ᐃᒪᓐᓇᐅᓕᖁᓪᓗᒍ ᑲᓇᑕᐅᑉ ᐅᓪᓗᖓ ᖃᐅᔨᒪᓂᒻᒧᑦ ᐊᓯᐅᒪᔪᓂᒃ ᐃᓄᐋᖅᑕᐅᓯᒪᔪᓂᓪᓗ ᓄᓇᖃᖅᑳᒃᓯᒪᔪᑦ ᐊᕐᓇᓂᒃ ᐊᒻᒪᓗ ᓂᕕᐊᖅᓯᐊᓂᒃ ᐊᒻᒪᓗ ᒪᕐᕉᓐᓂᒃ−ᐃᓅᓯᓕᑦ ᐃᓄᐃᑦ (MMIWG2S) ᒪᐃ 5, 2023−ᒥ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓴᖅᑭᑎᓪᓗᒍ ᐊᐅᐸᑦᑐᖅ ᐊᒪᐅᑏᑦ ᐱᓕᕆᐊᒃᓴᖅ.
ᑖᓐᓇ ᐱᓕᕆᐊᒃᓴᖅ ᐊᑐᑦᑕᐅᒻᒪᑦ ᐃᑉᐱᒍᓱᑦᑎᐊᕈᑎᒋᔭᐅᓪᓗᓂ ᐃᓅᓯᖏᓐᓂᒃ ᐊᒻᒪᓗ ᑭᙳᕐᖑᑎᔭᖏᓐᓂᒃ ᔭᒐᐃᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᐃᓄᐃᑦ ᐊᕐᓇᖏᑦ, ᓂᕕᐊᔅᓯᐊᑦ, ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒋᔭᐅᖏᑦᑐᑦ ᐃᓄᐃᑦ ᐊᒻᒪᓗ ᖃᐅᔨᒪᔭᐅᓕᖁᓪᓗᒋᑦ ᑲᔪᓰᓐᓇᓐᓂᖏᑦ ᐋᓐᓂᑦᑎᕆᓃᑦ.
ᑖᓐᓇ ᐃᑭᐊᕿᕕᒃ ᐱᓕᕆᐋᖃᒻᒪᑦ ᐅᖃᓪᓚᐅᑎᒋᔭᐅᔪᓂᒃ ᖁᐋᔅᓵᑦᑎᑦᑎᑐᐃᓐᓇᕆᐊᓕᓐᓂᒃ ᐅᖃᓕᒫᑦᑐᓂᒃ ᑕᐃᒪᐃᑎᑕᐅᓗᓂ ᐃᑉᐱᓐᓇᓗᐊᓐᓂᖏᓐᓂᒃ ᐃᓕᖅᑯᓯᖃᓐᓂᖏᓐᓄᑦ. ᒫᓐᓇᑦᑕᐅᑎᒋ ᐃᑉᐱᓐᓂᐋᓗᐊᓕᕈᕕᑦ ᐃᑲᔪᑦᑕᐅᒍᓐᓇᑦᑐᑎᑦ, ᐅᖄᓚᓗᑎᒃ 1-844-413-6649 ᐅᖄᓚᖁᓪᓗᑎᑦ ᑲᓇᑕᒥ, ᐊᑭᖃᖏᑦᑐᒃᑯᑦ ᐊᒃᓱᕈᓗᐋᓕᓐᓂᒻᒧᑦ ᐅᖄᓚᕕᔅᓴᐅᔪᒧᑦ 24/7.
ᐃᓄᐃᑦ ᐊᕐᓇᖏᑦ, ᓂᕕᐊᓯᐊᑦ, ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒋᔭᐅᖏᑦᑐᑦ ᐃᓄᐃᑦ ᓴᙱᔫᒻᒪᑕ ᐊᒻᒪᓗ ᐆᒻᒪᕆᑦᑐᑎᒃ.
ᓄᒫᓇᑦᑐᖅ, ᑖᒃᑯᐊ ᑲᑎᑕᐅᓯᒪᔪᑦ ᐋᓐᓂᔅᓯᑕᐅᓂᐅᓴᑐᐃᓐᓇᓐᓂᔅᓴᐅᒻᒪᑕ ᐊᓯᖏᓐᓂᓪᓕ ᐊᕐᓇᓂᑦ, ᓂᕕᐊᔅᓯᐋᓂᒃ, ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒋᔭᐅᖏᑦᑐᓂᒃ ᐃᓄᓐᓂᒃ ᑲᓇᑕᒥ.
ᐊᒃᑐᐃᓂᖏᑦ ᐋᓐᓂᔅᓯᕆᓃᑦ ᐊᒻᒪᓗ ᐊᓯᐅᔨᓂᖏᑦ ᓇᒡᓕᒋᔭᒥᓐᓂᒃ ᓯᐋᒻᒪᕕᖃᓲᖑᒻᒪᑦ ᐃᓅᖃᑎᒌᕕᒋᔭᑦᑎᓂ ᐊᒻᒪᓗ ᐱᔭᐅᑎᑕᐅᓪᓗᓂ ᑭᖑᕚᕆᔭᐅᔪᓂᒃ ᑭᖑᕚᕆᔭᐅᔪᓄᑦ.
ᐊᐅᐸᑦᑐᖅ ᐊᒪᐅᑎ ᓇᓗᓇᐃᑯᑕᐅᒻᒪᑦ ᐃᖅᑲᐅᒪᓂᒻᒧᑦ.
ᐊᒪᐅᑎ (ᐊᒥᓲᓂᖏᓐᓄᑦ: ᐊᒪᐅᑏᑦ) ᐱᖅᑯᓯᒃᑯᑦ ᐃᓄᐃᑦ ᐊᕐᓇᖏᑕ ᖁᓕᑦᑕᐅᔭᕆᒻᒪᒍ ᐋᖅᑭᔅᓯᕕᒋᔭᐅᓯᒪᓪᓗᓂ ᓇᓴᖓ ᐊᑐᑦᑕᐅᓲᖑᓪᓗᓂ ᐊᒫᔅᓯᒍᑎᒋᔭᐅᓪᓗᓂ ᓄᑕᕋᓛᓂᒃ.
ᐊᒪᐅᑏᑦ ᓴᓇᔭᐅᖃᑦᑕᔅᓯᒪᒻᒪᑕ ᐊᒻᒪᓗ ᐊᑐᑦᑕᐅᕙᑦᑐᑎᒃ ᐊᕐᕌᒍᒐᓴᔾᔪᐋᓄᑦ, ᐊᒻᒪᓗ ᐅᓄᑦᑐᓄᑦ, ᖃᐅᔨᒪᓂᖅ ᐊᒻᒪᓗ ᒥᔅᓱᑦᑎᐊᕈᓐᓇᓐᓂᖅ ᐊᒪᐅᑎᒥᒃ ᐱᔭᐅᑎᑕᐅᓲᖑᒻᒪᑕ ᑭᖑᕚᕆᓂᒃ ᑭᖑᕚᖏᓐᓄᑦ.
ᓴᓇᓯᒪᓂᖏᑦ ᐊᒪᐅᑎᐅᑉ ᐊᔾᔨᒌᖏᒻᒪᑕ ᐊᕕᒃᑐᔅᓯᒪᓂᒻᒦᖓᖅᓯᒪᓂᖏᓄᑦ, ᑭᓯᐊᓂ ᖃᓄᐃᑦᑐᑐᐃᓐᓇᐅᒐᓗᐊᖃᑕ ᓴᓇᓯᒪᓂᖏᑦ, ᐊᓐᓄᕌᖑᓂᖓ ᑕᒻᒪᐅᑎᒋᒐᔅᓴᐅᖏᒻᒪᑦ ᓇᓗᓇᐃᑯᑕᖓ ᐃᓄᐃᑦ ᐊᕐᓇᖏᑕ.
“ᑖᔅᓱᒧᖓ ᐱᓕᕆᐊᒃᓴᒧᑦ, ᕿᔅᓵᒍᑎᖃᓲᖑᒐᑦᑕ ᓇᓪᓕᒋᔭᑦᑎᓐᓂᒃ, ᑲᔪᖏᔅᓴᐃᒍᑎᖃᑦᑐᑕ ᑭᒃᑯᓕᒫᑦ ᐃᓕᓴᔅᓯᖁᓪᓗᒋᑦ ᐊᑐᖃᑦᑕᓂᖓᓂᒃ ᐋᓐᓂᔅᓯᕆᓃᑦ ᐃᓄᐃᑦ ᐊᕐᓇᖏᓐᓂᒃ, ᓂᕕᐊᔅᓯᐊᓂᒃ ᐊᒻᒪᓗ ᓇᓪᓕᐊᖏᓂᖏᓐᓂᒃ−ᐊᔾᔨᒋᔭᐅᖏᑦᑐᓂᒃ ᐃᓄᓐᓂᒃ ᐊᒻᒪᓗ ᐃᖅᑲᓇᐃ ᔭᖃᑎᒌᒋᐊᖃᓐᓂᑦᑎᓐᓂᒃ ᐃᓱᓕᖁᓪᓗᒍ ᑕᒪᓐᓇ ᐋᓐᓂᑦᑎᕆᓂᖅ ᐅᕙᒍᑦ ᓄᓇᓕᑦᑎᓐᓂ”
− ᒋᐅᕐᕆ ᓴᐅᕐᐱ, ᐊᖓᔪᖃᒃ ᐸᐅᒃᑑᑎᒃᑯᓐᓂ ᐃᓄᐃᑦ ᐊᕐᓇᖏᓐᓂ ᑲᓇᑕᒥ. ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ.
ᐃᓄᐃᑦ ᐊᕐᓇᖏᑦ, ᓂᕕᐊᔅᓯᐊᑦ, ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒋᔭᐅᖏᑦᑐᑦ ᐃᓄᐃᑦ ᐱᓕᕆᐊᖃᒻᒪᑕ ᐊᒥᓱᑲᓪᓚᓐᓂᒃ ᐱᓕᕆᐊᖃᓪᓗᑎᒃ ᐃᓚᑦᑎᓐᓂ ᐊᒻᒪᓗ ᓄᓇᓕᑦᑎᓐᓂ.
ᐅᓄᓗᐋᑦᑐᐋᓗᓪᓕᒻᒪᑕ ᔭᒐᓯᒪᓂᖏᑦ ᐊᒻᒪᓗ ᐃᓄᐊᑦᑕᐅᓯᒪᓂᖏᑦ ᐊᒻᒪᓗ ᑖᔅᓱᒧᖓ ᐱᓕᕆᐊᒃᓴᒧᑦ, ᐃᑉᐱᒋᑦᑎᐊᕈᒪᒐᑦᑎᒍ ᐃᓅᓯᖏᑦ ᐊᒻᒪᓗ ᑭᙳᕐᖑᑎᔭᖏᑦ.
ᐅᓄᓐᓂᔅᓵᓗᒻᒪᑕ ᓱᓕ ᖁᔅᓴᓇᑦᑐᒦᓐᓂᖏᑦ ᐋᓐᓂᔅᓯᑕᐅᓂᐅᓴᓂᖏᓐᓂᒃ. ᑕᒪᓐᓇ ᐊᓂᒍᔅᓯᒪᔪᒦᓪᓗᓂ ᐊᑲᐅᙱᓕᐅᕈᑎᐅᖏᒻᒪᑦ, ᑕᒪᓐᓇᓗ ᐊᑐᓚᕆᑐᑎᒍ ᐅᓪᓗᒥ.
ᐱᔪᓐᓇᖅᑎᑕᐅᔪᒍᑦ ᐊᔾᔨᖏᓐᓂᑦ ᐊᑐᐊᒐᕐᓂᑦ ᐊᑦᑕᓇᐃᖅᓯᒪᓂᕐᒧᑦ, ᐋᓐᓂᐊᖅᑐᓕᕆᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ, ᒪᓕᒐᓕᕆᓂᕐᒧᑦ ᐊᒻᒪ ᑎᒥᒃᑯᑦ, ᐃᑉᐱᓐᓂᐊᓂᒃᑯᑦ, ᑮᓇᐅᔭᓕᕆᓂᒃᑯᑦ, ᐃᓅᖃᑎᒌᓐᓂᒃᑯᑦ ᐊᒻᒪ ᐱᖅᑯᓯᓄᑦ ᐊᑦᑕᓇᐃᖅᓯᒪᓂᕐᒧᑦ ᖁᕕᐊᒋᔭᐅᔪᑦ ᑲᓇᑕᒥᐅᑕᓕᒫᓄᑦ.
ᐊᓯᕈᓃᑦ ᓯᕗᓕᑦᑕᐅᒋᐊᖃᒻᒪᑕ ᐃᓄᐃᑦ ᐊᕐᓇᖏᓐᓄᑦ, ᓂᕕᐊᔅᓯᐋᓄᑦ, ᐊᒻᒪᓗ ᓇᓪᓕᐊᖑᓂᖏᓐᓄᑦ−ᐊᔾᔨᒋᔭᐅᖏᑦᑐᓄᑦ ᐃᓄᓐᓄᑦ. ᐃᑉᐱᒋᑦᑎᐊᓐᓂᐋᕈᑦᑎᒍ ᑕᐃᒃᑯᐊ ᔭᒐᐃᓯᒪᔭᕗᑦ ᐊᒻᒪᓗ ᓴᖅᑭᑎᑦᑎᓗᑕ ᓯᕗᓂᔅᓴᑦᑎᐊᕙᐅᓂᔅᓴᒥᒃ ᐃᓄᓕᒫᓄᑦ ᐃᓘᓐᓇᖓᓂ ᐃᓄᐃᑦ ᓄᓇᖓᑦᓂ (ᓄᓇᓕᒡᔪᐊᒥ), ᐱᓕᕆᒋᐊᕈᑎᔅᓴᓄᑦ ᐸᕐᓇᒍᑏᑦ ᐊᔾᔨᒋᒋᐊᖃᑦᑕᖏᑦ ᓂᓪᓕᐋᒍᑎᒋᔭᑦᑕ.
ᒪᒥᓴᓐᓂᖅ ᓯᕗᓕᑦᑕᐅᒋᐋᖃᒻᒪᑦ ᐃᓄᓐᓄᑦ ᐊᕐᓇᓄᑦ ᐊᒻᒪᓗ ᐊᑐᓪᓗᑎᒃ ᐃᓅᓐᓅᖓᔪᓂᒃ, ᓇᓪᓕᐊᖑᓂᖏᓐᓂᒃ−ᑐᙵᕕᓕᓐᓂᒃ ᑕᐅᑐᒍᑎᖃᓪᓗᑎᒃ ᐃᓕᖅᑯᓯᒻᒧᑦ ᓈᒪᖁᓪᓗᒋᑦ ᐊᒻᒪᓗ ᑐᑭᖃᑦᑎᐋᓪᓗᑎᒃ.
ᑖᓐᓇ ᒪᓕᑦᑕᐅᑎᑦᑎᓂᐋᒻᒪᑦ ᐃᓘᓐᓇ ᐃᓄᐃᑦ ᐃᑉᐱᒋᔭᐅᑦᑎᐋᓪᓗᑎᒃ ᐊᒻᒪᓗ ᐃᖅᑲᐅᒪᔭᐅᓗᑎᒃ ᔭᒐᐃᔭᐅᓯᒪᔪᑦ ᐊᒻᒪᓗ ᐃᓄᐊᑦᑕᐅᓯᒪᔪᑦ ᐊᕐᓇᐃᑦ, ᓂᕕᐊᔅᓯᐊᑦ, ᐊᒻᒪᓗ ᓇᓪᓕᐊᖑᓂᖏᓐᓂ−ᐊᔾᔨᒋᔭᐅᖏᑦᑐᑦ ᐃᓄᐃᑦ ᐋᖅᑭᔅᓱᐃᓗᑕ ᐊᑦᑕᓇᑦᑐᖃᖏᑦᑐᒥᒃ ᖃᐅᑉᐸᒥᒃ.
ᐊᔅᓲᓂᔅᓴᖅ ᐊᑐᕈᒫᓐᓂᐊᑦᑐᓕᐅᓂᖅ ᐋᓐᓂᔅᓯᕆᓂᒻᒥᒃ ᐊᒻᒪᓗ ᐋᓐᓂᔅᓯᕆᓂᕐᒥᑦ ᐊᑐᑦᑕᐅᑦᑕᐃᓕᒪᑎᑦᑎᓂᖅ, ᓄᑖᑦ ᐃᓄᐃᑦ ᕿᒪᕕᖏᑦ ᐊᒻᒪᓗ ᐊᐃᑉᐹᓂ−ᐱᓕᕆᐊᕆᔭᐅᕙᓪᓕᐋᓂᖓᑕ ᐃᒡᓗᖃᑦᑎᑦᑎᒍᑎ ᐊᕐᓇᓂᒃ ᕿᒫᔪᓂᒃ ᐋᓐᓂᔅᓯᕆᓂᒻᒥᒃ, ᐃᓚᒋᔭᐅᓪᓗᑎᒃ ᐊᔅᓲᓂᔅᓴᖅ ᐃᑲᔪᕈᑎᑦ ᓇᓪᓕᐊᖑᓂᖏᓐᓄᑦ ᐊᒻᒪᓗ ᐃᓕᖅᑯᓯᒻᒧᑦ ᓈᒪᑦᑐᓂᒃ ᐊᓐᓂᐊᓲᑕᐅᒍᑎᓂᒃ ᐃᓚᓕᐅᑎᔭᐅᓯᒪᖃᓯᐅᑎᒻᒪᑕ ᐸᐅᒃᑑᑎᒃᑯᓐᓂᒃ ᖁᕝᕙᓯᓐᓂᑉᐹᖑᖃᑕᐅᓪᓗᑎᒃ ᓯᕗᓪᓕᐅᑎᔭᐅᖁᔭᐅᔪᓂᒃ.
ᐅᖃᓕᒫᑦᑕᐃᓐᓇᕆᓗᒍ ᐅᓂᒃᑳᔅᓯᒪᓂᓕᒫᖓ:
ᑲᓇᑕᒥ ᐃᓄᐃᑦ ᖃᓄᐃᓕᓯᒋᐊᕈᑎᓄᑦ ᐸᕐᓇᐅᑦ ᐅᑯᓄᖓ ᑭᓐᖑᖅᑕᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪ 2SLGBTQQIA+ ᐃᓄᓐᓄᑦ