ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP)
“ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ” ᓇᓗᓇᐃᔅᓯᒻᒪᑦ ᐱᔪᓐᓇᐅᑎᖏᓐᓂᒃ ᓄᓇᖃᖅᑳᒃᓯᒪᔪᑦ ᐃᓄᖏᑦ ᓄᓇᕐᔪᐋᓕᒫᕐᒥ ᐱᔭᕆᐋᖃᕐᒪᑕ. ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP) ᐱᖁᔭᐅᖏᒻᒪᑦ, ᑭᓯᐊᓂ ᐅᖃᐅᔾᔨᒻᒪᑦ ᑲᓇᑕᐅᑉ ᒐᕙᒪᖓᓂᒃ ᐊᑐᑦᑕᐅᓚᕆᑦᑎᑦᑎᒍᓐᓇᒻᒪᖔᑦ ᐱᖁᔭᖏᓐᓂᒃ ᐋᓐᓂᑦᑕᐅᖁᓇᒋᑦ ᓄᓇᖃᖅᑳᒃᓯᒪᔪᑦ ᐃᓄᖏᑦ ᐊᒻᒪᓗ ᓴᐳᒻᒥᔭᐅᓗᑎᒃ ᐱᔪᓐᓇᐅᑎᖏᑦ.
ᐸᐅᒃᑑᑎᑦᐸᐅᒃᑑᑎᒃᑯᑦ ᓴᓇᓯᒪᓕᒻᒪᑕ ᐃᓄᓐᓅᖓᔪᓂᒃ ᐱᕆᐊᕈᑎᔅᓴᓂᒃ ᐱᔪᓐᓇᓐᓂᑦᑖᑦᑎᑕᐅᓪᓗᒃ ᐃᓄᐃᑦ ᐊᕐᓇᖏᑦ, ᓂᕕᐊᔅᓯᐊᑦ, ᐊᒻᒪᓗ ᓇᓪᓕᐋᖑᓂᖑᓐᓂᒃ ᐊᔾᔨᒋᔭᐅᖏᑦᑐᑦ ᓵᓚᐅᑐᐃᓐᓇᖏᓪᓗᑎᒃ ᐱᔪᓐᓇᓐᓂᒻᒥᒎᕆᐊᖃᒻᒪᑕ.
ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP) 46−ᓂᒃ ᐅᖃᓕᒫᒐᓕᐊᕆᔭᐅᓯᒪᔪᖁᑎᖃᒻᒪᑕ ᓇᓗᓇᐃᔅᓯᔪᓂᒃ ᓄᓇᖃᖅᑳᒃᓯᒪᔪᑦ ᐱᔪᓐᓇᐅᑎᖏᓐᓂᒃ. ᓂᕈᐋᓪᓗᑎᑦ ᑎᑎᑦᑕᐅᓯᒪᔪᓂᑦ ᖃᐅᔨᒃᑲᓐᓂᖁᓪᓗᑎᑦ ᐃᓚᖏᓐᓂᒃ ᐱᔪᓐᓇᐅᑎᒋᔭᐅᔪᓂᒃ.
ᓇᓗᓇᐃᔭᔅᓯᒪᓂᔅᓴᐅᔪᓂᑦ ᐱᓕᕆᒋᐊᕈᑎᔅᓴᓂᒃ ᐊᒻᒪᓗ ᑐᓴᐅᒪᔾᔪᑎᔅᓴᓂᒃ, ᐊᒻᒧᐋᑦᑎᓚᐅᕈᒃ ᑕᐅᓄᖓᒃᑲᓐᓂᖅ.
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐱᔪᓐᓇᓐᓂᖃᕆᐋᖃᒻᒪᑕ ᐃᓱᒪᓕᐅᕈᓐᓇᖁᓪᓗᒋᑦ ᓇᒻᒥᓂᖅ ᓄᓇᓕᒋᔭᒥᓐᓄᑦ. ᐃᓚᒋᔭᐅᒋᐋᖃᒻᒪᑕ ᑕᒪᒃᑯᓄᖓ, ᐊᒻᒪᓗ ᐊᖏᕝᕕᒋᓗᓂᒋᑦ, ᓇᓪᓕᑐᐃᓐᓇᖏᓐᓄᑦ ᐃᓱᒪᓕᐅᕈᑎᒋᔭᐅᔪᓄᑦ ᐊᑦᑐᐃᔪᓂᒃ ᑖᒃᑯᓂᖓ ᐅᕝᕙᓘᓐᓃᑦ ᓄᓇᖏᓐᓂᒃ.
ᓄᓇᖃᖅᑳᒃᓯᒪᔪᑦ ᐃᓄᐃᑦ ᑕᐃᒫᓪᓗᐊᖃᑎᒋᔭᐅᒻᒪᑕ ᑭᒃᑯᓕᒫᓂᒃ ᐊᒻᒪᓗ ᐱᔪᓐᓇᐅᑎᖃᑦᑐᑎᒃ ᐊᔾᔨᒋᔭᐅᙱᑎᑕᐅᒋᐊᖃᖏᓐᓂᖏᓐᓂᒃ, ᐱᓗᐊᙳᐋᑦᑐᒥᒃ ᐱᔾᔪᑎᒋᓗᒍ ᓄᓇᖃᖅᑳᒃᓯᒪᔪᓂᖏᑦ ᐅᕝᕙᓘᓐᓃᑦ ᓇᓗᓇᐃᕈᑎᖏᑦ, ᐊᑐᕋᓱᐋᓕᑦᑎᓪᓗᒋᑦ ᐱᔪᓐᓇᐅᑎᖏᓐᓂᒃ
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐱᔪᓐᓇᐅᑎᖃᒻᒪᑕ ᐱᐅᓂᔅᓴᒥᒃ ᐃᓅᖃᑎᒌᓐᓂᒻᒧᑦ ᐊᒻᒪᓗ ᒪᑭᒪᒐᓱᐋᕈᑎᒧᑦ ᒪᓕᑦᑕᐅᒋᐋᓕᓐᓂᒃ, ᐱᖃᓯᐅᑎᓪᓗᒍ ᐱᐅᓂᔅᓴᐅᓗᑎᒃ ᐃᒡᓗᖃᑦᑎᑕᐅᒍᑎᖏᑦ ᐊᑦᑕᓇᑐᖃᖏᓪᓗᑎᒃ ᐊᒻᒪᓗ ᐊᑑᑎᖃᑦᑎᐊᓪᓗᑎᒃ
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐱᔪᓐᓇᐅᑎᖃᒻᒪᑕ ᐊᑐᕈᓐᓇᓪᓗᑎᒃ ᐱᖅᑯᓯᒻᒥᒍᑦ ᐃᓅᓕᓴᐅᑎᓂᒃ ᐊᒻᒪᓗ ᐋᓐᓂᐊᖃᖏᓐᓂᒻᒧᑦ ᐱᓕᕆᒍᑎᒋᓲᖏᓐᓂᒃ. ᐱᔪᓐᓇᐅᑎᖃᕆᓪᓗᑎᓪᓗᑦᑕᐅᖅ ᐱᒍᓐᓇᓪᓗᑎᒃ ᐃᓘᓐᓇᖏᓐᓂᒃ ᐃᓅᖃᑎᒌᓐᓂᒻᒧᑦ ᐊᒻᒪᓗ ᐋᓐᓂᐊᓯᐅᕆᓂᒻᒧᑦ ᐱᔨᑦᓯᕈᑎᓂᑦ ᐊᔾᔨᐅᙱᑎᑕᐅᖏᓪᓗᑎᒃ.
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐱᒋᐊᖃᕋᓗᐋᒻᒪᑕ ᐃᓅᓯᒻᒥᒃ ᐋᓐᓂᔅᓯᑦᑕᐅᓂᖃᖏᑦᑐᓂᒃ ᐊᒻᒪᓗ ᐃᓕᖅᑯᓯᖃᕕᐅᕙᓪᓗᑎᒃ ᑕᐃᒫᓪᓗᐊᖃᑎᒋᔭᐅᑎᑕᐅᓗᑎᒃ. ᖃᐅᔨᖃᑦᑕᕆᐋᖃᖏᒃᑲᓗᐋᒻᒪᑕ ᐋᓐᓂᔅᓯᑦᑕᐅᕙᑦᑐᓂᒃ ᐅᕝᕙᓘᓐᓃᑦ ᐱᑦᑎᐊᑦᑕᐅᖏᓪᓗᑎᒃ ᐃᓕᖅᑯᓯᖃᕕᐅᒋᐊᖃᖏᒻᒪᑕ ᓇᒥᑐᐄᓐᓇᕋᓗᐊᖅᑲᑕ, ᐃᓚᒋᔭᐅᓗᑎᒃ ᐋᓐᓂᐋᕕᑦ, ᐸᓖᔅᓯᒃᑯᓐᓂᒃ ᐅᕝᕙᓘᓐᓃᑦ ᓱᕈᓯᓕᕆᔨᓂᒃ ᖃᓄᐃᖏᑦᑎᐊᑦᑎᑦᑎᒐᓱᑦᑐᓂᒃ ᑭᒡᒐᑦᑐᐃᔨᓂᒃ.
ᐃᓕᖅᑯᓯᑦ, ᐅᖃᓪᓚᒍᓯᑦ, ᐊᒻᒪᓗ ᐱᖅᑯᓰᑦ ᐃᓕᓴᕆᔭᐅᒋᐋᖃᒻᒪᑕ ᐊᒻᒪᓗ ᓴᐳᒻᒥᔭᐅᒋᐋᖃᑦᑐᑎᒃ. ᑕᒪᓐᓇ ᐱᖃᓯᐅᔾᔨᒻᒪᑦ ᐃᓄᐃᑦ ᐃᓕᖅᑯᓯᖏ ᐊᓯᐅᑎᑕᐅᒋᐋᖃᖏᒻᒪᑕ ᐊᒻᒪᓗ ᐃᓇᖏᑦᑕᐅᖏᓪᓗᑎᒃ ᐃᓅᖃᑎᒋᔭᐅᖏᑦᑐᓄᑦ ᐃᓕᖅᑯᓯᕆᔭᐅᔪᒧᑦ.
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐊᔪᐃᓐᓇᕆᔭᐅᓗᑎᒃ ᐊᐅᓪᓚᑦᑎᑕᐅᒋᐋᖃᖏᒻᒪᑕ ᓄᓇᒋᔭᖏᓐᓂᒃ ᐅᕝᕙᓘᓐᓃᑦ ᓄᓇᓕᖃᕕᖓᓂᒃ. ᓇᓪᓕᑐᐃᓐᓇᖏᑦ ᓅᑎᑕᐅᓃᑦ ᐊᑐᑦᑕᐅᑎᑕᐅᒋᐊᖃᒻᒪᑕ ᐃᓱᒪᔅᓱᑦᑎᑕᐅᓗᑎᒃ, ᓯᕗᓂᖓᒍᑦ, ᐊᒻᒪᓗ ᑐᓴᐅᒪᑎᑕᐅᓗᑎᒃ ᐊᖏᑉᐸᑕ, ᐊᖏᕈᑎᖃᓪᓗᑎᒃ ᓈᒻᒪᑦᑐᓂᒃ ᐊᑭᓕᑦᑕᐅᒍᑎᓂᒃ, ᐊᒻᒪᓗ, ᐊᔪᓐᓇᖏᑐᐋᖅᑲᑦ, ᓇᓖᕋᕈᓐᓇᓪᓗᑎᒃ ᐅᑎᕈᒪᒍᑎᒃ.
ᓄᓇᖃᖅᑳᒃᓯᒪᔪᑦ ᐃᓄᖏᑦ ᐱᔪᓐᓇᐅᑎᖃᒻᒪᑕ ᐋᖅᑭᐅᒪᑎᑦᑎᒍᓐᓇᓪᓗᑎᒃ ᐊᒻᒪᓗ ᓴᙱᓂᔅᓴᐅᓕᑦᑎᑦᑎᓗᑎᒃ ᐊᔾᔨᐅᖏᑦᑐᓂᒃ ᐅᑉᐱᕆᔭᖏᓐᓂᒃ ᑲᓱᔅᓯᒪᐅᑎᒋᔭᖏᓐᓂᒃ ᓄᓇᒌᓐᓇᔅᓯᒪᔭᖏᓐᓄᑦ, ᓄᓇᓕᖃᕕᒌᓐᓇᔅᓯᒪᔭᖏᓐᓄᑦ, ᐃᒪᕐᓄᑦ, ᓯᒡᔭᖏᓐᓄᑦ ᐃᒪᕕᖏᑕ, ᐊᒻᒪᓗ ᐊᓯᖏᓐᓄᑦ ᐃᓅᓯᖃᕕᒋᔭᖏᓐᓄᑦ.
ᓄᓇᕐᔪᐋᓕᒫᒥ ᑲᑐᔾᔨᖃᑎᒌᑦ ᓇᓗᓇᐃᔅᓯᓂᖓᓄᑦ ᒪᓕᒐᖅ (UNDA) ᐊᒻᒪᓗ ᐊᑐᓕᑦᑎᑦᑎᓂᖅ ᐱᓕᕆᒋᐊᓂᒻᒥᑦ ᐸᕐᓇᒍᑎ
ᓄᓇᕐᔪᐋᓕᒫᒥ ᑲᑐᔾᔨᖃᑎᒌᑦ ᓇᓗᓇᐃᔅᓯᓂᖓᓄᑦ ᒪᓕᒐᖅ (UNDA)
ᓄᓇᕐᔪᐋᓕᒫᒥ ᑲᑐᔾᔨᖃᑎᒌᑦ ᓇᓗᓇᐃᔅᓯᓂᖓᓄᑦ ᒪᓕᒐᖅ (UNDA) ᑲᓇᑕᒥ ᒪᓕᒐᓕᐊᕆᔭᐅᓯᒪᔪᖅ ᐱᔭᐅᑎᑦᑎᒻᒪᑦ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP) ᐃᓚᓕᐅᑎᔭᐅᓗᓂ ᑲᓇᑕᐅᑉ ᐱᖁᔭᖏᓐᓄᑦ. ᐅᖃᐅᔾᔨᒻᒪᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖅᑲᓇᐃᔭᖃᑎᖃᖁᓪᓗᒋᑦ ᓄᓇᖃᖅᑳᒃᓯᒪᔪᑦ ᐃᓄᖏᓐᓂᒃ ᐃᒪᓐᓇᐃᓘᖁᓪᓗᒋᑦ:
- ᐊᑐᓚᕆᖁᓪᓗᒋᑦ ᑕᒪᒃᑯᐊ ᐱᖁᔭᐃᑦ ᑲᓇᑕᒥ ᐃᑉᐱᒍᓱᑦᑎᐊᓪᓗᑎᒃ ᐱᔪᓐᓇᐅᑎᖏᓐᓂᒃ ᓄᓇᖃᖅᑳᒃᓯᒪᔪᑦ ᐃᓄᖏᓐᓂᒃ.
- ᓴᓇᓗᓂ ᐱᓕᕆᒋᐋᓪᓕᓐᒧᑦ ᐸᕐᓇᒍᑎᒥᒃ ᐊᑐᕈᓐᓇᖁᓪᓗᒍ ᑎᑭᒍᒪᔭᖏᓐᓂᒃ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP).
- ᐱᔭᐅᑎᑦᑎᖃᑦᑕᓪᓗᓂ ᐊᖑᒻᒪᑎᒋᐋᕈᑎᒥᒃ ᐊᕐᕌᒍᑕᒪᑦ ᐃᖅᑲᓇᐃᔮᕆᓯᒪᔭᖏᓐᓂᒃ ᐊᓯᕈᐃᖁᓪᓗᒋᑦ ᑲᓇᑕᐅᑉ ᐱᖁᔭᖏᓐᓂᒃ ᐊᒻᒪᓗ ᖃᓄᖅ ᐃᖅᑲᓇᐃᔭᖃᑦᑕᔅᓯᒪᒻᒪᖔᑕ ᐱᐅᓂᔅᓴᐅᓕᑦᑎᑦᑎᒐᓱᐋᓪᓗᑎᒃ ᐃᓅᓯᖏᓐᓂᒃ ᓄᓇᖃᖅᑳᒃᓯᒪᔪᑦ ᐃᓄᖏᑕ.
ᐱᒻᒪᕆᐅᓂᖓᑕ ᐃᓚᖓ ᐱᖃᓯᐅᑎᔭᐅᓂᖓᑕ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP) ᑲᓇᑕᐅᑉ ᐱᖁᔭᖏᓐᓂ ᐱᓕᕆᒋᐋᓐᓂᐋᓕᒻᒪᑦ ᐃᓱᓕᑎᑦᑎᓂᐋᓕᓪᓗᓂ ᐋᓐᓂᔅᓯᕆᓂᓕᒫᓂᒃ, ᐃᒃᐱᒍᓱᑦᑎᐊᓪᓗᓂ ᐃᓄᐃᑦ ᐃᓕᖅᑯᓯᖓᓂᒃ, ᐊᒻᒪᓗ ᐃᒪᓐᓇᐅᓚᕆᑦᑎᑦᑎᒐᓱᐋᓂ ᐃᓄᐃᑦ ᐃᓕᖅᑯᓯᖏᑦ ᐊᓯᐅᔨᔭᐅᑎᑕᐅᖏᓪᓗᑎᒃ ᐅᕝᕙᓘᓐᓃᑦ ᐃᓇᖏᑦᑕᐅᖏᓪᓗᑎᒃ ᐃᓅᖃᑎᒋᔭᐅᖏᑦᑐᓄᑦ ᐃᓕᖅᑯᓯᕆᔭᐅᔪᓄᑦ.
ᓄᓇᕐᔪᐋᓕᒫᒥ ᑲᑐᔾᔨᖃᑎᒌᑦ ᓇᓗᓇᐃᔅᓯᓂᖓᓄᑦ ᒪᓕᒐᖅ ᐱᓕᕆᐋᖃᕋᓱᐋᕐᒪᑦ ᐊᓯᕈᔅᓯᒐᓱᐋᓪᓗᓂ ᐃᒪᓐᓇᐅᒍᓐᓇᔅᓯᖁᓪᓗᒋᑦ:
- ᓄᓇᖃᖅᑳᒃᓯᒪᔪᑦ ᐃᓄᖏᑦ ᐃᓅᖁᓪᓗᒋᑦ ᐅᕕᓂᖃᑏᓐᓇᕝᕕᐅᖏᓪᓗᑎᒃ, ᐋᓐᓂᔅᓯᑦᑕᐅᖏᓪᓗᑎᒃ, ᐅᕝᕙᓘᓐᓃᑦ ᐊᔾᔨᐅᙱᑎᑕᐅᖏᓪᓗᑎᒃ.
- ᑲᓇᑕᐅᑉ ᒐᕙᒪᖓ ᐃᑉᐱᒍᓱᑦᑎᐋᒻᒪᑦ ᓄᓇᖃᖅᑳᒃᓯᒪᔪᑦ ᐃᓄᖏᓐᓂᒃ, ᐃᓕᖅᑯᓯᖏᓐᓂᒃ, ᐊᒻᒪᓗ ᐱᔪᓐᓇᐅᑎᖏᓐᓂᒃ, ᐊᒻᒪᓗ ᐋᖅᑭᑦᑎᐋᔅᓯᒐᓱᐋᑦᑐᑎᒃ ᐊᓂᒍᔅᓯᒪᓕᑦᑐᓂᒃ ᐊᒻᒪᓗ ᒪᓐᓇᐅᔪᖅ ᐋᓐᓂᔅᓯᓂᐅᔪᒥᒃ.
- ᑲᓇᑕᐅᑉ ᒐᕙᒪᖓ ᐊᑐᒻᒪᑦ ᓱᓕᒍᑎᒋᓯᒪᔭᒥᓂᒃ ᓄᓇᖃᖅᑳᒃᓯᒪᔪᑦ ᐃᓄᖏᓐᓄᑦ.
ᐱᓕᕆᒋᐊᓐᓂᒻᒧᑦ ᐸᕐᓇᒍᑎ
ᐱᓕᕆᒋᐊᓐᓂᒻᒧᑦ ᐸᕐᓇᒍᑎ ᐋᖅᑭᔅᓱᑦᑕᐅᓯᒪᒻᒪᑦ ᐃᑲᔪᕈᑎᒋᔭᐅᒐᓱᐊᓪᓗᓂ ᒐᕙᒪᒃᑯᓐᓂᒃ ᐊᑐᓕᑦᑎᑦᑎᓂᒻᒥᒃ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP). ᐅᖃᔅᓯᒪᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᑦ, ᐱᓕᕆᒋᐊᓐᓂᒻᒧᑦ ᐸᕐᓇᒍᑎ ᐱᖃᓯᐅᔾᔨᒋᐋᖃᒻᒪᑦ ᐱᓕᕆᒋᐊᕈᑎᓂᒃ:
- ᐱᓕᕆᐊᕆᔭᐅᖁᓪᓗᒋᑦ ᒪᓕᒐᑦᑎᒎᖏᓐᓃᑦ, ᐅᓇᑕᓪᓗᒍ ᐊᑭᕋᑦᑐᓐᓂᖅ ᐊᒻᒪᓗ ᐲᖅᑕᐃᓐᓇᕆᓗᒋᑦ ᐃᓘᓐᓇᑎᒃ ᐋᓐᓂᒡᓯᕆᓂᒻᒨᖓᔪᓕᒪᑦ, ᐅᕕᓂᖃᑎᒌᖏᓂᓕᕆᔪᑦ ᐊᒻᒪᓗ ᐊᔾᔨᒋᔭᐅᙱᑎᑦᑎᓃᑦ ᐊᑭᕋᑦᑐᑦᑐᑦ ᓄᓇᖃᖅᑳᒃᓯᒪᔪᑦ ᐃᓄᖏᓐᓂᒃ, ᐱᖃᓯᐅᑎᓗᒋᑦ ᐃᓐᓇᒪᕆᑦ, ᒪᒃᑯᒃᑐᑦ, ᓱᕈᓯᑦ, ᐃᓄᐃᑦ ᑎᒥᒥᒍᑦ ᐊᔪᕈᑎᓕᑦ, ᐊᕐᓇᐃᑦ, ᐊᖑᑎᑦ ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒋᙱᑕᖏᑦ ᐊᒻᒪᓗ ᒪᕐᕉᓐᓂᒃ−ᑕᕐᓂᓖᒃ ᐃᓄᐃᑦ
- ᐊᑐᑦᑕᐅᓂᒡᓴᐅᑎᑦᑎᓗᓂ ᐃᒃᐱᒋᖃᑦᑕᐅᑎᑦᑎᐋᓐᓂᒃ ᐊᒻᒪᓗ ᑐᑭᓯᐋᓂᒻᒥᒃ, ᐃᓚᒋᔭᐅᓗᓂ ᐱᖃᑎᒌᑦᑎᐊᓐᓃᒃ, ᐱᖃᓯᐅᑎᓗᒍ ᒪᑯᑎᒎᓇ ᐃᓅᐃᑦ ᐱᔪᓐᓇᐅᑎᖏᓐᓂᒃ ᐃᓕᓐᓂᐋᖅᓯᒪᓂᑦ.
ᐱᓕᕆᐊᕐᓂᕐᒧᑦ ᐸᕐᓇᒍᑎ ᐊᒡᒍᖅᑕᐅᓯᒪᒻᒪᑦ ᐊᔾᔨᒌᖏᑦᑐᓄᑦ ᐅᖃᓕᒫᒐᓕᐊᕆᓯᒪᔪᓄᑦ ᐊᒻᒪᓗ ᓯᕗᓪᓕᐅᑎᒋᐋᓕᓐᓄᑦ, ᐃᓚᖏᑦ ᐊᑑᑎᖃᓐᓂᑉᐹᑦ ᐃᓄᐃᑦ ᓯᕗᓪᓕᐅᑎᒋᐋᓕᖏᑦ ᓇᓗᓇᐃᑦᑕᐅᔪᑦ ᐃᒪᖃᑉᐳᑦ:
- ᓇᒻᒥᓂ−ᐱᓕᕆᒍᒪᓂᒻᒥᒥᒃ, ᓇᒻᒥᓂᖅ−ᒐᕙᒪᖃᓐᓂᒻᒥᒃ ᐊᒻᒪᓗ ᐊᖏᖃᑎᒌᒍᑎ ᐊᑐᓕᑦᑎᑕᐅᓂᖓᓂᒃ
- ᐊᔪᕈᓐᓃᑉᐸᓪᓕᐋᓂᖓᓂ ᐃᓄᐃᑦ−ᒐᕙᒪᑐᖃᒃᑯᓐᓂᒃ ᐱᓕᕆᖃᑎᖃᓂᖏᑦ
- ᐃᓄᒃᑐᑦ ᐊᑐᑦᑕᐅᓂᔅᓴᐅᓕᑦᑎᑕᐅᓗᓂ, ᐋᖅᑭᐅᒪᑎᑕᐅᓗᓂ, ᓴᐳᒻᒥᔭᐅᓗᓂ ᐊᒻᒪᓗ ᐊᑐᑦᑕᐅᓂᔅᓴᐅᑎᑕᐅᓗᓂ
- ᐋᓐᓂᐊᖃᖏᓐᓂᖅ ᐊᒻᒪᓗ ᖃᓄᐃᖏᑦᑎᐋᓐᓂᖅ
- ᐊᐅᓚᑦᑎᒍᓐᓇᓂᖃᕕᖃᓐᓂᖅ, ᓴᐳᒻᒥᓂᒻᒥ ᐊᒻᒪᓗ ᐃᓱᒫᓗᓇᖏᓐᓂᒻᒥ
- ᐃᓕᓐᓂᐊᓂᖅ, ᐃᓕᑉᐸᓪᓕᐋᓴᓕᓂᖅ ᐊᒻᒪᓗ ᐱᓕᕆᒍᓐᓇᑦᑎᐋᓐᓂᒻᒃ ᐱᕙᓪᓕᐋᑎᑦᑎᓂᖅ
- ᒪᑭᒪᒐᓱᐋᕈᑎᒥᒃ ᐱᕙᓪᓕᐋᑎᑦᑎᓂᖅ ᐊᒻᒪᓗ ᓂᐅᕕᓐᓂᖅ
ᑐᓴᐅᒪᔾᔪᑎᔅᓴᒃᑲᓐᓃᑦ
ᑕᐃᒪᓕ ᐱᒍᒪᓂᖃᕈᕕᑦ ᐱᔭᕆᐋᑐᔪᓕᕆᓯᒪᓂᔅᓴᓂᒃ ᑐᓴᐅᒪᔾᔪᑎᔅᓴᓂᒃ ᐅᕝᕙᓘᓐᓃᑦ ᐅᖃᓕᒫᕈᒪᒍᕕᑦ ᐱᒍᓇᐅᑎᓕᒫᓂᒃ ᐅᖃᐅᓯᖃᑦᑐᓂᒃ ᐅᑯᓇᓂ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP), ᓇᓂᒍᓐᓇᑦᑕᑎᑦ ᐅᑯᑎᒎᓇ ᑲᓇᑕᒥ ᒪᓕᒐᓕᕆᔨᒃᑯᓐᓂᒃ ᐊᒻᒪᓗ ᓄᓇᔾᔪᐋᓕᒪᒥ ᑲᑐᔾᔨᖃᑎᒌᓂᒃ.