ᐱᓕᕆᖃᑎᖃᓂᖅ ᒪᒃᑯᒃᑐᓂᒃ ᐊᖑᑎᓂᒃ
ᓄᑲᑉᐱᐊᓂᒃ ᐃᓄᐃᑦ ᑭᑐᙵᖃᑦᑎᐅᓂᒻᒧᑦ ᐃᓅᓯᒻᒥ ᐱᓕᕆᓕᒻᒪᔅᓴᓂᐅᔪᓂ
ᐋᖅᑭᔅᓱᐃᓂᖅ ᐱᓕᕆᖃᑎᖃᓐᓂᖅ ᒪᒃᑯᒃᑐᓂᒃ ᐊᖑᑎᓂᒃ ᓄᑲᑉᐱᐆᓂᓪᓗ ᐱᓕᕆᔾᔪᑎᒥ, ᐱᓕᕆᖃᑎᖃᓐᓂᖅ ᒪᒃᑯᒃᑐᓂᒃ ᐊᖑᑎᓂᒃ ᓄᑲᑉᐱᐆᓂᓪᓗ ᐃᓕᓐᓂᐊᑦᑎᑦᑎᒍᑎᐅᒻᒪᑦ ᕿᑐᙵᖃᑦᑎᓂᐅᒻᒥᒃ ᐱᓕᕆᑦᑎᐋᕈᓐᓇᓐᓂᒻᒥᒃ ᐊᒻᒪᓗ ᐊᑐᑦᑕᐅᓂᔅᓴᐆᑎᑦᑎᓪᓗᓂ ᐃᓚᒌᑦᑎᐊᓐᓂᒻᒥᒃ ᐃᓕᖅᑯᓯᒃᑯᑦ ᐱᓕᕆᔾᔪᑎᓕᐊᕆᓯᒪᔪᓂ, ᑐᑭᓯᓇᔅᓯᑎᑦᑎᓪᓗᓂ ᐃᓄᐃᑦ ᐱᖅᑯᓯᖏᓐᓂᒃ ᐊᒻᒪᓗ ᓄᓇᓕᐅᑉ ᐅᐱᒍᓱᑦᑎᐋᓐᓂᖓᓂᒃ. ᑖᓐᓇ ᑕᒪᒃᑮᓪᓗᓂ ᐱᓕᕆᒋᐊᓐᓂᖅ ᒥᑭᓂᔅᓴᐅᓕᑦᑎᑦᑎᒐᓱᐋᒻᒪᑦ ᓇᓪᓕᐋᖑᓂᒻᒥᒃ−ᑐᙵᕕᓕᒻᒥᒃ ᐋᓐᓂᑦᑎᕆᓂᒻᒥᒃ ᐱᓕᕆᖃᑕᐅᑎᑦᑎᓗᓂ ᐊᖑᑎᓂᒃ ᑕᒪᒃᑯᓇᓂ ᐅᖃᖃᑎᒌᒍᑎᒋᔭᐅᒋᐋᖃᓪᓚᕆᑦᑐᓂ.
ᐊᔪᕿᖅᑐᖅ ᕿᑐᙵᖃᑦᑎᐅᓂᒻᒥᒃ ᐃᓅᓯᕐᒥ ᐱᓕᕆᓕᒪᒃᓴᓂᒥᒃ ᐱᓕᕆᔾᔪᑎᓕᐊᕆᓯᒪᔪᖅ ᐱᓕᕆᐋᕆᒐᓐᓂᔅᓯᑎᑦᑎᓲᖑᒻᒪᑦ ᐱᓕᕆᒋᐊᕈᑎᔅᓴᓂᒃ ᑲᑎᒪᓯᓐᓈᑦᑎᑦᑎᒍᑎᒋᔭᐅᓗᑎᒃ ᐅᓇᑕᕈᑎᒋᔭᐅᓗᓂ ᓱᕋᐃᓲᓂᒃ ᓇᓪᓕᐊᖑᓂᒻᒧᑦ ᐃᓕᖅᑯᓯᕆᔭᐅᓲᓂᒃ ᐊᒻᒪᓗ ᐊᔪᖏᓐᓂᔅᓴᐅᓕᑦᑎᑦᑎᓗᓂ ᓇᓪᓕᐊᖑᓂᒻᒥ ᑕᐃᒫᓪᓗᐊᖃᑎᒌᓐᓂᒻᒥᒃ. ᐃᓕᓐᓂᐊᖃᑕᐅᔪᑦ ᐱᓕᕆᑦᑎᐊᕈᓐᓇᓐᓂᑦᑖᓱᖑᒻᒪᑕ ᐋᖅᑭᐅᒪᑎᑦᑎᓂᒻᒥᒃ ᐃᓚᖃᑦᑎᐊᓐᓂᒻᒥᒃ, ᓂᙵᑦᑕᐃᓕᒪᒍᓐᓇᓐᓂᒻᒥᒃ, ᐊᒻᒪᓗ ᐊᑐᕈᓐᓇᔅᓯᓪᓗᑎᒃ ᐊᒃᓱᕈᕐᓇᕐᓂᖓ ᕿᑐᙵᖃᑦᑎᐅᓂᐅᑉ
ᐊᔪᕿᖅᑐᖅ ᐱᓕᕆᔾᔪᑎ
“ᖃᓄᐃᓘᕆᐊᖃᕐᒪᖔᑦ ᐃᓕᓴᑎᑦᑎᓂᖅ”
ᒪᑯᒃᑐᑦ ᐃᓄᐃᑦ ᐊᖑᑏᑦ ᐊᒻᒪᓗ ᓄᑲᑉᐱᐊᑦ ᕿᑐᙵᖃᑦᑎᐅᓂᖅ ᐃᓅᓯᒻᒥ ᐱᓕᕆᑦᑎᐊᕈᓐᓇᔅᓯᓂᒻᒥ ᐱᓕᕆᔾᔪᑎ
ᑐᙵᕕᓕᔅᓯᒪᓪᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐊᔪᕿᖅᑐᖅ ᕿᑐᙵᖃᑦᑎᐅᓂᒻᒥᒃ ᐃᓅᓯᕐᒥ ᐱᓕᕆᓕᒪᒃᓴᓂᒥᒃ ᐱᓕᕆᔾᔪᑎᓕᐊᕆᓯᒪᔪᖅ ᐱᓕᕆᐋᕆᒐᓐᓂᔅᓯᑎᑦᑎᓲᖑᒻᒪᑦ ᐱᓕᕆᒋᐊᕈᑎᔅᓴᓂᒃ ᑲᑎᒪᓯᓐᓈᑦᑎᑦᑎᒍᑎᒋᔭᐅᓗᑎᒃ ᐅᓇᑕᕈᑎᒋᔭᐅᓗᓂ ᓱᕋᐃᓲᓂᒃ ᓇᓪᓕᐊᖑᓂᒻᒧᑦ ᐃᓕᖅᑯᓯᕆᔭᐅᓲᓂᒃ ᐊᒻᒪᓗ ᐊᔪᖏᓐᓂᔅᓴᐅᓕᑦᑎᑦᑎᓗᓂ ᓇᓪᓕᐊᖑᓂᒻᒥ ᑕᐃᒫᓪᓗᐊᖃᑎᒌᓐᓂᒻᒥᒃ. ᐱᓕᕆᔾᔪᑎᐅᑉ ᐱᓕᕆᔾᔪᑎᖏᑦ ᐊᒻᒪᓗ ᖃᓄᐃᓘᓐᓃᑦ ᐋᖅᑭᒍᑎᒍᓐᓇᒻᒪᑕ, ᐃᒪᓐᓇᐃᓘᕈᓐᓇᔅᓯᑦᑎᑦᑎᓪᓗᑎᒃ ᐊᕕᒃᑐᔅᓯᒪᓂᐅᔪᓂᒃ ᐃᓗᐊᓂ ᐃᓄᐃᑦ ᓄᓇᖓᑦ ᓴᓇᒍᓐᓇᓕᓪᓗᓂ ᓈᒻᒪᑦᑎᔅᓯᒪᔪᓂᒃ ᑲᑎᒪᓯᓐᓈᕈᑎᓂᒃ ᐱᒍᓇᖁᓪᓗᒋᑦ ᑕᐃᒃᑯᓂᖓᓪᓗᐊᖅ ᐱᔭᐅᒋᐋᓕᓐᓂᒃ ᐊᒻᒪᓗ ᑎᑭᑕᐅᒍᒪᔪᓂᒃ. ᐃᓚᒋᔭᐅᒃᑲᓐᓂᓪᓗᓂ, ᐱᓕᕆᔾᔪᑎ ᐊᔪᕆᔅᓯᐅᔾᔨᒍᓐᓇᒻᒪᑦ ᐊᔪᐃᓐᓇᕈᔾᔨᓂᒻᒥ, ᖃᐅᔨᓇᓱᐋᑦᑕᐅᒋᐋᖃᓐᓂᖏᑦ, ᐊᒻᒪᓗ ᖃᐅᔨᒪᒋᐊᑦᑕᐅᒐᓱᐋᓂᖏᑦ ᐱᓕᕆᐋᖃᓐᓂᒻᒨᖓᔪᑦ ᐃᓄᐃᑦ ᒪᒃᑯᑦᑐᑦ ᐊᖑᑎᖏᓐᓂᒃ ᐊᒻᒪᓗ ᓄᑲᑉᐱᐋᓂᒃ.
ᓴᓇᓯᒪᓂᓕᐅᑦᑕᐅᒍᓐᓇᑦᑐᖅ ᐊᑐᑦᑕᐅᓂᐋᓪᓗᓂ ᐊᔾᔨᒌᖏᑦᑐᑎᒍ ᓈᒻᒪᑦᑎᔅᓯᒪᓗᓂ ᐱᒋᐊᖃᑦᑕᔅᓯᓐᓄᑦ ᐊᒻᒪᓗ ᐱᒋᐊᕕᔅᓴᒻᒧᑦ:
ᑎᓴᒪᓄᑦ−ᐅᓪᓗᓄᑦ ᑲᒪᓯᓐᓈᕈᑎᖃᓐᓃᑦ ᒪᒃᑯᑦᑐᓄᑦ ᐊᖑᑎᓄᑦ ᐊᒻᒪᓗ ᓄᑲᑉᐱᐋᓄᑦ ᒪᓕᑦᑕᐅᓗᑎᒃ ᖃᐅᔨᒪᒍᑎ ᑲᑎᒪᐅᑎᔅᓴᐅᑉ ᒪᑉᐱᒐᖓ 39.
ᐊᑕᐅᓯᒻᒧᑦ ᑎᑭᓪᓗᒋᑦ ᐱᖓᓱᓄᑦ−ᐅᓪᓗᓄᑦ ᑲᑎᖃᑎᒌᓐᓃᑦ ᓄᓇᓕᓐᓂ ᐅᕝᕙᓘᓐᓃᑦ ᐊᐅᓪᓚᔅᓯᒪᓗᑎᒃ ᓄᓇᒧᑦ.
ᐱᓇᓱᐋᕈᓯᑕᒪᑦ ᑲᑎᒪᖃᑦᑕᓐᓃᑦ ᐃᓕᓐᓂᐋᓐᓇᐅᒌᔅᓯᒪᓕᑦᑎᓪᓗᒍ ᐅᕝᕙᓘᓐᓃᑦ ᐅᓐᓄᒃᑯᑦ.
ᐃᓕᓐᓂᐊᕕᒻᒥ ᐃᓕᓴᕖᑦ ᓇᓪᓕᐋᖑᓂᒻᒧᑦ ᐱᓕᕆᐋᕆᔭᐅᒋᐋᓕᑦ ᐊᒻᒪᓗ ᓇᓪᓕᐊᖑᓂᒻᒥ ᐊᔾᔨᒋᔭᐅᖏᓐᓂᖅ, ᐃᓚᒋᔭᐅᑦᑎᐋᓐᓂᑦ ᐊᒻᒪᓗ ᐃᓱᒪᒃᑰᕈᑎᖃᖏᓐᓂᖅ
ᐊᔪᕿᖅᑐᖅ ᕿᑐᙵᖃᑦᑎᐅᓂᒻᒧᑦ ᐃᓅᓯᕐᒥ ᐱᓕᕆᔪᓐᓇᑦᑎᐋᕐᓂᒻᒥᒃ ᑲᑎᒪᓯᓐᓈᕈᑎᖃᓐᓂᖅ
ᐃᓘᓐᓇᑲᓴᖏᑦ ᐃᓄᐃᑦ ᐊᖑᑎᑦ ᐃᒪᓐᓇᐅᓕᒻᒪᑕ ᐅᕝᕙᓘᓐᓃᑦ ᕿᑐᙵᖃᑦᑎᐅᓂᐋᓕᒻᒪᑕ, ᐊᒃᑲᒋᔭᐅᓕᓪᓗᑎᒃ, ᐊᑖᑕᔅᓴᕆᔭᐅᓕᓪᓗᑎᒃ, ᐅᕝᕙᓘᓐᓃᑦ ᐱᓯᒪᔅᓯᔨᐅᓕᓪᓗᑎᒃ. ᕿᑐᙵᖃᑦᑎᐅᓂᖅ ᐃᓘᓐᓇᓕᒫᖓ ᐃᓕᓴᑎᑦᑎᒍᑎᒋᔭᐅᒍᓐᓇᖏᑦ ᑲᑎᒪᓯᓐᓈᓐᓂᒻᒥ ᐅᕝᕙᓘᓐᓃᑦ ᐃᓕᓴᕕᒻᒥ, ᐃᓄᐃᑦ ᖃᐅᔨᒪᓂᖓ ᐊᒻᒪᓗ ᐊᑐᖃᑦᑕᔅᓯᒪᔭᖏᑦ ᐱᕙᒌᔭᔅᓯᒍᓐᓇᑦᑑᒐᓗᐊᑦ ᒪᒃᑯᑦᑐᓂᒃ ᐊᒻᒪᓗ ᒪᒃᑯᑦᑐ ᐊᖑᑎᓂᒃ ᐱᓕᕆᐊᕆᔭᐅᒋᐋᓕᓐᓂᒃ ᐱᕈᔅᓴᐃᑎᓪᓗᒋᑦ ᓱᕈᓯᓐᓂᒃ, ᐋᖅᑭᐅᒪᑎᑦᑎᓂᒻᒥᒃ ᐃᓚᒌᑦ ᐃᓚᒌᑦᑎᐊᓐᓂᖏᓐᓂ, ᐊᒻᒪᓗ ᐊᔅᓱᕈᓪᓗᑎᒃ ᕿᑐᙵᖃᑦᑎᐅᑦᑎᐋᕈᓐᓇᓐᓂᓕᒫᒥᓂᒃ ᐊᑐᕋᓱᐋᓪᓗᑎᒃ. ᑲᑎᒪᓯᓐᓈᕈᑎᐅᑉ ᐃᓗᓕᖏᑦ ᐱᓕᕆᐊᖃᒻᒪᑕ ᒪᑯᓂᖓ ᐅᖃᐅᑎᒋᔭᐅᔪᓂᒃ:
ᐃᓚᒌᑦᑎᐋᓐᓃᑦ
ᐃᓚᒌᑦᑎᐋᓐᓃᑦ ᐃᑲᔪᖃᑎᒌᑦᑎᑦᑎᒻᒪᑕ, ᓇᓪᓕᒍᓱᓪᓗᑎᒃ, ᐊᒻᒪᓗ ᐱᖃᑎᒌᓪᓗᑎᒃ, ᐃᑲᔪᓪᓗᑎᒃ ᐃᓱᒪᖃᑦᑎᐋᓐᓂᒻᒥ. ᐋᔨᖃᑎᒌᑦᑎᐊᕈᓐᓇᓐᓂᖅ ᐃᑲᔪᓲᖑᒻᒪᑦ ᐱᖃᑎᒌᑦᑑᓐᓂᒃ ᐊᒻᒪᓗ ᕿᑐᙵᖃᑦᑎᐅᔪᓂᒃ ᑐᑭᓯᐊᖃᑦᑕᐅᑎᓗᑎᒃ ᐊᒻᒪᓗ ᐃᑉᐱᒋᖃᑦᑕᐅᑎᑦᑎᐋᓪᓗᑎᒃ.
ᓇᓪᓕᐋᖑᓂᖅ, ᓇᓪᓕᐋᖑᒍᑎᖃᓐᓂᖅ ᐊᒻᒪᓗ ᐱᓕᕆᐋᕆᒋᐊᓕᖏᑦ
ᐃᓄᐃᑦ ᓇᓪᓕᐋᖑᓂᖏᓐᓄᑦ ᐱᓕᕆᐋᕆᔭᐅᒋᐋᓕᑦ ᖃᓄᑐᐃᓐᓈᕈᓐᓇᓚᐅᒻᒪᑕ ᐃᓚᒌᑦ ᐊᓐᓇᐅᒪᒍᓐᓇᖁᓪᓗᒋᑦ. ᓇᓪᓕᐊᖑᓂᒻᒧᑦ ᓇᓗᓇᐃᑯᑕᖅ ᖃᐅᔨᒪᒍᑎᒋᒐᑦᑎᒍ ᐅᕙᑦᑎᓂᒃ, ᐊᒻᒪᓗ ᓇᓪᓕᐊᖑᓂᒻᒥ ᖃᐅᔨᒪᔭᐅᑎᓐᓂᖅ ᖃᐅᔨᒪᔭᐅᑎᓲᕆᒐᒃᑎᒍ ᐊᓯᑦᑎᓐᓄᑦ.
ᐃᓅᓯᓕᒫᒥ ᐱᕈᓐᓂᖅ ᒪᒥᐸᓪᓕᐋᓂᓪᓗ
ᑭᒃᑯᓕᒫᑦ ᐃᑉᐱᒍᓱᓲᖑᒻᒪᑕ ᐅᖁᒪᐃᔅᓴᓐᓂᒻᒥᒃ ᖃᖓᑐᐄᓐᓇᒃᑯᑦ ᑕᐃᒪᐃᑎᑕᐅᓪᓗᑕ ᐃᓚᑦᑎᓐᓄᑦ, ᐃᓕᓐᓂᐊᕕᒻᒧᑦ, ᐃᖅᑲᓇᐃᔮᒧᑦ, ᐅᕝᕙᓘᓐᓃᑦ ᓄᓇᓕᒻᒥ ᐊᑲᐅᙱᓕᐅᕈᑎᓄᑦ. ᐃᓚᖏᑦ ᐊᔅᓱᕈᓐᓃᑦ ᖃᓄᐃᓗᒍᑎᖃᙱᒍᓐᓇᒻᒪᑕ ᐊᒻᒪᓗ ᐱᓕᕆᒍᒪᓕᕈᑎᒋᒍᓐᓇᑦᑐᑎᒍ.
ᐃᓱᒪᖃᑦᑎᐋᓐᓂᖅ
ᐃᓄᐃᑦ ᐃᓱᒪᒥᒎᕈᑎᖃᓐᓂᖏᑦ ᓄᓇᓕᑐᑲᒻᒥᑎᑑᓕᑦᑎᑦᑎᓇᓱᐊᓐᓂᒻᒦᖓᔅᓯᒪᒪᑕ ᐊᒻᒪᓗ ᒫᓐᓇ ᐱᓕᕆᐊᕆᒐᓱᒋᐋᓕᓐᓃᖓᑦᑐᑎᒃ ᓲᕐᓗ ᐃᖅᑲᓇᐃᔮᓂᒃ ᐊᒻᒪᓗ ᐃᒡᓗᖃᕈᑎᓂᒃ. ᐊᔅᓱᕈᓗᐋᕈᑎᖃᕈᓐᓃᕈᑎᖃᓐᓃᑦ ᐃᓚᖃᕈᓐᓇᒻᒪᑕ ᐃᖃᐃᓕᓴᓐᓂᒻᒥᒃ, ᕿᑲᑦᑏᓚᐃᓚᕈᑎᓂᒃ, ᓂᕆᑦᑎᐊᓂᒻᒥᒃ, ᓯᓂᑦᑎᐊᓐᓂᒻᒥᒃ, ᐊᒻᒪᓗ ᐃᓅᖃᑎᖃᖃᑦᑕᓐᓂᓐᓂᒃ.
ᐋᓐᓂᖅᑎᕆᑎᑦᑕᐃᓕᒪᓂᖅ
ᐊᔪᕿᖅᑐᖅ ᕿᑐᙵᖃᑦᑎᐅᓂᒻᒥ ᐃᓅᔅᓯᒻᒥ ᐱᓕᕆᑦᑎᐋᕈᓐᓇᓐᓃᑦ ᐱᓕᕆᔾᔪᑎ ᓇᓗᓇᐃᔭᔅᓯᒻᒪᑦ ᐃᓚᒌᑦᑎᐊᓐᓂᒻᒥᒃ ᐋᓐᓂᔅᓯᕆᔪᖃᖃᑦᑕᖏᑦᑐᒥ ᐅᕝᕙᓘᓐᓃᑦ ᐋᓐᓂᔅᓯᕆᓂᒻᒥᒃ. ᐱᓕᕆᖃᑎᖃᓐᓂᖅ ᐃᓄᐃᑦ ᐊᖑᑎᖏᓐᓂᒃ ᐊᒻᒪᓗ ᓄᑲᑉᐱᐋᓂᒃ ᐱᑕᖃᕆᐊᖃᓪᓚᕆᒻᒪᑦ ᐱᐅᓈᑦᑐᓄᑦ ᐊᒻᒪᓗ ᐊᑯᓂ−ᐊᑐᓐᓂᐋᑦᑐᓄᑦ ᐊᓯᕈᓐᓂᒻᒧᑦ.
ᕿᑐᖓᖃᑦᑎᐅᓂᖅ
ᑲᒪᑦᑎᐋᓪᓗᓂ ᕿᑐᖓᖃᑦᑎᐅᓂᖅ ᕿᓄᐃᓵᕈᓐᓇᓐᓂᖃᕆᐊᖃᓐᓇᒻᒪᑦ, ᐱᓕᕆᒋᐋᕈᑎᔅᓴᖃᑦᑎᐋᕆᐊᖃᓐᓇᒻᒪᑦ ᐊᒻᒪᓗ ᐃᑲᔪᖃᑎᒌᓪᓗᓯᒃ ᐊᐃᑉᐸᕆᔭᐃᓪᓗ ᐊᒻᒪᓗ ᐊᓯᓕᒫᑎᑦ ᑕᐃᒃᑯᐊ ᐱᓕᕆᐋᓕᒃ ᐱᕈᔅᓴᐃᑦᑎᐋᓪᓗᑎᒃ ᐊᒻᒪᓗ ᖁᕕᐊᓱᑦᑎᑦᑎᓗᑎᒃ ᓱᕈᓯᓐᓂᒃ. ᑕᒪᒃᑯᐊ ᐃᓘᓐᓇᑎᒃ ᐱᐅᓂᐅᒻᒪᑕ ᐃᑲᔪᑦᑐᑦ ᓇᓗᓇᐃᔅᓯᓂᒻᒥᒃ ᖃᓄᐃᓪᓗᒍᑎᖃᖏᑦᑐᒥᒃ ᐃᒻᒥᓂᔅᓱᑦᑐᒥᒃ ᐊᒻᒪᓗ ᐱᒻᒪᕆᐅᔪᒥᒃ, ᖃᓄᖅ ᑐᑭᖃᓐᓂᖓᓂᒃ ᐃᓅᓂᒻᒥᒃ.
ᑐᓴᐅᒪᔾᔪᑎᖃᒃᑲᓐᓂᕆᐋᖃᑉᐲᑦ ᑲᑎᒪᓯᓐᓈᑦᑎᑦᑎᓂᒻᒥᒃ ᐃᕝᕕᑦ ᓇᒻᒥᓂᖅ ᑲᑎᒪᔨᓐᓈᑦᑎᑦᑎᒍᑎᒋᔭᖓᓃᒃ?
ᐊᔪᕿᖅᑐᖅ ᐱᓕᕆᔾᔪᑎ ᐱᒐᔅᓴᐅᒻᒪᑦ ᐊᑭᖃᖏᓪᓗᓂ ᐊᒻᒪᓗ ᐊᑐᑦᑕᐅᒍᓐᓇᑦᑐᓂᒃ ᐃᒻᒥᓂᔅᓱᑦᑐᒧᑦ ᐊᖏᑦᑕᐅᒐᓱᒋᐋᑐᖏᓪᓗᓂ.
ᐃᑲᔪᕈᓐᓇᒻᒥᔪᒍᑦ ᑕᐃᒃᑯᓂᖓ ᐃᑲᔪᖅᑕᐅᒋᐋᓕᓐᓂᒃ.
