ᑐᑭᓯᓇᓱᖃᑎᒌᖕᓂᕐᒥᒃ ᑎᑎᕋᖅᓯᒪᔪᓄᑦ ᓈᓴᖅᓯᒪᔪᓄᓪᓗ ᐱᓕᕆᐊᖑᔪᖅ ᕿᓂᖅᑐᖅ ᐱᐅᓯᕚᓪᓕᕐᓗᑎᒃ ᑐᑭᓯᔭᐅᔪᓐᓇᕈᑎᒃᓴᖏᑦ MMIWG2S+ ᐊᑦᑕᕐᓇᖅᑐᒦᑦᑐᑦ, ᓴᖕᖏᒃᑎᒋᐊᕐᓗᒋᑦ ᐃᑲᔫᑎᑦ ᐊᒻᒪᓗ ᓴᕿᑕᐅᓗᑎᒃ ᐱᓕᕆᔭᐅᓯᒪᓐᖏᓗᐊᖅᑐᑦ ᑲᓇᑕᒥ ᑕᐃᒪᖓᓂᑦ ᐃᖅᑲᖅᑐᐃᕕᒃᑯᑦ ᑐᑭᓯᓇᓱᒃᑐᖃᓚᐅᖅᑎᓪᓗᒍ.
ᒪᐃ 5, 2025 (ᒐᕙᒪᐅᓐᖏᑦᑐᑦ ᐊᓂᔅᓈᐱ ᓄᓇᖓᑦ | ᐋᑐᕚ) — ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕ, ᐊᕐᓇᐃᑦ ᒥᓯᕝ ᐅᑎᒻᐱᓯᒍᐊᑦ (LFMO), ᐅᑯᐊ ᐋᓐᑎᐅᕆᐅ ᐊᓪᓚᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ (ONWA) ᐊᒻᒪᓗ 2 ᐊᕐᓇᕐᔨᖓᔪᑦ ᐊᖑᑎᒃᔭᖓᔪᑦ ᑲᑐᔾᔨᖃᑎᒌᑦ (2SiMS) ᑐᓴᖅᑎᑦᑎᓚᐅᖅᑐᑦ ᐃᑲᔪᖅᑎᒌᖕᓂᖅ, ᓄᓇᖅᑲᖅᑳᖅᓯᒪᔪᓂᑦ-ᐊᐅᓚᑕᐅᔪᑦ ᖃᐅᔨᓴᕈᑎᑖᑦ ᐱᓕᕆᐊᖑᔪᖅ ᐊᐅᓪᓗᑎᔪᖅ ᐊᓯᐅᖃᔪᓂᒃ ᐊᒻᒪᓗ ᐃᓄᐊᖅᑕᐅᓯᒪᔪᓂᒃ ᐊᓪᓚᓂᒃ, ᐊᓪᓚᐃᖓᔪᓂᒃ ᐊᒻᒪᓗ ᐃᓄᖕᓂᒃ ᐊᕐᓇᓂᒃ, ᓂᕕᐊᖅᓵᓂᒃ, ᐊᖑᑎᒃᔭᖓᔪᑦ ᐊᕐᓇᕐᔨᖓᔪᑦ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐅᓪᓗᒥ.
“ᑕᒪᒃᑯᐊᖑᒐᓗᐊᕐᒪᑕ ᐊᖁᑎᖃᑦᑎᐊᖅᑐᑦ ᐋᕿᒃᑕᐅᓯᒪᔪᑦ ᑲᓇᑕᒥ ᐃᖃᖅᑐᖅᑕᐅᑎᑦᑎᓂᖅ ᑐᑭᓯᑎᑕᐅᔪᒪᓪᓗᑎᒃ, ᐊᓪᓚᐃᑦ, ᐊᓪᓚᐃᖓᔪᑦ ᐊᒻᒪᓗ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ,ᐊᖑᑎᒃᔭᖓᔪᑦ ᐊᕐᓇᕐᔨᖓᔪᑦ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ ᐃᓄᖁᑎᒋᔭᐅᓐᖏᑦᑎᐊᖅᑐᑦ ᐊᑭᕋᖅᑐᖅᑕᐅᔪᑦ, ᐊᑑᑎᖃᓐᖏᑦᑐᑦ ᐊᒻᒪᓗ ᑐᕌᖅᑕᐅᔪᑦ,” ᐅᖃᓚᐅᖅᑐᖅ ᐸᐅᒃᑑᑎᒃᑯᑦ ᐊᖓᔪᖅᑳᖓ ᐊᒻᒪᓗ ᑐᑭᒧᐊᒃᑎᖓ ᓂᑭ ᑯᒪᒃᓯᐅᑎᒃᓴᖅ. “ᐅᓇ ᐱᓕᕆᐊᖑᔪᖅ ᓴᖕᖏᒃᑎᒋᐊᖁᓪᓗᒋᑦ ᑲᔪᓯᔪᒥᒃ ᐃᑲᔫᑎᒃᓴᐃᑦ ᐊᒻᒪᓗ ᐊᒃᓱᕈᕐᓗᑕ ᐊᔭᐅᕐᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᐊᑐᓕᖅᑎᑕᐅᖁᓪᓗᒋᑦ ᑕᒪᕐᒥᒃ 231 ᐃᖃᖅᑐᖅᑕᐅᔾᔪᑕᐅᔭᕆᐊᓕᑦ ᓇᓗᓇᐃᖅᑕᐅᓯᒪᔪᑦ ᑲᓇᑕᒥ ᐃᖃᖅᑐᐃᕕᒃᑎᒍᑦ ᑐᓴᖅᑕᐅᔪᒪᔾᔪᑎᑦ ᐊᓯᐅᖃᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖅᑲᖅᑳᖅᓯᒪᔪᑦ ᐊᕐᓇᓄᑦ ᐊᒻᒪᓗ ᓂᕕᐊᖅᓵᓄᑦ.”
ᐅᓇ ᐱᓕᕆᐊᖑᔪᖅ ᐱᔾᔪᑎᖃᑦᑎᐊᕋᓱᐊᖅᑐᖅ ᐃᓚᓕᐅᑎᔭᐅᓗᑎᒃ ᓄᓇᖅᑲᖅᑳᖅᓯᒪᔪᓂᑦ-ᐊᐅᓚᑕᐅᔪᑦ ᐊᐅᓚᑦᓯᔨᑦ ᐅᑯᐊ ᐃᑲᔪᕈᓐᓇᖅᑐᑦ ᓄᐊᑦᑎᓗᑎᒃ ᑎᑎᕋᖅᓯᒪᔪᓂᒃ ᓈᓴᖅᓯᒪᔪᓂᒃ ᐊᓯᐅᖃᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᐊᓪᓚᐃᑦ, ᐊᓪᓚᐃᖓᔪᑦ ᐊᒻᒪᓗ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ, ᐊᖑᑎᕐᔭᖓᔪᑦ ᐊᖑᑎᕐᔭᖓᔪᑦ, ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ, ᐅᑯᐊᓗ ᐊᑐᖅᑕᐅᓂᐊᖅᑐᑦ ᖃᐅᔨᒪᔭᐅᓕᕐᑎᑦᑎᓂᖅ ᐊᒻᒪᓗ ᓯᕗᓕᐅᕆᓂᖅ ᓴᕿᑕᐅᖁᓪᓗᒋᑦ ᑲᓇᑕᒥ ᖃᐅᔨᓴᕈᑎᓕᕆᓂᖅ ᓈᓴᐅᑎᖏᑦ ᐊᒻᒪᓗ ᑎᑎᖃᖏᑦ – ᓴᖕᖏᒃᑎᒋᐊᕐᓂᐊᕐᒪᑕ ᐃᑲᔪᕈᓐᓇᕐᓂᖏᑦ, ᐃᖏᕐᕋᑎᑦᑎᔨᐅᓗᑎᒃ ᐃᓅᓯᓕᕆᓂᒃᑯᑦ ᐱᕙᓪᓕᐊᑎᑦᑎᓂᖅ ᐊᒻᒪᓗ ᐊᓯᖑᖅᑎᑕᐅᓗᓂ ᐊᑐᐊᒐᖅ.
“ᐸᓖᓯᒃᑯᑦ, ᓱᕈᓯᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ ᑐᑭᓯᐅᒪᓐᖏᓗᐊᖅᑐᑦ ᐃᓂᒥᖕᓂᒃ ᑲᔪᓯᔪᖅ ᐱᑦᑎᐊᖃᑦᑕᖏᓂᖓᑦ ᐱᓕᕆᔾᔪᓯᖏᑦ, ᐊᑑᑎᖃᓐᖏᑦᑐᐊᖅᑐᑦ ᐊᒻᒪᓗ ᑕᒻᒪᖅᓯᒪᑦᑎᐊᖅᑐᑦ MMIWG2S+ ᖃᐅᓴᕈᑎᖏᑦ ᑎᑎᖃᖏᑦ ᓈᓴᐅᑎᖏᑦ,” ᐅᖃᓚᐅᖅᑐᖅ LFMO ᑐᑭᒧᐊᒃᑎᖓ MMIWG2S ᐃᖏᕐᕋᓯᑎᑦᑎᓯᒪᔪᖅ ᑯᓕᔅᑕᓪ ᒋᐅᑯᓚᐃᔅᑦ-ᓵᓪᔅ. “ᐅᓇ ᐃᓱᓕᑎᑕᐅᖁᓕᖅᑕᕗᑦ ᐊᑦᑎᐊᖃᑦᑕᐅᑎᖃᑦᑕᓐᖏᓂᖅ ᐋᕿᑦᑎᐊᕈᑎᒋᓗᒍ ᐅᓇ ᐊᒃᓱᕈᓐᓇᖅᑐᒦᑎᑦᑎᔪᑦ – ᖃᐅᔨᓴᕈᑎᑦ ᑎᑎᕋᖅᓯᒪᔪᑦ ᓈᓴᖅᓯᒪᔪᓪᓗ ᓄᐊᑕᐅᓗᑎᒃ ᐃᑲᔪᕐᓂᐊᖅᑐᑦ ᐅᕙᑦᑎᓐᓂᒃ ᐱᔭᕇᕐᓗᒋᑦ ᐱᓕᕆᐊᒃᓴᐃᑦ ᑕᒪᑐᒧᖓ.”
“ᐅᑯᐊ ᖃᐅᔨᓴᕈᑎᑖᑦ ᐃᑲᔪᖅᑐᑦ ᐱᓕᕆᐊᖑᓇᓱᐊᖅᑐᓄᑦ ᑕᒫᖓᑦ ᐊᒻᒪᓗ ᐳᖅᑐᓛᓂᑦ ᒐᕙᒪᒃᑯᓂᑦ,” ᐅᖃᓚᐅᖅᑐᖅ 2SiMS ᑲᓇᑕᒥ ᖃᐅᔨᓴᖅᑎᖓᑦ ᑲᒪᔨ ᐃᒻᕆᐅ ᐱᔅᓯᑦ. “ᐅᔾᓪᓗᒥ, ᐊᐅᐸᖅᑐᓂᒃ ᐊᖏᔪᖅᑕᖅᓯᒪᓂᖅ ᐅᓪᓗᐊ, ᐊᐱᕆᕗᒍᑦ ᑕᒪᑦᓯ ᑲᓇᑕᒦᑦᑐᑦ ᑲᑎᑦᑎᐊᕐᓗᑎᒃ, ᒐᕙᒪᒃᑯᑦ ᓵᑕᒃᓴᐅᑎᓪᓗᒋᑦ ᐊᒻᒪᓗ ᓄᖃᖅᑎᓪᓗᒋᑦ ᑐᖁᕋᐃᔪᑦ ᑕᒪᒃᑯᓂᖓ ᐊᓪᓚᐃᑦ, ᐊᓪᓚᐃᖓᔪᑦ ᐊᒻᒪᓗ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ, ᐊᕐᓇᕐᔨᖓᔪᑦ ᐊᖑᑎᕐᔭᖓᔪᑦ, ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ.”
“ ᐅᓇ ᐱᓕᕆᖃᑎᒌᒍᓯᖅ ᐊᒻᒪᓗ ᐱᓕᕆᐊᖑᔪᖅ ᐱᔾᔪᑎᖃᖅᑐᖅ ᑐᓴᖅᑕᐅᑎᑦᑎᓗᑎᒃ ᐊᖏᖅᓯᒪᓂᕐᒥᖕᓂᒃ ᓱᓕᔪᓂᒃ, ᓵᑕᒃᓴᐅᓂᖅ ᐊᒻᒪᓗ ᐱᓱᖃᑎᒋᓗᒋᑦ ᐊᑐᓂ ᐃᒻᒥᖕᓄᑦ ᐃᒃᐱᒌᑦᑎᐊᕐᓗᑎᒃ ᐊᒻᒪᓗ ᐱᔭᒃᓴᒥᖕᓂᒃ ᐊᑐᖅᓯᓗᑎᒃ,” ᐅᖃᓚᐅᖅᑐᖅ ᐋᓐᑎᐅᕆᐅ ᐊᓪᓚᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖓ ᑯᐊᓚ ᒪᒃᑲᐃᔪ-ᓴᐃᕆᑦ. “ᐅᓇ ᐱᔾᔪᑎᖃᖅᑐᖅ ᑲᑎᑦᑎᐊᕐᓗᑕ ᐱᑦᑎᐊᓕᓗᑕ ᐊᒻᒪᓗ ᐱᔾᔪᑎᖃᕐᓗᑎᒃ ᐃᒃᐱᒋᓗᒋᑦ ᐃᓅᓯᖏᑦ ᐊᒻᒪᓗ ᐊᑐᖅᓯᒪᔭᖏᑦ
ᐊᓪᓚᐃᑦ, ᐊᓪᓚᐃᖓᔪᑦ ᐊᒻᒪᓗ ᐃᓄᐃᑦ ᐊᕐᓇᐃᑦ, ᓂᕕᐊᖅᓵᑦ, ᐊᖑᑎᕐᔭᖓᔪᑦ ᐊᖑᑎᕐᔭᖓᔪᑦ, ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᑦ ᐊᕐᓇᐅᔭᕆᐊᖃᖅᑐᕆᔪᑦ. ᐊᑐᖅᓯᓗᑕ ᖃᐅᔨᓴᕈᑎᑖᑦ ᓈᓴᖅᓯᒪᔪᑦ ᑎᑎᕋᖅᓯᒪᔪᓪᓗ ᖃᐅᔨᒪᓕᕐᓂᐊᕋᑦᑕ ᐱᓕᕆᔾᔪᑕᐅᔪᓂᒃ ᐃᖅᐸᖅᓯᒪᔪᓂᒃ ᐊᒻᒪᓗ ᐃᖃᖅᑐᐃᕕᒃᑎᒍᑦ ᐃᒃᐱᒋᔭᐅᓐᖏᑦᑐᓂᒃ, ᐅᓇ ᓴᓇᔭᐅᓂᖓ ᑐᕌᖅᑐᖅ ᐊᑯᓂᐅᔪᒃᑯᑦ ᓵᑕᒃᓴᐅᒋᐊᖃᓕᖅᓯᒪᔪᓄᑦ ᐊᒻᒪᓗ ᓴᖕᖏᒃᑎᒋᐊᕐᓗᒍ ᐊᑦᑕᕐᓇᖅᑐᒦᖂᓇᒋᑦ, ᐃᖅᑲᖅᑐᖅᑕᑎᑦᑎᔪᓐᓇᕐᓗᑎᒃ ᐊᒻᒪᓗ ᒪᒥᓴᕐᓗᑎᒃ ᓄᓇᓕᕗᑦ.”
ᐊᐅᓚᑦᓯᔩᑦ ᓴᓇᖃᑎᒋᔭᖏᑦ CDCI ᐊᒻᒪᓗ ᒍᐊᒻᐸᒻ ᑎᑎᕋᖅᓯᒪᓂᒃ ᓈᓴᖅᓯᒪᔪᓄᑦ – ᐅᑯᐊᓗ ᐃᑲᔪᖅᑐᑦ ᐃᑭᐊᕿᕕᒃᑯᑦ ᑎᑎᕋᖅᑕᐅᓯᒪᕕᖓᓂᒃ ᓄᐊᑦᑎᕕᖓᓂ ᑲᓇᑕᒥ ᑭᒡᓕᓯᓐᓂᐊᖅᑎᒃᑯᑦ ᑲᑐᔾᔨᓪᓗᑕ.
ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑕᒪᑐᒥᖓ, ᖃᕆᓴᐅᔭᒃᑯᑦ ᒪᑐᕐᓗᒍ: https://pauktuutit.ca/iu/mmiwg2s-database-project/
ᑐᓴᒐᒃᓴᓕᕆᔨᒃᑯᑦ ᐅᖃᕐᕕᒋᔪᓐᓇᖅᑕᖓ:
ᔨᐅ ᒪᑭᓐᔨ
ᑐᑭᒧᐊᒃᑎ ᐋᕿᒃᓯᒪᔾᔪᑎᒃᓴᓄᑦ ᐊᒻᒪᓗ ᑐᓴᒐᒃᓴᓕᕆᔨᒃᑯᑦ pipikwan pêhtâkwan jill@pipikwanpehtakwan.com
ᐱᔾᔪᑎᓕᒃ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ:
ᐸᐅᒃᑑᑎᑦ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᐊᐅᓚᑦᓯᔨᑦ ᑭᒡᒐᖅᑐᐃᔪᑦ ᑕᒪᐃᓐᓂᒃ ᐃᓄᖕᓂᒃ ᐊᕐᓇᓂᒃ ᑲᓇᑕᒥ. ᑎᓕᔭᐅᓯᒪᔪᑦ ᖃᐅᔨᒪᑎᑦᑎᓗᑎᒃ ᐱᔪᒪᔭᖏᓐᓂᒃ ᐃᓄᐃᑦ ᐊᕐᓇᐃᑦ, ᐊᒻᒪᓗ ᑲᔪᖏᖅᓴᐃᓗᑎᒃ ᐃᓚᐅᖁᓪᓗᒋᑦ ᐃᓚᓕᐅᑎᔭᐅᓯᒪᓗᑎᒃ ᓄᓇᓕᖕᓂ, ᐊᕕᒃᑐᖅᓯᒪᔪᓂ ᐊᒻᒪᓗ ᑲᓇᑕᒥ ᐃᓱᒫᓘᑎᒋᔭᖏᑦ ᐃᓅᓯᓕᕆᓂᕐᒧᑦ, ᐱᐅᓯᑐᖃᓕᕆᓂᕐᒧᑦ ᐊᒻᒪᓗ ᑮᓇᐅᔭᓕᐅᕈᓐᓇᕐᓂᕐᒥ ᐱᕙᓪᓕᐊᑎᑦᑎᓂᕐᒧᑦ.
ᐱᔾᔪᑎᓕ ᐊᕐᓇᐃᑦ ᒥᓯᕝ ᐅᑎᒻᐱᓯᒍᐊᑦ:
ᐊᕐᓇᐃᑦ ᒥᓯᕝ ᐅᑎᒻᐱᓯᒍᐊᑦ (LMFO) ᐅᓇ ᐃᓕᓴᕆᔭᐅᓯᒪᔪᖅ ᑲᓇᑕᒥ ᓂᐱᖓ ᐊᓪᓚᐃᖓᔪᑦ ᐊᕐᓇᐃᑦ ᓇᒥᑐᐃᓐᓇᖅ ᐊᓪᓚᐃᖓᔪᓄᑦ ᐊᖏᖅᑕᐅᓯᒪᔪᖅ ᐅᖃᐅᑎᔭᐅᓯᒪᓪᓗᓂ ᓯᕗᓪᓕᐅᑎᒋᐊᖃᖅᑐᓂᒃ ᐱᒋᐊᕐᕕᖏᑦᑎᒍᑦ ᐊᓪᓚᐃᖓᔪᑦ ᐊᕐᓇᐃᑦ.
ᐱᔾᔪᑎᓕ ᐋᓐᑎᐅᕆᐅ ᐊᓪᓚᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ:
ᐅᑯᐊ ᐋᓐᑎᐅᕆᐅ ᐊᓪᓚᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ (ONWA) ᑮᓇᐅᔭᓕᐅᕋᓱᐊᖅᑎᐅᓇᑎᒃ ᐊᐅᓚᑦᓯᔨᑦ ᓴᖕᖏᓂᖃᖅᑐᑦ ᐊᒻᒪᓗ ᐃᑲᔪᖅᑐᑦ ᑕᒪᐃᓐᓂᒃ ᓄᓇᖅᑲᖅᑳᖅᓯᒪᔪᓂᒃ ᐊᒻᒪᓗ ᐃᓚᖏᓐᓂᒃ ᐋᓐᑎᐅᕆᐅᒥ ᑕᒪᐅᓐᓇ ᖃᐅᔨᓴᕐᓂᒃᑯᑦ, ᖃᐅᔨᒪᔨᐅᓂᒃᑯᑦ, ᐊᑐᐊᒐᕐᓂᒃ ᐱᕙᓪᓕᐊᑎᑦᑎᓂᖅ, ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑦ ᐅᑯᐊ ᐊᐅᓪᓗᑎᔪᑦ ᓄᓇᓕᖕᓄᑦ, ᐊᕕᒃᑐᖅᓯᒪᔪᓄᑦ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂ ᖃᓄᐃᓕᐅᕈᑕᐅᔪᑦ.
ᐱᔾᔪᑎᓕ 2 ᐊᕐᓇᕐᔨᖓᔪᑦ ᐊᖑᑎᕐᔭᖓᔪᑦ ᑲᑐᔾᔨᖃᑎᒌᑦ:
The 2 ᐊᕐᓇᕐᔨᖓᔪᑦ ᐊᖑᑎᒃᔭᖓᔪᑦ ᑲᑐᔾᔨᖃᑎᒌᑦ: (2SiMS) ᓇᓗᓇᐃᒃᑯᑕᖃᖅᑐᑦ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᑲᑐᔾᔨᖃᑎᒌᑦ ᐅᑯᐊᓗ ᕿᓂᖅᑐᑦ ᓴᕿᑦᑎᓗᑎᒃ, ᐋᕿᑦᑎᐊᖅᓯᒪᓗᒍᑦ, ᐊᒻᒪᓗ ᓴᖕᖏᒃᑎᒋᐊᖅᓯᒪᓗᒋᑦ ᐊᑦᑕᕐᓇᖅᑐᖃᓐᖏᑦᑐᒥᒃ ᐊᒻᒪᓗ ᐃᑲᔫᑎᔪᒥᒃ ᐊᕙᑎᖃᕐᓗᑎᒃ 2 ᐊᕐᓇᕐᔨᖓᔪᑦ ᐊᖑᑎᕐᔭᖓᔪᑦ ᐃᓄᖕᓂᒃ ᐅᖃᓪᓚᒍᓐᓇᖅᑐᑦ ᐃᒻᒥᖕᓂᒃ ᐱᐅᓯᑐᖃᕐᒥᒍᑦ ᖃᐅᔨᒪᓂᕐᒧᑦ ᐊᒻᒪᓗ ᐱᔾᔪᑎᖃᖅᑎᓪᓗᒋᑦ ᐊᖑᑎᓂᒃ ᐊᕐᓇᓂᒡᓗ; ᐊᒻᒪᓗ ᑲᔪᓯᑦᑎᐊᖁᓪᓗᒋᑦ ᐊᒻᒪᓗ ᓴᖕᖏᓂᖃᕐᓗᑎᒃ ᑕᒪᐃᓐᓂ ᐊᑕᔪᑦ ᐃᓅᓯᓕᕆᓂᒃᑯᑦ ᐅᑯᐊ 2 ᐊᕐᓇᕐᔨᖓᔪᑦ ᐊᖑᑎᕐᔭᖓᔪᑦ ᐱᓯᒪᔭᕐᒥᖕᓄᑦ.
