ᐊᓂᒍᐃᓯᒪᔪᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐊᒻᒪᓗ ᐃᓛᒋᓂ ᒪᓕᒐᑦᑎᒎᑦᑎᑦᑎᒍᑎᑯᑦ ᑭᐅᓂᖅ
ᐃᓄᐃᑦ ᐊᕐᓇᖏᑦ ᑲᓇᑕᒥ ᐋᓐᓂᔅᓯᑦᑕᐅᖃᑦᑕᓐᓂᖏᑦ ᖁᕝᕙᓯᑦᑐᐋᓗᒻᒪᑕ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐊᒻᒪᓗ ᐱᒐᓱᒡᒐᕆᐋᖃᓗᐋᓱᕋᓪᓗᓪᓗᑎᒃ ᐊᑑᑎᖃᑦᑎᐊᑦᑐᓂᒃ ᐃᑲᔪᑦᑕᐅᒍᑎᓂᒃ ᑕᐃᒪᐃᑎᑕᐅᓪᓗᓂ ᐊᔾᔨᒋᔭᐅᑎᑕᐅᙱᓗᐊᓐᓂᒻᒧᑦ ᐊᒻᒪᓗ ᑭᒡᓕᓕᓯᒪᓂᖏᓐᓄᑦ ᐱᓕᕆᒋᐋᕈᑎᔅᓴᐃᑦ. ᑖᓐᓇ ᐱᓕᕆᐊᒃᓴᖅ ᐱᓕᕆᐊᖃᕋᓱᐋᒻᒪᑦ ᐃᑳᑦᑕᐅᑎᑦᑎᒐᓱᐋᓪᓗᓂ ᐱᑕᖃᖏᓐᓂᖓᒍᑦ ᐱᔭᐅᑎᑦᑎᒐᓱᐋᓪᓗᓂ ᐱᑐᐃᓐᓇᐅᖏᑦᑐᒃᑯᑦ ᐊᔪᕈᓐᓃᔅᓴᑎᑦᑎᓂᒻᒥᒃ ᐊᒻᒪᓗ ᐱᓕᕆᒋᐊᕈᑎᔅᓴᓂᒃ ᒪᓕᒐᑦᑎᒍ ᐃᖅᑲᓇᐃᔭᑦᑎᓚᕆᙳᕋᓱᐊᑦᑐᓂᒃ ᓲᕐᓗ ᐃᖅᑲᖅᑐᐃᕕᒻᒥ ᐃᖅᑲᓇᐃᔭᑦᑎᓂᒃ ᐊᒻᒪᓗ ᒪᓕᒐᑦᑎᒍ ᐃᑲᔪᑦᑎᓂᒃ, ᐃᑲᔪᑦᑕᐅᓗᑎᒃ ᐃᑲᔪᑦᑕᐅᑦᑎᐊᓂᔅᓴᐅᖁᓪᓗᒋᑦ ᐃᓄᐃᑦ ᐃᒻᒥᓂᔅᓴᑦᑐᑦ ᐊᒃᑐᖅᑕᐅᓯᒪᔪᑦ ᑕᒪᑐᒧᖓ ᖃᓂᒋᓛᖓᓄᑦ ᐱᖃᑎᖓᓄᑦ ᐋᓐᓂᔅᓯᑦᑕᐅᓂᒻᒥ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ.
ᓴᐃᒪᓃᒃ ᐱᓕᕆᔾᔪᑎ
ᓴᐃᒪᓃᒃ ᐱᓕᕆᔾᔪᑎ, ᓴᓇᔭᐅᓯᒪᔪᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᐱᓕᕆᐊᖃᓲᖑᒻᒪᑦ ᐅᖓᑎᓗᐊᖓᓄᑦ ᑭᒐᑦᑐᑦᑕᐅᓂᖏᓐᓂᒃ ᐃᓄᐃᑦ ᐊᕐᓇᖏᑕ ᐊᑐᑦᑎᓪᓗᒋᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ (IPV) ᐊᒻᒪᓗ ᐊᐳᑦᑕᕈᑎᓂᒃ ᐊᐳᕈᑎᒋᖃᑦᑕᑦᑕᖏᑦ ᐱᒐᓱᐋᑦᑎᓪᓗᒋᑦ ᐃᑲᔪᑦᑕᐅᒍᑎᒋᒍᓐᓇᑦᑕᖏᓐᓂᒃ. ᐱᓕᕆᐋᖃᕋᓱᐋᒻᒪᑦ ᐱᐅᓂᔅᓴᐅᓕᑦᑎᑦᑎᒐᓱᐋᑦᑐᓂ ᑐᑭᓯᐊᓂᒻᒥᒃ ᒪᓕᒐᑦᑎᒍ ᐃᖅᑲᓇᐃᔮᑦᑎᓪᓚᕆᖑᕋᓱᐊᑦᑐᓂᒃ ᑕᐃᔅᓱᒪᓂᓕᓴᓐᓂᒃ ᐊᒻᒪᓗ ᒫᓐᓇᐅᔪᖅ ᑐᑭᓯᓇᔅᓯᑎᑦᑎᒍᑎᐅᓕᑦᑐᑦ ᐃᓗᑦᑎᑦᑕᐅᖁᓪᓗᒋᑦ ᑕᒪᒃᑯᐊ ᐋᓐᓂᔅᓯᑦᑕᐅᓂᐅᖃᑦᑕᑦᑐᑦ, ᐱᔭᐅᑎᑦᑎᓗᓂ ᐊᑑᑎᖃᑦᑎᐊᑦᑐᓂᒃ ᐱᓕᕆᒋᐋᕈᑎᔅᓴᓂᒃ ᐃᑲᔪᑦᑕᐅᖁᓪᓗᒋᑦ ᐃᓄᐃᑦ ᓄᓇᓕᖏᑦ ᐱᓕᕆᐊᖃᕋᓱᐋᑦᑎᓪᓗᒋᑦ ᑕᒪᑐᒥᖓ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ.
ᓴᐃᒪᓃᒃ ᐱᓕᕆᔾᔪᑎ ᐋᖅᑭᔅᓱᑦᑕᐅᓚᐅᒻᒪᑦ ᐅᖃᕈᓐᓇᑦᑎᑕᐅᓪᓗᑎᒃ ᐊᓂᒍᐃᓯᒪᔪᑦ ᑕᒪᑐᒥᖓ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ, ᒪᓕᒐᑎᒍ ᐃᖅᑲᓇᐃᔭᑦᑎᓚᕆᓐᓂᒃ, ᐅᖃᓚᐅᑎᒋᔭᐅᔪᓂᒃ ᐱᓕᕆᑦᑎᐊᕈᓐᓇᑦᑐᓂᒃ, ᓄᓇᓕᒻᒥᐅᑕᓐᓂᒃ ᑲᓇᑕᓕᒫᒥᑦ. ᓴᓇᔭᐅᓯᒪᓪᓗᓂ ᐃᒪᓐᓇᐃᓘᕈᓐᓇᖁᓪᓗᒍ:
- ᐋᖅᑭᔅᓯᓗᓂ ᐱᔭᐅᒋᐋᓕᓐᓂᒃ ᐊᒻᒪᓗ ᓯᕗᓪᓕᐅᑎᔭᐅᒋᐋᓕᓐᓂᒃ ᐊᓂᒍᐃᓯᒪᔪᓄᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ.
- ᐃᑲᔪᓐᓂᖅ ᒪᑐᓯᒻᒪᑦ ᐱᔨᔅᓯᕈᑎᐅᑉ ᐱᑕᖃᖏᓐᓂᖓᓂᒃ.
- ᓴᙱᓂᔅᓴᐅᓕᑦᑎᑦᑎᓪᓗᓂ ᑐᑭᓯᐊᓂᒻᒥᒃ ᒪᓕᒐᑦᑎᒍ ᐱᔨᔅᓯᕈᑎᒥᒃ ᐱᔭᐅᑎᑦᑎᕙᑦᑐᓂᒃ ᐱᓕᕆᐊᕆᔭᐅᒐᓱᒋᐊᖃᓐᓂᖏᓐᓂᒃ ᖁᔅᓴᓇᕈᑎᐅᑲᓐᓂᕈᓐᓇᑦᑐᓂᒃ ᓵᙵᔭᐅᕙᑦᑐᓂᒃ ᐃᓄᐃᑦ ᐊᕐᓇᖏᓐᓄᑦ.
ᐊᕙᑎᒥᒃ ᖃᐅᔨᓴᔅᓯᓂᖅ
ᐊᕙᑎᒥᒃ ᖃᐅᔨᓴᔅᓯᓂᖅ ᐱᓕᕆᐊᕆᔭᐅᔪᖅ ᑖᔅᓱᒧᖓ ᐱᓕᕆᐊᒃᓴᒧᑦ ᐱᓕᕆᐋᖃᒻᒪᑦ ᐱᓕᕆᒋᐊᕈᑎᔅᓴᓂᒃ ᐊᒻᒪᓗ ᐱᔨᔅᓯᕈᓂᒃ ᐊᑐᓂ ᐊᕕᑦᑐᔅᓯᒪᓂᖏᓐᓂᒃ ᐃᓄᐃᑦ ᓄᓇᖓᑦᓂ ᐊᒻᒪᓗ ᓂᕈᐊᑦᑕᐅᓗᓂ ᓄᓇᓕᔾᔪᐋᖑᓂᖏᑦ, ᐃᓚᒋᔭᐅᓗᑎᒃ ᐊᑦᑕᑦᑐᓂᔅᓴᐅᓗᑎᒃ ᓄᓇᓕᖃᕕᐅᔪᑦ, ᐊᕕᑦᑐᔅᓯᒪᓃᑦ, ᐊᒻᒪᓗ ᓄᓇᓕᖃᕕᐅᔪᑦ ᐊᔪᙱᓕᕇᓐᓂᖏᑦ. ᓇᓗᓇᐃᔅᓯᒻᒪᑦ ᑕᒪᔾᔭᐅᔪᓂᒃ ᐱᓕᕆᒋᐊᕈᑎᔅᓴᓂᒃ ᐱᖁᔭᓂᒃ ᐃᖅᑲᓇᐃᔭᑦᑎᓚᕆᖑᕋᓱᐊᑦᑐᓂᒃ ᐊᒻᒪᓗ ᐅᐸᑦᑕᐅᖃᖓᐅᑕᐅᖃᑦᑕᑦᑐᓂᒃ ᐃᖅᑲᓇᐃᔭᑦᑎᓂᒃ ᐃᑲᔪᑦᑐᓂᒃ ᐃᓄᐃᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐊᓂᒍᐃᓯᒪᔪᓂᒃ ᒪᑯᑎᒎᓇ ᒪᓕᒐᑎᒍ ᐱᓕᕆᔾᔪᑎᒃᑯᑦ, ᐅᖃᐅᓯᖃᓗᐋᙳᐋᓪᓗᓂ ᐱᑕᖃᖏᓐᓂᖏᓐᓂᒃ ᐊᒻᒪᓗ ᐱᔭᐅᒋᐋᓕᓐᓂᒃ. ᖃᐅᔨᓴᔅᓯᓂᖅ ᐱᓕᕆᐊᖃᓪᓗᐊᑕᒻᒪᑦ ᐃᓄᓐᓄᑦ−ᑐᕌᖓᔪᓂᒃ ᐅᕝᕙᓘᓐᓃᑦ ᐊᑦᑕᑦᑐᓂᔅᓴᐅᔪᓂᒃ ᐊᑑᑎᓕᓐᓂᒃ ᓄᓇᖃᖅᑳᒃᓯᒪᔪᓄᑦ ᑲᓇᑕᒥ ᐱᓕᕆᒋᐋᕈᑎᒃᓴᓄᑦ, ᐱᖃᓯᐅᑎᓇᒋᑦ ᓄᓇᖃᖅᑳᒃᓯᒪᖏᑦᑐᑦ ᑕᐃᒃᑯᓄᖔᓪᓗᐊᖓᔪᑦ ᐱᓕᕆᐋᔅᓴᓄᑦ.
ᐸᐅᒃᑑᑎᒃᑯᑦ ᐅᑉᐱᕈᓱᒻᒪᑕ ᐃᓘᓐᓇᑎᒃ ᐱᓕᕆᒋᐊᕈᑎᒋᔭᐅᔪᑦ ᑐᙵᕕᖃᕆᐋᖃᒻᒪᑕ ᖃᐅᔨᒪᔾᔪᑎᔅᓴᒥ−ᑐᙵᕕᖃᓪᓗᑎᒃ ᖃᐅᔨᒪᔾᔪᑎᔅᓴᑦ ᐃᑲᔪᖁᓪᓗᒋᑦ ᑭᐅᔾᔪᑎᒋᔭᐅᔪᓂᒃ. ᐃᒪᓐᓇᐅᓚᕆᖁᓪᓗᒋᑦ ᑕᒪᒃᑯᐊ ᓂᐱᖏᑦ ᐃᓄᐃᑦ ᐊᕐᓇᖏᑕ ᑐᓴᑦᑕᐅᖁᓪᓗᒋᑦ, ᐃᑲᔪᔅᓱᐃᔪᒍᑦ ᖃᐅᔨᓇᓱᐋᑦᑎᓂᒃ, ᖃᐅᔨᒪᔾᔪᑎᔅᓴᓂᒃ ᓄᐋᑕᐅᓯᒪᔪᓂᒃ, ᐊᒻᒪᓗ ᐊᕙᑎᐅᑉ ᖃᐅᔨᓴᑦᑕᐅᓂᖏᓐᓂᒃ/ᐱᑕᖃᖏᓐᓂᖏᓐᓂᒃ ᕿᒥᕐᕈᑦᑎᐋᓐᓂᒻᒥᒃ.
ᓴᐃᒪᓃᒃ ᑲᑎᒪᓯᓐᓈᓐᓂᖅ
ᓴᐃᒪᓃᒃ ᑲᑎᒪᓯᓐᓈᓐᓂᖅ ᐃᓕᖅᑯᓯᒃᑯᑦ ᑐᑭᓯᓇᔅᓯᑎᑕᐅᑦᑎᐊᑦᑐᖅ ᐱᓕᕆᔾᔪᑎ ᐱᕙᓪᓕᐊᑎᑕᐅᓯᒪᔪᖅ ᐃᑳᑦᑕᐅᖁᓪᓗᒋᑦ ᐱᑕᖃᖏᓐᓂᖏᑦ ᒫᓐᓇ ᐱᓕᕆᒍᓯᐅᓕᑦᑐᓂ, ᐱᐅᓂᔅᓴᐅᓕᑦᑎᑕᐅᖁᓪᓗᒋᑦ ᐃᓕᖅᑯᓯᒃᑯᑦ ᐱᓕᕆᑦᑎᐊᕈᓐᓇᓐᓂᖅ ᐊᒻᒪᓗ ᖃᐅᔨᒪᓂᖅ, ᐊᒻᒪᓗ ᐱᐅᓂᔅᓴᐅᓕᑦᑎᓪᓗᒋᑦ ᑭᐅᔾᔪᑎᒋᔭᐅᔪᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ (IPV). ᑖᓐᓇ ᐃᓕᕆᖃᑎᒌᓐᓂᒻᒧᑦ ᑲᑎᒪᓯᓐᓈᕈᑎᖃᓐᓂᖅ ᐃᓚᓕᐅᔾᔨᒻᒪᑦ ᐃᓄᓐᓅᖓᓗᐊᙳᐊᑐᓂᒃ ᓇᓪᓕᐊᖑᓂᖏᓐᓂᒃ−ᑐᙵᕕᖃᓪᓗᓂ ᐃᒥᕐᕈᑎᐊᓐᓂᖅ ᐃᓚᖃᓪᓗᓂ (GBA+) ᐃᔭᐅᑏᒃ. ᐱᓕᕆᖃᑕᐅᔪᑦ ᕿᒥᕐᕈᓂᐊᒻᒪᑕ ᑲᔪᓯᓂᖓᓂᒃ ᐱᒋᐊᔅᓯᓂᐅᑉ ᐊᒻᒪᓗ ᐋᓐᓂᔅᓯᕆᓂᐅᑉ, ᐃᓱᒪᔅᓴᔅᓯᐅᕈᑎᒋᓗᒍ ᐱᓕᕆᒋᐋᕈᑎᒋᔭᐅᓯᒪᔪᑦ ᐊᐅᓚᑦᑎᓂᒻᒥᒃ ᐊᑭᓴᑦᑐᓪᓗᒋᑦ ᑲᒪᒋᔭᖃᓐᓂᖅ, ᐊᒻᒪᓗ ᕿᒥᕐᕈᓗᒍ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐃᓗᐊᓂ ᐊᑐᖃᑦᑕᓚᐅᔅᓯᒪᔪᓂᒃ ᑐᑭᓯᓇᔅᓯᑎᑦᑎᒍᑎᖏᓐᓂᒃ ᐃᓄᐃᑦ ᓄᓇᓕᖏᓐᓂᒃ. ᑲᑎᒪᓯᓐᓈᕈᑎ ᐱᔭᐅᑎᑦᑎᖃᓯᐅᔾᔨᒻᒪᑦ ᐱᒋᐊᕕᔅᓴᖃᓕᑦᑎᑦᑎᓪᓗᓂ ᖃᐅᔨᓇᓱᐋᑦᑎᐊᓂᒻᒥᒃ ᐃᓚᒋᓂᒻᒥ ᒪᓕᒐᑦᑎᒍᓂᒻᒧᑦ ᐱᓕᕆᔾᔪᑎᐅᑉ ᑭᐅᔾᔪᑎᖏᓐᓂᒃ ᐱᔭᕆᐋᑐᔪᐋᓗᓂᖏᓐᓄᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐊᒻᒪᓗ ᖁᒃᓴᓇᕈᑎᒋᔭᖏᑦ.
“ᐃᓕᑦᑎᓯᒪᓕᕋᒪ ᐊᒻᒪᓗ ᑐᑭᓯᓇᔅᓯᑎᑦᑎᓚᐅᑦᑐᖓ ᐊᑐᓪᓚᕆᓐᓂᖏᓐᓂᒃ ᐊᓂᒍᐃᓯᒪᔪᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐃᓄᐃᑦ ᓄᓇᓕᖓᓂ ᐆᒪᓪᓗᑎᓪᓗ, ᐊᒻᒪᓗ ᑐᑭᓯᑦᑎᐋᓐᓂᔅᓴᐅᓕᑦᑐᖓ ᒪᙳᖏᓐᓂᒃ ᐅᓄᑦᑐᐋᓗᓐᓂᖏᓐᓂᒃ ᐊᐳᑦᑕᕕᐅᖃᑦᑕᑦᑐᑦ ᓴᓇᔭᐅᔪᒥᓃᐅᓪᓗᑎᒃ ᓄᓇᓕᑐᑲᒻᒥᑎᑑᓕᑦᑎᑦᑎᓇᓱᐊᑦᑐᓄᑦ ᐱᒋᐊᓚᐅᔅᓯᒪᓪᓗᓂ ᑕᒪᒃᑯᐊᓗ ᓱᓕ ᐊᑦᑐᐃᓯᒪᓪᓗᑎᒃ ᐃᓕᖅᑯᓯᕆᔭᐅᔪᓂᒃ ᐊᒻᒪᓗ ᐱᖅᑯᓯᕆᔭᐅᔪᓂᒃ.”
ᑐᓴᐅᒪᔾᔪᑎᖃᒃᑲᓐᓂᕆᐋᖃᑉᐲᑦ ᑲᑎᒪᓯᓐᓈᑦᑎᑦᑎᓂᒻᒥᒃ ᐃᕝᕕᑦ ᓇᒻᒥᓂᖅ ᑲᑎᒪᔨᓐᓈᑦᑎᑦᑎᒍᑎᒋᔭᖓᓃᒃ?
ᐊᔪᕿᖅᑐᖅ ᐱᓕᕆᔾᔪᑎ ᐱᒐᔅᓴᐅᒻᒪᑦ ᐊᑭᖃᖏᓪᓗᓂ ᐊᒻᒪᓗ ᐊᑐᑦᑕᐅᒍᓐᓇᑦᑐᓂᒃ ᐃᒻᒥᓂᔅᓱᑦᑐᒧᑦ ᐊᖏᑦᑕᐅᒐᓱᒋᐋᑐᖏᓪᓗᓂ.
ᐃᑲᔪᕈᓐᓇᒻᒥᔪᒍᑦ ᑕᐃᒃᑯᓂᖓ ᐃᑲᔪᖅᑕᐅᒋᐋᓕᓐᓂᒃ.
