ᐅᖃᓕᒫᒐᓕᐊᕆᔭᐅᓯᒪᔪᑦ

ᑭᒡᒐᖅᑐᕐᓗᒋᑦ ᐸᐅᒃᑑᑎᑦ, ᐊᓈᓴᐅᖃᑎᒌᑦ ᑐᒥᖏᑦ, ᓴᑐᕐᕖᑦ, ᐋᑐᕚ ᐃᓄᐃᑦ ᓱᕈᓯᒃᑯᕕᖓ ᐊᒻᒪᓗ ᒫᓇᑑᐸᒥ ᐃᓄᐃᑦ ᑲᑐᔾᔨᖃᑎᒌᖏᑦ

ᑖᒃᑯᐊ ᑐᓂᔭᐅᔪᑦ ᓴᓇᔭᐅᔪᑦ ᐃᖅᑲᐅᒪᓪᓗᒋᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐃᓄᐊᖅᑕᐅᓚᐅᖅᑐᓂᑦ

ᔪᐃ ᓴᒻᓗ, ᐋᓐᔨᓚ ᒪᐃᔪ, ᐱᐊᑦᓯ ᖃᓚᓯᖅ, ᔭᓯᑲ ᒪᐃᑯᓪᔅ, ᓱᓚ ᐃᓄᐊᕋᖅ ᐊᒻᒪᓗ ᒪᕐᕉᒃ ᒪᓂᖏᒃ, ᐋᓕᒃᓴᓐᑐᕋ ᐊᒻᒪᓗ ᐊᓖᔭ, ᐄᑎᔅ ᐊᖓᓕᒃ, ᓗᐊᕋᑕ ᓵᓐᑐᔅ, ᑲᐃᑎ ᐆᐱᑦ, ᑎᑦᕆ ᒥᓴᓕᓐ, ᑕᓚ ᐆᑦᑐᕙᒃ, ᒥᐊᓕ ᐊᕙᓐᔅ ᕼᐊᕐᓕᒃ, ᓯᓪᕕᐊ ᓚᐃᔪᓪᔅ, ᑐᕋᐃᓯ ᐅᑕᒃ, ᑭᒻᐳᓕ ᔭᕋᐅᔅ, ᐋᓚᓯ ᓇᐅᕋᑯᓗᒃ ᐊᒻᒪᓗ ᒥᐊᓕ ᐋᓐ ᐴᒥᖕᕼᐋᒻ ᐅᖃᐅᔾᔭᐅᓚᐅᖅᑐᖅ ᖃᐅᔨᓴᖅᑎᓄᑦ ᐃᓚᒋᔭᖏᓐᓄᑦ ᐃᓄᓕᒫᓂᒃ ᓈᓚᓐᓂᖃᖅᑎᑦᓯᑎᓪᓗᒋᑦ, ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᓄᑦ ᐃᓚᒌᑦ ᐅᓂᒃᑳᓚᐅᖅᑐᓂᑦ ᐊᔾᔨᓕᐅᕆᔨᓄᑦ, ᑕᐃᒃᑯᓄᖓ ᐃᓚᒌᓄᑦ ᐅᓂᒃᑳᓚᐅᖅᑐᓄᑦ, ᐊᒻᒪᓗ ᑕᐃᒃᑯᓄᖓ ᐃᓚᒌᓄᑦ ᐅᓂᒃᑳᕈᓐᓇᖅᓯᓚᐅᙱᑦᑐᖅ ᓱᓕ.

https://pauktuutit.ca/wp-content/uploads/MMIWG-Oral-Submission.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᑖᒃᑯᐊ ᑐᓂᔭᐅᔪᑦ ᓴᓇᔭᐅᔪᑦ ᐃᖅᑲᐅᒪᔭᐅᓪᓗᑎ ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐃᓄᐊᖅᑕᐅᓚᐅᖅᑐᑦ ᔪᐃ ᓴᒻᓗ, ᐋᓐᔨᓚ ᒪᐃᔪ, ᐱᐊᑦᓯ ᖃᓚᓯᖅ, ᔭᓯᑲ ᒪᐃᑯᓪᔅ, ᓱᓚ ᐃᓄᐊᕋᖅ ᐊᒻᒪᓗ ᒪᕐᕉᒃ ᒪᓂᖏᒃ, ᐋᓕᒃᓴᓐᑐᕋ ᐊᒻᒪᓗ ᐊᓖᔭ, ᐄᑎᔅ ᐊᖓᓕᒃ, ᓗᐊᕋᑕ ᓵᓐᑐᔅ, ᑲᐃᑎ ᐆᐱᑦ, ᑎᑦᕆ ᒥᓴᓕᓐ, ᑕᓚ ᐆᑦᑐᕙᒃ, ᒥᐊᓕ ᐊᕙᓐᔅ ᕼᐊᕐᓕᒃ, ᓯᓪᕕᐊ ᓚᐃᔪᓪᔅ, ᑐᕋᐃᓯ ᐅᑕᒃ, ᑭᒻᐳᓕ ᔭᕋᐅᔅ, ᐋᓚᓯ ᓇᐅᕋᑯᓗᒃ ᐊᒻᒪᓗ ᒥᐊᓕ ᐋᓐ ᐴᒥᖕᕼᐋᒻ ᐅᖃᐅᔾᔭᐅᓚᐅᖅᑐᖅ ᖃᐅᔨᓴᖅᑎᓄᑦ ᐃᓚᒋᔭᖏᓐᓄᑦ ᐃᓄᓕᒫᓂᒃ ᓈᓚᓐᓂᖃᖅᑎᑦᓯᑎᓪᓗᒋᑦ, ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᓄᑦ ᐃᓚᒌᑦ ᐅᓂᒃᑳᓚᐅᖅᑐᓂᑦ ᐊᔾᔨᓕᐅᕆᔨᓄᑦ, ᑕᐃᒃᑯᓄᖓ ᐃᓚᒌᓄᑦ ᐅᓂᒃᑳᓚᐅᖅᑐᓄᑦ, ᐊᒻᒪᓗ ᑕᐃᒃᑯᓄᖓ ᐃᓚᒌᓄᑦ ᐅᓂᒃᑳᕈᓐᓇᖅᓯᓚᐅᙱᑦᑐᖅ ᓱᓕ.

ᐱᓕᕆᔭᐅᖃᑕᐅᓂᒃᑯᑦ, ᐅᐸᒍᑎᓚᐅᖅᑐᒍᑦ ᐊᑐᖏᖅᑐᒋᑦ ᓄᓇᓕᐅᔪᓂᑦ ᓈᓚᓐᓂᐅᔪᓂᑦ ᐃᓚᒌᖑᔪᑦ ᐅᓂᒃᑳᕈᓐᓇᓚᐅᖅᑐᑦ ᑖᒃᑯᐊ ᐃᓄᐊᖅᑕᐅᓯᒪᔪᑦ ᐊᒻᒪᓗ ᐊᓯᐅᔨᔭᐅᓯᒪᔪᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐳᐃᒍᖅᑕᐅᓯᒪᓂᐊᙱᒻᒪᑕ.

https://pauktuutit.ca/wp-content/uploads/MMIWG-Written-Submission.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᑖᓐᓇ ᐃᑲᔫᑎᑦᓴᖅ ᓴᖅᑭᑕᐅᓚᐅᖅᑐᖅ ᐃᓚᒋᔭᐅᓪᓗᓂ ᐃᓅᓯᓐᓂ ᐊᖅᑯᓵᖅᑕᕋ ᑳᓐᓱᒧᑦ ᐱᓕᕆᐊᑦᓴᖅ ᐊᒻᒪᓗ ᐃᑲᔪᖅᓱᖅᑕᐅᑦᓯᐊᖅᑐᓂ ᑖᒃᑯᓄᖓ ᑲᓇᑕᒥ ᑳᓐᓱᒧᑦ ᑲᑐᔾᔨᖃᑎᒌᑦ.

ᐊᓯᖏᑦ ᑳᓐᓱᒧᑦ ᐃᑲᔫᑦᓴᑦ ᓇᓂᔭᐅᔪᓐᓇᖅᑐᑦ ᐃᑭᐊᖅᑭᕕᑦᑎᓐᓂ. ᑕᐃᑲᓂ ᑕᑯᓂᐊᖅᑕᐃᑦ ᐃᓅᓯᓐᓂ ᐊᖅᑯᓵᖅᑕᕋ ᐅᖃᓕᒫᒐᕋᓛᑦ, ᐅᖃᓕᒫᕋᓐᓂᖅᑐᑦ ᑳᓐᓱᒧᑦ ᑐᓴᐅᒪᔾᔪᑎᑦᓴᑦ ᖃᓪᓗᓈᑎᑐᑦ ᐊᒻᒪᓗ ᐊᕕᑦᑐᖅᓯᒪᔪᓂᑦ ᐃᓄᒃᑎᑑᖓᓪᓗᑎᒃ ᐃᓄᓐᓄᑦ ᑳᓐᓱᓕᓐᓄᑦ, ᐸᖅᑭᔨᖏᓐᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓄᑦ. ᑐᓂᓯᓲᑦ ᑐᓴᐅᒪᔾᔪᑎᑦᓴᓂᑦ ᐃᓄᓐᓄᑦ ᓱᖅᑯᐃᖅᑕᐅᓕᓵᖅᑐᓂᑦ ᑳᓐᓱᖃᕆᐊᖏᑦ ᐃᑲᔪᖅᓱᖅᑕᐅᓂᐊᕐᒪᑕ ᑳᓐᓱᖃᕐᓂᖏᓐᓂᒃ, ᐊᒻᒪᓗ ᑎᑎᕋᖅᓯᒪᔪᑦ ᐱᓗᐊᙳᐊᖅᑐᒥᑦ ᐃᓄᓐᓄᑦ ᑐᑭᓯᓇᖅᓯᑎᑕᐅᓪᓗᑎᒃ ᑳᓐᓱᒥᑦ ᐊᒻᒪᓗ ᐃᓱᒪᓕᐅᑦᓯᐊᕈᓐᓇᕐᓂᐊᕐᒪᑕ. ᐃᑲᔪᕐᓂᐊᕐᒥᔪᑦ ᐃᓄᓐᓂᒃ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐅᖃᖃᑎᒌᑦᓯᐊᕐᓂᕐᒧᑦ. ᑐᕌᒐᕆᔭᐅᔪᖅ ᐃᑲᔪᖅᓱᕐᓂᕐᒥᑦ ᐃᓄᓐᓂᒃ ᑳᓐᓱᖃᖅᑐᓂᑦ ᐊᒻᒪᓗ ᐃᓅᓯᖏᑦ ᐱᐅᓂᖅᓴᐅᓕᖅᑯᓪᓗᒋᑦ.

https://pauktuutit.ca/wp-content/uploads/Cancer-Healing-Circle-Guide-FINAL.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2019

“ᖃᐅᔨᓴᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᕿᒫᕕᓐᓂᑦ ᐱᔨᑦᓯᕈᑎᓂᑦ ᐱᔭᐅᔭᕆᐊᓕᓐᓂᒃ ᐃᓄᐃᑦ ᓄᓇᖓᓂ ᐱᓕᕆᐊᖑᓚᐅᖅᑐᖅ ᑐᑭᓯᐅᒪᓂᖅᓴᐅᓂᕐᒥᑦ ᐊᑦᑐᐃᖃᑕᐅᔪᓂᑦ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᐋᓐᓂᖅᓱᖅᑕᐅᓂᕐᒧᑦ. ᖃᐅᔨᓴᕐᓂᐅᔪᖅ ᖃᐅᔨᓇᓱᑦᑐᖅ ᓇᓗᓇᐃᒃᑯᑕᕐᓂᒃ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒥᑦ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᓇᓗᓇᐃᖅᓯᔪᖅ ᐱᔨᑦᓯᕈᑎᓂᑦ ᐊᒥᒐᕆᔭᐅᔪᓂᑦ ᐱᐅᓯᕚᓪᓕᖅᑎᑦᓯᓂᕐᒥᑦ ᐊᑑᑎᖃᕐᓂᖏᓐᓂᒃ ᖃᓄᐃᓕᐅᕆᐊᕈᑎᓂᑦ ᑐᕌᖓᔪᓂᑦ ᑲᒪᒋᔭᖃᕐᓂᕐᒧᑦ ᐱᔭᐅᔭᕆᐊᓕᓐᓂᒃ ᐃᓄᓐᓄᑦ ᐊᕐᓇᓄᑦ ᐋᓐᓂᖅᓱᖅᑕᐅᔪᓄᑦ.

• https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03.pdf
• https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03-Executive-Summary.pdf
• https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03-Recommendations.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2019

ᑖᓐᓇ ᑲᑎᒪᓂᖅ ᓯᕗᓪᓕᖅᐹᖑᓚᐅᖅᑐᖅ ᑲᓇᑕᒥ ᐅᖃᖃᑎᖃᕐᓂᕐᒥᑦ ᐃᓄᐃᑦ ᐊᕐᓇᓂᑦ ᑲᓇᑕᒥ ᐊᑲᐅᙱᓕᐅᕈᑕᐅᔪᓂᑦ ᓴᐳᔾᔨᓂᕐᒥᑦ ᐃᓕᖅᑯᓯᖓᑕ ᐱᖁᑎᖏᓐᓂᒃ, ᐱᖅᑯᓯᑐᖃᒃᑯᑦ ᖃᐅᔨᒪᓂᐅᔪᓂᑦ ᐊᒻᒪᓗ ᐃᔾᔪᐊᖅᑕᐅᒋᐊᖃᙱᓐᓂᕐᒧᑦ ᐱᔪᓐᓇᐅᑎᓂᑦ. ᐱᒋᐊᕈᑕᐅᓚᐅᕐᒥᔪᖅ ᐊᕐᕌᒍᒐᓴᓐᓄᑦ ᖃᐅᔨᓴᕐᓂᕐᒥᑦ ᐊᒻᒪᓗ ᐱᕙᓪᓕᐊᑎᑦᓯᓂᕐᒥᑦ. ᐸᐅᒃᑑᑎᒃᑯᑦ ᖁᔭᓕᓪᓚᕆᑦᑐᑦ ᐊᒻᒪᓗ ᐊᓕᐊᓇᐃᒋᓪᓗᒋᑦ ᐃᓄᒋᐊᓄᑦ ᐊᒻᒪᓗ ᑲᑐᔾᔨᖃᑎᒌᓄᑦ ᑕᒪᑦᓱᒥᖓ ᑲᑎᒪᓂᐅᔪᒥᑦ ᑲᔪᓯᑎᑦᓯᖃᑕᐅᒍᓐᓇᓚᐅᕐᒪᑕ.

ᐸᐅᒃᑑᑎᒃᑯᑦ ᖁᔭᒻᒥᔪᑦ ᕐᑲᖏᖅᖠᓂᕐᒥᐅᑕᕐᓂᑦ, ᓄᓇᕗᒻᒥ, ᑐᙵᓴᐃᑦᓯᐊᓚᐅᖅᑐᑦ ᐅᑭᐅᖅᑕᖅᑐᓕᒫᒥᙶᖅᑐᓂᑦ ᐊᒻᒪᓗ ᑎᑭᓯᒪᔪᓂᑦ ᐹᓇᒫᒥᑦ ᐳᕉᒥᓪᓗ ᑐᙵᓱᑦᑎᑕᐅᓯᐊᓚᐅᕐᖓᑕ ᐊᖏᕐᕋᖅᓯᒪᔫᔮᑐᐃᓐᓇᖅᓱᑎᒃ. ᐅᖃᖃᑎᒌᓐᓃᑦ ᐊᒻᒪᓗ ᐊᓂᒍᖅᑕᐅᔪᑦ ᑲᔪᓯᑲᓴᙱᑦᑐᑦ ᐱᖃᑕᐅᓚᐅᙱᑉᐸᑕ ᐅᐸᒍᑎᓯᒪᔪᓕᒫᑦ.

https://pauktuutit.ca/wp-content/uploads/amauti-report-2001.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2001

ᑖᓐᓇ ᐊᔾᔨᐅᙱᑦᑐᖅ ᓴᖅᑭᑕᐅᔪᖅ ᓱᕙᒎᖅ ᐱᕚᓪᓕᕈᑕᐅᕗᖅ ᐃᓄᓕᒫᓄᑦ ᐃᓕᓐᓂᐊᕐᓂᕐᒧᑦ ᓱᕈᓰᑦ ᓱᔭᐅᓐᓂᕐᒪᖔᑦ ᐅᐸᒍᑎᓚᐅᖅᑐᓂᑦ ᔫᓯᐱ ᐴᓂᔪ ᐃᓕᓐᓂᐊᕐᕕᖓᓂ ᐊᒻᒪᓗ ᑐᖁᐃᑎᓪ ᕼᐋᓪ, ᐃᑲᔪᖅᓱᕐᓂᕐᒧᑦ ᐃᓕᓐᓂᐊᕆᐊᖃᑦᑕᓚᐅᖅᑐᓂᑦ ᓂᕈᐊᖅᑕᒥᓂ ᐊᖅᑯᑎᑦᓴᖏᓐᓄᑦ ᒪᒥᓴᕐᓂᕐᒧᑦ.

https://pauktuutit.ca/wp-content/uploads/1996_Suvaguuq.pdf
ᐊᕐᕌᒍᒥᑦ ᓴᖅᑭᑕᐅᔪᖅ 1996

ᐃᓄᐃᑦ ᑲᓇᑕᒥ ᖁᑦᓯᓂᖅᓴᓂᑦ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖃᖃᑦᑕᖅᑐᑦ (STBBI). ᐱᑕᖃᓗᐊᙱᒃᑲᓗᐊᖅᑐᓂ ᐃᓄᓐᓄᑦ ᑐᕌᖓᔪᓂᑦ ᑭᓪᓕᓯᓂᐊᖅᑕᐅᓯᒪᔪᓂᑦ ᑐᓴᐅᒪᔾᔪᑎᑦᓴᓂᑦ, ᖃᐅᔨᒪᔪᒍᑦ ᒃᓚᒥᑎᐊ, ᒑᓇᕇᐊ ᐊᒻᒪᓗ ᓯᕕᓕᔅ ᐊᒥᓲᓂᖏᑦ ᐃᓄᐃᑦ ᓄᓇᖏᓐᓂᒃ ᖁᑦᓯᑦᑑᔪᑦ. ᓲᕐᓗ, ᓄᓇᕗᒻᒥ 2013-ᒥᑦ, 85 ᐳᓴᓐ ᐃᓅᔪᑦ, ᒃᓚᒥᑎᐊᖃᖅᑐᑦ 11-ᖏᖅᓱᕐᓗᒍ ᖁᑦᓯᓂᖅᓴᐅᓚᐅᖅᑐᑦ ᑲᓇᑕᓕᒫᒥᑦ, ᐊᒻᒪᓗ ᒑᓇᕇᐊᖃᖅᑐᑦ 27-ᖏᖅᓱᕐᓗᒍ ᖁᑦᓯᓂᖅᓴᐅᓚᐅᖅᑐᑦ. 2014-ᒥᑦ, ᓯᕕᓕᔅ ᖁᑦᓯᓐᓂᖏᑦ ᐊᖓᑖᓃᓚᐅᖅᑐᖅ 15-ᖏᖅᓱᕐᓗᒍ. ᒫᓐᓇᐅᔪᖅ ᓈᓴᐅᑎᖏᑦ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ ᐃᓄᐃᑦ ᓄᓇᓕᖏᓐᓂᒃ ᐊᒥᓲᙱᑦᑐᑦ, ᐅᓗᕆᐊᓇᕐᓂᖓ ᐊᐃᑦᑐᖅᑕᐅᓂᕐᒥᑦ ᖁᑦᓯᓂᖅᓴᐅᔪᖅ ᐱᑕᖃᑎᓪᓗᒍ ᐊᓯᖏᓐᓂᒃ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖑᔪᓂᑦ. ᓄᓇᓕᒻᒥ ᑎᒍᒥᐊᖅᑎᐅᔪᑦ ᓯᕘᕋᔪᑦ ᓱᒃᑲᓕᔪᒥᑦ ᐊᒥᓲᓂᖅᓴᐅᓕᕐᓂᖏᓐᓂᒃ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ ᑭᓯᐊᓂ ᐊᑑᑎᖃᖅᑐᒥᑦ ᓄᖅᑲᖅᑎᑦᓯᓂᕐᒥᑦ ᐊᒻᒪᓗ ᒪᒥᓴᐅᑎᓂᑦ ᐋᖅᑭᑦᓱᐃᓯᒪᓕᖅᑲᑕ.

https://pauktuutit.ca/wp-content/uploads/IKAJURNIQ_Final_Layout.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᐱᓕᕆᐊᑦᓴᖅ ᑐᕌᖓᔪᖅ ᓇᓗᓇᐃᔭᐃᔪᑦ ᐃᓐᓇᕐᓄᑦ ᐊᕐᓇᖕᓂᐊᓕᕆᓂᕐᒧᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐅᖃᐅᑦᑐᕐᓂᖅ ᐃᓕᓐᓂᐊᖁᓗᒋᑦ ᐊᒻᒪᓗ ᐃᓱᒪᓕᖅᑎᑦᑎᓂᖅ ᒪᑯᒃᑐᓄᑦ ᑖᒃᑯᓄᖓ ᐊᕐᓇᓐᓂᐊᕐᓂᓕᕆᓂᕐᒧᑦ ᐋᓐᓂᐊᕐᓇᖅ ᐊᒻᒪᓗ ᐊᐅᒻᒧᑦ ᐋᓐᓂᐊᕐᓇᐃᑦ ᖃᐅᔨᓴᖅᑕᐅᓂᕐᒧᑦ. ᐊᑯᓂᐅᔪᒃᑯᑦ ᓂᕆᐅᒋᔭᐅᔪᒪᔫᒐᓗᐊᖅ ᒪᒃᑯᑦᑐᑦ (ᐊᒻᒪᓗ ᐃᓐᓇᐃᑦ) ᑐᑭᓯᐅᒪᓂᐊᖅᑐᑦ ᓄᓕᐊᕐᓂᓕᕆᓂᖅ ᑭᓲᒻᒪᖔᖅ ᐊᒻᒪᓗ, ᑕᐃᒪᐃᓕᖓᑎᓪᓗᒍ, ᓄᓕᐊᕐᓂᖃᑦᑕᕐᓂᐊᖅᑐᑦ ᐊᑦᑕᕐᓇᙱᑦᑐᒃᑯᑦ ᐊᒻᒪᓗ ᐱᓕᕆᒋᐊᕙᓪᓗᑎᒃ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖃᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᑎᖃᑦᑕᕐᓗᑎᒃ. ᒪᒃᑯᑦᑐᑦ ᑐᕌᒐᕆᔭᐅᔪᑦ ᐱᓕᕆᐊᑦᓴᒃᑯᑦ, ᐃᓕᓴᕆᔭᐅᕗᖅ ᐃᓐᓇᐃᑦ ᓄᓇᓕᓐᓂ ᐃᑲᔪᖅᓱᕆᐊᓖᑦ ᓄᓕᐊᕐᓂᒃᑯᑦ ᖃᓄᐃᖏᓯᐊᕐᓂᒃᑯᑦ ᐃᓕᖅᑯᓯᕐᒥᑦ ᐊᒻᒪᓗ ᐅᖃᖃᑎᒌᒍᓐᓇᕐᓗᑎ ᐊᕙᑎᖃᖅᑎᑦᓯᓂᕐᒥᑦ ᒪᒃᑯᑦᑐᑦ ᖃᐅᔨᓂᐊᕐᒪᑕ ᓄᓕᐊᕐᓂᒃᑯᑦ ᖃᓄᐃᖏᓯᐊᕐᓂᖅ ᓈᒻᒪᒋᔭᐅᓗᓂ.

https://pauktuutit.ca/wp-content/uploads/7046_PIW_STBBI_Guide_Web.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᑖᓐᓇ ᐅᓂᒃᑳᓕᐊᖅ ᖃᐅᔨᓴᖅᑐᖅ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᑕᓪᓕᒪᓂᑦ ᓄᓇᓕᐊᐅᔭᕐᓂᒃ ᑲᓇᑕᒥ: ᐃᐊᑦᒪᓐᑕᓐ, ᐅᐃᓂᐸᐃᒡ, ᑐᕌᓐᑐ, ᐋᑐᕚ ᐊᒻᒪᓗ ᒪᓐᑐᕆᐋ. ᐊᕐᓇᐃᑦ ᐅᓂᒃᑳᖏᑦ ᓴᖅᑮᕗᑦ ᑕᐃᒪᐃᓕᖓᒐᔪᙱᑦᑐᖅ ᑐᑭᓕᐊᖅᑐᒥᑦ ᐊᒻᒪᓗ ᑐᑭᓯᓇᑦᓯᐊᖅᑐᓂᑦ ᖃᓄᐃᓕᐅᕈᑕᐅᔪᒥᓂᕐᓂᒃ. ᑕᐃᒫᖔᖅ, ᑲᑎᙵᔪᑦ ᖃᓄᐃᓕᐅᕈᑕᐅᔪᑦ ᐊᔭᐅᖅᑐᐃᔪᓂᑦ ᓄᓇᓕᖏᓐᓂᒃ ᐊᒻᒪᓗ ᓄᓇᓕᐸᐅᔭᓅᓕᖔᓲᑦ. ᐊᕐᓇᐃᑦ ᐃᓚᖏᑦ ᕿᓂᖃᑦᑕᖅᑐᑦ ᐱᕕᑦᓴᑦᓯᐊᕙᕐᓂᒃ ᓄᓇᓕᐸᐅᔭᕐᓂᒃ, ᐊᑭᖓ ᐃᓪᓗᖃᕐᓂᕐᒧᑦ ᐊᒻᒪᓗ ᐱᐅᑦᓯᐊᙱᑦᑐᒥᑦ ᐱᔨᑦᓯᕈᑎᓂᑦ ᐅᑭᐅᖅᑕᖅᑐᒥ ᓅᓕᕈᑕᐅᖃᑦᑕᕐᒥᔪᑦ. ᐊᒥᓱᑦ ᐊᐱᖅᓱᕐᓃᑦ ᓴᖅᑭᓚᐅᖅᑐᑦ ᓄᓇᓕᐸᐅᔭᕐᒥᐅᑕᐅᓗᓂ ᓲᕐᓗ “ᐊᓄᓪᓚᒍᑕᐅᔪᖅ” ᓇᒻᒥᓂᖅ ᓂᕈᐊᖅᑕᐅᑐᐃᓐᓇᖏᑦᑐᖅ.

ᐊᒥᓱᑦ ᐃᑲᔪᕐᓂᖃᖅᑐᑦ ᐱᐅᔪᒥᑦ ᐊᑐᖅᑕᐅᔪᓂᑦ ᐃᓄᓐᓂᒃ ᐊᕐᓇᓂᑦ ᓄᓇᓕᐸᐅᔭᕐᓂᒃ; ᐱᓗᐊᖅᑐᒥᑦ, ᐃᓅᖃᑎᒌᓂᕐᒥᑦ ᐃᑲᔪᖅᑕᐅᓂᕐᒥᑦ, ᐃᓚᒌᑦ ᐊᒻᒪᓗ ᐱᖃᓐᓇᕆᔭᐅᔪᑦ, ᐃᓪᓗᖃᑦᓯᐊᕐᓂᖅ ᓈᒻᒪᑦᑐᒥᓪᓗ, ᐱᖃᑕᐅᓂᕐᒥᑦ ᐃᓕᖅᑯᓯᕐᒨᖓᔪᓂᑦ, ᐋᓐᓂᐊᖃᙱᓐᓂᖅ ᐊᒻᒪᓗ ᖃᓄᐃᙱᑦᓯᐊᕐᓂᖅ, ᐊᒻᒪᓗ ᑮᓇᐅᔾᔭᓴᕈᓐᓇᕐᓂᕐᒥᑦ. ᑕᐃᒫᑦᑕᐅᖅ, ᐊᑐᓂᕐᓗᑦᑕᐅᓯᒪᔪᑦ ᐃᓚᖃᑐᐃᓐᓇᕆᐊᓖᑦ ᐊᔪᖅᓴᕐᓂᕐᒥᑦ, ᐊᖏᕐᕋᖃᙱᓐᓂᕐᒥᑦ, ᐋᓐᓂᖅᓱᖅᑕᐅᓂᕐᒥᑦ, ᖃᓂᒪᓂᕐᒥᑦ, ᐅᓗᕆᐊᓇᖅᑐᒦᓐᓂᖅ, ᐊᒻᒪᓗ ᑭᑭᑕᐅᓂᕐᒥᑦ. ᐃᓚᒃᑲᓐᓂᕐᓗᒍ, ᖃᐅᔨᕐᓂᕐᒥᑦ ᐊᕐᓇᐃᑦ ᐱᖁᑎᓄᑦ ᐊᒻᒪᓗ ᐱᖁᑎᓅᖓᖏᑦᑐᖅ ᐊᑐᖅᓯᒪᔭᖏᑦ ᓴᖅᑭᔮᖅᑎᑦᓯᕗᑦ ᐊᑐᐃᓐᓇᐅᔪᑦ ᐃᑲᔫᑎᑦᓴᓂᑦ ᐊᒻᒪᓗ ᐱᔨᑦᓯᕈᑎᓂᑦ ᑐᕌᖓᓂᖅᓴᐅᓲᑦ ᐱᖁᑎᓂᑦ ᐱᔭᐅᒋᐊᓕᓐᓂᒃ ᑲᒪᒋᔭᖃᕐᓂᕐᒥᑦ ᐱᖁᑎᒨᖓᖏᑦᑐᓂᑦ ᐱᔭᕆᔭᕆᐊᓕᓐᓂᒃ ᐊᒻᒪᓗ ᐊᑦᓱᕉᑕᐅᔪᓂᑦ. ᐅᓂᒃᑳᓕᐊᖅ ᐅᖃᐅᓯᖃᖅᑐᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ ᓄᓇᓕᐸᐅᔭᕐᓂᒃ, ᐃᓅᓯᕆᔭᖏᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᐊᔾᔨᐅᙱᑦᑐᒃᑯᑦ ᐅᓗᕆᐊᓇᖅᑐᒦᓐᓂᖏᑦ, ᑭᑭᑕᐅᓂᖏᑦ, ᖃᓄᐃᙱᑦᓯᐊᕐᓂᖅ ᐊᒻᒪᓗ ᐊᑦᑕᕐᓇᔾᔭᐃᓯᒪᓂᖅ ᐋᖅᑭᑦᓯᒪᒻᒪᖔᑦ.

https://pauktuutit.ca/wp-content/uploads/358996508-Final-Report-UAS-Urban-Research-April-2017.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2017

ᐊᕐᕌᒍᑕᒫᑦ, ᐃᓄᐃᑦ ᐊᕐᓇᐃᑦ ᐊᐅᓪᓚᖃᑦᑕᖅᑐᑦ ᓄᓇᓕᒋᔭᒥᓂᒃ ᓄᑦᑎᖃᑦᑕᖅᑐᑦ ᓄᓇᓕᐸᐅᔭᓄᑦ ᑲᓇᑕᐅᑉ ᓂᒋᐊᓂ. ᐊᖅᑯᑎᖓ ᓄᓇᓕᐸᐅᔭᕐᒥᐅᑕᐅᓂᕐᒥᑦ ᐃᓄᐃᑦ ᓄᓇᖓᓂ ᐊᔾᔨᒌᙱᑦᑐᖅ ᑭᒃᑯᓕᒫᓄᑦ, ᑭᓯᐊᓂ ᐊᒥᓱᓂᑦ ᐊᔾᔨᒌᑦᑐᓂᑦ ᐱᔾᔪᑎᑦᓴᖅᑕᓕᒃ ᐃᓄᐃᑦ ᐊᕐᓇᐃᑦ ᓅᓐᓂᕆᔭᖏᓐᓄᑦ ᖃᓪᓗᓈᓄᑦ. ᑕᕝᕙ ᒪᑯᐊ ᐱᔾᔪᑕᐅᓪᓗᐊᑕᖅᑐᑦ ᑐᓴᖅᑕᕗᑦ ᐃᓄᓐᓂᒃ ᐊᕐᓇᓂᑦ ᓱᒻᒪᑦ ᓄᓇᓕᐸᐅᔭᕐᓄᑦ ᓅᖃᑦᑕᕐᒪᖔᑦ ᑲᓇᑕᓕᒫᒥᑦ.

https://pauktuutit.ca/wp-content/uploads/UAS_factsheet_push_pull_factors.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᑖᓐᓇ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᕐᓇᐅᑎ ᑐᕌᖓᔪᖅ ᑕᐃᒃᑯᓄᖓ ᐊᓯᐅᔨᓯᒪᔭᑦᑎᓐᓄᑦ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ/ᐊᓯᐱᒧᑦ ᐊᒻᒪᓗ ᐊᒥᓱᓄᑦ ᐃᓄᓐᓄᑦ ᐊᒻᒪᓗ ᑲᑐᔾᔨᖃᑎᒌᓄᑦ ᐃᑲᔪᖅᑐᓄᑦ ᐊᒥᓲᙱᓐᓂᖅᓴᐅᓕᖅᑎᑦᑎᓂᕐᒥᑦ STBBI-ᓂᒃ ᐃᓄᓐᓂᒃ.

ᐸᐅᒃᑑᑎᑦ ᖁᔭᓖᓐᓇᖅᑐᖅ ᐊᒥᓱᓄᑦ ᑲᑐᔾᔨᖃᑎᒋᔭᑦᑎᓐᓂᒃ, ᐃᖅᑲᓇᐃᔭᖃᑎᑉᐳᑦ ᐊᒻᒪᓗ ᐱᖃᓐᓇᕆᔭᕗᑦ ᐃᑲᔪᕐᓂᖃᕐᔪᐊᖅᑐᓂᑦ ᓴᖅᑮᓂᕐᒥᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᓯᕗᓂᑦᓴᒥᑦ ᑕᒪᐃᓐᓄᑦ.

ᑖᓐᓇ ᐱᓕᕆᐊᑦᓴᖅ ᑲᔪᓯᒍᓐᓇᓚᐅᖅᑐᖅ ᐃᑲᔪᖅᑕᐅᓂᒃᑯᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᑦᑐᐃᔨ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2017