“ᒥᖅᓱᖃᑦᑕᔅᓯᒪᓕᕋᔭ ᒥᔅᓵᓂ 30 ᐊᕐᐸᒍᐃᑦ ᐊᒻᒪᓗ ᐱᒋᐊᓚᐅᔅᓯᒪᓪᓗᖓ ᐊᓐᓄᕌᓕᐅᓐᓂᒻᒥᒃ ᕿᑐᙵᓐᓄᑦ ᐃᓚᓐᓄᓪᓗ ᐅᖅᑰᖁᓪᓗᖏᑦ ᐊᑯᓂᐋᓗᒃ ᓂᒡᓚᓱᖃᑦᑕᓐᓂᖓᓂ ᐅᑭᐅᒃᑯᑦ ᑕᖅᑭᖏᓐᓂ.”
ᐅᖃᐅᓯᖃᒃᑐᖅ ᕼᐊᑑᑉ ᓴᓇᓯᒪᓂᖁᑎᖓᓂᒃ
ᓴᓇᔭᐅᕋᒃᑯᑦ ᐊᒪᐅᑎᒐ ᐊᔾᔨᐅᖏᑦᑐᒥᒃ ᓛᐸᑐᐋᒥᐅᑎᑐᑦ ᓴᓇᓯᒪᓂᖃᑦᑐᓂᒃ, ᑕᐃᒪᓐᓇᐅᓯᒪᒻᒪᑕ ᐃᓐᓇᒪᕆᕗᑦ ᓴᓇᖃᑦᑕᔅᓯᒪᓂᖏᓐᓂᒃ. ᐊᑐᓚᐅᑉᐳᖓ ᐱᐅᔪᐋᓗᒻᒥᒃ ᐊᐅᐸᑦᑐᒥᒃ ᐃᑉᐱᒍᓱᓐᓇᑦᑐᒥᒃ ᓴᓇᒐᔅᓴᒥᒃ, ᐱᐅᓯᑎᓯᒪᓪᓗᓂ ᓴᐸᙵᓐᓄᑦ ᐊᒪᒥᐅᑕᓪ ᓇᓴᕆᓗᓂᐅᒃ ᐊᓗᓕᓪ.
ᐅᖃᐅᓯᖃᒃᑐᖅ ᕼᐊᑐ
ᒥᖅᓱᖃᑦᑕᔅᓯᒪᓕᕋᔭ ᒥᔅᓵᓂ 30 ᐊᕐᐸᒍᐃᑦ ᐊᒻᒪᓗ ᐱᒋᐊᓚᐅᔅᓯᒪᓪᓗᖓ ᐊᓐᓄᕌᓕᐅᓐᓂᒻᒥᒃ ᕿᑐᙵᓐᓄᑦ ᐃᓚᓐᓄᓪᓗ ᐅᖅᑰᖁᓪᓗᖏᑦ ᐊᑯᓂᐋᓗᒃ ᓂᒡᓚᓱᖃᑦᑕᓐᓂᖓᓂ ᐅᑭᐅᒃᑯᑦ ᑕᖅᑭᖏᓐᓂ. ᓴᓇᓯᒪᓕᑦᑐᖓ ᐊᔾᔨᒌᖏᑦᑐᓂᒃ ᐱᓕᕆᐊᒃᓴᓂᒃ. ᓴᓇᓚᐅᑦᑐᖓ ᒪᕐᕉᓐᓂᒃ ᐊᑯᓖᓐᓂᒃ ᓂᕕᐊᔅᓯᐋᓐᓄᒃ ᓄᓇᑦᑎᓐᓂᒥᐅᑖᓐᓄᒃ, ᒪᑐᐃᔅᓯᔪᖃᑦᑎᓪᓗᒍ ᖁᕕᐊᓱᒍᑎᖃᓐᓂᒻᒧᑦ ᑲᓇᑕ ᐅᑭᐅᒃᑯᑦ ᐅᓕᒻᐱ ᐱᙳᐊᕕᔾᔪᐊᓇᖏᓐᓄᑦ. ᐃᓕᓴᐃᓲᖑᓪᓗᖓᓗ ᐊᕐᓇᓂᒃ ᒪᒃᑯᑦᑐᓂᓪᓗ ᒥᔅᓱᓐᓂᒻᒥᒃ ᐊᑎᒋᒥᒃ ᐊᒻᒪᓗ ᐊᑯᓕᒻᒥᒃ. ᓯᕗᓪᓕᑉᐹᒥ ᐊᓐᓄᕌᑦᑎᐊᕙᐅᒋᔭᐅᔪᓂᒃ ᑕᑯᔅᓴᐅᑎᑦᑎᔪᓃᓚᐅᔅᓯᒪᒻᒥᔪᖓ ᐋᑐᕚᒥ ᐊᖅᓴᕐᓂᑦ ᐃᖅᑲᓇᐃᔭᓂᒃ ᑕᑯᔅᓴᐅᑎᑦᑎᓂᐅᔪᓂ ᕕᕗᐊᕆ, 2020−ᒥ.