ᐅᖃᐅᓯᖃᑦᑐᖅ ᓯᕐᓕᐅᑉ ᓴᓇᓯᒪᓂᖁᑎᖓᓂᒃ
ᐃᓄᕕᐊᓗᐃᑦ ᐊᒪᐅᑎᖓ ᐃᒪᓐᓇᐅᓱᖑᒻᒪᑦ ᑕᖅᓴᐅᓯᓂᖃᑦᑐᓂ ᓴᓇᓯᒪᔪᒥᒃ ᖃᕝᕕᒻᒥᒃ ᐊᒻᒪᓗ ᐊᒪᕈᒻᒥᒃ, ᑕᒪᒃᑯᐊ ᐊᑐᑯᑖᒍᓐᓇᓐᓂᑉᐹᖑᒻᒪᑕ ᐅᖅᑰᓂᑉᐸᖑᓪᓗᑎᓪᓗ ᒥᖅᑯᓕᑦ ᐊᑐᑯᑖᒍᓐᓇᑦᑐᑎᒃ ᓂᒡᓚᓱᒃᑐᐋᓗᖕᒥ ᓯᓚᒥ. ᐊᒪᕈᕋᔭᐅᓂᖓ ᑕᖅᓴᐅᓯᒍᑎ ᐅᑭᑎᑕᐅᓲᖑᒻᒪᑦ ᑕᑭᔫᓂᑉᐸᖓᓂᒃ ᐊᒪᕉᑉ, ᐊᒡᒍᖅᑕᐅᓪᓗᓂ ᒥᑭᔫᑎᐅᓪᓗᒋᑦ ᐊᔾᔨᒌᓕᑦᑎᓪᓗᒋᓪᓗ ᑕᖅᓴᐅᓂᖏᑦ ᑭᒡᓕᓕᔮᖃᑎᒌᑦᑎᐊᓕᓪᓗᑎᒃ. ᑖᔅᓱᒧᖓ ᐱᓕᕆᐊᒃᓴᒧᑦ, ᐊᑐᓚᐅᐳᖓ ᐊᒥᐊᔅᓯᒪᔪᒥᒃ ᐊᐅᐸᑦᑐᒥᒃ ᑎᕆᒐᓂᐋᕋᔭᒥᒃ.
ᓯᓂᖓ, ᖃᐅᔨᒪᔭᐅᓪᓗᓂ ᐃᒪᓐᓇ ᐆᒻᒪᓐᓇᕐᔪᐊᑉ ᐱᕐᕉᐃᒍᓯᖓ, ᓴᓇᓯᒪᓪᓗᑎᒃ ᒥᑭᔫᑎᐊᓗᐃᑦ ᑕᑭᔪᑯᑖᕈᑦᑎᓯᒪᓪᓗᑎᒃ ᐊᒻᒪᓗ ᑭᒡᓕᓕᒪᖓ ᒥᔅᓱᓪᓗᒍ ᒥᔅᓱᒐᔅᓴᓕᐊᕆᓗᒍ.
ᐃᓚᖏᑦ ᓴᓇᕐᕈᑏᑦ, ᑕᒪᒃᑯᐊᓗ ᑭᖑᕐᖑᔾᔨᒍᓯᐋᕆᓪᓗᒋᑦ, ᑭᙳᕐᖑᔾᔨᒍᓯᐊᕆᓯᒪᔭᒃᑲ ᕿᑐᒻᒪᔅᓴᐃᒍᑎᑦ. ᐃᓚᖓᑦ ᐊᑐᑦᑕᐅᖃᑦᑕᓐᓂᑰᓪᓗᓂ ᐊᒪᐅᓐᓄᑦ ᒪᕐᓃ ᒪᒪᔭᐅᖅ. ᐅᑉᐱᕈᓱᑦᑐᖓ ᐅᐄᖓᑕ ᐃᓚᕕᓂᐅᑉ ᓴᓇᑎᓚᐅᔅᓯᒪᒻᒪᒐ. ᐊᐄᑉᐹ ᐱᒋᔭᐅᓚᐅᔅᓯᒪᒻᒪᑦ ᐊᓈᓇᒪ ᐊᓈᓇᖓᓄᑦ ᑐᑉᓯ ᐃᑭᐃᓇ, ᐅᑉᐱᕆᓪᓗᒍᓗ ᐊᒪᐅᒻᒪ ᕕᓕ ᕙᓐᑭᔅᓚᓐ. ᑕᐃᒃᑯᐊᓪᓗ ᑕᒪᒻᒥᒃ ᑎᒡᔭᕐᓗᑯᒥᓂᕐᒥᒃ ᕿᔪᖕᒥᒃ ᑎᖁᓕᖃᒃᖢᑎᒃ, ᑐᑭᓯᒍᑎᒋᔭᕋ ᓴᓇᔭᐅᔪᒥᓂᐅᓂᖏᓐᓂᒃ ᑕᒫᓂᑎᓪᓗᒋᑦ ᓄᓇᐃᓐᓇᒻᒥ.
ᐅᖃᐅᓯᖃᑦᑐᖅ ᓯᕐᓕᕐᒥᒃ
ᐃᓄᕕᐊᓗᒃᑐᓐ ᐊᑎᖃᑦᑐᖓ ᒥᒥᕐᓕᓇ, ᖃᓪᓗᓈᑎᑐᑦ ᐊᑎᖃᔅᓱᖓ ᓯᕐᓕ ᐃᓕᐊᔅᒥᒃ. ᐃᓅᓚᐅᔅᓯᒪᔪᖓ ᐱᕈᔅᓴᓪᓗᖓᓗ ᐅᓗᒃᕼᒃᑑᒃᒥ, ᓄᓇᔅᓯᐊᒻᒥ. ᐊᖓᔪᖄᒃᑲᒃ ᐊᒻᒪᓗ ᐊᒪᐅᕋ ᐊᐅᓪᓛᓚᐅᔅᓯᒪᒻᒪᑕ ᑭᑦᑎᒑᔪᐃᑦᒥᒃ, ᑐᒃᑑᔭᑦᑐᒃᑰᓪᓗᑎᒃ. ᐱᕈᑉᐸᓪᓕᐋᑎᓪᓗᖓ, ᐃᓕᓴᑎᑕᐅᓚᐅᔅᓯᒪᕗᖓ ᐅᑭᑎᕆᓂᒻᒥᒃ ᐊᒻᒪᓗ ᖁᓕᑦᑕᐅᔭᓕᐋᕆᓗᒋᑦ. ᐊᒪᕋ ᒪᒦ ᒪᒪᔪᐊᖅ ᐃᓕᓴᑎᓚᐅᒻᒪᑕ ᐱᓕᕆᒍᓐᓇᓐᓂᒻᒥᒃ ᐊᒻᒪᓗ ᐊᔪᕈᓐᓃᔅᓴᓚᐅᑉᐳᖓ ᐱᙳᐊᑦᑎᓪᓗᖓ, ᐊᓐᓄᕌᖑᐊᓕᐅᓪᓗᒋᑦ ᕿᑐᙵᐅᔭᒃᑲ.
ᐊᑖᑕᒐ ᐅᐋᓕᒃ ᒎᓯ ᐱᕈᑦᑎᑕᐅᓚᐅᒻᒪ ᐊᒪᐅᓐᓄᑦ. ᐊᖏᕐᕋᑦᑎᓐᓃᖏᓐᓇᖃᑦᑕᓚᐅᑦᑐᓂᓗ ᐱᕈᑉᐸᓪᓕᐋᑎᓪᓗᖓ. ᒪᒦ ᒥᔅᓱᑦᑎᐅᓚᐅᒻᒪᑦ ᕕᓪᕼᔭᓪᒧᕐ ᓯᑎᐸᓐᓴᓐ ᓇᒧᖓᑲᑕᓐᓂᒻᒥᒃ ᐱᒋᐊᓕᕋᑖᑦᑎᓪᓗᒋᑦ 1900−ᖏᑦ. ᐊᓈᓇᒪ ᐃᓕᓴᑏᓐᓇᖃᑦᑕᓚᐅᔅᓯᒪᒻᒪᖓ, ᓴᓇᙳᐋᑦᑎᐅᓚᐅᒻᒐᒥᑦᑕᐅᖅ. ᐊᑖᑕᖓ ᕕᓕ ᕙᓐᒃᓯᓚᙳᓚᐅᑐᖅ, ᖃᐅᔨᒪᔨᑕᐅᓚᐅᑦᑐᓂ ᕕᓪᕼᔭᓪᒧᕐ ᓯᑎᐸᓐᓴᓐ ᓇᒧᖓᑲᑕᓐᓂᒻᒧᑦ. ᐊᓈᓇᒐ ᐊᔅᓱᐋᓗᒃ ᖁᐸᒃᒥᒃ ᐃᖅᑲᓇᐃᔮᖃᖃᑦᑕᓚᐅᑦᑐᖅ, ᑕᒪᓐᓇᓗ ᐋᖅᑭᒃᓱᔅᓯᒪᑦᑎᐋᑦᑐᐋᓗᓪᓗᓂ ᓯᓂᖓᑕ ᐋᖅᑭᔅᓱᔅᓯᒪᓂᖓ ᑕᑯᓂᐊᑦᑕᐃᑦ ᖁᓕᑦᑕᐅᔭᓕᐋᕆᔭᓐᓂ ᐱᔭᕇᔅᓯᒪᔭᓐᓂᒃ. ᑖᔅᓱᒪᖓᑦ ᑕᕝᕙ ᐱᓕᕆᑦᑎᐊᕈᓐᓇᓐᓂᑦᑖᕆᔪᔭᕋ. ᑭᖑᓂᖓᒎᓕᑦᑐᓪᓕ, ᐃᓐᓇᕈᓕᑦᑎᓪᓗᖓ, ᐃᓕᑉᐸᓪᓕᐋᓕᓚᐅᔅᓯᒪᒐᒪ ᓴᓇᒍᓐᓇᓐᓂᒻᒥᒃ ᓴᓇᓗᖓ ᒥᖅᑯᓕᒻᒥᒃ. ᐃᓕᑦᑎᓚᐅᑦᑐᖓ ᖃᓄᖅ ᕿᑐᒻᒪᔅᓴᔅᓯᒪᔪᑦ ᐊᒦᑦ ᐅᑭᓯᒪᔪᑦ ᒥᔅᓱᓪᓗᖏᑦ ᑲᑎᑎᓪᓗᒋᑦ, ᓲᕐᓗ ᑕᖅᓴᐅᓯᔪᓂ.