ᑲᓇᑕᒥ ᓂᐱᖓᑦ ᐃᓄᐃᑦ ᐊᕐᓇᖏᑕ ᑲᓇᑕᒥ
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐃᑲᔪᔅᓱᐃᒻᒪᑕ ᐱᔪᓐᓇᐅᑎᖃᓐᓂᕆᔭᐅᔪᓂᒃ, ᐊᑦᑕᓇᑦᑐᒦᑦᑕᐅᓕᒪᓂᒻᒥᒃ, ᐊᒻᒪᓗ ᖃᓄᐃᖏᑦᑎᐊᓐᓂᖏᓐᓂᒃ ᐃᓄᐃᑦ ᐊᕐᓇᖏᑕ, ᓱᕈᓰᑦ, ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒌᔭᐅᖏᑦᑐᑦ ᐃᓄᐃᑦ ᐊᑐᐊᒐᑦᑎᑦ ᐱᕙᓪᓕᐊᑎᑕᐅᓪᓗᑎᒃ, ᖃᐅᔨᓇᓱᐊᓐᓂᒃᑯᑦ, ᐊᒻᒪᓗ ᐱᓕᕆᖃᑎᖃᓐᓂᒃᑯᑦ. ᒪᓕᑦᑎᑕᐅᓪᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᐅᓚᑦᑎᖃᑦᑕᕋᑦᑕ ᐊᓯᕈᓐᓂᐅᔪᓂᒃ ᐊᑐᐊᒐᑦᑎᒍ, ᖃᐅᔨᓇᓱᐊᓐᓂᒃᑯᑦ, ᐊᒻᒪᓗ ᐱᓕᕆᖃᑎᖃᓐᓂᒃᑯᑦ ᐃᑲᔪᑦᑕᐅᖁᓪᓗᒋᑦ ᑲᔪᓯᑦᑎᐊᑦᑐᑦ ᐃᓄᐃᑦ ᓄᓇᓕᖏᑦ.
ᐃᑲᔪᔅᓱᐃᓂᖅ
ᐃᑲᔪᔅᓱᐃᒐᑦᑕ ᐊᔾᔨᒌᑦᑎᑕᐅᓂᒻᒥᒃ, ᐃᓅᖃᑎᒌᓐᓂᒻᒥᒃ ᐱᐅᓂᔅᓴᐅᓕᑦᑎᑦᑎᓂᐅᔪᓂᒃ ᐊᒻᒪᓗ ᐊᔅᓲᓂᔅᓴᖅ ᖃᐅᔨᒪᓕᖁᓪᓗᑕ ᐱᒋᐊᖃᑦᑕᑦᑎᓐᓂᒃ ᐱᓕᕆᐊᖃᓗᑕ ᑎᓴᒪᓂᒃ ᐊᑑᑎᖃᓐᓂᑉᐹᖑᕕᐅᔪᓂᒃ.
ᐋᓐᓂᐊᖃᖏᓐᓂᖅ
ᖃᐅᔨᒃᑲᓐᓂᕈᒪᒍᕕᑦ
ᐊᔪᔅᓴᓗᐊᓐᓂᐅᑉ ᒥᑭᓪᓕᑎᑕᐅᒋᐊᓂᖓ
ᖃᐅᔨᒃᑲᓐᓂᕈᒪᒍᕕᑦ
ᐊᑦᑕᓇᖏᑦᑐᒥᒃ ᐊᒻᒪᓗ ᐊᑭᑐᓗᐊᖏᑦᑐᓂᒃ ᐃᒡᓗᖃᑦᑎᑦᑎᒍᑎᓂᒃ
ᖃᐅᔨᒃᑲᓐᓂᕈᒪᒍᕕᑦ
ᐋᓐᓂᖅᑎᕆᑎᑦᑕᐃᓕᒪᓂᖅ
ᖃᐅᔨᒃᑲᓐᓂᕈᒪᒍᕕᑦ
ᑐᙵᕕᒋᔭᐅᔪᑦ
ᐃᖅᑲᓇᐃᔮᕗᑦ ᐊᒫᖃᒻᒪᑦ ᐃᓅᓯᑦᑎᓐᓂ ᐊᑐᑦᑕᐅᓯᒪᔪᓂᒃ, ᖃᐅᔨᒪᓂᒻᒥᒃ, ᐊᒻᒪᓗ ᓯᕗᓪᓕᐅᑎᒋᐊᓕᓐᓂᒃ ᐃᓄᐃᑦ ᐊᕐᓇᖏᓐᓂᒃ, ᓱᕈᓯᖏᓐᓂᒃ, ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒌᔭᐅᖏᑦᑐᓂᒃ ᐃᓄᖃᑎᒌᓂᒃ. ᐃᖅᑲᓇᐃᔭᓲᖑᒐᑦᑕ ᐱᓕᕆᐊᖃᕋᓱᐊᓪᓗᑕ ᐱᓕᕆᔾᔪᑎᓕᐊᕆᓯᒪᔪᒧᑦ ᐊᔾᔨᒌᑦᑎᑕᐅᖏᓐᓂᒻᒥᒃ ᐋᖅᑭᔅᓱᔅᓯᒪᓂᖏᑎᒍ ᑕᐃᒃᑯᓂᖓ ᓴᖅᑎᔮᑦᑎᑦᑎᔪᓂᒃ ᐃᓄᐃᑦ ᐊᓐᓂᓇᑦᑐᖁᑎᖏᓐᓂᒃ, ᐱᔪᓐᓇᐅᑎᖏᓐᓂᒃ, ᐊᒻᒪᓗ ᑕᐃᔅᓱᒪᓂᓕᓴᐃᑦ ᓱᓕᔫᓂᖏᓐᓂᒃ. ᐱᓕᕆᐊᒐᓱᐊᓐᓂᕗᑦ ᐃᓕᓴᔅᓯᒻᒪᑦ ᓄᓇᓕᑐᖃᒻᒥᑎᑑᓕᑦᑎᑦᑎᒐᓱᐊᓂᖏᑕ ᑲᔪᓯᑐᐃᓐᓇᐅᓂᖏᓐᓂᒃ ᐋᖅᑭᔅᓱᔅᓯᒪᓂᖓᓂ ᐊᒻᒪᓗ ᐱᓕᕆᐊᕆᔭᐅᑎᑦᑎᒐᓱᐊᑦᑐᑕ ᐱᓕᕆᔾᔪᑎᓕᐊᕆᓯᒪᔪᖅ ᐊᓯᕈᑕᐅᖁᓪᓗᒍ ᐊᑐᓕᑦᑎᑕᐅᓗᓂ ᐃᓄᐃᑦ−ᑕᐃᒃᑯᐊᓪᓗᐊᖅ ᓇᓪᓕᐊᖑᓂᖓᓂᒃ−ᑐᙵᕕᖃᑦᑎᑕᐅᔪᓂᒃ ᖃᐅᔨᓴᔅᓯᔨ ᐃᓚᖃᓪᓗᑎᒃ (ISGBA+), ᐃᓄᐃᑦ ᖃᐅᔨᒪᔭᑐᖃᖏᑦ, ᐊᒻᒪᓗ ᑲᑐᔾᔨᖃᑎᒌᑦ ᓄᓇᕐᔪᐊᓕᒫᒥ ᓇᓗᓇᐃᔅᓯᑦᑎᐊᓐᓂᖓᑦ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᓯᒪᔪᑦ ᐃᓄᖏᑕ (UNDRIP).
ᓯᕗᓪᓕᐅᑎᒋᐊᓖᑦ
ᐸᐅᒃᑑᑎᒃᑰᓪᓗᑕ, ᐱᓕᕆᐊᖃᕋᓱᐊᕋᑦᑕ ᐲᖅᑎᒐᓱᐊᓪᓗᒋᑦ ᐊᐳᑦᑕᕈᑎᒋᔭᐅᔪᑦ ᐋᓐᓂᐊᓱᑦᑕᐅᓂᒻᒧᑦ, ᐱᓕᕆᐊᕆᒐᓱᐊᓪᓗᒋᑦ ᐊᔅᓱᐊᓗᓐᓂᖏᑦ ᖃᓄᑎᒋᐅᓂᖏᑦ ᐋᓐᓂᔅᓯᑕᐅᖃᑦᑕᓂᖏᑖ ᐊᕐᓇᐃᑦ, ᐊᒻᒪᓗ ᐊᑐᑦᑕᐅᓂᔅᓴᐅᑎᑦᑎᒐᓱᐊᑦᑐᑕ ᐊᔪᔅᓴᓗᐊᓐᓂᖅ ᒥᑭᓪᓕᑦᑎᑕᐅᖁᓪᓗᒍ ᐱᓕᕆᒋᐊᕈᑎᓄᑦ. ᐱᒻᒪᕆᐅᓕᑦᑎᑦᑎᓂᑦᑎᓐᓄᑦ ᐱᒻᒪᕆᐅᓂᖓᓂᒃ ᐊᑦᑕᓇᖏᑦᑐᒥᒃ ᐃᒡᓗᖃᑦᑎᑦᑎᖑᑎᓂᒃ ᐱᒻᒪᕆᐅᓗᐊᖑᐊᓂᖓᓂᒃ ᐃᓅᖃᑎᒌᓄᑦ ᐱᔪᓐᓇᓂᕆᔭᐅᓂᖓᓂᒃ, ᐊᔅᓱᕈᓪᓗᑕ ᓴᖅᑭᑎᑦᑎᒐᓱᐊᕋᑦᑕ ᓯᕗᓂᔅᓴᒥ ᐃᓘᓐᓇᑎᒃ ᐃᓄᐃᑦ ᑲᔪᓯᑦᑎᐊᕈᓐᓇᖁᓪᓗᒋᑦ.
56%
13x
ᐋᓐᓂᔅᓯᕆᓂᑦ ᐱᕋᔭᓐᓂᑦ ᖃᓄᑎᒋᐅᓂᖏᑦ ᐋᓐᓂᔅᓯᕆᔪᑦ ᐊᕐᓇᓂᒃ ᓄᓇᕗᒻᒥ 13−ᖏᔅᓱᓗᐊᒪᑕ ᖁᕝᕙᓯᓐᓂᔅᓴᐅᓪᓗᑎᒃ ᑲᓇᑕᒥᐅᑕᓐᓂᒃ ᐊᑐᑦᑕᐅᔪᓂ.
76%
76%−ᖏᑦ ᐃᓄᐃᑦ ᐅᑭᐅᓕᑦ 15−ᓂᒃ ᐊᒻᒪᓗ ᐅᖓᑖᓄᑦ ᐃᓄᐃᑦ ᓄᓇᖓᓂ ᐊᑐᓲᖑᒻᒪᑕ ᓂᕆᔭᔅᓴᖃᖏᓗᐊᓐᓂᒻᒥᒃ
60%
60%−ᖏᑦ ᓄᓇᓕᓐᓂ ᐃᓄᐃᑦ ᓄᓇᖓᓂ ᕿᒫᕕᖃᖏᒻᒪᑕ ᐊᕐᓇᐃᑦ ᐊᒻᒪᓗ ᓱᕈᓯᑦ ᓵᙵᔭᐅᔪᓄᑦ ᐋᓐᓂᔅᓯᕆᓂᒻᒧᑦ.
