚᑦᑖᖑᔪᓂᑦ ᐃᑲᔪᖅᓱᐃᓂᕐᒥᑦ ᐊᒻᒪᓗ ᐱᔨᑦᓯᕈᑎᓂᑦ ᐊᑐᐃᓐᓇᐅᔪᓂᑦ ᑖᒃᑯᓄᖓ ᐅᓗᕆᐊᓇᖅᑐᒦᑦᑐᓄᑦ ᐃᓄᒋᐊᕐᓂᐅᔪᓄᑦ.

ᑕᒪᑦᓱᒥᖓ ᐱᓕᕆᓂᕐᒧᑦ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᑳᓐᑐᓛᒃᑎᑦᓯᓚᐅᖅᑐᖅ ᓄᐊᑦᓯᓂᕐᒥᑦ ᐊᒻᒪᓗ ᖃᐅᔨᓴᕐᓂᕐᒥᑦ ᐊᐱᖅᓱᕐᓂᒃᑯᑦ ᐊᒻᒪᓗ ᐅᖃᖃᑎᒌᓐᓂᒃᑯᑦ ᑲᑎᙵᔪᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ ᑐᑭᓯᐊᒪᓂᖅᓴᐅᓂᕐᒧᑦ ᐊᑐᖅᑕᐅᓂᖏᑦ ᐊᒻᒪᓗ ᐊᑐᐃᓐᓇᐅᓂᖏᑦ ᕿᒫᕖᑦ, ᐊᑐᖅᑕᐅᓂᑰᔪᑦ ᐃᓄᐃᑦ ᐊᕐᓇᓄᑦ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᒌᙱᓐᓂᖏᑦ, ᐊᒻᒪᓗ ᕿᑐᕐᖓᖏᑦ, ᑭᓱᒥᓪᓗ ᐱᒋᐊᖃᕐᒪᖔᑦ ᐃᓱᒪᒋᓗᒋᑦ ᕿᒫᕖᑦ, ᓄᓇᓖᑦ, ᐊᒻᒪᓗ ᒪᑭᒪᔾᔪᑏᑦ.

https://pauktuutit.ca/wp-content/uploads/Pauktituut_FLG_Planning-for-the-Future-Report_Revised_9APR2024.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2024

ᐊᔪᕿᖅᑐᖅ ᕿᑐᕐᖓᖃᐅᓯᓂᕐᒧᑦ ᐊᔪᕈᓐᓃᖅᓴᓂᕐᒧᑦ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᖃᐅᔨᑎᑦᓯᓂᕐᒧᑦ ᐊᒻᒪᓗ ᐊᑐᓕᖅᑎᑦᓯᓂᕐᒥᑦ ᐱᕚᓪᓕᕈᑕᐅᔪᓂᑦ ᐱᕙᒌᔭᐃᓂᕐᒥᑦ ᒪᒃᑯᑦᑐᓂᑦ ᐃᓄᓐᓂᒃ ᐊᖑᑎᓂᑦ ᓄᑲᑉᐱᐊᓂᓪᓗ ᑐᑭᓯᐅᒪᓂᐊᕐᒪᑕ ᐊᔪᕈᓐᓃᖅᓴᐅᑎᓂᑦ ᐅᖃᖃᑎᒌᑦᓯᐊᕐᓂᕐᒧᑦ ᐊᒻᒪᓗ ᐊᐃᑉᐸᕇᑦᓯᐊᕐᓂᕐᒧᑦ, ᐃᓕᓐᓂᐊᕐᓂᕐᒥᑦ ᐱᒻᒪᕆᐅᓂᖓᓂ ᓂᙵᓗᐊᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᓱᕈᕐᓂᕐᒥᑦ, ᐊᒻᒪᓗ ᑐᑭᓯᐅᒪᓂᕐᒥᑦ ᐱᒻᒪᕆᐅᓂᖓᓂ ᐊᖏᖅᓯᒪᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ ᐊᒻᒪᓗ ᓄᓕᐊᕐᓂᒃᑯᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓂᒃ. ᐊᑕᐅᑦᓯᒃᑯᑦ, ᑕᒪᓐᓇ ᖃᐅᔨᒪᓂᖅ ᐃᑲᔪᕐᓂᐊᖅᑐᖅ ᒪᒃᑯᑦᑐᓂᑦ ᐊᑖᑕᒋᔭᐅᔪᓂᑦ ᖃᐅᔨᓗᑎᒃ ᐊᑑᑎᖃᖅᑐᓂᑦ ᐊᔪᕈᓐᓃᖅᓴᐅᑎᓂᑦ ᐊᑦᓱᕈᓗᐊᓕᖅᑎᓪᓗᒋᑦ ᐊᒻᒪᓗ ᓂᙵᐅᒪᓂᐅᒍᓐᓇᖅᑐᖅ ᕿᑐᕐᖓᖃᖅᓱᓂ.

ᑭᓱᓕᕆᔾᔪᑏᑦ ᐊᑐᐃᓐᓇᐅᑎᑦᓯᒻᒥᔪᖅ ᐊᑑᑎᖃᖅᑐᓂᑦ ᑐᓴᐅᒪᔾᔪᑎᑦᓴᓂᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒧᑦ ᑐᙵᕕᖃᖅᑐᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓅᖃᑎᒌᓐᓂᕐᒧᑦ ᐅᖃᖃᑎᒌᓐᓂᕐᒧᑦ ᐊᔪᕈᓐᓃᖅᓴᐅᑎᓂᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᓕᖅᑎᑦᓯᓂᕐᒥᑦ ᐊᒻᒪᓗ ᐸᖅᑭᑦᓯᓂᕐᒥᑦ ᐊᒻᒪᓗ ᐃᑲᔪᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓯᕆᑦᑕᐃᓕᒪᑎᑦᓯᓂᕐᒥᑦ. ᑭᓱᓕᕆᔾᔪᑏᑦ ᐱᓕᕆᑎᑦᓯᒻᒥᔪᖅ ᐃᓄᐃᑦ ᐱᙳᐊᕈᓯᖏᓐᓂᒃ ᐊᒻᒪᓗ ᓄᓇᒥ ᖃᓄᐃᓕᐅᕈᑎᑦᓴᓂᑦ ᒪᒃᑯᑦᑐᓄᑦ ᐱᓕᕆᑦᓯᐊᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐊᓂᒍᐃᑦᓯᐊᕈᓐᓇᖅᓯᓂᕐᒥᑦ. ᑭᓱᓕᕆᔾᔪᑏᑦ ᐊᒻᒪᓗ ᖃᓄᐃᓕᐅᕈᑎᑦᓴᑦ ᐊᑐᐃᓐᓇᐅᑎᑕᐅᔪᑦ ᐊᓯᔾᔨᖅᑕᐅᒍᓐᓇᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᐊᓯᖏᓐᓄᑦ ᑲᑐᔾᔨᖃᑎᒌᓄᑦ, ᐊᑐᐃᓐᓇᐅᑎᑦᓯᓯᓐᓈᑦ ᓂᐱᖁᑎᒋᔭᐅᓂᕐᒥᑦ, ᐱᔭᐅᔭᕆᐊᓕᓐᓂᒃ ᖃᐅᔨᓴᕐᓂᕐᒥᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᑐᕌᖓᖃᓯᐅᑎᔪᓂᑦ ᐊᑦᓱᕉᑕᐅᔪᓂᑦ ᐱᓕᕆᖃᑎᖃᖅᑎᑦᓯᓂᕐᒥᑦ ᐃᓄᓐᓂᒃ ᒪᒃᑯᑦᑐᓂᑦ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ.

ᐱᔾᔪᑎᒋᔭᖓ ᐊᔪᕿᖅᑐᖅ ᑭᓱᓕᕆᔾᔪᑏᑦ ᓴᖅᑭᑕᐅᓚᐅᖅᑐᖅ ᐃᒪᐃᓕᐅᕐᓂᕐᒧᑦ:

1. ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᕐᓂᕐᒥᑦ ᐸᕐᓇᐃᓂᕐᒥᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᐊᖓᔪᖅᑳᕆᔭᐅᓂᕐᒥᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᒪᒃᑯᑦᑐᓄᑦ ᐃᓄᓐᓄᑦ ᐊᖑᑎᓄᑦ ᐊᒻᒪᓗ ᓄᑲᑉᐱᐊᓄᑦ;
2. ᑐᓴᖅᑕᐅᑎᑦᓯᓗᑎᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐃᓱᒪᒃᑯᑦ ᐊᒻᒪᓗ ᐃᑉᐱᒋᔭᒃᑯᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ, ᒪᒥᓴᕐᓂᕐᒥᑦ, ᐊᒻᒪᓗ ᐃᓄᐃᑦ ᕿᑐᕐᖓᖃᐅᓯᖏᓐᓂᒃ, ᐊᒻᒪᓗ
3. ᐃᑲᔪᕐᓂᖃᕐᓂᕐᒧᑦ ᐆᒪᑦᓯᐊᕆᖃᑎᒌᑦᑐᓄᑦ ᐃᓚᒌᓄᑦ.

https://pauktuutit.ca/wp-content/uploads/PIWC_EYMB-Ajuqiqtuq-Toolkit_Inuktitut.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᑖᓐᓇ ᓴᐃᒪᓃᒃ ᑭᓱᓕᕆᔾᔪᑏᑦ, ᐋᖅᑭᑦᓱᖅᑕᐅᔪᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᑲᒪᒋᔭᖃᖅᑐᖅ ᐊᒥᓲᓗᐊᕐᓂᖏᓐᓂᒃ ᐃᓄᐃᑦ ᐊᕐᓇᐃᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓲᓄᑦ (IPV) ᐊᒻᒪᓗ ᐊᑲᐅᙱᓕᐅᕈᑕᐅᖃᑦᑕᖅᑐᓂᑦ ᐃᑲᔪᖅᑕᐅᒐᓱᐊᕐᓂᕐᒧᑦ. ᑐᕌᖓᔪᖅ ᑐᑭᓯᐅᒪᑎᑦᓯᓂᕐᒥᑦ ᒪᓕᒐᓕᕆᔨᓂᑦ ᐊᑐᖅᑕᐅᔪᑐᖃᕐᓂᒃ ᐊᒻᒪᓗ ᒫᓐᓇᐅᔪᖅ ᐃᓗᓕᖏᓐᓂᒃ ᑕᐃᒫᒃ ᐊᑐᖅᑕᐅᕙᓪᓕᐊᔪᓂᑦ, ᐊᑐᐃᓐᓇᐅᑎᑦᓯᔪᑦ ᐸᕐᓇᐅᑎᓂᑦ ᐃᑲᔪᕐᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ ᑲᒪᒋᔭᖃᕐᓂᕐᒧᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.

ᓴᐃᒪᓃᒃ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᐃᑲᔪᖅᑕᐅᓪᓗᑎᒃ ᐊᓂᒍᐃᓯᒪᔪᓂᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ, ᒪᓕᒐᓕᕆᔨᓄᑦ, ᐱᓕᕆᔨᒻᒪᕆᓐᓄᑦ, ᓄᓇᓕᒻᒥᐅᑦ ᑲᓇᑕᓕᒫᒥᑦ. ᐋᖅᑭᑦᓱᖅᓯᒪᔪᖅ ᐃᒪᐃᓕᐅᕐᓂᕐᒧᑦ:

• ᐋᖅᑭᑦᓱᐃᓂᕐᒥᑦ ᐱᔭᐅᔭᕆᐊᓕᓐᓂᒃ ᐊᒻᒪᓗ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐊᓂᒍᐃᓯᒪᔪᓄᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.
• ᐃᑲᔪᕐᓂᕐᒧᑦ ᐱᔨᑦᓯᕈᑎᓄᑦ ᐊᒥᒐᕆᔭᐅᔪᓄᑦ.

ᓴᙱᓂᖅᓴᒥᑦ ᑐᑭᓯᐅᒪᓕᕐᓗᑎᒃ ᒪᓕᒐᖅᑎᒍᑦ ᐊᑦᓱᕉᑕᐅᓲᓂᑦ ᐊᒻᒪᓗ ᐅᓗᕆᐊᓇᕐᓂᐅᔪᓂᑦ ᐊᑐᖅᑕᐅᓲᓂᑦ ᐃᓄᓐᓄᑦ ᐊᕐᓇᓄᑦ.

ᐊᕐᕌᒍᒥᑦ ᓴᖅᑭᑕᐅᔪᖅ 2024