ᐅᕙᒍᑦ ᒥᑦᓵᓄᑦ
ᐅᖓᑖᓂ 40 ᐊᕐᕌᒍᓂ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓴᙱᔫᓪᓗᑎᒃ ᓂᐱᒋᔭᐅᖃᑦᑕᔅᓯᒪᓕᒻᒪᑕ ᐃᓄᐃᑦ ᐊᕐᓇᖏᓐᓄᑦ, ᓂᕕᐊᔅᓯᐊᓄᑦ, ᐊᒻᒪᓗ ᓇᓪᓕᐊᖑᓂᖏᓐᓄᑦ−ᐊᔾᔨᒌᔭᐅᖏᑦᑐᓄᑦ ᐃᓄᓐᓄᑦ, ᐃᖅᑲᓇᐃᔮᕆᔭᐅᓗᑎᒃ ᐱᐅᓂᔅᓴᓕᑦᑎᑕᐅᒐᓱᐊᓐᓂᖏᑦ ᐃᓅᖃᑎᒋᔭᐅᓂᖏᓐᓂᒃ, ᐃᓕᖅᑯᓯᖃᑎᒋᔭᐅᓂᖏᓐᓄᑦ, ᐊᒻᒪᓗ ᒪᑭᒪᒐᓱᐊᕈᑎᒃᑯᑦ ᖃᓄᐃᖏᑦᑎᐊᓐᓂᖏᓐᓂᒃ. ᐊᑐᐊᔅᓯᑎᑕᐅᓪᓗᓂ ᑲᑎᒪᔩᑦ ᑐᑭᒧᐊᑦᑎᑦᑎᔨᖏᓐᓄᑦ ᑭᒡᒐᑦᑐᐃᓗᑎᒃ ᐃᓄᐃᑦ ᐊᕕᑦᑐᔅᓯᒪᔪᓃᑦᑐᓂᒃ ᐊᒻᒪᓗ ᓄᓇᓕᔾᔪᐊᓂ ᓄᓇᓕᓐᓂᒃ ᑲᓇᑕᓕᒫᒥ, ᐃᑲᔪᔅᓱᐃᒐᑦᑕ ᐱᓕᕆᔾᔪᑎᓕᐊᕆᓯᒪᔪᖅ ᐊᓯᕈᑕᐅᖁᓪᓗᒍ ᐃᓘᓐᓇᓕᒫᖏᓐᓂ ᐊᔪᙱᓕᕆᑦᑐᓂ ᒐᕙᒪᒃᑯᓐᓂᒃ.
ᐃᖅᑲᓇᐃᔮᕈᑦ ᐊᐅᓚᑕᐅᒻᒪᑦ ᐱᖓᓲᔪᑦᑐᓄᑦ ᐱᓕᕆᐊᖑᑦᑎᐊᕋᓱᐊᑦᑐᓄᑦ ᓯᕗᓪᓕᐅᑎᒋᐊᓕᓐᓄᑦ:
ᐊᔅᓱᐊᓗᓐᓂᔅᓴᐅᓕᑦᑎᓪᓗᑎᒍ ᐊᑦᑐᐃᓂᕗᑦ ᐊᒻᒪᓗ ᓵᑕᔅᓴᐅᓂᕗᑦ ᐃᓄᐃᑦ ᐊᕐᓇᖏᓐᓄᑦ, ᓂᕕᐊᔅᓯᐊᓄᑦ, ᐊᒻᒪᓗ ᓇᓪᓕᐊᖑᓂᖏᓐᓄᑦ−ᐊᔾᔨᒌᔭᐅᖏᑦᑐᓄᑦ ᐃᓄᓐᓄᑦ ᐋᖅᑭᒍᑎᑎᓪᓗᑎᒍ ᐃᓘᓐᓇᑎᒃ ᐃᖅᑲᓇᐃᔮᖑᒋᐊᓖᑦ ᐱᓕᕆᐊᖃᓪᓗᐊᑕᑦᑐᑦ ᐊᑐᐊᒐᒥᒃ ᐃᑲᔪᔅᓱᐃᔪᓂᒃ ᓯᕗᓪᓕᐅᑎᒋᐊᓕᓐᓂᒃ.
ᑐᑭᓯᓇᔅᓯᑎᑦᑎᒍᑎᒋᓗᒍ ᐱᕈᖅᓴᐃᔩᑦ ᐱᓕᕆᐊᖃᓪᓗᐊᑕᓪᓗᑎᒃ ᐋᖅᑭᔅᓱᐃᓂᒻᒥᒃ ᐊᒻᒪᓗ ᐱᔪᓐᓇᓐᓂᑖᑦᑎᓂᒻᒥᒃ ᑭᖑᕚᕆᓂᐊᑦᑕᑦᑎᓐᓂᒃ ᐃᓄᐃᑦ ᐊᕐᓇᖏᓐᓂ, ᓂᕕᐊᔅᓯᐊᖏᓐᓂ, ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᓯᕗᓕᑦᑎᓂᒃ.
ᓴᙱᓂᔅᓴᐅᓕᑦᑎᓪᓗᒋᑦ ᐱᓕᕆᖃᑎᒌᓐᓃᑦ ᐋᖅᑭᔅᓱᐃᒍᑎᒋᓗᒍ ᑲᑐᑎᔭᐅᔪᓂᒃ ᐱᓕᕆᐊᕆᔭᐅᒍᓐᓇᓂᖏᓐᓂ ᐊᒻᒪᓗ ᐊᔪᖏᓐᓂᔅᓴᓂᒃ ᐱᖃᖃᑎᒌᓐᓂᒻᒥᒃ ᓯᕗᓪᓕᐅᑎᖁᔭᐅᔪᓂᒃ.
ᐱᓕᕆᓪᓚᕆᓪᓗᑎᑦ ᐱᔭᐅᓂᔅᓴᐅᑎᑦᑎᓗᑎᑦ, ᐱᒐᓱᐊᓗᒋᑦ ᐊᒻᒪᓗ ᐋᖅᑭᕕᓪᓗᒋᑦ ᐃᓅᖃᑎᒋᑦ ᐊᒻᒪᓗ ᒪᓕᒐᑦᑎᒍ ᐱᔪᓐᓇᐅᑎᖏᑦ ᐃᓄᐃᑦ ᐊᕐᓇᐃᑦ, ᓂᕕᐊᔅᓯᐊᑦ ᐊᒻᒪᓗ ᓇᓪᓕᐊᖑᓂᖏᑦ−ᐊᔾᔨᒌᔭᐅᖏᑦᑐᑦ ᐃᓄᐃᑦ.
ᐊᔾᔨᒋᔭᐅᒍᓐᓃᑦᑎᓪᓗᒋᑦ ᐊᒻᒪᓗ ᓈᒻᒪᑦᑎᓪᓗᒋᑦ ᑮᓇᐅᔭᖃᑦᑎᑦᑎᒍᑎᑦ ᐱᓕᕆᒋᐊᕈᑎᔅᓴᓂ ᓯᕗᓪᓕᐅᑎᒋᐊᓕᓐᓂᒃ ᐊᔅᓲᓂᔅᓴᐅᓕᖁᓪᓗᒋᑦ ᐊᑦᑐᐃᓂᕗᑦ.
ᓱᒻᒪᑦ ᐊᑎᖃᑦᑎᑕᐅᕕᑖ ᐸᐅᒃᑑᑎᓃᒃ
ᑎᑭᓚᐅᔅᓯᒪᑎᓐᓇᒋᑦ ᖃᓪᓗᓈᑦ ᓄᓇᖓᓐᓃᙵᑦᑐᑦ ᑲᑎᔭᐅᓚᐅᑦᑎᓐᓇᒋᑦ, ᐃᓄᐃᑦ ᐃᓘᓐᓇᓕᒫᖏᓐᓂ ᓇᒻᒥᓂᖅ−ᐱᓯᒪᒍᓐᓇᑦᑎᐊᓚᐅᒻᒪᑕ, ᑕᑎᖃᑦᑐᑎᒃ ᐊᖑᓇᓱᐊᓐᓂᒻᒥᒃ, ᐃᖃᓗᒐᓱᐊᓐᓂᒻᒥᒃ, ᐊᒻᒪᓗ ᑲᑎᔅᓱᐃᓂᒻᒥᒃ ᐱᒍᓐᓇᖁᓪᓗᒋᑦ ᐱᒋᐊᖃᑦᑕᖏᓐᓂᒃ. ᐊᕐᓇᐃᑦ ᐱᓕᕆᒍᓐᓇᑦᑎᐊᓐᓂᖏᑦ ᓴᓇᒐᔅᓴᓕᐊᕆᔭᐅᓪᓗᑎᒃ ᐆᒪᔪᑦᑕᐅᓯᒪᔪᑦ ᐊᓐᓄᕌᓕᐊᕆᔭᐅᓪᓗᑎᒃ, ᓇᔪᒐᖃᑯᓕᐊᕆᔭᐅᓪᓗᑎᒃ, ᐊᒻᒪᓗ ᓴᓇᕐᕈᑎᓕᐊᕆᔭᐅᓪᓗᑎᒃ ᐱᑕᖃᕆᐊᖃᓪᓚᕆᓚᐅᒻᒪᑕ ᐊᓐᓇᐅᒪᒐᓱᐊᕈᑎᒋᔭᐅᓗᑎᒃ.
ᐱᑕᖃᕆᐊᖃᓪᓚᕆᒻᒪᑕ ᓴᓇᕐᕈᑎᑦ ᓴᓇᒐᔅᓴᓕᐅᓂᒻᒧᑦ ᒪᑯᐊᖑᓚᒪᑕ ᐸᐅᒃᑑᑏᑦ – ᑲᑉᐳᑎᒐᐃᑦ ᐊᑐᑦᑕᐅᓲᑦ ᑕᓯᙵᑎᑦᑎᒍᑎᒋᔭᐅᓪᓗᑎᒃ ᐊᒥᓐᓂᒃ ᐱᒪᓴᑦᑕᐅᑎᓪᓗᒋᑦ. ᑕᒪᒃᑯᐊ ᑲᑉᐳᑎᔭᒐᐃᑦ ᑎᓯᔫᒋᐊᖃᒻᒪᑕ, ᖃᓄᑐᐃᓐᓈᕈᓐᓇᓪᓗᑎᒃ, ᐊᓯᕈᑦᑕᖏᓪᓗᑎᒃ, ᓱᕋᒐᔅᓴᐅᖏᓪᓗᑎᒃ, ᐊᑦᑕᓇᑦᑎᑦᑎᖏᓪᓗᑎᒃ, ᐊᒻᒪᓗ ᓴᙱᔫᓗᑎᒃ.
ᐃᖅᑲᓇᐃᔭᕕᖁᑎᕗᑦ, ᐸᐅᒃᑑᑎᑦ, ᐊᑎᑦᑖᔅᓯᒪᒻᒪᑕ ᑕᒪᒃᑯᓂᖓ ᐱᑕᖃᕆᐊᖃᓪᓚᕆᑦᑐᓂᒃ ᓴᓇᕐᕈᑎᓂᒃ, ᓴᖅᑭᔮᑦᑎᑦᑎᓪᓗᑎᒃ ᐊᔾᔨᖓᓂᒃ ᐊᑐᕋᔅᓴᑦᑎᐊᕙᐅᓂᖏᓐᓂᒃ ᐱᔭᐅᓯᒪᒋᐊᖃᓂᖏᓐᓂᒃ ᐱᓯᒪᔅᓯᕈᑎᒋᔭᐅᓂᐊᓪᓗᑎᒃ ᐃᓄᐃᑦ ᐊᓐᓂᓐᓇᑦᑐᖁᑎᖏᓐᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ. ᐊᕐᓇᐃᑦ ᑕᐃᒃᑯᐊ ᐱᒋᐊᑦᑎᑦᑎᓚᐅᑦᑐᑦ ᐃᖅᑲᓇᐃᔭᕕᒻᒥᒃ ᐃᓘᓐᓇᑎᒃ ᑎᓯᔫᓚᐅᒻᒪᑕ, ᖃᓄᑐᐃᓐᓈᕈᓐᓇᑦᑐᑎᒃ, ᐊᓯᕈᑦᑕᓐᓇᑎᒃ, ᓂᑲᓱᑦᑐᑎᒃ, ᐊᒻᒪᓗ ᓴᙱᔫᓪᓗᑎᒃ… ᐊᒻᒪᓗ ᐅᑉᐱᕆᔭᖏᑦ ᓱᕋᑦᑕᐅᒍᓐᓇᓐᓇᑎᒃ.
ᑲᑎᒪᔨᖏᑦ ᑐᑭᒧᐊᑦᑎᑦᑎᔩᑦ
ᑲᑎᒪᔨᓄᑦ ᐃᓚᒋᔭᐅᔪᖁᑎᕗᑦ ᐆᒻᒪᑎᒋᔭᐅᒻᒪᑕ ᐸᐅᒃᑑᑎᒃᑯᓐᓂᒃ, ᑭᒡᒐᑦᑐᐃᓪᓗᑎᒃ ᐊᔾᔨᒌᖏᑦᑐᓂᒃ ᓄᓇᓕᓐᓂᒃ ᐃᓘᓐᓇᓕᒫᖓᓂ ᐃᓄᐃᑦ ᓄᓇᖓᓂ. ᑕᒪᒃᑯᐊ ᐊᔪᖏᑦᑐᐊᓗᐃᑦ ᐊᕐᓇᐃᑦ ᐊᐅᓚᑦᑎᖃᑦᑕᒻᒪᑕ ᐃᖅᑲᓇᐃᔮᑦᑎᓐᓂᒃ ᐱᔭᐅᑎᑦᑎᑎᓪᓗᒋᑦ ᐃᓅᔅᓯᒻᒥᓐᓂ ᐊᑐᖃᑦᑕᔅᓯᒪᔭᖏᓐᓂᒃ ᐊᒻᒪᓗ ᐊᔾᔨᐅᖏᑦᑐᓂᒃ ᐱᔭᐅᒋᐊᓕᓐᓂᒃ ᐊᒻᒪᓗ ᑐᑭᓯᓇᔅᓯᑎᑦᑎᑎᐊᑦᑐᑭᒃ ᑖᒃᑯᐊ ᓄᓇᓕᖏᓐᓂᒃ. ᐱᓕᕆᒍᒪᑦᑎᐊᓐᓂᖏᑦ, ᐃᑲᔪᔅᓱᐃᓂᖏᑦ, ᐊᒻᒪᓗ ᖃᐅᔨᒪᓂᖏᑦ ᐱᓕᕆᒍᑎᐅᒻᒪᑕ ᐱᔪᓐᓇᓂᑦᑖᑦᑎᑦᑎᓂᒻᒥ ᐃᓄᐃᑦ ᐊᕐᓇᖏᓐᓂᒃ, ᓱᕈᓯᖏᓐᓂᒃ, ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᐃᓘᓐᓇᓕᒫᖏᓐᓂ ᐊᑐᓂ ᐊᕕᑦᑐᔅᓯᒪᔪᓂ.
ᑲᑎᒪᔨᓄᑦ ᐃᓚᒋᔭᐅᔾᔪᑎ
ᑎᑎᕋᖅᑎ-ᑮᓇᐅᔭᓕᕆᔨ – ᕙᓂᓴ ‘ᓯᓯ’ ᒍᐃᑉ
ᒪᒃᑯᒃᑐᖅ, ᐃᓄᐃᑦ ᓄᓇᖓ – ᑲᐃᓕ ᒍᐃᑉ-ᓄᓴᓴᒃ
ᓄᓇᕗᑦ, ᕿᑎᕐᒥᐅᑦ – ᔫᓯ ᑐᒃᑑ
ᓄᓇᕗᑦ, ᑭᕙᓪᓕᖅ – ᓈᓐᓯ ᐅᓪᓗᐊᓗᐊᖅ- ᒋᐸᓐᔅ
ᑲᑎᒪᔨᑦ ᐃᒡᓯᕙᐅᑕᖅ ᑐᖏᓕᖓ – ᓚᐃᓴ ᐊᐅᓪᓚᓗᒃ – ᒍᐊᔅᑯ
ᓄᓇᕗᑦ, ᐃᖃᓗᐃᑦ – ᓕᐅᓂ ᖃᐅᒻᒪᒋᐊᖅ
ᓄᓇᓕᖅᐸᐅᔭᖅ, ᔭᓗᓇᐃᕝ – ᓗᐃᓴ ᐊᓗᓂᒃ
ᓄᓇᓕᖅᐸᐅᔭᖅ, ᓂᒋᐊᓂ-ᐱᓇᖕᓇᖓᓄᑦ – ᒥᓕᓐᑕ ᐃᕼᓗᐊᖅ
ᓄᓇᓕᖅᐸᐅᔭᖅ, ᕼᐋᐱ ᕚᓕ-ᒎᔅ ᐸᐃ – ᐊᐱ ᒍᐃᑉ
ᒪᒃᑯᒃᑐᑦ, ᓄᓇᓕᖅᐸᐅᔭᖅ – ᐅᓕᐄ ᒪᒃᐸ-ᒐᕕᓐ
ᐃᓚᓕᐅᑎᓚᐅᕆᑦ ᑲᑎᒪᔨᑦᑎᓐᓄᑦ
ᐃᓅᕖᑦ ᐊᕐᓇᐅᓪᓗᑎᑦ ᑲᓇᑕᒥ ᐋᕿᒃᓱᐃᖃᑕᐅᔪᒪᓪᓗᑎᑦ ᓯᕗᓂᒃᓴᖓᓐᓂᒃ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ? ᑐᓂᓯᖁᔨᕗᒍᑦ ᓂᕈᐊᒐᒃᓴᖑᖅᑎᑦᑎᔾᔪᑎᑦ ᑕᑕᑎᕆᐊᓕᒃ ᐃᓐᓄᒋᐊᖃᖅᑐᑦ ᑲᑎᒪᔨᑦ ᐃᓂᖏᓐᓄᑦ ᖃᖓᑐᐃᓐᓇᒃᑯᑦ.
ᐅᓪᓗᒥ ᒪᑐᐃᖓᔪᑦ
- ᓄᓇᕕᒃ -ᐊᖓᕙ
- ᓄᓇᕕᒃ – ᕼᐊᑦᓴᓐ
- ᐃᓅᕕᐊᓗᐃᑦ
- ᓄᓇᓕᖅᐸᐅᔭᕐᓄᑦ ᑭᒡᒐᖅᑐᑎ ᓂᒋᐊᓂᑦ-ᑲᓇᖕᓇᖓᓄᑦ ᑲᓇᑕ
ᑲᑎᒪᔨᑦ ᐃᒪᓐᓇᐅᔪᑦ
ᐸᐅᒃᑑᑎᒃᑯᑦ ᑲᑎᒪᔨᖏᑦ ᓯᕗᓕᐅᖅᑎᐅᔪᑦ ᐊᒻᒪᓗ ᑐᑭᒧᐊᒃᑎᑦᑎᔨᐅᔪᑦ ᐊᐅᓚᑦᓯᔨᑦ. ᐊᕐᕌᒍᓕᒫᖅ, ᑲᑎᒪᔨᑦ ᑲᑎᒪᕙᒃᑐᑦ ᖃᕆᓴᐅᔭᒃᑯᑦ, ᐊᑕᐅᓯᐊᖅᖢᑎᒃ ᑲᑎᖓᓪᓗᑎᒃ ᑲᑎᒪᓲᑦ, ᐊᒻᒪᓗ ᑲᑎᖓᕙᖕᒥᔪᑦ ᐊᕐᕌᒍᑕᒫᑦ ᑲᑎᒪᕕᒃᔪᐊᓕᕌᖓᒥᒃ. ᖃᖓᑦᑕᐅᑎᖏᑦ ᐊᑭᓕᖅᑕᓲᑦ ᐅᐸᒍᑎᓯᒪᓪᓗᑎᒃ ᑲᑎᒪᖃᑕᐅᓂᐊᖅᑐᑦ ᐊᒻᒪᓗ ᐊᕐᕌᒍᒥ ᑲᑎᒪᕕᒃᔪᐊᖅᑎᓪᓗᒋᑦ ᐊᑭᓕᖅᑕᐅᓲᖑᖕᒥᔪᑦ.
ᐃᒪᓐᓇ ᐱᓇᔪᒍᓐᓇᖅᑐᑎᑦ
ᐊᑏ ᑐᓂᓯᓗᑎᑦ ᓂᕈᐊᒐᒃᓴᖑᕈᑎᒥᒃ ᖃᕆᓴᐅᔭᒃᑯᑦ ᑐᕌᕈᑖᒍ ᐅᕘᓇ communications@pauktuutit.ca ᐃᕐᖐᓐᓇᖅ. ᐃᓂᒃᓴᑦ ᒪᑐᐃᖓᓂᐊᖅᑐᑦ ᑭᓯᐊᓂ ᐃᓐᓄᒃᐸᑕ.
ᑲᑎᒪᔨᒃᓴᓂᒃ ᓂᕈᐊᒐᒃᓴᕈᖅᑎᑦᑎᓂᕐᒧᑦ ᖃᐅᔨᒪᑎᑦᑎᔾᔪᑎᑦ ᐊᒻᒪᓗ ᑕᑕᑎᕆᐊᓕᑦ ᐊᑐᐃᓐᓇᐅᔪᑦ ᐅᕙᖓᑦ:
ᐊᐅᓚᑕᐅᓂᖓ
ᐸᐅᒃᑑᑎᒃᑯᑦ ᐱᓕᕆᒍᒪᒻᒪᑕ ᐋᖅᑭᐅᒪᑎᑦᑎᒍᒪᓪᓗᑎᒃ ᑐᑭᓯᓇᑦᑎᐊᓐᓂᖏᓐᓂᒃ, ᓵᑕᔅᓴᐅᓂᒻᒥᒃ, ᐊᒻᒪᓗ ᐱᓕᕆᑦᑎᐊᕈᓐᓇᓂᖏᑦ ᐃᓘᓐᓇᖏᓐᓂ ᐊᐅᓚᔾᔪᑎᑦᑎᓐᓂ.
ᐊᐅᓚᑦᑎᔨᐅᓂᑦᑎᓄᑦ ᐋᖅᑭᔅᓱᔅᓯᒪᕕᐅᔪᖅ ᐱᔭᐅᑎᑦᑎᒻᒪᑦ ᑐᙵᕕᖓᓂᒃ ᐊᑑᑎᖃᑦᑎᐊᑦᑐᑦ ᐃᓱᒪᓕᐅᕈᓂᖃᓂᒻᒥ ᐊᒻᒪᓗ ᐃᒪᓐᓇᐅᓚᕆᑦᑎᑦᑎᓪᓗᓂ ᐱᓕᕆᐊᕆᒍᓐᓇᓪᓗᑎᒍ ᐱᔭᐅᒋᐊᓖᑦ ᑕᐃᑯᓄᖓ ᑭᒡᒐᑦᑐᑦᑕᑦᑎᓐᓄᑦ. ᒪᓕᒐᕋᓛᕗᑦ ᓇᓗᓇᐃᔅᓯᒻᒪᑕ ᐃᖅᑲᓇᐃᔭᕕᑦᑕ ᐋᖅᑭᔅᓱᔅᓯᒪᓂᖓᓂᒃ, ᐃᖅᑲᓇᐃᔮᓂᒃ, ᐊᒻᒪᓗ ᑲᒪᒋᔭᑦᑎᓐᓂᒃ. ᑕᒪᒃᑯᐊ ᒪᓕᑦᑕᐅᑎᑦᑎᔪᑦ ᒪᓕᑕᐅᒋᐊᓕᓐᓂᒃ ᐱᖃᓯᐅᔾᔨᒻᒪᑕ ᐊᕙᑎᑦᑎᖓᓂᒃ ᒪᑭᑕᑎᑦᑎᔪᒥᒃ ᐸᐅᒃᑑᑎᒃᑯᑦ ᐱᓕᕆᐊᕆᒍᒪᔭᖏᓐᓂᒃ ᐊᒻᒪᓗ ᐊᓐᓂᓐᓇᑦᑐᖁᑎᖏᓐᓂᒃ.
ᐱᒋᐊᓕᓵᖅᑐᖅ ᐊᖓᔪᖅᑳᖅ ᐊᒻᒪᓗ ᑐᑭᒧᐊᒃᑎ - ᓈᓐᓯ ᐃᑐᒃ
ᐊᖓᔪᖅᑳᖅ ᐃᓕᓐᓂᐊᕐᕕᖕᒥ- ᑐᖏᓕᖓ ᐅᓪᓗᕆᐊᖅ ᐃᓕᓐᓂᐊᕐᕕᒃ ᓄᓇᒥᓂ, ᓈᓐᓯ ᖁᕕᐊᒋᔭᖃᖅᑐᖅ ᓴᖏᓂᖅᑖᕐᑎᑦᑎᓂᕐᒥᒃ ᒪᒃᑯᒃᑐᓂᒃ ᐊᒻᒪᓗ ᓯᕗᓕᐅᖅᓯᐅᔾᔪᓯᖓ ᐊᑐᖅᓯᔪᖅ ᐊᑑᑎᖃᖅᑐᓂᒃ ᐃᓅᖃᑎᒌᑦᓯᐊᕐᓂᕐᒧᑦ.
ᖁᕕᐊᒋᔭᓕᒃ ᐊᒻᒪᓗ ᓴᖕᖏᔾᔪᑎᓕᒃ ᐃᓄᐃᑦ ᐃᓅᓯᖓᓂᑦ: ᐊᐅᓪᓛᖅᓯᒪᓪᓗᓂ, ᐃᖃᓪᓕᐊᖅᓯᒪᓪᓗᓂ, ᐊᒻᒪᓗ ᐱᖃᑎᒋᓪᓗᒋᑦ ᐅᐃᓂ, ᕿᑐᕐᖓᓂ, ᐊᒻᒪᓗ ᒪᒃᑯᒃᑐᑦ ᓄᓇᒥᓂ. ᐅᑯᐊ ᐊᑐᖅᑕᓂ, ᐃᑎᔪᒥᒃ ᐊᑕᔪᑦ ᐱᐅᓯᑐᖃᑦᑎᓐᓄᑦ, ᐃᖃᐃᑎᑦᑎᓲᑦ ᑖᔅᓱᒥᖓ ᑭᓱᑐᐃᓐᓇᐃᑦ ᐊᑑᑎᖃᒻᒪᕆᖕᓂᖏᓐᓂ – ᑲᑎᖓᓂᖅ, ᐱᔾᔪᑎᑦ, ᐊᒻᒪᓗ ᓴᖕᖏᓂᖅ ᓄᓇᓕᖕᓂ. “ᐱᐅᓯᑐᖃᕗᑦ ᐱᐅᔪᒻᒪᕆᐋᓗᒃ ᐊᒻᒪᓗ ᐱᔭᕐᓂᖅᖢᓂ,” ᓈᓐᓯ ᐅᖃᓚᐅᖅᑐᖅ. “ᑕᐃᒫᒃ ᐃᓅᓪᓗᓂ, ᖁᕕᐊᓱᒃᖢᓂ ᐃᓅᓪᓗᓂ. ᓂᕆᔾᔪᓯᕗᑦ, ᐃᓅᔾᔪᓯᕗᑦ, ᖁᕕᐊᓇᖅᑐᑦ ᐊᒻᒪᓗ ᐃᓅᓯᓐᓂᒃ ᑐᓐᖓᑎᑦᑎᔪᑦ.”
ᐊᑖᒍᑦ ᓈᓐᓯ ᓯᕗᓕᐅᖅᑎᐅᓗᓂ, ᐸᐅᒃᑑᑎᒃᑯᑦ ᑲᔪᓯᓂᐊᖅᑐᑦ ᐱᓕᕆᐊᒃᓴᕆᔭᑎᒃ ᑕᐱᖃᕐᓗᑎᒃ ᐱᓇᓱᐊᖃᑎᖃᑦᑎᐊᕐᓗᑎᒃ ᐃᓄᖕᓂᒃ ᐊᕐᓇᓂᒃ ᐊᒻᒪᓗ ᐊᖑᑕᐅᔭᕆᐊᖃᖅᑐᕆᔪᓂᒃ ᐊᕐᓇᐅᔭᕆᐊᖃᖅᑐᕆᔪᓂᒃ ᐃᓄᖕᓂᒃ ᐊᒻᒪᓗ ᐋᕿᒃᓱᐃᓗᑎᒃ ᓯᕗᓂᒃᓴᓕᐅᕐᓗᑎᒃ ᑕᐃᑲᓂ ᐃᓅᔾᔪᓯᖓᑦ ᐊᒻᒪᓗ ᐱᐅᓯᑐᖃᖓᑦ ᑐᑭᒧᐊᒍᑎᒋᓗᑎᒍᑦ ᓴᖕᖏᓗᑕ, ᐅᐱᒍᓱᒃᓗᑕ, ᐊᒻᒪᓗ ᑲᑎᖓᑦᑎᐊᕐᓗᑕ.
ᐱᓕᕆᖃᑎᕗᑦ
ᐱᓕᕆᖃᑎᕗᑦ ᐱᓕᕆᒍᒪᑦᑎᐊᓂᖏᓐᓄᑦ ᐃᑲᔪᔅᓱᐃᒍᑎᓂ ᐊᒻᒪᓗ ᐃᖅᑲᓇᐃᔭᑦᑎᓚᕆᑦ ᐃᖅᑲᓇᐃᔭᖃᑎᒌᓱᖑᒪᑕ ᐃᑲᔪᕈᒪᓪᓗᑎᒃ ᐊᒻᒪᓗ ᖁᕝᕙᑦᑎᑦᑎᒍᒪᓪᓗᑎᒃ ᐃᓄᐃᑦ ᐊᕐᓇᖏᓐᓂᒃ, ᓱᕈᓯᖏᓐᓂᒃ, ᐊᒻᒪᓗ ᐃᓚᒌᑦᑐᓂᒃ. ᐊᒫᖃᑦᑎᑕᐅᒻᒪᑦ ᐃᓕᖅᑯᓯᒻᒥ ᖃᐅᔨᒪᓂᒻᒧᑦ ᐊᒻᒪᓗ ᐃᑎᔪᒥᒃ ᐱᓕᕆᒍᒪᓂᒻᒥᒃ ᑐᑭᖃᑦᑎᐊᑦᑐᓂᒃ ᐊᓯᕈᓂᐅᔪᓂᒃ, ᐱᔭᐅᑎᑦᑎᒐᑦᑕ ᐱᓕᕆᒍᒪᑦᑎᐊᓐᓂᒻᒥᒃ ᐊᒻᒪᓗ ᐊᑐᓚᐅᔅᓯᒪᔭᑦᑎᓐᓂᒃ ᖃᓄᑐᐃᓐᓇᓕᒫᖅ ᐱᓕᕆᐊᕆᔭᑦᑎᓐᓄᑦ.
ᐊᖓᔪᖃᐅᑎᑦ
ᓇᓐᓯ ᐃᑐᒃ
ᐱᒋᐊᓕᓵᖅᑐᖅ ᐊᖓᔪᖅᑳᖅ ᐊᒻᒪᓗ ᑐᑭᒧᐊᒃᑎ
ᐊᑐᐊᒐᑦ ᐊᒻᒪ ᐱᓕᕆᔾᔪᑎᑦ
ᐊᒪᓐᑕ ᕕᓕᑦᓱ
ᐊᖓᔪᖅᑳᖅ ᓯᕗᓕᐅᖅᑎᓄᑦ - ᐊᕐᓇᓄᑦ ᐊᖑᑎᓄᓪᓗ ᐊᑐᓕᖅᑎᑕᐅᓯᒪᔪᑦ ᐊᒻᒪᓗ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᑎᓂᖅ
ᐊᒪᓐᑕ ᓴᐃᕗᓕ
ᐱᑦᑎᐊᖃᑦᑕᐅᑎᖃᑦᑕᓂᖏᓐᓂᕐᒧᑦ ᐊᒻᒪᓗ ᓱᒃᑯᓴᐃᓂᕐᒧᑦ ᓄᖃᖅᑎᑦᑎᒐᓱᐊᕐᓂᖅ ᐊᒻᒪᓗ ᑎᒍᔭᐅᓯᒪᔪᑦ ᐸᓖᓯᓪᓗ ᐃᖃᖅᑐᐃᕕᓪᓗ ᐊᐅᓚᑦᓯᔨᖓ
ᑐᓴᐅᒪᖃᑎᒌᒍᑎᑦ
ᑐᑭᓯᒍᒪᑐᐄᓐᓇᓐᓃᑦ
communications@pauktuutit.ca
ᐃᖅᑲᓇᐃᔭᑦᑐᓕᕆᔨᒃᑯᑦ
ᑮᓇᐅᔭᓕᕆᓂᒻᒥᒃ ᐊᒻᒪ ᐊᐅᓚᑦᑎᕕᒻᒥᒃ
ᐊᐅᓚᑦᑎᕕᒻᒥᒃ
ᐃᓚᓕᐅᑎᓚᐅᕆᑦ ᐃᖅᑲᓇᐃᔭᖃᑎᒌᑦᑎᓐᓄᑦ!
ᐸᐅᒃᑑᑎᒃᑯᓐᓂ ᐱᒍᓐᓇᕋᕕᑦ ᐊᑑᑎᖃᓪᓚᕆᑦᑐᒥᒃ ᐃᖅᑲᓇᐃᔮᒥᒃ ᐊᓯᕈᐃᒍᓐᓇᔅᓯᓗᑎᒃ ᐃᓅᓯᖏᓐᓂᒃ ᐃᓄᐃᑦ ᐊᕐᓇᖏᑖ, ᓂᕕᐊᔅᓯᐊᖏᑕ ᐊᒻᒪᓗ ᓇᓪᓕᐊᖑᓂᖏᓐᓂᒃ−ᐊᔾᔨᒌᔭᐅᖏᑦᑐᓂᒃ ᐃᓄᓐᓂᒃ.
Policy Analyst – Violence and Abuse Prevention, & Justice
The Policy Analyst – Violence and Abuse Prevention, & Justice will be responsible for supporting advocacy priorities and activities that ensures all policy and knowledge mobilization initiatives consider, model, and actively promote cultural and gender equity at the core.
Manager, Violence and Abuse Prevention and Justice
Reporting to the Director, the Manager will lead both the day-to-day operations of the team within a specific portfolio and drive the initiatives to support the overall goals of the organization.