ᓯᕗᓕᖅᐳᑦ
- ᐲᔾ ᑭᒥᒃᓴᓇ-ᑯᕆᑉᔅ -
ᐲᔾ ᑭᒥᒃᓴᓇ-ᑯᕆᑉᔅ
ᑎᑎᕋᖅᑎ-ᑮᓇᐅᔭᓕᕆᔨ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᑭᒡᒐᖅᑐᐃᔨ ᐃᓅᓱᑦᑐᓄᑦ, ᖃᓪᓗᓈᑦ ᓄᓇᖓᓂ
ᖃᓪᓗᓈᑦ ᓄᓇᖓᓃᑦᑐᓂᑦ ᐃᓄᐃᑦ ᓂᐱᖏᓐᓂᒃ ᓵᒨᖅᑲᐃᓂᕐᒥᑦ
ᐲᔾ ᑭᒥᒃᓴᓇ-ᑯᕆᑉᔅᒧᑦ, ᐃᓅᓂᕆᔭᖓ ᑲᓲᒪᓂᐅᕗᖅ, ᑕᒪᒃᑮᓐᓄᑦ ᓄᓇᒧᑦ ᐊᒻᒪᓗ ᓄᓇᓕᒻᒧᑦ. ᓇᒻᒥᓂᖅ ᕿᓂᕆᐊᖃᓚᐅᖅᑐᖅ ᐃᒻᒥᓄᑦ, ᐱᕈᖅᐸᓪᓕᐊᓪᓗᓂ ᑐᕌᓐᑐ ᓄᓇᓕᐸᐅᔭᖓᓂ ᐃᓄᑦᑐᖃᑦᑎᐊᕐᓇᓂ ᖃᓂᒋᔭᖓᓂ. ᒫᓐᓇᐅᔪᖅ, ᑎᑎᕋᖅᑎ-ᑮᓇᐅᔭᓕᕆᔨᐅᓪᓗᓂ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᑕᐃᒪᐃᑎᑦᓯᒋᐊᖅᑐᖅ ᐊᓯᖏᓐᓂᒃ ᖃᓪᓗᓈᑦ ᓄᓇᖓᓃᑦᑐᓂᑦ ᐃᓄᓐᓂᒃ ᑲᓲᒪᑦᓯᐊᖁᔨᓪᓗᓂ.
ᓇᓂᓯᓂᕐᒥᑦ ᐅᑎᖅᐸᓪᓕᐊᓂᕐᒥᑦ
ᐱᕈᖅᓴᓚᐅᖅᓯᒪᔪᖅ ᑐᕌᓐᑐ ᓯᓚᑖᓂ, ᐅᖓᓯᑦᑐᒥᑦ ᐃᓄᐃᑦ ᐃᓕᖅᑯᓯᖓᓂ ᐊᒻᒪᓗ ᐃᓚᒋᔭᒥᓂ “ᐃᓅᓱᑦᑑᓕᖅᑎᓪᓗᖓ ᑭᓯᐊᓂ ᑲᓲᒪᖃᑎᒋᓕᓚᐅᖅᓯᒪᔭᒃᑲ ᐃᓅᓪᓗᑎᒃ ᐃᓚᒋᔭᒃᑲ, ᑕᐃᑲᓂ ᑐᑭᓯᐅᒪᕙᓪᓕᐊᓕᓚᐅᖅᓯᒪᔪᖓ ᑭᓇᐅᓂᕐᓂ.”
23-ᖑᑎᓪᓗᒍ, ᓂᐅᕐᕈᓚᐅᖅᓯᒪᔪᖅ ᐃᓅᕕᒻᒧᑦ ᐊᒻᒪᓗ ᑐᒃᑑᔮᖅᑐᒧᑦ, ᑕᑯᒋᐅᖅᑐᓂ ᐃᓚᒋᔭᒥᓂᒃ ᓯᕗᓪᓕᖅᐹᒥᑦ. “ᐃᖅᑲᐅᒪᔪᖓ ᐊᑦᓱᐊᓗᒃ ᐅᐃᕐᖓᓚᐅᖅᓯᒪᔪᖓ ᐊᒻᒪᓗ ᑕᖃᐃᖅᓯᕐᔪᐊᓚᐅᖅᓯᒪᔪᖓ. ᐃᓚᒋᔭᒃᑲ ᓇᓪᓕᒍᓱᓪᓚᕆᓚᐅᖅᓯᒪᔪᑦ, ᐊᒻᒪᓗ ᐅᖃᐅᔾᔭᐅᓚᐅᖅᓯᒪᔪᖓ, ‘ᑕᕐᓃᑦ ᐊᖏᕐᕋᑕᐃᓐᓇᖅᑐᖅ. ᑕᖃᐃᖅᓯᒍᓐᓇᖅᑐᑎ.’ ᑖᓐᓇ ᐊᑦᓱᐊᓗᒃ ᐃᑉᐱᒋᓚᐅᖅᑕᕋ, ᓲᕐᓗᓕ ᑕᕐᓂᕋ ᐃᓕᓴᖅᓯᓚᐅᖅᑐᖅ ᓄᓇᒥ, ᐊᒻᒪᓗ ᓴᐃᓕᖓᔪᒦᓚᐅᖅᑕᖓ.”
ᑭᓯᐊᓂ ᐃᓕᓴᖅᓯᒻᒥᔪᖅ ᐊᓯᖓᓂᒃ ᑭᓇᐅᓂᕐᒥᓂ, ᖃᓪᓗᓈᑦ ᓄᓇᖓᓂᕐᒥᐅᑕᐅᔪᖅ ᐃᓅᓪᓗᓂ. “ᓄᓇᓕᐸᐅᔭᖅ ᐱᐅᒋᓪᓚᕆᑦᑕᕋ, ᐊᒻᒪᓗ ᑐᕌᓐᑐ ᐱᐅᒋᓪᓚᕆᑦᑕᕋ. ᖃᐅᔨᒪᙱᑦᑐᖓ ᐅᑭᐅᖅᑕᖅᑐᒥᐅᑕᐅᒍᓐᓇᕐᒪᖔᕐᒪ ᒫᓐᓇᐅᔪᖅ, ᑭᓯᐊᓂ ᐱᓕᕆᒍᒪᑦᓯᐊᖅᑐᖓ ᐃᓄᐃᑦ ᑲᓲᒪᑦᑎᐊᖁᓪᓗᒋᑦ ᖃᓪᓗᓈᑦ ᓄᓇᖓᓃᓐᓂᖏᓐᓂᒃ. ᑕᒪᓐᓇ ᐱᓯᒪᓚᐅᙱᓐᓇᒃᑯ ᐱᕈᖅᓴᖅᐸᓪᓕᐊᓪᓗᖓ.”
ᓄᓇᖅᑲᑎᓕᐅᕐᓂᕐᒥᑦ ᖃᓪᓗᓈᑦ ᓄᓇᖓᓂ
ᐲᔾ ᐱᓕᕆᓂᖓ ᑐᕌᓐᑐᒥᑦ ᑕᒪᒃᑯᐊ ᐃᓄᐃᑦ ᖃᓪᓗᓈᓃᑦᑐᑦ ᐊᑦᓱᕈᖁᓇᓂᒋᑦ ᐃᓄᑑᓗᑎ. “ᐊᒥᓱᓂᑦ ᐃᓄᑦᑕᖃᕐᒪᑦ ᐅᕙᖓᑎᑑᖅᑐᓂᑦ, ᐃᓅᓂᑯᐃᑦ ᖃᓪᓗᓈᓂ, ᑲᓲᒪᑦᓯᐊᙱᑦᑐᑦ ᐃᓕᖅᑯᓯᕐᒥᓄᑦ ᑭᓯᐊᓂ ᑲᓲᒪᒍᒪᔫᒐᓗᐊᑦ. ᐃᓚᖏᑦ ᐃᓱᒪᖅᓱᖏᒻᒪᑕ; ᐊᖓᔪᖅᑳᖏᑦ ᐃᓚᒋᔭᐅᓚᐅᕐᒪᑕ 1960-ᖏᓐᓂᒃ ᑎᒍᐊᖅᑕᐅᖃᑦᑕᓚᐅᖅᓯᒪᔪᓂᑦ, ᐅᕝᕙᓘᓐᓃᑦ ᖃᓪᓗᓈᑦ ᓄᓇᖓᓄᑦ ᓅᑎᑕᐅᓚᐅᕐᒪᑕ. ᐊᓯᖏᑦ ᑕᒪᐅᖓᖃᑦᑕᖅᑐᑦ ᐃᓕᓐᓂᐊᕆᐊᖅᑐᑎᒃ, ᐃᖅᑲᓇᐃᔭᕆᐊᖅᑐᑎᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᐱᔾᔪᑎᖃᖅᑐᑎᒃ. ᑐᕌᓐᑐ ᐊᑦᑕᕐᓇᖅᑑᖃᙱᓐᓇᒃᑯ ᐃᓄᓐᓄᑦ, ᑲᓲᒪᑦᓯᐊᕈᓐᓇᕐᓗᑎᒃ ᐃᓕᖅᑯᓯᕐᒥᓂ ᐊᒻᒪᓗ ᓄᓇᖅᑲᑎᒌᓗᑎᒃ ᑕᐃᒪᐃᒍᒪᑉᐸᑕ.”
ᑕᒪᓐᓇ ᐱᓕᕆᐊᕆᓕᓚᐅᖅᓯᒪᔭᖓ ᑐᕌᓐᑐ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐃᓕᖅᑯᓯᕐᒨᖓᔪᓂᑦ ᐱᓕᕆᑎᑦᓯᕙᑦᑐᓂᒃ ᓄᕙᔾᔪᐊᕐᓇᖅᑎᓪᓗᒍ. “ᖃᕋᓴᐅᔭᒃᑯᑦ Zoom-ᑯᑦ ᐃᓕᓐᓂᐊᖅᑎᑦᓯᒍᓐᓇᓚᐅᖅᑐᒍᑦ ᐃᓄᓐᓂᒃ ᑲᓇᑕᓕᒫᒥᑦ, ᐊᒻᒪᓗ ᖁᕕᐊᓇᓚᐅᖅᑐᖅ ᐱᓇᓱᐊᕈᓯᑕᒫᑦ ᑲᑎᖃᑎᒌᖃᑦᑕᖅᑐᑕ ᑲᓲᒪᖃᑦᑕᐅᑎᓂᕐᒧᑦ ᐊᒻᒪᓗ ᐃᓕᓐᓂᓯᓐᓈᕐᓗᑕ ᐊᔾᔨᒌᙱᑦᑐᓂᑦ ᐃᓕᖅᑯᓯᕆᔭᑦᑎᓐᓂᙶᖅᑐᓂᒃ.”
ᓯᐊᕈᒋᐊᒃ, ᓅᓕᓚᐅᖅᓯᒪᔪᖅ ᑐᖓᓱᕝᕕᖓᑦ ᐃᓄᐃᒃᑯᓐᓄ (TI), ᐃᑲᔪᓚᐅᖅᓯᒪᔪᖅ ᐃᓕᓐᓂᐊᖅᑎᑦᓯᓪᓗᓂ ᐃᓄᓐᓂᒃ ᖃᓄᖅ ᐱᓕᕆᖃᑎᖃᕆᐊᖃᕐᒪᖔᑦ ᐃᓄᓐᓂᒃ ᖃᓄᖅ ᐊᑐᐃᓐᓇᐅᑎᑦᓯᒍᓐᓇᕐᒪᖔᑦ ᐃᓕᖅᑯᓯᕐᒨᖓᔪᓂᑦ ᐊᑦᑕᕐᓇᙱᑦᑐᓂᑦ ᐱᔨᑦᓯᕈᑎᓂᑦ. “ᑕᒪᓐᓇ ᖁᕕᐊᓇᓪᓚᕆᓚᐅᖅᑐᖅ ᐅᕙᖓ ᐃᖅᑲᓇᐃᔮᖓᓂ, ᑲᓲᒪᖃᑎᖃᕐᓂᕐᒥᑦ ᐃᓄᓐᓂᒃ ᐃᓕᓐᓂᐊᒃᑲᓐᓂᕈᒪᔪᓂᑦ ᐃᓄᓐᓂᒃ ᑭᓯᐊᓂ ᓇᓗᓚᐅᖅᑐᑦ ᓇᑭ ᐱᒋᐊᕐᓂᐊᕐᒪᖔᑦ, ᐊᒻᒪᓗ ᑐᙵᕕᖃᖅᑎᒋᐊᖅᑐᒋᑦ ᐃᓕᓐᓂᐊᕐᓂᕐᒥᑦ.”
“ᐃᑲᔫᑎᑦᓴᑦ ᐊᒥᓱᑦ ᓄᓇᖃᖅᑳᖅᓯᒪᔪᓕᒫᓅᖓᔪᑦ, ᐊᒻᒪᓗ ᐊᓪᓚᓄᑦ-ᑐᕌᖓᓂᖅᓴᐅᓲᖑᓪᓗᑎ. ᐊᒥᓱᓂᑦ ᐱᐅᔪᐊᓗᓐᓂᒃ ᑲᑐᔾᔨᖃᑎᒌᑦᑕᖃᕐᒪᑦ ᐃᓄᓐᓂᒃ ᐃᑲᔪᕈᒪᔪᓂᑦ ᑭᓯᐊᓂ ᑐᑭᓯᐅᒪᑦᓯᐊᙱᑐᐃᓐᓇᕆᐊᓖᑦ ᐃᓄᐃᑦ ᐊᑐᖅᓯᒪᔭᑐᖃᖏᓐᓂᒃ ᐅᕝᕙᓘᓐᓃᑦ ᐊᔾᔨᒌᙱᓐᓂᐅᔪᓂᑦ ᐃᓄᐃᑦ ᐊᑐᖃᑦᑕᖅᑕᖏᓐᓂᒃ ᑕᑯᖃᓯᐅᑎᓗᒋᑦ ᐊᓪᓚᐃᑦ ᐅᕝᕙᓘᓐᓃᑦ ᐊᓪᓚᖓᔪᐃᑦ. ᑕᐃᒫᒃ, ᓇᓂᓯᓇᓱᓪᓗᓂ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᐊᑦᓱᕈᕐᓇᖅᑐᖅ.”
ᐃᑲᔪᖅᓱᐃᓂᕐᒥᑦ ᖃᓪᓗᓈᑦ ᓄᓇᖓᓃᑦᑐᓂᑦ ᐃᓄᓐᓂᒃ
ᐲᔾ ᐱᓕᕆᑦᓯᐊᕈᒪᔪᖅ ᖃᓪᓗᓈᑦ ᓄᓇᖓᓃᑦᑐᑦ ᐃᓄᐃᑦ ᑭᓱᖃᑦᓯᐊᕐᓗᑎᒃ ᑲᔪᓯᑦᓯᐊᕐᓂᐊᕐᒪᑕ. “ᐊᑦᓱᕈᓐᓇᖅᑐᖅ ᑕᖅᑳᓂ,” ᐅᖃᖅᑐᖅ. “ᐃᑲᔫᑎᑦᓴᑦ ᐊᒥᓱᑦ ᓄᓇᖃᖅᑳᖅᓯᒪᔪᓕᒫᓅᖓᔪᑦ, ᐊᒻᒪᓗ ᐊᓪᓚᓄᑦ-ᑐᕌᖓᓂᖅᓴᐅᓲᖑᓪᓗᑎ. ᐊᒥᓱᓂᑦ ᐱᐅᔪᐊᓗᓐᓂᒃ ᑲᑐᔾᔨᖃᑎᒌᑦᑕᖃᕐᒪᑦ ᐃᓄᓐᓂᒃ ᐃᑲᔪᕈᒪᔪᓂᑦ ᑭᓯᐊᓂ ᑐᑭᓯᐅᒪᑦᓯᐊᙱᑐᐃᓐᓇᕆᐊᓖᑦ ᐃᓄᐃᑦ ᐊᑐᖅᓯᒪᔭᑐᖃᖏᓐᓂᒃ ᐅᕝᕙᓘᓐᓃᑦ ᐊᔾᔨᒌᙱᓐᓂᐅᔪᓂᑦ ᐃᓄᐃᑦ ᐊᑐᖃᑦᑕᖅᑕᖏᓐᓂᒃ ᑕᑯᖃᓯᐅᑎᓗᒋᑦ ᐊᓪᓚᐃᑦ ᐅᕝᕙᓘᓐᓃᑦ ᐊᓪᓚᖓᔪᐃᑦ. ᑕᐃᒫᒃ, ᓇᓂᓯᓇᓱᓪᓗᓂ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᐊᑦᓱᕈᕐᓇᖅᑐᖅ.”
ᐊᑐᐃᓐᓇᖃᕐᕕᐅᓂᕐᒥᑦ ᓂᕿᓕᖅᑕᓂᒃ ᐊᑲᐅᙱᓕᐅᕈᑕᐅᕐᔪᐊᕐᒥᔪᖅ. “ᑕᒪᓐᓇ ᐱᓕᕆᓯᒪᕐᔪᐊᖅᑕᕗᑦ ᑐᕌᓐᑐᒥ, ᐱᓕᕆᖃᑎᖃᕐᓂᕐᒥᑦ ᑭᕙᓪᓕᕐᒥᑦ ᓂᕿᑖᕐᕕᖓᓂ ᐊᓯᖏᓐᓂᓪᓗ ᐃᓄᓕᖅᑕᓂᑦ ᓂᕿᖃᖅᑎᑦᓯᔨᓂᑦ. ᐃᓛᓐᓂᒃᑯᑦ ᑐᔪᐃᒍᓐᓇᖅᑐᑦ ᐋᑐᕚᒧᑦ ᑭᓯᐊᓂ ᑐᔪᐃᒐᓱᒋᐊᖓ ᐋᑐᕚᒥᑦ ᑐᕌᓐᑐᒧᑦ ᐊᑭᑐᔪᖅ. ᓄᕙᔾᔪᐊᕐᓇᑎᓪᓗᒍ, ᐊᓪᓚᕝᕕᖃᙱᑎᓪᓗᑕ, ᐃᖅᑲᓇᐃᔭᖅᑏᑦ ᐃᓚᖏᑦ ᐃᓄᓕᖅᑕᓂᑦ ᑐᖅᑯᐃᓯᒪᓚᐅᖅᑐᑦ ᐊᖏᕐᕋᖏᓐᓂᒃ. ᐃᓂᑦᓴᖃᑦᓯᐊᕐᓂᖅ ᑐᕌᓐᑐᒥᑦ ᐊᖏᔫᓯᒪᔪᖅ ᐅᐱᓐᓇᕋᓂ ᑐᖅᑯᐃᔪᓐᓇᖅᓯᔪᒍᑦ ᐊᒻᒪᓗ ᑐᓐᓂᖅᓴᐃᑦᓯᐊᕈᓐᓇᖅᓯᒪᔪᑦ ᐃᓄᓕᖅᑕᓂᑦ.”
ᐊᔾᔨᐅᙱᓐᓂᖅ ᐊᒻᒪᓗ ᐃᓅᓂᖅ
ᐲᔾ ᐱᓕᕆᑦᓯᐊᕈᒪᒻᒥᔪᖅ ᐊᑦᑕᕐᓇᙱᑦᑐᓂᑦ ᐃᓂᑦᓴᖅᑕᖃᑦᓯᐊᕐᓗᓂ ᐊᔾᔨᐅᙱᑦᑐᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᒌᙱᓐᓂᐅᔪᓂᑦ ᐃᓄᓐᓄᑦ. “ᖁᔭᓕᓪᓚᕆᑦᑐᖓ ᐸᐅᒃᑑᑎᑦ ᐱᓕᕆᒻᒪᑕ ᐊᑦᑕᕐᓇᖅᑐᒦᓐᓂᐊᖏᓐᓇᑦᑕ ᐊᔾᔨᐅᙱᓐᓂᕐᒧᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓄᑦ”, ᐅᖃᖅᑐᖅ. “ᖁᕕᐊᓇᓪᓚᕆᑦᓯᒪᔪᖅ ᐸᐅᒃᑑᑎᒃᑯᑦ ᐱᓇᓱᐊᕐᒪᑕ ᐱᔨᑦᓯᕋᕐᓂᕐᒥᑦ ᐃᓄᓐᓂᒃ ᐊᕐᓇᓂᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓂᒃ.”
ᐲᔾᒧᑦ, ᐊᔾᔨᐅᙱᓐᓂᖅ ᐊᒻᒪᓗ ᐃᓄᐃᑦ ᑭᓇᐅᓂᕐᒥᓂ ᑲᓲᒪᖃᑎᒌᑦᓯᐊᕐᓂᖅ. “ᐱᓕᕆᖃᑎᖃᖅᑎᓪᓗᖓ ᐊᒻᒪᓗ ᐃᓕᓐᓂᐊᖅᑎᓪᓗᖓ, ᐅᕙᓐᓂ ᐃᓕᓴᖅᓯᕙᓪᓕᐊᕗᖓ, ᐊᔾᔨᐅᙱᓐᓂᖅ ᐊᒻᒪᓗ ᐃᓅᓂᖅ ᐊᑦᑐᐊᖃᑦᑕᐅᑎᔫᒃ. ᖁᕕᐊᓇᓪᓚᕆᑦᓯᒪᔪᖅ ᑲᓲᒪᖃᑎᖃᕐᓂᕐᒥᑦ ᐱᖃᓐᓇᕆᔭᓐᓂᑦ ᐊᓪᓚᓂᑦ ᓇᓗᓇᐃᖅᓯᔪᓂᑦ ᒪᕐᕉᓐᓂᒃ ᑕᕐᓂᖃᕐᓂᕋᖅᑐᑎᒃ. ᐊᒥᓱᓂᑦ ᐊᔾᔨᒌᑦᑐᓂᑦ ᐊᑐᖅᓯᒪᒐᑦᑕ ᐊᒻᒪᓗ ᑐᑭᓯᐅᒪᒐᑦᑕ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᐸᓗᑦᑐᒥ. ᑭᓯᐊᓂ ᖃᐅᔨᒪᔪᖓ ᑖᓐᓇ ᐅᖃᐅᓯᖅ ‘ᒪᕐᕉᓐᓂᒃ ᑕᕐᓂᓕᒃ’ ᑐᑭᓕᐅᖅᑕᐅᑦᓯᐊᕈᓐᓇᙱᑦᑐᖅ ᐃᓄᒃᑎᑐᑦ.”
ᐱᓕᕆᓂᑯᖏᑦ ᑕᒫᓂ ᐃᓚᖃᖅᑐᖅ ᐱᖃᑕᐅᓂᕐᒥᑦ ᓯᕗᓪᓕᐹᒥᑦ ᐃᓄᓐᓄᑦ ᐊᔾᔨᐅᙱᑦᑐᓄᑦ ᑲᑎᒪᕐᔪᐊᓂᕐᒥᑦ. “ᑐᖓᓱᕝᕕᖓᑦ ᐃᓄᐃᑦ ᓴᖅᑮᓚᐅᖅᑐᑦ ᑲᑎᒪᓂᐅᔪᒥᑦ, ᐸᐅᒃᑑᑎᒃᑯᑦ ᐃᓚᐅᓪᓗᑎ, ᐊᒻᒪᓗ ᐃᑲᔪᕈᓐᓇᓚᐅᖅᑐᖓ ᑲᑎᒪᑎᑦᓯᓂᕐᒥᑦ ᐃᓚᖏᓐᓂᒃ ᐸᐅᒃᑑᑎᒃᑯᑦ ᐃᖅᑲᓇᐃᔭᖅᑎᖏᓐᓂᒃ. ᑕᒪᓐᓇ ᖁᕕᐊᓇᓪᓚᕆᓚᐅᖅᑐᖅ. ᑭᓯᐊᓂ ᑐᓴᖃᑦᑕᓚᐅᖅᑕᕗᑦ ᐃᓄᒋᐊᓂᑦ ᐃᓄᓐᓂᒃ ᐅᑭᐅᖅᑕᖅᑐᒥ ᐊᒻᒪᓗ ᖃᓪᓗᓈᑦ ᓄᓇᖓᓂ ᖃᓄᖅ ᐃᑉᐱᒍᓱᒻᒪᖔᑦ ᓴᖅᑭᔮᕆᐊᑦᓴᖅ ᐃᓄᐃᑦ ᓄᓇᓕᖏᓐᓂᒃ. ᑕᒪᓐᓇ ᐊᑦᓱᕈᕐᓇᖅᑐᖅ. ᓇᓂᓯᓇᓱᓪᓗᓂ ᐊᑦᑕᕐᓇᖅᑐᒦᓐᓇᖏᑦᑐᓂᑦ ᐃᓐᓇᑐᖃᕐᓂᒃ ᐊᑦᓱᕈᕐᓇᕈᓐᓇᕐᒥᔪᖅ.”
ᖃᐅᔨᒪᔪᖅ ᐃᓚᖏᓐᓄᑦ, ᖃᓪᓗᓈᑦ ᓄᓇᖓᓄᑦ ᓄᑦᑎᕐᓗᑎ ᑭᓯᐊᓂ ᐊᑦᑕᕐᓇᖅᑐᒦᓂᐊᖏᒻᒪᑕ. ᓄᓇᓕᕋᓛᑐᐃᖑᖏᑦᑐᒥᑦ ᐃᓄᓕᒫᑦ ᐃᓕᓐᓂ ᖃᐅᔨᒪᑎᓪᓗᒋᑦ, ᐊᒻᒪᓗ ᑭᒃᑯᓕᒫᑦ ᐱᕈᖅᓴᖃᑎᒋᓚᐅᖅᑕᑎᑦ, ᐃᓂᑦᓴᓕᐅᕈᓐᓇᕐᒪᑦ ᑭᓇᑐᐃᓐᓇᖅ ᐃᓱᒪᖅᓱᓂᐊᕐᒪᑦ ᑭᓇᐅᓂᕐᒥᓂ. ᑭᓯᐊᓂ ᐊᓯᖏᓐᓂᑦ ᐊᕝᕕᐊᕈᑎᑕᖃᕐᒪᑦ ᐃᓄᓐᓄᑦ ᖃᓪᓗᓈᑦ ᓄᓇᖓᓂ, ᓲᕐᓗ ᑲᓲᒪᑦᓯᐊᕋᓱᐊᕐᓂᕐᒥᑦ ᐃᓕᖅᑯᓯᕐᒥᓄ, ᐊᑭᕋᖅᑐᖅᑕᐅᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐊᓯᒃᑲᓐᓂᐊᓗᖏᓪᓗ.”
“ᖁᔭᓕᓪᓚᕆᑦᑐᖓ ᐸᐅᒃᑑᑎᑦ ᐱᓕᕆᒻᒪᑕ ᐊᑦᑕᕐᓇᖅᑐᒦᓐᓂᐊᖏᓐᓇᑦᑕ ᐊᔾᔨᐅᙱᓐᓂᕐᒧᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓄᑦ.”
“ᓴᙱᓂᖅᑖᕐᓇᖅᑐᖅ ᐊᒻᒪᓗ ᐊᑲᐅᔪᒦᓐᓇᖅᑐᖅ ᐃᓂᖃᖃᑎᒋᓗᒋᑦ ᐃᓄᐃᑦ ᐊᕐᓇᐃᑦ. ᐱᓕᕆᕐᔪᐊᓲᖑᒐᑦᑕ, ᖁᕝᕙᑦᓴᐃᖃᑦᑕᐅᑎᓲᖑᓪᓗᑕ, ᐊᒻᒪᓗ ᐱᐅᓛᒥᑦ ᐱᒍᒪᔪᐃᓐᓇᐅᒐᑦᑕ. ᐸᖅᑭᔨᐅᔪᒍᑦ ᐅᕙᒍᑦ ᓄᓇᓕᖏᓐᓂᒃ, ᐊᒻᒪᓗ ᑲᑎᖃᑎᒌᑦᑎᓪᓗᑕ, ᐃᑉᐱᓐᓇᓲᖑᒻᒪᑦ ᐱᓕᕆᓯᐊᕐᓂᕆᔭᑦᑎᓐᓂᒃ.”
ᓱᒻᒪᑦ ᐸᐅᒃᑑᑎᒃᑯᑦ?
ᐲᔾ ᐃᓚᓕᐅᑎᓕᓚᐅᖅᓯᒪᔪᖅ ᐸᐅᒃᑑᑎᒃᑯᓐᓄᑦ ᐅᐱᓐᓇᕋᓂ ᑕᑯᓚᐅᕐᒪᑦ ᓴᙱᓂᕆᔭᐅᔪᓂᑦ ᐃᓄᓐᓂᒃ ᐊᕐᓇᓂᑦ ᓯᕗᓕᖅᑎᐅᓂᕐᒧᑦ. “ᖁᕕᐊᓱᓪᓚᕆᓚᐅᖅᓯᒪᔪᖓ ᐸᐅᒃᑑᑎᒃᑯᑦ ᑲᑎᒪᔨᑦᓴᓂᑦ ᕿᓂᖅᑎᓪᓗᒋᑦ, ᐱᓗᐊᖅᑐᒥᑦ ᖃᓪᓗᓈᑦ ᓄᓇᖓᓂ ᐃᓄᒻᒥᒃ ᐃᓅᓱᑦᑐᒧᑦ ᐃᓂᒋᔭᐅᒐᔭᖅᑐᒥᑦ. ᐃᑉᐱᒋᔭᕋᓕ ᐱᓕᕆᓂᑯᒃᑲ ᑲᑎᒪᔨᙳᓚᐅᙱᑎᓪᓗᖓ ᐃᑲᔪᓪᓚᕆᑦᓯᒪᔪᑦ, ᐊᒻᒪᓗ ᐃᑲᔪᑦᓯᐊᕈᓐᓇᖅᑐᖓ ᐊᑐᖅᓯᒪᔭᒃᑲ ᐱᔾᔪᑎᒋᓪᓗᒋᑦ, ᐱᓕᕆᓂᑯᒃᑲᓗ, ᐊᒻᒪᓗ ᓄᓇᖅᑲᑎᒃᑲ ᑕᒫᓂ ᑐᕌᓐᑐᒥ.”
ᑕᑯᓚᐅᕐᒥᔭᖓ ᐱᕕᑦᓴᖃᕐᓂᕐᒥᑦ ᐊᔾᔨᐅᙱᑦᑐᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᐃᑦ ᑐᓴᖅᑕᐅᓗᑎ. “ᐱᓕᕆᖃᑕᐅᒍᒪᐃᓐᓇᓲᖑᔪᖓ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᑎᑦᓯᓂᕐᒥᑦ ᐊᒻᒪᓗ ᐊᔾᔨᒌᑎᑦᓯᓂᕐᒥᑦ. ᐊᔾᔨᐅᙱᑦᑑᓪᓗᖓ ᐃᓅᓪᓗᖓ, ᐃᓂᑦᓴᖅᓯᐅᕈᒪᒐᒪ ᐊᒻᒪᓗ ᐃᑲᔪᕐᓂᕐᒥᑦ ᐊᔾᔨᐅᙱᑦᑐᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓂᒃ.”
ᐱᓗᐊᙳᐊᖅᑐᒥ, ᒪᑭᑕᕈᑎᒋᔭᖏᑦ ᐊᕐᓇᐃᑦ ᓴᙱᓂᕆᔭᖏᑦ ᖃᓂᒋᔭᖓᓃᑦᑐᓂᑦ. “ᓴᙱᓂᖅᑖᕐᓇᖅᑐᖅ ᐊᒻᒪᓗ ᐊᑲᐅᔪᒦᓐᓇᖅᑐᖅ ᐃᓂᖃᖃᑎᒋᓗᒋᑦ ᐃᓄᐃᑦ ᐊᕐᓇᐃᑦ. ᐱᓕᕆᕐᔪᐊᓲᖑᒐᑦᑕ, ᖁᕝᕙᑦᓴᐃᖃᑦᑕᐅᑎᓲᖑᓪᓗᑕ, ᐊᒻᒪᓗ ᐱᐅᓛᒥᑦ ᐱᒍᒪᔪᐃᓐᓇᐅᒐᑦᑕ. ᐸᖅᑭᔨᐅᔪᒍᑦ ᐅᕙᒍᑦ ᓄᓇᓕᖏᓐᓂᒃ, ᐊᒻᒪᓗ ᑲᑎᖃᑎᒌᑦᑎᓪᓗᑕ, ᐃᑉᐱᓐᓇᓲᖑᒻᒪᑦ ᐱᓕᕆᓯᐊᕐᓂᕆᔭᑦᑎᓐᓂᒃ.”
ᐱᓕᕆᐊᖑᔭᕆᐊᓖᑦ ᓯᕗᓂᑦᑎᓐᓂ
ᐲᔾ ᖃᐅᔨᒪᔪᖅ ᐱᓕᕆᕐᔪᐊᒃᑲᓐᓂᕆᐊᓖᑦ. “ᑲᒪᓇᖅᑐᐊᓘᒐᔭᖅᑐᖅ ᖃᖓᑭᐊᖅ ᐅᓪᓗᖁᑎᖃᕐᓗᑕ ᐃᖅᑲᓇᐃᔮᖃᕆᐊᖃᕈᓐᓃᕐᓗᑕ. ᓄᓇᕐᔪᐊᑦᑎᐊᕙᐅᙳᐊᕋᔭᖅᑐᒥ, ᐊᕐᓇᓄᑦ ᑲᑐᔾᔨᖃᑎᒌᖃᓪᓗᐊᙱᑦᑐᒍᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᒥᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓄᑦ, ᐅᐱᓐᓇᕋᓂ ᐱᒋᐊᖃᖅᑕᕗᑦ ᑎᑭᐅᒪᔭᐅᒐᔭᕐᒪᑕᓕ. ᐃᑉᐱᒍᓱᒋᐊᖃᕋᑦᑕ ᐊᔾᔨᒋᔭᐅᓗᑕ ᐃᓄᖃᑎᒋᔭᑦᑎᓐᓄᑦ. ᑭᓯᐊᓂ ᒫᓐᓇᐅᔪᖅ, ᐊᕝᕕᐊᕈᑎᑕᖃᓪᓚᕆᒻᒪᑦ ᐃᓄᐃᑦ ᐊᑐᖃᑦᑕᖅᑕᖏᓐᓂᒃ.”
ᐊᑦᓱᕈᕐᓇᕋᓗᐊᖅᑎᓪᓗᒍ, ᑲᔪᓰᓐᓇᓲᖅ ᐃᓄᐃᑦ ᖃᓂᒋᔭᖓᓃᑦᑐᑦ ᐃᑲᔪᕐᓂᕆᔭᖏᓐᓄᑦ. “ᑏᑐᖃᑎᒋᓗᒋᑦ ᐊᒻᒪᓗ ᐃᓄᓕᖅᑕᓂᑦ ᐃᓐᓇᑐᖃᓐᓂᑦ ᐊᒻᒪᓗ ᓄᓇᖅᑲᑎᒋᔭᕐᓂᒃ ᐅᕙᓐᓂᒃ ᖁᕝᕙᑦᓴᐃᓪᓚᕆᑦᑐᖅ. ᐅᕙᓐᓂᒃ ᐃᖅᑲᐃᑎᑦᓯᓲᖑᒻᒪᑦ ᓱᒻᒪᑦ ᐱᓕᕆᒻᒪᖔᕐᒪ. ᐱᓇᓱᐊᕈᓯᑕᒫᑦ ᐅᐸᑦᑕᐅᓲᖑᔪᒍᑦ, ᐃᓛᓐᓂᑯᓪᓗ, ᐅᓪᓗᖃᑦᓯᐊᙱᒃᑯᒪ, ᓄᓇᖅᑲᑎᓐᓂ ᐃᑦᓯᕚᖃᑎᖃᑐᐃᓐᓇᖅᑐᖓ ᖁᕕᐊᓱᓐᓂᖅᓴᐅᓕᓲᖑᔪᖓ. ᑐᓵᓗᓂ ᑲᔪᓯᓂᖃᑦᓯᐊᖅᑐᓂᒃ ᐅᓂᒃᑳᖅᑐᓂᑦ ᓲᕐᓗ ᒥᑯᔪᕈᓗᒻᒥ ᐱᓕᕆᑎᓪᓗᑕ ᐊᒻᒪᓗ ᐊᐅᓚᔾᔭᐃᓗᓂ ᐊᒻᒪᓗ ᐃᑲᔪᓲᖅ ᐃᓄᓐᓂᒃ ᐱᒻᒪᕆᐊᓘᒻᒪ.”
ᐲᔾᒧᑦ, ᐊᑕᐅᓯᕐᒧᑦ ᐅᑎᖃᑦᑕᖅᑐᖅ: ᑲᓲᒪᓂᖅ. “ᑕᕐᓂᕋ ᐃᓕᓴᖅᓯᓚᐅᖅᑐᖅ ᓄᓇᒥ, ᐊᒻᒪᓗ ᓴᐃᓕᖓᔪᒦᓚᐅᖅᑕᖓ.” ᒫᓐᓇᐅᔪᖅ, ᐊᓯᖏᓐᓂᒃ ᐃᑲᔪᖃᑦᑕᖅᑐᑦ ᐊᖏᕐᕋᖏᓐᓄᑦ, ᓇᒦᒃᑲᓗᐊᕈᓂ.
