ᐋᑐᕚ,˙ᐊᓐᑎᐅᕆᐅ – ᐅᒃᑑᐸ 7, 2025. ᑕᐃᑲᓂ ᑲᑎᒪᔨᑦ ᑲᑎᒪᓪᓗᑎᒃ ᐃᑉᐸᒃᓴᖅ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕ ᑐᓴᖅᑎᑦᑎᓚᐅᖅᑐᑦ ᐊᓯᖑᖅᑐᓂᒃ ᓯᕗᓕᐅᖅᑎᓂᒃ ᐱᓕᕆᖃᑎᒌᖕᓂᒃ. ᐅᑯᐊ ᑲᑎᒪᔨᑦ ᑎᒃᑯᐊᖅᓯᓚᐅᖅᑐᑦ ᓘᐃ ᒪᐃᒃ ᐃᒡᓯᕙᐅᑕᕐᒧᑦ ᑲᑎᒪᔨᓄᑦ, ᓚᐃᓴ ᐊᐅᓪᓚᓗᒃ – ᒍᐊᔅᑯ ᑐᖏᓕᖓ – ᐃᒡᓯᕙᐅᑕᖅ, ᐊᒻᒪᓗ ᕙᓂᓴ ‘ᓯᓯ’ ᒍᐃᑉ ᑎᑎᕋᖅᑎ-ᑮᓇᐅᔭᓕᕆᔨ.
ᓘᐃ ᒪᐃᒃ, ᐱᒋᐊᓕᓵᖅᑐᖅ ᐃᒡᓯᕙᐅᑕᖅ, ᐃᒡᓯᔭᐅᑕᐅᑉ ᑐᖏᓕᕆᓯᒪᔭᖓ ᑕᐃᒪᖓᓂᑦ ᐅᒃᑑᐸ 2024, ᒫᓐᓇ ᐃᓂᑖᕆᓪᓚᑖᖅᑕᖓ ᐃᓂᖓ ᐃᒡᓯᕙᐅᑕᖅ.
ᐸᐅᒃᑑᑎᒃᑯᑦ ᑐᓐᖓᓱᒃᑎᑦᑎᕗᑦᑕᐅᖅ ᓄᑖᓂᒃ ᑲᑎᒪᔨᑖᓂᒃ ᓂᕈᐊᖅᑕᐅᔪᑦ ᒫᓐᓇᓵᖅ ᐊᕐᕌᒍᑕᒫᖅᓯᐅᑎᒥ ᑲᑎᒪᓪᓗᑎᒃ. ᑯᓕᔅᑐ ᓕᓐᓂ, ᑭᒡᒐᖅᑐᐃᓂᐊᖅᑐᖅ ᐃᓅᕕᐊᓗᐃᑦ ᓄᓇᖓᓐᓂᒃ, ᓕᐅᓂ ᖃᒻᒪᒋᐊᖅ ᒫᓐᓇ ᑭᒡᒐᖅᑐᐃᓕᖅᑐᖅ ᓄᓇᕗᑦ-ᐃᖃᓗᐃᑦ, ᒥᓕᓐᑕ ᐃᕼᐊᓗᐊ ᓄᓇᓕᖅᐸᐅᔭᖅ – ᓂᒋᐊᓄᑦ- ᐱᓇᖕᓇᖓᓄᑦ ᑭᒡᒐᖅᑐᖅᑎᐅᔪᖅ, ᐊᒻᒪᓗ ᐅᓕᐄ ᒪᒃᐸ-ᒑᕕᓐ ᐅᓇ ᓄᓇᓕᖅᐸᐅᔭᕐᓂᒃ – ᒪᒃᑯᒃᑐᓂᒃ ᑭᒡᒐᖅᑐᖅᑎ. ᐊᒻᒪᓗ, ᓗᐃᓴ ᐊᓗᓂᒃ ᓂᕈᐊᖅᑕᐅᒃᑲᓐᓂᖅᑐᖅ ᓄᓇᓕᖅᐸᐅᔭᖅ – ᔭᓗᓇᐃᕝ ᑲᑎᒪᔨ, ᐊᒻᒪᓗ ᐋᐱᑭᐅ ᒍᐃᑉ ᓂᕈᐊᖅᑕᐅᒃᑲᓐᓂᖅᑐᖅ ᓄᓇᓕᖅᐸᐅᔭᕐᓄᑦ ᑭᒡᒐᖅᑐᐃᔪᑦ ᕼᐋᐱ ᕚᓕ-ᒍᔅ ᐸᐃ
ᓘᐃ ᒪᐃᒃ ᐅᖃᓚᐅᖅᑐᖅ ᖁᔭᓕᓪᓗᓂ, ᐃᒪᓐᓇ ᐅᖃᖅᖢᓂ, “ᐅᐱᒍᓱᒃᐳᖓ ᐃᓂᑖᖅᑎᑕᐅᓚᐅᕋᒪ ᑲᑎᒪᔨᓂᑦ ᐃᒡᓯᕙᐅᑕᕆᔭᐅᓕᖅᖢᖓ ᑖᒃᑯᐊᓗ ᐱᖃᑎᒋᓗᒋᑦ ᐊᖏᖅᓯᒪᑦᑎᐊᖅᑐᑦ ᐊᒥᓱᑦ ᐊᔪᖏᑦᑎᐊᖅᑐᑦ ᐊᕐᓇᐃᑦ.”
“ᐅᐱᒍᓱᒃᑐᒍᑦ ᑕᒪᒃᑯᓄᖓ ᐊᖏᖅᓯᒪᑦᑎᐊᖅᑐ ᐊᒻᒪᓗ ᐱᓕᕆᓯᒪᔪᑦ ᑲᑎᒪᔨᐅᓂᕐᒧᑦ ᑐᑭᒧᐊᒃᑎᑦᑎᓂᐊᖅᑐᑦ ᐸᐅᒃᑑᑎᒃᑯᓂᒃ,” ᐅᖃᕆᐊᒃᑲᓐᓂᓚᐅᖅᑐᖅ. “ᑲᔪᓯᓂᖓ ᓯᕗᓕᐅᖅᑎᐅᓪᓗᑎᒃ ᐊᔪᖏᑎᑦᑎᓂᐊᖅᑐᑦ ᓅᑉᐸᓪᓕᐊᓗᑕ ᐅᐸᒐᓱᐊᖅᑕᑦᑎᓐᓄᑦ ᓯᕗᒻᒧᑦ ᐊᒻᒪᓗ ᓂᕆᐊᖅᑕᐅᓯᒪᓂᑦᑎᒍᑦ ᐃᑲᔪᕐᓗᑕ ᐱᔪᒪᔭᐅᔪᓂᒃ ᐊᒻᒪᓗ ᐱᔪᓐᓇᐅᑎᖏᓐᓂᒃ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ.”
ᐸᐅᒃᑑᑎᑦ ᖁᔭᓕᕗᑦ ᑲᑎᒪᔨᐅᓚᐅᖅᑐᓂᒃ ᐃᓱᓕᑦᑎᔪᓂᒃ, ᓈᓐᓯ ᐃᑐᒃ, ᐸᐃᔾ ᑭᒥᒃᓴᓇ-ᑯᓕᑉᔅ, ᐊᒻᒪᓗ ᓕᓕᐊᓐ ᓗᓐᕆᒐᓐ. ᐃᑲᔫᑎᓚᐅᖅᐳᓯ ᐊᒻᒪᓗ ᐊᖏᖅᓯᒪᖅᓯᐊᓚᐅᖅᐳᓯ ᐊᑑᑎᖃᕐᓂᖅᐹᓂᒃ, ᐊᒻᒪᓗ ᐃᓗᑐᔪᒥᒃ ᖁᔭᓐᓇᒦᒃ ᑕᒪᐃᓐᓂᒃ ᐱᓕᕆᐊᕆᓚᐅᖅᑕᑦᓯᓐᓄᑦ ᐃᑲᔪᖅᖢᒋᑦ ᓄᓇᓕᕗᑦ.
ᑲᑎᒪᔨᒃᓴᑦ ᓄᓇᕕᒃ – ᐊᖓᕙ, ᐊᒻᒪᓗ ᓄᓇᕕᒃ – ᕼᐊᑦᓴᓐ ᓱᓕ ᒪᑐᐃᖓᔪᑦ. ᐱᓇᓱᒍᒪᒍᕕᑦ ᐃᓚᐅᓂᐊᕋᕕᑦ ᐅᕙᑦᑎᓐᓂ, ᑎᑎᕋᕐᓗᑎᑦ ᖃᕆᓴᐅᔭᒃᑯᑦ ᐅᕙᑦᑎᓐᓄᑦ ᐅᕘᓇ communications@pauktuutit.ca
-30-
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᐊᐅᓚᑦᓯᔨᑦ ᑭᒡᒐᖅᑐᐃᔪᑦ ᑕᒪᐃᓐᓂᒃ ᐃᓄᖕᓂᒃ ᐊᕐᓇᓂᒃ ᑲᓇᑕᒥ. ᐅᑯᐊᓗ ᑎᓕᔭᐅᓯᒪᔪᑦ ᐊᑐᖅᓯᓗᑎᒃ ᖃᐅᔨᒪᑎᑦᑎᓂᕐᒥᒃ ᑭᓐᖒᒪᒋᔭᖏᓐᓂᒃ ᐱᔪᒪᔭᖏᓐᓂᒃ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐃᓄᐃᑦ, ᐊᒻᒪᓗ ᑲᔪᖏᖅᓴᕐᓗᒋᑦ ᐃᓚᐅᖁᓪᓗᒋᑦ ᓄᓇᓕᖕᓂ, ᐊᕕᒃᑐᖅᓯᒪᔪᓂ ᐊᒻᒪᓗ ᑲᓇᑕᒥ ᐃᓱᒫᓘᑎᑦ ᐱᔾᔪᑎᒋᓪᓗᒋᑦ ᐃᓅᓯᓕᕆᓂᖅ, ᐱᐅᓯᑐᖃᓕᕆᓂᖅ, ᐊᒻᒪᓗ ᑮᓇᐅᔭᓕᐅᕋᓱᐊᕐᓂᖅ.
ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ, ᐅᓇ ᐅᖃᕐᕕᒋᓗᒍ ᑎᑎᕋᕐᓗᑎᑦ: communications@pauktuutit.ca.
