ᐅᕙᒍᑦ ᒥᑦᓵᓄᑦ
ᐅᖓᑖᓂ 40 ᐊᕐᕌᒍᓂ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓴᙱᔫᓪᓗᑎᒃ ᓂᐱᒋᔭᐅᖃᑦᑕᔅᓯᒪᓕᒻᒪᑕ ᐃᓄᐃᑦ ᐊᕐᓇᖏᓐᓄᑦ, ᓂᕕᐊᔅᓯᐊᓄᑦ, ᐊᒻᒪᓗ ᓇᓪᓕᐊᖑᓂᖏᓐᓄᑦ−ᐊᔾᔨᒌᔭᐅᖏᑦᑐᓄᑦ ᐃᓄᓐᓄᑦ, ᐃᖅᑲᓇᐃᔮᕆᔭᐅᓗᑎᒃ ᐱᐅᓂᔅᓴᓕᑦᑎᑕᐅᒐᓱᐊᓐᓂᖏᑦ ᐃᓅᖃᑎᒋᔭᐅᓂᖏᓐᓂᒃ, ᐃᓕᖅᑯᓯᖃᑎᒋᔭᐅᓂᖏᓐᓄᑦ, ᐊᒻᒪᓗ ᒪᑭᒪᒐᓱᐊᕈᑎᒃᑯᑦ ᖃᓄᐃᖏᑦᑎᐊᓐᓂᖏᓐᓂᒃ. ᐊᑐᐊᔅᓯᑎᑕᐅᓪᓗᓂ ᑲᑎᒪᔩᑦ ᑐᑭᒧᐊᑦᑎᑦᑎᔨᖏᓐᓄᑦ ᑭᒡᒐᑦᑐᐃᓗᑎᒃ ᐃᓄᐃᑦ ᐊᕕᑦᑐᔅᓯᒪᔪᓃᑦᑐᓂᒃ ᐊᒻᒪᓗ ᓄᓇᓕᔾᔪᐊᓂ ᓄᓇᓕᓐᓂᒃ ᑲᓇᑕᓕᒫᒥ, ᐃᑲᔪᔅᓱᐃᒐᑦᑕ ᐱᓕᕆᔾᔪᑎᓕᐊᕆᓯᒪᔪᖅ ᐊᓯᕈᑕᐅᖁᓪᓗᒍ ᐃᓘᓐᓇᓕᒫᖏᓐᓂ ᐊᔪᙱᓕᕆᑦᑐᓂ ᒐᕙᒪᒃᑯᓐᓂᒃ.
ᐃᖅᑲᓇᐃᔮᕈᑦ ᐊᐅᓚᑕᐅᒻᒪᑦ ᐱᖓᓲᔪᑦᑐᓄᑦ ᐱᓕᕆᐊᖑᑦᑎᐊᕋᓱᐊᑦᑐᓄᑦ ᓯᕗᓪᓕᐅᑎᒋᐊᓕᓐᓄᑦ:
ᐊᔅᓱᐊᓗᓐᓂᔅᓴᐅᓕᑦᑎᓪᓗᑎᒍ ᐊᑦᑐᐃᓂᕗᑦ ᐊᒻᒪᓗ ᓵᑕᔅᓴᐅᓂᕗᑦ ᐃᓄᐃᑦ ᐊᕐᓇᖏᓐᓄᑦ, ᓂᕕᐊᔅᓯᐊᓄᑦ, ᐊᒻᒪᓗ ᓇᓪᓕᐊᖑᓂᖏᓐᓄᑦ−ᐊᔾᔨᒌᔭᐅᖏᑦᑐᓄᑦ ᐃᓄᓐᓄᑦ ᐋᖅᑭᒍᑎᑎᓪᓗᑎᒍ ᐃᓘᓐᓇᑎᒃ ᐃᖅᑲᓇᐃᔮᖑᒋᐊᓖᑦ ᐱᓕᕆᐊᖃᓪᓗᐊᑕᑦᑐᑦ ᐊᑐᐊᒐᒥᒃ ᐃᑲᔪᔅᓱᐃᔪᓂᒃ ᓯᕗᓪᓕᐅᑎᒋᐊᓕᓐᓂᒃ.
ᑐᑭᓯᓇᔅᓯᑎᑦᑎᒍᑎᒋᓗᒍ ᐱᕈᖅᓴᐃᔩᑦ ᐱᓕᕆᐊᖃᓪᓗᐊᑕᓪᓗᑎᒃ ᐋᖅᑭᔅᓱᐃᓂᒻᒥᒃ ᐊᒻᒪᓗ ᐱᔪᓐᓇᓐᓂᑖᑦᑎᓂᒻᒥᒃ ᑭᖑᕚᕆᓂᐊᑦᑕᑦᑎᓐᓂᒃ ᐃᓄᐃᑦ ᐊᕐᓇᖏᓐᓂ, ᓂᕕᐊᔅᓯᐊᖏᓐᓂ, ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᓯᕗᓕᑦᑎᓂᒃ.
ᓴᙱᓂᔅᓴᐅᓕᑦᑎᓪᓗᒋᑦ ᐱᓕᕆᖃᑎᒌᓐᓃᑦ ᐋᖅᑭᔅᓱᐃᒍᑎᒋᓗᒍ ᑲᑐᑎᔭᐅᔪᓂᒃ ᐱᓕᕆᐊᕆᔭᐅᒍᓐᓇᓂᖏᓐᓂ ᐊᒻᒪᓗ ᐊᔪᖏᓐᓂᔅᓴᓂᒃ ᐱᖃᖃᑎᒌᓐᓂᒻᒥᒃ ᓯᕗᓪᓕᐅᑎᖁᔭᐅᔪᓂᒃ.
ᐱᓕᕆᓪᓚᕆᓪᓗᑎᑦ ᐱᔭᐅᓂᔅᓴᐅᑎᑦᑎᓗᑎᑦ, ᐱᒐᓱᐊᓗᒋᑦ ᐊᒻᒪᓗ ᐋᖅᑭᕕᓪᓗᒋᑦ ᐃᓅᖃᑎᒋᑦ ᐊᒻᒪᓗ ᒪᓕᒐᑦᑎᒍ ᐱᔪᓐᓇᐅᑎᖏᑦ ᐃᓄᐃᑦ ᐊᕐᓇᐃᑦ, ᓂᕕᐊᔅᓯᐊᑦ ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒌᔭᐅᖏᑦᑐᑦ ᐃᓄᐃᑦ.
ᐊᔾᔨᒋᔭᐅᒍᓐᓃᑦᑎᓪᓗᒋᑦ ᐊᒻᒪᓗ ᓈᒻᒪᑦᑎᓪᓗᒋᑦ ᑮᓇᐅᔭᖃᑦᑎᑦᑎᒍᑎᑦ ᐱᓕᕆᒋᐊᕈᑎᔅᓴᓂ ᓯᕗᓪᓕᐅᑎᒋᐊᓕᓐᓂᒃ ᐊᔅᓲᓂᔅᓴᐅᓕᖁᓪᓗᒋᑦ ᐊᑦᑐᐃᓂᕗᑦ.
ᓱᒻᒪᑦ ᐊᑎᖃᑦᑎᑕᐅᕕᑖ ᐸᐅᒃᑑᑎᓃᒃ
ᑎᑭᓚᐅᔅᓯᒪᑎᓐᓇᒋᑦ ᖃᓪᓗᓈᑦ ᓄᓇᖓᓐᓃᙵᑦᑐᑦ ᑲᑎᔭᐅᓚᐅᑦᑎᓐᓇᒋᑦ, ᐃᓄᐃᑦ ᐃᓘᓐᓇᓕᒫᖏᓐᓂ ᓇᒻᒥᓂᖅ−ᐱᓯᒪᒍᓐᓇᑦᑎᐊᓚᐅᒻᒪᑕ, ᑕᑎᖃᑦᑐᑎᒃ ᐊᖑᓇᓱᐊᓐᓂᒻᒥᒃ, ᐃᖃᓗᒐᓱᐊᓐᓂᒻᒥᒃ, ᐊᒻᒪᓗ ᑲᑎᔅᓱᐃᓂᒻᒥᒃ ᐱᒍᓐᓇᖁᓪᓗᒋᑦ ᐱᒋᐊᖃᑦᑕᖏᓐᓂᒃ. ᐊᕐᓇᐃᑦ ᐱᓕᕆᒍᓐᓇᑦᑎᐊᓐᓂᖏᑦ ᓴᓇᒐᔅᓴᓕᐊᕆᔭᐅᓪᓗᑎᒃ ᐆᒪᔪᑦᑕᐅᓯᒪᔪᑦ ᐊᓐᓄᕌᓕᐊᕆᔭᐅᓪᓗᑎᒃ, ᓇᔪᒐᖃᑯᓕᐊᕆᔭᐅᓪᓗᑎᒃ, ᐊᒻᒪᓗ ᓴᓇᕐᕈᑎᓕᐊᕆᔭᐅᓪᓗᑎᒃ ᐱᑕᖃᕆᐊᖃᓪᓚᕆᓚᐅᒻᒪᑕ ᐊᓐᓇᐅᒪᒐᓱᐊᕈᑎᒋᔭᐅᓗᑎᒃ.
ᐱᑕᖃᕆᐊᖃᓪᓚᕆᒻᒪᑕ ᓴᓇᕐᕈᑎᑦ ᓴᓇᒐᔅᓴᓕᐅᓂᒻᒧᑦ ᒪᑯᐊᖑᓚᒪᑕ ᐸᐅᒃᑑᑏᑦ – ᑲᑉᐳᑎᒐᐃᑦ ᐊᑐᑦᑕᐅᓲᑦ ᑕᓯᙵᑎᑦᑎᒍᑎᒋᔭᐅᓪᓗᑎᒃ ᐊᒥᓐᓂᒃ ᐱᒪᓴᑦᑕᐅᑎᓪᓗᒋᑦ. ᑕᒪᒃᑯᐊ ᑲᑉᐳᑎᔭᒐᐃᑦ ᑎᓯᔫᒋᐊᖃᒻᒪᑕ, ᖃᓄᑐᐃᓐᓈᕈᓐᓇᓪᓗᑎᒃ, ᐊᓯᕈᑦᑕᖏᓪᓗᑎᒃ, ᓱᕋᒐᔅᓴᐅᖏᓪᓗᑎᒃ, ᐊᑦᑕᓇᑦᑎᑦᑎᖏᓪᓗᑎᒃ, ᐊᒻᒪᓗ ᓴᙱᔫᓗᑎᒃ.
ᐃᖅᑲᓇᐃᔭᕕᖁᑎᕗᑦ, ᐸᐅᒃᑑᑎᑦ, ᐊᑎᑦᑖᔅᓯᒪᒻᒪᑕ ᑕᒪᒃᑯᓂᖓ ᐱᑕᖃᕆᐊᖃᓪᓚᕆᑦᑐᓂᒃ ᓴᓇᕐᕈᑎᓂᒃ, ᓴᖅᑭᔮᑦᑎᑦᑎᓪᓗᑎᒃ ᐊᔾᔨᖓᓂᒃ ᐊᑐᕋᔅᓴᑦᑎᐊᕙᐅᓂᖏᓐᓂᒃ ᐱᔭᐅᓯᒪᒋᐊᖃᓂᖏᓐᓂᒃ ᐱᓯᒪᔅᓯᕈᑎᒋᔭᐅᓂᐊᓪᓗᑎᒃ ᐃᓄᐃᑦ ᐊᓐᓂᓐᓇᑦᑐᖁᑎᖏᓐᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ. ᐊᕐᓇᐃᑦ ᑕᐃᒃᑯᐊ ᐱᒋᐊᑦᑎᑦᑎᓚᐅᑦᑐᑦ ᐃᖅᑲᓇᐃᔭᕕᒻᒥᒃ ᐃᓘᓐᓇᑎᒃ ᑎᓯᔫᓚᐅᒻᒪᑕ, ᖃᓄᑐᐃᓐᓈᕈᓐᓇᑦᑐᑎᒃ, ᐊᓯᕈᑦᑕᓐᓇᑎᒃ, ᓂᑲᓱᑦᑐᑎᒃ, ᐊᒻᒪᓗ ᓴᙱᔫᓪᓗᑎᒃ… ᐊᒻᒪᓗ ᐅᑉᐱᕆᔭᖏᑦ ᓱᕋᑦᑕᐅᒍᓐᓇᓐᓇᑎᒃ.
ᑲᑎᒪᔨᖏᑦ ᑐᑭᒧᐊᑦᑎᑦᑎᔩᑦ
ᑲᑎᒪᔨᓄᑦ ᐃᓚᒋᔭᐅᔪᖁᑎᕗᑦ ᐆᒻᒪᑎᒋᔭᐅᒻᒪᑕ ᐸᐅᒃᑑᑎᒃᑯᓐᓂᒃ, ᑭᒡᒐᑦᑐᐃᓪᓗᑎᒃ ᐊᔾᔨᒌᖏᑦᑐᓂᒃ ᓄᓇᓕᓐᓂᒃ ᐃᓘᓐᓇᓕᒫᖓᓂ ᐃᓄᐃᑦ ᓄᓇᖓᓂ. ᑕᒪᒃᑯᐊ ᐊᔪᖏᑦᑐᐊᓗᐃᑦ ᐊᕐᓇᐃᑦ ᐊᐅᓚᑦᑎᖃᑦᑕᒻᒪᑕ ᐃᖅᑲᓇᐃᔮᑦᑎᓐᓂᒃ ᐱᔭᐅᑎᑦᑎᑎᓪᓗᒋᑦ ᐃᓅᔅᓯᒻᒥᓐᓂ ᐊᑐᖃᑦᑕᔅᓯᒪᔭᖏᓐᓂᒃ ᐊᒻᒪᓗ ᐊᔾᔨᐅᖏᑦᑐᓂᒃ ᐱᔭᐅᒋᐊᓕᓐᓂᒃ ᐊᒻᒪᓗ ᑐᑭᓯᓇᔅᓯᑎᑦᑎᑎᐊᑦᑐᑭᒃ ᑖᒃᑯᐊ ᓄᓇᓕᖏᓐᓂᒃ. ᐱᓕᕆᒍᒪᑦᑎᐊᓐᓂᖏᑦ, ᐃᑲᔪᔅᓱᐃᓂᖏᑦ, ᐊᒻᒪᓗ ᖃᐅᔨᒪᓂᖏᑦ ᐱᓕᕆᒍᑎᐅᒻᒪᑕ ᐱᔪᓐᓇᓂᑦᑖᑦᑎᑦᑎᓂᒻᒥ ᐃᓄᐃᑦ ᐊᕐᓇᖏᓐᓂᒃ, ᓱᕈᓯᖏᓐᓂᒃ, ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᐃᓘᓐᓇᓕᒫᖏᓐᓂ ᐊᑐᓂ ᐊᕕᑦᑐᔅᓯᒪᔪᓂ.
ᑲᑎᒪᔨᓄᑦ ᐃᓚᒋᔭᐅᔾᔪᑎ
ᓄᓇᓕᔾᔪᐊᖅ, ᕼᐱ ᕚᓕ−ᒎᔅ ᕙᐃ – ᐋᕕ ᐅᐃᕝ
ᓄᓇᕗᑦᓯᐊᕗᑦ – ᕙᓂᔅᓴ “ᓯᔅᓯ” ᐅᐃᕝ
ᓄᓇᕕᒃ, ᐅᖓᕙᖅ – ᓇᓐᓯ ᐃᑐᒃ
ᓄᓇᕕᒃ, ᕼᑦᓴᓐ – ᐃᓐᓄᔅᓯᒪᖏᑦᑐᖅ
ᓄᓇᕗᑦ, ᐃᖃᓗᐃᑦ – ᐃᓐᓄᔅᓯᒪᖏᑦᑐᖅ
ᕿᑭᖅᑕᓂ ᓂᒋᐊᓂ – ᓗᐃᔅ (ᓗᐃ) ᒪᐃᒃ
ᕿᑭᖅᑕᓂ ᐅᐋᓐᓇᖓ – ᓚᐃᓴ ᐊᐅᓪᓚᓗᒃ−ᐅᐋᔅᑯ
ᑭᕙᓪᓕᖅ – ᓇᓐᓯ ᐅᓗᐊᑦᓗᐊᒃ−ᒋᕝᕙᓐᔅ
ᕿᑎᒻᒥᐅᑦ – ᔫᓯᐱᓐ ᑕᒃᑑ
ᐃᓄᕕᐊᓗᐃᑦ – ᑯᐊᑦᓂ ᐅᐃᓕ
ᓄᓇᓕᔾᔪᐊᖅ, ᔨᐊᓗᓇᐃᑉ – ᓗᐃᓴ ᐊᓗᓂᒃ
ᓄᓇᓕᔾᔪᐊᖅ, ᓂᒋᐊ−ᑲᓇᓐᓇ – ᐳᔅᓯᐊᓚ ᑯᒃᓱᒃ
ᓄᓇᓕᔾᔪᐊᖅ, ᓂᒋᐊ−ᐱᖓᓐᓇ – ᓕᓕᐊᓐ ᓚᑐᕆᒐᓐ
ᒪᒃᑯᑦᑐᑦ, ᐃᓄᐃᑦ ᓄᓇᖓᑦ – ᑲᐃᓕ ᐅᐃᕝ−ᓄᑲᓴᒃ
ᒪᒃᑯᑦᑐᑦ, ᓄᓇᓕᔾᔪᐊᖅ – ᐸᐃᔾ ᑭᒥᒃᓴᓇ−ᑯᕆᑉᔅ
ᐃᔅᓯᕙᐅᑕᖅ – ᓇᓐᓯ ᐃᑐᒃ, ᓄᓇᕕᒃ, ᐅᖓᕙ
ᑐᖓᓕᖅ ᐃᔅᓯᕙᐅᑕᒻᒧᑦ – ᓗᐃᔅ (ᓗᐃ) ᒪᐃᒃ, ᕿᑭᖅᑕᓂ ᓂᒋᐊᓂ
ᐊᒡᓚᒃᑎ−ᑮᓇᐅᔭᓕᕆᔨ – ᐸᐃᔾ ᑭᒥᒃᓴᓇ-ᑯᕆᑉᔅ, ᒪᒃᑯᑦᑐᑦ, ᓄᓇᓕᔾᔪᐊᖅ
ᐃᓚᓕᐅᑎᓚᐅᕆᑦ ᑲᑎᒪᔨᑦᑎᓐᓄᑦ
ᐃᓄᐃᑦ ᐊᕐᓇᖏᑦ ᑲᓇᑕᒥ ᑕᐃᒃᑯᐊ ᐃᓚᒋᔭᐅᒍᒪᔪᑦ ᐸᐅᒃᑑᑎᒃᑯᑦ ᑲᑎᒪᔨᓄᑦ ᐃᓚᒋᔭᐅᔪᓄᑦ ᑐᓂᓯᒍᓐᓇᑦᑐᑦ ᐱᒍᒪᒍᑎᖏᓐᓂᒃ ᓂᕈᐊᒐᔅᓴᓕᐅᓐᓂᒻᒧᑦ ᑕᑕᑎᕆᐊᓕᓐᓂᒃ ᐃᓄᖃᖏᑦᑐᓄᑦ ᐃᓂᒋᔭᐅᒍᓐᓇᔅᓯᓯᒪᔪᓄᑦ ᖃᖓᑐᐃᓐᓇᓕᒫᒃᑯᑦ.
ᐸᐅᒃᑑᑎᒃᑯᑦ ᑲᑎᒪᔨᖏᑦ ᑐᑭᒧᐊᑦᑎᑦᑎᔩᑦ ᑲᒪᒋᔭᖃᒻᒪᑕ ᑐᑭᒧᐊᑦᑎᑦᑎᓂᒻᒥᒃ ᐃᖅᑲᓇᐃᔭᕕᒻᒥᒃ ᑲᑎᒪᓗᑎᒃ ᖃᕋᑕᐅᔭᒃᑯᑦ ᐊᒻᒪᓗ ᓇᔫᑎᓗᑎᒃ, ᐊᑭᓕᔅᓱᕆᐊᓖᑦ ᐊᑭᓕᑦᑕᐅᓯᒪᓗᑎᒃ.
ᑲᑎᒪᔨᖏᑦ ᑐᑭᒧᐊᑦᑎᑦᑎᔩᑦ ᓂᕈᐊᒐᔅᓴᓕᐅᕈᑎᖏᓐᓂᒃ ᑐᓴᐅᒪᔾᔪᑎᓴᐃᑦ ᐊᒻᒪᓗ ᑕᑕᑎᕆᐊᓖᑦ ᐱᔭᐅᒍᓐᓇᐳᑦ ᐅᕘᓇ:
ᐊᐅᓚᑕᐅᓂᖓ
ᐸᐅᒃᑑᑎᒃᑯᑦ ᐱᓕᕆᒍᒪᒻᒪᑕ ᐋᖅᑭᐅᒪᑎᑦᑎᒍᒪᓪᓗᑎᒃ ᑐᑭᓯᓇᑦᑎᐊᓐᓂᖏᓐᓂᒃ, ᓵᑕᔅᓴᐅᓂᒻᒥᒃ, ᐊᒻᒪᓗ ᐱᓕᕆᑦᑎᐊᕈᓐᓇᓂᖏᑦ ᐃᓘᓐᓇᖏᓐᓂ ᐊᐅᓚᔾᔪᑎᑦᑎᓐᓂ.
ᐊᐅᓚᑦᑎᔨᐅᓂᑦᑎᓄᑦ ᐋᖅᑭᔅᓱᔅᓯᒪᕕᐅᔪᖅ ᐱᔭᐅᑎᑦᑎᒻᒪᑦ ᑐᙵᕕᖓᓂᒃ ᐊᑑᑎᖃᑦᑎᐊᑦᑐᑦ ᐃᓱᒪᓕᐅᕈᓂᖃᓂᒻᒥ ᐊᒻᒪᓗ ᐃᒪᓐᓇᐅᓚᕆᑦᑎᑦᑎᓪᓗᓂ ᐱᓕᕆᐊᕆᒍᓐᓇᓪᓗᑎᒍ ᐱᔭᐅᒋᐊᓖᑦ ᑕᐃᑯᓄᖓ ᑭᒡᒐᑦᑐᑦᑕᑦᑎᓐᓄᑦ. ᒪᓕᒐᕋᓛᕗᑦ ᓇᓗᓇᐃᔅᓯᒻᒪᑕ ᐃᖅᑲᓇᐃᔭᕕᑦᑕ ᐋᖅᑭᔅᓱᔅᓯᒪᓂᖓᓂᒃ, ᐃᖅᑲᓇᐃᔮᓂᒃ, ᐊᒻᒪᓗ ᑲᒪᒋᔭᑦᑎᓐᓂᒃ. ᑕᒪᒃᑯᐊ ᒪᓕᑦᑕᐅᑎᑦᑎᔪᑦ ᒪᓕᑕᐅᒋᐊᓕᓐᓂᒃ ᐱᖃᓯᐅᔾᔨᒻᒪᑕ ᐊᕙᑎᑦᑎᖓᓂᒃ ᒪᑭᑕᑎᑦᑎᔪᒥᒃ ᐸᐅᒃᑑᑎᒃᑯᑦ ᐱᓕᕆᐊᕆᒍᒪᔭᖏᓐᓂᒃ ᐊᒻᒪᓗ ᐊᓐᓂᓐᓇᑦᑐᖁᑎᖏᓐᓂᒃ.
Meet our CEO - Nikki Komaksiutiksak
ᓂᑭ ᑯᒪᒃᓯᐅᑎᒃᓴᑦ ᓴᙱᔪᐊᓘᕗᖅ – ᑲᒪᓇᖅᑐᕐᔪᐊᖅ ᐃᓅᓪᓗᓂ ᐊᕐᓇᐅᓪᓗᓂ ᐃᒡᓗᓕᒑᕐᔪᒻᒥᙶᖅᑐᖅ, ᓄᓇᕗᒻᒥ, ᐊᑦᑐᐃᓂᕆᔭᖓ ᐅᖓᑖᓅᖓᕐᔪᐊᖅᑐᑦ ᓇᑭᙶᕐᓂᖓᓂ. ᐱᒋᐊᖅᑎᑦᓯᔨᐅᓪᓗᓂ ᐃᓚᒋᔭᐅᓪᓗᓂ ᐊᒻᒪᓗ ᐱᓕᕆᑦᓯᐊᖅᑐᖅ ᐊᐅᓚᑦᓯᔨᒻᒪᕆᒃ ᑖᑦᓱᒧᖓ ᑐᙵᓱᒋᑦ ᑎᒥᖁᑎᖏᑦ, ᑲᓇᑕᐅᑉ ᐱᖓᓐᓇᖓᓂ ᓯᕗᓪᓕᖅᐹᖅ ᐃᓄᓐᓄᑦ ᐃᑲᔫᑎᑦᓴᓄᑦ ᐅᐸᒐᖅ ᐅᐃᓂᐸᐃᒡ, ᒫᓇᑑᐸᒥᑦ, ᓂᑭ ᐊᖅᑯᓯᐅᖅᓯᒪᕗᖅ ᐃᓄᓐᓄᑦ ᑲᓲᒪᒍᒪᔪᓂᑦ ᐊᒻᒪᓗ ᐃᑲᔪᖅᑕᐅᒍᒪᔪᓂᑦ ᓄᓇᓕᐸᐅᔭᕐᓂᑦ. ᐅᐃᓂᐸᐃᒡ ᐊᖏᕐᕋᕆᓕᖅᑐᓂᐅᒃ, ᐃᓅᓂᖓ ᐱᓯᒪᐃᓐᓇᖅᑕᖓ ᐅᐱᒋᑦᑎᐊᖅᑐᓂᐅᒃ ᐊᒻᒪᓗ ᓴᙱᓂᒃᑯᑦ, ᐃᓕᖅᑯᓯᖓᑎᒍᑦ ᑭᓇᐅᓂᕐᒥᓂᒃ ᐱᓯᒪᑦᓯᓪᓗᓂ ᒪᑭᒪᑦᓯᐊᓯᓐᓈᑦ ᖃᓪᓗᓈᑦ ᓄᓇᖓᓂ ᑲᓇᑕᒥ.
ᐱᓕᕆᖃᑎᕗᑦ
ᐱᓕᕆᖃᑎᕗᑦ ᐱᓕᕆᒍᒪᑦᑎᐊᓂᖏᓐᓄᑦ ᐃᑲᔪᔅᓱᐃᒍᑎᓂ ᐊᒻᒪᓗ ᐃᖅᑲᓇᐃᔭᑦᑎᓚᕆᑦ ᐃᖅᑲᓇᐃᔭᖃᑎᒌᓱᖑᒪᑕ ᐃᑲᔪᕈᒪᓪᓗᑎᒃ ᐊᒻᒪᓗ ᖁᕝᕙᑦᑎᑦᑎᒍᒪᓪᓗᑎᒃ ᐃᓄᐃᑦ ᐊᕐᓇᖏᓐᓂᒃ, ᓱᕈᓯᖏᓐᓂᒃ, ᐊᒻᒪᓗ ᐃᓚᒌᑦᑐᓂᒃ. ᐊᒫᖃᑦᑎᑕᐅᒻᒪᑦ ᐃᓕᖅᑯᓯᒻᒥ ᖃᐅᔨᒪᓂᒻᒧᑦ ᐊᒻᒪᓗ ᐃᑎᔪᒥᒃ ᐱᓕᕆᒍᒪᓂᒻᒥᒃ ᑐᑭᖃᑦᑎᐊᑦᑐᓂᒃ ᐊᓯᕈᓂᐅᔪᓂᒃ, ᐱᔭᐅᑎᑦᑎᒐᑦᑕ ᐱᓕᕆᒍᒪᑦᑎᐊᓐᓂᒻᒥᒃ ᐊᒻᒪᓗ ᐊᑐᓚᐅᔅᓯᒪᔭᑦᑎᓐᓂᒃ ᖃᓄᑐᐃᓐᓇᓕᒫᖅ ᐱᓕᕆᐊᕆᔭᑦᑎᓐᓄᑦ.
ᐊᖓᔪᖃᐅᑎᑦ
ᓇᓐᓯ ᐃᑐᒃ
ᐃᒃᓯᕙᐅᑕᕆᔭᐅᔪᖅ ᑲᑎᒪᔨᑦ ᑐᑭᒧᐊᑦᑎᑦᑎᔨᖏᓐᓂᒃ
ᐊᑐᐊᒐᑦ ᐊᒻᒪ ᐱᓕᕆᔾᔪᑎᑦ
ᓯᑎᐸᓂ ᓂᕐᓗᖓᔪᖅ
ᐊᑐᐊᒐᓐᓂᒃ ᖃᐅᔨᓴᔅᓯᔨ – ᐋᓐᓂᔅᓯᕆᓂᒻᒥᒃ, ᐋᓐᓂᔅᓯᕆᑦᑕᐃᓕᒪᑎᑦᑎᓂᒻᒥᒃ ᐊᒻᒪᓗ ᒪᓕᒐᑦᑎᒎᓐᓂᒻᒥᒃ
ᓴᐃᓚ ᑭᓕᐅᕆᖕᕗᓪᑦ
ᐊᑐᐊᒐᓐᓂᒃ ᖃᐅᔨᓴᔅᓯᔨ – ᐋᓐᓂᔅᓯᕆᓂᒻᒥᒃ, ᐋᓐᓂᔅᓯᕆᑦᑕᐃᓕᒪᑎᑦᑎᓂᒻᒥᒃ ᐊᒻᒪᓗ ᒪᓕᒐᑦᑎᒎᓐᓂᒻᒥᒃ
ᑐᓴᐅᒪᖃᑎᒌᒍᑎᑦ
ᑐᑭᓯᒍᒪᑐᐄᓐᓇᓐᓃᑦ
communications@pauktuutit.ca
ᐃᖅᑲᓇᐃᔭᑦᑐᓕᕆᔨᒃᑯᑦ
ᑮᓇᐅᔭᓕᕆᓂᒻᒥᒃ ᐊᒻᒪ ᐊᐅᓚᑦᑎᕕᒻᒥᒃ
ᐃᓚᓕᐅᑎᓚᐅᕆᑦ ᐃᖅᑲᓇᐃᔭᖃᑎᒌᑦᑎᓐᓄᑦ!
ᐸᐅᒃᑑᑎᒃᑯᓐᓂ ᐱᒍᓐᓇᕋᕕᑦ ᐊᑑᑎᖃᓪᓚᕆᑦᑐᒥᒃ ᐃᖅᑲᓇᐃᔮᒥᒃ ᐊᓯᕈᐃᒍᓐᓇᔅᓯᓗᑎᒃ ᐃᓅᓯᖏᓐᓂᒃ ᐃᓄᐃᑦ ᐊᕐᓇᖏᑖ, ᓂᕕᐊᔅᓯᐊᖏᑕ ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᐃᓄᓐᓂᒃ.
ᐊᐅᓚᑦᑎᔨ ᑐᓴᐅᒪᖃᑎᒌᒐᑎᓂ – ᐋᑐᕚ, ᐊᓐᑎᐅᕆᔪ (ᑕᒪᒃᑮᔪᖅ)
ᐅᓂᒃᑳᕆᐊᑦᑐᑉᐸᓪᓗᓂ ᐊᖓᔪᖄᑉ ᑐᖓᓕᖓᓄ) ᐊᐅᓚᔾᔪᑎᓂ, ᐊᐅᓚᑦᑎᔨ ᑐᓴᐅᒪᖃᑎᒌᒍᑎᓂᒃ ᑲᒪᒋᔭᖃᒻᒪᑦ ᐋᖅᑭᔅᓱᐃᓂᒻᒥᒃ ᐊᒻᒪᓗ ᐱᔭᕇᒃᑕᐅᑎᑦᑎᓂᒻᒥᒃ ᐊᑑᑎᖃᑦᑎᐊᑦᑐᑦ ᑐᓴᐅᒪᖃᑎᒌᒍᑎᒥᒃ ᐊᒻᒪᓗ ᐱᓕᕆᖃᑎᖃᓐᓂᒻᒧᑦ ᐱᔭᕇᔅᓯᒍᑎᖏᓐᓂᒃ ᐃᑲᔪᔅᓱᐃᔪᓂᒃ ᐸᐅᒃᑑᑎᒃᑯᑦ ᑕᐅᑐᖓᓂᒃ ᐊᒻᒪᓗ ᐱᔭᕇᓯᒍᑎᒋᒍᒪᔭᖏᑦ ᓯᕗᓪᓕᐅᑎᒋᐊᓕᔨᓐᓂᒃ.