ᐅᖃᓕᒫᒐᓕᐊᕆᔭᐅᓯᒪᔪᑦ
ᐱᐅᓯᕚᓪᓕᖅᑎᑦᓯᓂᕐᒥᑦ ᐊᑐᐃᓐᓇᖃᕐᓂᕐᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᓯᕈᑎᓂᑦ ᐃᓄᐃᑦ ᓄᓇᖓᓂ
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓯᕗᓪᓕᐊᔾᔨᓯᒪᔪᑦ ᐊᖏᓪᓕᒋᐊᖅᑎᑦᓯᓂᕐᒥᑦ ᐃᓄᓐᓂᒃ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ ᐃᓄᓐᓄᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᐅᙱᑦᑐᓂᑦ ᐃᓄᓐᓂᒃ. ᐱᒋᐊᖅᑎᑦᓯᓂᕐᒥᑦ ᐱᓕᕆᕝᕕᐅᔪᓂᑦ ᐊᓯᔾᔩᓂᕐᒥᑦ, ᐸᐅᒃᑑᑎᒃᑯᑦ ᑎᒍᒥᐊᖅᑎᐅᔪᓂᑦ ᑲᑎᑎᑦᓯᓚᐅᖅᑐᑦ ᑲᑐᔾᔨᖃᑎᖃᖅᓱᑎᒃ ᑲᓇᑕᒥ ᑲᑎᒪᔨᓂᑦ ᓄᓇᖃᖅᑳᖅᓯᒪᔪᓂᑦ ᐃᕐᓂᓱᑦᓰᔨᓂᑦ, ᐃᑲᔪᖅᓱᖅᑕᐅᓪᓗᑎᒃ ᑮᓇᐅᔭᕐᓂᒃ ᑕᐃᑲᙵᑦ ᓄᓇᖃᖅᑳᖅᓯᒪᔪᑦ ᐱᔨᑦᓯᕈᑏᑦ ᑲᓇᑕᒥ. ᖃᕋᓴᐅᔭᒃᑯᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᑎᑦᓯᓚᐅᖅᑐᒍᑦ ᐅᓐᓄᓴᐃᓐᓇᒃᑯᑦ ᒫᔾᔨ 28-30, 2023-ᒥᑦ, ᐅᔾᔨᕈᓱᓕᖅᑎᑦᓯᓂᕐᒧᑦ ᐊᑦᓱᕉᑕᐅᕙᑦᑐᓂᑦ ᐃᓄᓐᓄᑦ, ᐱᔭᑦᓴᕆᔭᖏᑦ ᐃᓄᐃᑦ ᐃᕐᓂᓱᑦᓰᔩᑦ, ᐱᒻᒪᕆᐅᓂᖓ ᐃᓕᖅᑯᓯᒨᖓᑦᓯᐊᖅᑐᒥᑦ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ, ᐊᒻᒪᓗ ᐱᑕᖃᕆᐊᖃᕐᓂᖓᓂ ᐱᔪᓐᓇᐅᑎᑎᒍᑦ ᑐᙵᕕᖃᖅᑐᒥᑦ ᐋᖅᑭᑦᓱᖅᓯᒪᔪᒥᑦ ᐃᑲᔪᖅᓱᕐᓂᕐᒧᑦ ᐅᑎᖅᑎᑕᐅᓂᖓ ᐊᒻᒪᓗ ᐊᑐᖃᓯᐅᑎᓂᖓ ᐃᓄᓐᓄᑦ ᐃᕐᓂᓱᑦᓰᓂᕐᒥᑦ.
ᑖᓐᓇ ᐅᓂᒃᑳᓕᐊᖅ ᓇᐃᓈᖅᓯᔪᖅ ᑲᔪᓯᑎᑕᐅᔪᓂᑦ ᐊᒻᒪᓗ ᐊᓂᒍᖅᑎᑕᐅᔪᓂᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᓂᐅᔪᒥᑦ. ᐃᓚᒋᔭᐅᕗᖅ ᑲᔪᓰᓐᓇᖅᑐᒥᑦ ᐊᑦᓱᕈᕐᓂᕐᒥᑦ ᐱᕙᓪᓕᐊᑎᑦᓯᓂᕐᒥᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᐋᖅᑭᑦᓱᖅᓯᒪᔪᒥᑦ, ᑐᙵᕕᖃᕐᓗᑎᒃ ᐅᑉᐱᕆᔭᐅᔪᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᐱᐅᑦᑎᐊᖅᑐᒥᑦ, ᖃᐅᔨᓴᖅᑕᐅᓂᑰᑦᓯᐊᖅᑐᓂᑦ, ᐊᒻᒪᓗ ᐃᓕᖅᑯᓯᑎᒍᑦ ᐊᑦᑕᕐᓇᙱᑦᑐᒥᑦ ᐸᖅᑭᔭᐅᑦᓯᐊᕐᓗᑎᒃ.
ᐊᕐᕌᒍᒥᑦ ᓴᖅᑭᑕᐅᔪᖅ 2024
ᐃᓄᐃᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᖅ: ᐃᑲᔪᕐᓂᖅ ᐃᓄᐃᑦ ᐃᓚᖏᓐᓂᒃ ᐊᒻᒪᓗ ᓄᓇᓕᖏᓐᓂᒃ.
ᓯᑎᐱᕆ 2021-ᒥᑦ ᒫᔾᔨ 2022-ᒧᑦ, ᐸᐅᒃᑑᑎᒃᑯᑦ ᐅᖃᖃᑎᖃᓚᐅᖅᑐᑦ ᐃᓄᓐᓂᒃ ᐃᓄᐃᑦ ᓄᓇᖓᓂᓂ ᐊᒻᒪᓗ ᓄᓇᓕᐸᐅᔭᕐᓃᑦᑐᓂᑦ ᑲᓇᑕᓕᒫᒥᑦ ᑐᓴᕈᒪᓪᓗᑎᒃ ᑭᓱᓂᑦ ᑕᑯᒍᒪᒐᔭᕐᒪᖔᑦ ᒐᕙᒪᑐᖃᒃᑯᓐᓂᑦ ᐃᓚᓕᐅᑎᓂᕐᒥᑦ ᓄᓇᖃᖅᑳᖅᓯᒪᓂᕐᒧᑦ-ᑐᙵᕕᖃᕐᓗᑎᒃ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒐᕐᓂᒃ.
ᑐᓴᓚᐅᖅᑐᒍᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ, ᐊᐅᓚᑦᓯᔨᓂᑦ, ᐋᓐᓂᐊᓯᐅᖅᑎᓂᑦ, ᖃᐅᔨᓴᖅᑎᓂᑦ, ᐃᓐᓇᑐᖃᕐᓂᑦ, ᐊᒻᒪᓗ ᐊᓈᓇᒋᔭᐅᔪᓂᑦ ᐊᑐᖅᓯᒪᔭᖏᓐᓂᒃ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ. ᐅᓂᒃᑳᓚᐅᖅᑐᑦ ᓴᙱᔪᓂᑦ ᑐᑦᓯᕋᖅᑐᓂᑦ ᐊᓯᔾᔩᕐᔪᐊᕐᓂᕐᒥᑦ ᒫᓐᓇᐅᔪᖅ ᐱᓕᕆᔾᔪᓯᐅᔪᒥᑦ ᐃᓄᓐᓄᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒥᑦ.
ᑖᓐᓇ ᐅᓂᒃᑳᓕᐊᖅ ᓴᖅᑮᕗᖅ ᐊᑐᓕᖁᔭᑦᑎᓐᓂᒃ ᓴᓇᕙᓪᓕᐊᓂᕐᒥᑦ ᑐᙵᕕᑦᓴᒥᑦ ᐃᓄᓐᓄᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᑲᓇᑕᒥ.
https://pauktuutit.ca/wp-content/uploads/Pauktuutit_Health-Report_ENG_03.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2022
ᐃᑲᔫᑎᑦᓴᑦ ᑎᑎᕋᖅᓯᒪᔪᑦ
ᐅᕙᓂ ᓇᓂᓯᔪᓐᓇᖅᑐᑎᑦ ᑎᑎᕋᖅᓯᒪᔪᓂᑦ ᐃᑲᔫᑎᑦᓴᓂᑦ ᐊᒻᒪᓗ ᐱᔨᑦᓯᕈᑎᓂᑦ ᐃᓕᓐᓂ ᐃᑲᔪᕈᓐᓇᖅᑐᓂᑦ ᐃᓕᓐᓂᐊᕐᓂᕐᒧᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒥᑦ, ᐃᑲᔪᖅᑕᐅᓂᐊᕋᕕᑦ ᐅᕝᕙᓘᓐᓃᑦ ᓇᓪᓕᒋᔭᐃᑦ, ᖃᓄᕐᓗ ᐃᑲᔪᕈᓐᓇᕐᒪᖔᖅᐱᑦ ᐃᓄᓐᓄᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓕᓐᓄᑦ. ᑭᑭᑦᓯᕕᑖ ᑲᑐᔾᔨᖃᑎᒌᒥᑦ ᐅᕝᕙᓘᓐᓃᑦ ᐃᑲᔫᑎᑦᓴᒥᑦ? ᖃᐅᔨᒃᑲᖅᑕᐅᑕ ᐅᕙᓂ fasdcop@pauktuutit.ca
https://pauktuutit.ca/wp-content/uploads/Pauk-ResourceList-V1.0-22-1.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2022
2-ᒪᑉᐱᖅᑐᒐᖅ ᐅᖃᖃᑎᒌᓐᓂᕐᒧᑦ ᖃᐅᔨᒪᔾᔪᑎ
ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎ (FASD) ᐃᓅᓯᓕᒫᒧᑦ ᐊᑲᐃᓪᓗᐊᕈᑎᐅᔪᖅ ᐊᑦᑐᖅᓯᓲᖅ ᖃᕋᓴᕐᒥᑦ ᐊᒻᒪᓗ ᑎᒥᒋᔭᐅᔪᒥᑦ ᐃᓄᒻᒥᑦ ᐃᒥᕈᑕᐅᖃᑦᑕᕐᓂᑰᔪᒥᑦ ᓇᔾᔨᐊᕆᔭᐅᓪᓗᓂ. ᑕᐃᒎᓯᖓ ᐊᓯᔾᔨᖅᑕᐅᓚᐅᖅᑐᖅ “ᐊᑦᑐᖅᑕᐅᓯᒪᔾᔪᑎ” ᐆᒧᖓ “ᐊᑲᐃᓪᓗᐊᕈᑎ” ᓲᖃᐃᒻᒪ ᐃᓄᐃᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓖᑦ ᓴᙱᓂᖃᖅᑐᑦ ᐊᒻᒪᓗ ᐊᑦᓱᕈᕐᓂᖃᓲᑦ ᐊᔾᔨᐅᙱᑦᑐᓂᑦ; ᒪᕐᕉᒃ ᐃᓅᒃ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓖᑦ ᐊᔾᔨᒌᑦᑐᖃᙱᓚᖅ.
https://pauktuutit.ca/wp-content/uploads/Pauk-DiscussionGuide-TWOPAGE-FINAL.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2022
ᖃᕆᓴᐃᑦ ᑕᒪᕐᒥᒃ ᐱᐅᔪᑦ ᐅᖃᖃᑎᒌᓐᓂᕐᒧᑦ ᖃᐅᔨᒪᔾᔪᑎ
ᖃᕆᓴᐃᑦ ᑕᒪᕐᒥᒃ ᐱᐅᔪᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎ ᐅᖃᖃᑎᒌᓐᓂᕐᒧᑦ ᖃᐅᔨᒪᔾᔪᑎ ᐊᑐᐃᓐᓇᐅᔪᖅ, ᖃᐅᔨᒃᑲᕐᖓᐅᑎ ᐃᑲᔫᑎᑦᓴᖅ ᐃᓄᓐᓄᑦ ᐃᖅᑲᓇᐃᔮᓕᓐᓄᑦ ᐱᓕᕆᖃᑎᖃᓲᓂᑦ ᐃᓄᓐᓂᒃ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓕᓐᓂᒃ, ᐃᓚᒋᔭᖏᑦ ᐊᒻᒪᓗ ᐸᖅᑭᔨᖏᓐᓂᒃ. ᑐᕌᖓᓂᖓ ᐊᑐᐃᓐᓇᐅᑎᑦᓯᓂᕐᒥᑦ ᑐᑭᓯᓇᖅᓯᔾᔪᑎᖓᓂ, ᐃᓗᓕᖏᓐᓂᒃ, ᐊᒻᒪᓗ ᐊᑐᕈᓐᓇᖅᑐᓂᑦ ᐃᑲᔫᑎᓂᑦ ᑲᒪᓂᕐᒥᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒥᑦ ᐊᒻᒪᓗ ᖁᐊᖅᓵᓗᐊᖅᓯᒪᔪᓂᒃ-ᑐᓴᐅᒪᓂᒃᑯᑦ ᐊᒻᒪᓗ ᐱᑦᑎᐊᓕᓂᕐᒧᑦ−ᑐᓴᐅᒪᓂᒃᑯᑦ ᐅᖃᖃᑎᒌᓐᓂᕐᒥᑦ ᐃᑲᔪᕐᓂᖃᖅᑐᓂᑦ ᓄᖅᑲᖅᑎᑦᑎᓂᕐᒥᑦ ᑲᙳᓲᔾᔨᓂᕐᒥᑦ ᐊᒻᒪᓗ ᖃᐅᔨᒪᓂᕐᒥᑦ ᑕᒪᐃᓐᓂᒃ ᐃᓄᐃᑦ ᐃᑲᔪᖅᑕᐅᓚᐅᖅᑐᑦ ᐸᖅᑭᔭᐅᓂᕐᒧᑦ, ᐃᑲᔪᖅᓱᖅᑕᐅᓂᕐᒧᑦ ᐊᒻᒪᓗ ᓄᓇᓕᐅᖃᑎᒌᓐᓂᕐᒥᑦ.
https://pauktuutit.ca/wp-content/uploads/Pauk-Full-DiscussionGuide-Final.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2022
ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ ᑭᓱᓕᕆᔾᔪᑏᑦ
ᑖᓐᓇ ᑭᓱᓕᕆᔾᔪᑎ ᐋᖅᑭᑦᓯᒪᔪᖅ ᐃᑲᔪᕐᓂᕐᒧᑦ ᐃᓄᓐᓂᒃ ᐱᓕᕆᔪᓂᑦ ᓇᔾᔨᔪᓕᕆᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓄᑦ ᐃᓕᓐᓂᐊᖅᑎᑦᓯᓂᕐᒥᑦ ᐊᒻᒪᓗ ᐊᑦᓱᕈᖅᑎᑦᓯᓂᕐᒥᑦ ᑲᙳᓲᔾᔨᓂᕐᒥᑦ ᑐᕌᖓᖃᓯᐅᑎᔪᒥᑦ ᑖᑦᓱᒧᖓ ᐊᑲᐃᓪᓗᐊᕈᑎᐅᔪᒧᑦ. ᐊᑖᓂ ᑕᑯᓂᐊᖅᑐᑎᑦ ᐊᔾᔨᒌᙱᑦᑐᓂᑦ ᐃᑲᔫᑎᑦᓴᓂᑦ ᐃᓕᓐᓄᑦ ᐱᓇᑕᐅᖁᔭᕗᑦ ᐊᒻᒪᓗ ᑕᑯᔭᐅᑎᒋᐊᕐᓗᒋᑦ ᐃᓕᑦᓯ ᓄᓇᓕᖏᓐᓂᒃ.
ᑕᒪᓐᓇ ᐱᓕᕆᐊᖑᓂᖓ ᐃᓄᓐᓄᑦ ᐱᓕᕆᐊᖑᔪᖅ ᐊᒻᒪᓗ ᐃᓄᓐᓅᖓᓪᓗᓂ. ᐃᓄᓐᓂᒃ ᓯᕗᓕᖅᑎᖃᖅᓱᑎᒃ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᖅ ᐊᑐᐃᓐᓇᐅᑎᑦᓯᓚᐅᖅᑐᖅ ᑐᙵᕕᑦᓴᓂᑦ ᓴᓇᕙᓪᓕᐊᔭᑦᑎᓐᓂᑦ ᑕᒪᑦᓱᒧᖓ. ᐋᖅᑭᑦᓱᓚᐅᖅᑕᕗᑦ ᑖᓐᓇ ᑭᓱᓕᕆᔾᔪᑎ ᐃᑲᔪᖅᑕᐅᓪᓗᑕ ᐃᓄᓐᓄᑦ−ᑐᖄᖓᔪᒥᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ ᓄᓇᓕᐅᔪᖅ ᐱᓕᕆᔪᖅ ᐅᕙᑦᑎᓐᓂ ᐃᓚᓕᐅᑎᓂᐊᕋᕕᑦ ᑲᙳᓲᔾᔨᖏᓐᓂᖅᓴᐅᓂᕐᒥᑦ ᑐᕌᖓᔪᒥᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ ᐃᓄᓐᓂᒃ.
https://pauktuutit.ca/wp-content/uploads/Pauktuutit-DigitalToolkit-FINAL-1.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2022
ᓄᓇᓕᒻᒧᑦ ᐅᓂᒃᑳᓕᐊᖅ: ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎ (FASD) – ᐃᑲᔪᕐᓂᖅ ᐃᓄᐃᑦ ᐃᓚᖏᓐᓂᒃ ᐊᒻᒪᓗ ᓄᓇᓕᖏᓐᓂᒃ
ᖁᔭᓕᓪᓚᕆᑦᑐᒍᑦ ᐊᒻᒪᓗ ᐊᓕᐊᓇᐃᒋᓪᓗᒋᑦ ᐃᓄᒋᑦ ᐃᑲᔪᓚᐅᖅᑐᓄᑦ ᑖᑦᓱᒧᖓ ᐅᓂᒃᑳᓕᐊᒧᑦ.
ᐱᓗᐊᙳᐊᖅᑐᒥᑦ, ᖁᔭᓐᓇᒦᕈᒪᔭᕗᑦ ᓄᓇᓕᒻᒥᐅᑕᑦ, ᐱᔨᑦᓯᕋᖅᑏᑦ, ᐊᒻᒪᓗ ᑐᓴᖅᑎᑦᓯᓪᓗᐊᑕᓚᐅᖅᑐᓂᑦ ᐅᖃᐅᓯᖃᕐᓂᕐᒧᑦ ᖃᐅᔨᒪᔭᒥᓂᒃ ᐊᒻᒪᓗ ᐅᓂᒃᑳᖏᓐᓂᒃ ᐅᕙᑦᑎᓐᓄᑦ. ᑕᒪᓐᓇ ᐱᓕᕆᐊᖑᔪᓐᓇᑲᓴᙱᑦᑐᖅ ᐱᖃᑕᐅᓚᐅᙱᑉᐸᑕ.
ᑖᓐᓇ ᐅᓂᒃᑳᓕᐊᖅ ᑲᑐᔾᔨᖃᑎᒋᔭᐅᓪᓗᓂ ᐱᓕᕆᐊᖑᕗᖅ ᖃᐅᔨᓴᖅᑎᑕᐅᖃᑎᒌᓂᑦ ᐱᓕᕆᔪᓂᑦ ᓴᓇᒪᓂᖓᓄᑦ, ᐊᑐᓕᖅᑎᑦᓯᓂᕐᒧᑦ ᐊᒻᒪᓗ ᐱᔭᕇᖅᓯᓂᕐᒥᑦ ᐱᓕᕆᐊᑦᓴᓂᑦ. ᑕᒪᓐᓇ ᐃᓚᖃᖅᑐᖅ ᐱᓕᕆᔨᐅᓪᓗᐊᑕᕐᓂᒃ ᐸᐅᒃᑑᑎᒃᑯᓐᓂ ᐊᒻᒪᓗ ᕙᐃᔪᓚᐃᑦ ᖃᐅᔨᓴᖅᑏᑦ ᑎᒥᖓᑦ (Firelight Research Inc) ᐱᓕᕆᖃᑎᒌᓚᐅᖅᑐᓂᑦ ᓴᓇᓂᕐᒥᑦ ᖃᐅᔨᓴᕈᑕᐅᓂᐊᖅᑐᓂᑦ, ᐊᐅᓪᓚᓚᐅᖅᑐᑦ ᓄᓇᕕᒻᒧᑦ ᐊᒻᒪᓗ ᐃᓄᕕᐊᓗᐃᑦ ᓄᓇᓕᖃᕕᖏᓐᓂ ᐊᕕᒃᑐᖅᓯᒪᔪᓂ ᐱᓕᕆᓂᕐᒥᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᑲᑎᙵᔪᓂᑦ ᐊᒻᒪᓗ ᐊᐱᖅᓱᕐᓂᕐᒥᑦ, ᖃᕋᓴᐅᔭᒃᑯᑦ ᐊᐱᖅᓱᓚᐅᖅᑐᑦ, ᐊᒻᒪᓗ ᐊᑐᐃᓐᓇᐅᑎᑦᓯᓚᐅᖅᑐᖅ ᖃᐅᔨᓴᕐᓂᕐᒧᑦ ᐊᒻᒪᓗ ᑎᑎᕋᕐᓂᒃᑯᑦ ᐃᑲᔪᖅᓱᖅᑕᐅᒍᑎᓂᑦ. ᑯᕆᔅᑐᓪ ᒫᑎᓐ-ᓚᐸᓐᓯᑭ ᑕᐃᑲᙵᑦ ᐅᒃᐱᒃ ᖃᐅᔨᒃᑲᐃᔨᓂᑦ ᐃᑲᔪᓚᐊᖅᑐᖅ ᖃᕋᑕᐅᔭᒃᑯᑦ ᐊᐱᖅᓱᕐᓂᒃᑯᑦ ᐊᒻᒪᓗ ᐱᓕᕆᖃᑎᒌᓐᓂᕐᒥᑦ ᐊᒻᒪᓗ ᐊᑐᐃᓐᓇᐅᑎᑦᓯᓚᐅᖅᑐᖅ ᐱᒻᒪᕆᐅᔪᓂᑦ ᐅᓂᒃᑳᓕᐊᒧᑦ ᐃᑲᔪᖅᓱᐃᓂᕐᒥᑦ ᐃᓄᒋᐊᑦ ᓄᕙᔾᔪᐊᖅᑎᓪᓗᒋᑦ ᓴᖑᑎᑦᓯᓚᐊᖅᑎᓪᓗᒍ ᐅᓂᒃᑳᓕᐊᒥᑦ ᐃᓄᐃᑦ ᐅᐸᖃᑦᑕᐅᑎᓯᒪᙱᖔᖅᓱᑎᒃ ᖃᕋᓴᐅᔭᒃᑰᖔᓕᖅᓱᑎᒃ.
ᑭᖑᓪᓕᖅᐹᒥᑦ, ᐃᓕᓴᕆᒍᒪᓪᓚᕆᑦᑕᕗᑦ ᑕᒪᕐᒥᑦᓯᐊᑦ ᐃᓄᐃᑦ ᐃᓚᒌᖑᔪᑦ ᐃᓄᐃᑦ ᓄᓇᖓᓂ ᐊᒻᒪᓗ ᑲᓇᑕᒥ ᐊᑦᑐᖅᑕᐅᓯᒪᔪᓄᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ, ᑕᐃᒃᑯᐊ ᑲᖐᒋᔭᐅᔪᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᖅ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓕᓐᓂᒃ, ᑕᐃᒃᑯᐊ ᐸᖅᑭᔨᐅᔪᑦ, ᐊᒻᒪᓗ ᑕᐃᒃᑯᐊ ᐱᒻᒪᕆᐅᔪᓂᑦ ᐱᔨᑦᓯᕋᖅᑐᑦ ᐊᓯᒻᒥᓂ ᐊᑦᑐᖅᑕᐅᓯᒪᔪᓂᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ.
ᐊᕐᕌᒍᒥᑦ ᓴᖅᑭᑕᐅᔪᖅ: 2021
ᐊᕙᑎᓕᕆᓂᕐᒧᑦ ᕿᒥᕐᕈᓂᖅ ᐊᒻᒪᓗ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᖅ: ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎ (FASD) – ᐃᑲᔪᕐᓂᖅ ᐃᓄᐃᑦ ᐃᓚᖏᓐᓂᒃ ᐊᒻᒪᓗ ᓄᓇᓕᖏᓐᓂᒃ
ᖁᔭᓕᓪᓚᕆᑦᑐᒍᑦ ᐊᒻᒪᓗ ᐊᓕᐊᓇᐃᒋᓪᓗᒋᑦ ᐃᓄᒋᑦ ᐃᑲᔪᓚᐅᖅᑐᓄᑦ ᑖᑦᓱᒧᖓ ᐅᓂᒃᑳᓕᐊᒧᑦ.
ᐱᓗᐊᙳᐊᖅᑐᒥᑦ, ᖁᔭᓐᓇᒦᕈᒪᔭᕗᑦ ᓄᓇᓕᒻᒥᐅᑕᑦ, ᐱᔨᑦᓯᕋᖅᑏᑦ, ᐊᒻᒪᓗ ᑐᓴᖅᑎᑦᓯᓪᓗᐊᑕᓚᐅᖅᑐᓂᑦ ᐅᖃᐅᓯᖃᕐᓂᕐᒧᑦ ᖃᐅᔨᒪᔭᒥᓂᒃ ᐊᒻᒪᓗ ᐅᓂᒃᑳᖏᓐᓂᒃ ᐅᕙᑦᑎᓐᓄᑦ. ᑕᒪᓐᓇ ᐱᓕᕆᐊᖑᔪᓐᓇᑲᓴᙱᑦᑐᖅ ᐱᖃᑕᐅᓚᐅᙱᑉᐸᑕ.
ᑖᓐᓇ ᐅᓂᒃᑳᓕᐊᖅ ᑲᑐᔾᔨᖃᑎᒋᔭᐅᓪᓗᓂ ᐱᓕᕆᐊᖑᕗᖅ ᖃᐅᔨᓴᖅᑎᑕᐅᖃᑎᒌᓂᑦ ᐱᓕᕆᔪᓂᑦ ᓴᓇᒪᓂᖓᓄᑦ, ᐊᑐᓕᖅᑎᑦᓯᓂᕐᒧᑦ ᐊᒻᒪᓗ ᐱᔭᕇᖅᓯᓂᕐᒥᑦ ᐱᓕᕆᐊᑦᓴᓂᑦ. ᑕᒪᓐᓇ ᐃᓚᖃᖅᑐᖅ ᐱᓕᕆᔨᐅᓪᓗᐊᑕᕐᓂᒃ ᐸᐅᒃᑑᑎᒃᑯᓐᓂ ᐊᒻᒪᓗ ᕙᐃᔪᓚᐃᑦ ᖃᐅᔨᓴᖅᑏᑦ ᑎᒥᖓᑦ (Firelight Research Inc) ᐱᓕᕆᖃᑎᒌᓚᐅᖅᑐᓂᑦ ᓴᓇᓂᕐᒥᑦ ᖃᐅᔨᓴᕈᑕᐅᓂᐊᖅᑐᓂᑦ, ᐊᐅᓪᓚᓚᐅᖅᑐᑦ ᓄᓇᕕᒻᒧᑦ ᐊᒻᒪᓗ ᐃᓄᕕᐊᓗᐃᑦ ᓄᓇᓕᖃᕕᖏᓐᓂ ᐊᕕᒃᑐᖅᓯᒪᔪᓂ ᐱᓕᕆᓂᕐᒥᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᑲᑎᙵᔪᓂᑦ ᐊᒻᒪᓗ ᐊᐱᖅᓱᕐᓂᕐᒥᑦ, ᖃᕋᓴᐅᔭᒃᑯᑦ ᐊᐱᖅᓱᓚᐅᖅᑐᑦ, ᐊᒻᒪᓗ ᐊᑐᐃᓐᓇᐅᑎᑦᓯᓚᐅᖅᑐᖅ ᖃᐅᔨᓴᕐᓂᕐᒧᑦ ᐊᒻᒪᓗ ᑎᑎᕋᕐᓂᒃᑯᑦ ᐃᑲᔪᖅᓱᖅᑕᐅᒍᑎᓂᑦ. ᑯᕆᔅᑐᓪ ᒫᑎᓐ-ᓚᐸᓐᓯᑭ ᑕᐃᑲᙵᑦ ᐅᒃᐱᒃ ᖃᐅᔨᒃᑲᐃᔨᓂᑦ ᐃᑲᔪᓚᐊᖅᑐᖅ ᖃᕋᑕᐅᔭᒃᑯᑦ ᐊᐱᖅᓱᕐᓂᒃᑯᑦ ᐊᒻᒪᓗ ᐱᓕᕆᖃᑎᒌᓐᓂᕐᒥᑦ ᐊᒻᒪᓗ ᐊᑐᐃᓐᓇᐅᑎᑦᓯᓚᐅᖅᑐᖅ ᐱᒻᒪᕆᐅᔪᓂᑦ ᐅᓂᒃᑳᓕᐊᒧᑦ ᐃᑲᔪᖅᓱᐃᓂᕐᒥᑦ ᐃᓄᒋᐊᑦ ᓄᕙᔾᔪᐊᖅᑎᓪᓗᒋᑦ ᓴᖑᑎᑦᓯᓚᐊᖅᑎᓪᓗᒍ ᐅᓂᒃᑳᓕᐊᒥᑦ ᐃᓄᐃᑦ ᐅᐸᖃᑦᑕᐅᑎᓯᒪᙱᖔᖅᓱᑎᒃ ᖃᕋᓴᐅᔭᒃᑰᖔᓕᖅᓱᑎᒃ.
ᑭᖑᓪᓕᖅᐹᒥᑦ, ᐃᓕᓴᕆᒍᒪᓪᓚᕆᑦᑕᕗᑦ ᑕᒪᕐᒥᑦᓯᐊᑦ ᐃᓄᐃᑦ ᐃᓚᒌᖑᔪᑦ ᐃᓄᐃᑦ ᓄᓇᖓᓂ ᐊᒻᒪᓗ ᑲᓇᑕᒥ ᐊᑦᑐᖅᑕᐅᓯᒪᔪᓄᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ, ᑕᐃᒃᑯᐊ ᑲᖐᒋᔭᐅᔪᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᖅ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᓕᓐᓂᒃ, ᑕᐃᒃᑯᐊ ᐸᖅᑭᔨᐅᔪᑦ, ᐊᒻᒪᓗ ᑕᐃᒃᑯᐊ ᐱᒻᒪᕆᐅᔪᓂᑦ ᐱᔨᑦᓯᕋᖅᑐᑦ ᐊᓯᒻᒥᓂ ᐊᑦᑐᖅᑕᐅᓯᒪᔪᓂᑦ ᓇᔾᔨᐊᕆᔭᐅᔪᑦ ᐃᒥᕈᑕᐅᖃᑦᑕᕐᓂᑰᔪᑦ ᐊᑲᐃᓪᓗᐊᕈᑎᒧᑦ.
ᐊᕐᕌᒍᒥᑦ ᓴᖅᑭᑕᐅᔪᖅ: 2021
ᑐᑭᓯᐅᒪᓂᕐᒥᑦ ᐃᓄᓐᓂᒃ ᐊᒻᒪᓗ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ
ᐊᒥᓱᑦ ᐱᔾᔪᑎᖃᖅᑎᑦᑎᔪᑦ ᐃᓄᐃᑦ ᐃᓱᒪᓕᐅᖅᑕᖏᓐᓂᒃ ᐊᑐᖃᑦᑕᕐᓂᕐᒧᑦ ᓲᕐᓗ ᐋᖓᔮᕐᓇᖅᑐᖅ ᐱᕈᖅᑐᕕᓂᓂᑦ, ᑭᖑᓂᑦᑎᓂᓪᓗ ᐊᑐᖅᓯᒪᔭᑦᑎᓐᓂᒃ, ᒫᓐᓇᐅᔪᖅ ᐊᑐᖅᑕᑦᑎᓐᓂᒃ, ᐊᒻᒪᓗ ᐃᓕᖅᑯᓯᕗᑦ. ᐃᓕᓐᓂᐊᒃᑲᓐᓂᓂᕐᒥᑦ ᑕᒪᒃᑯᓄᖓ ᐱᔾᔪᑕᐅᔪᓂᑦ ᖃᓄᕐᓗ ᐃᑲᔪᕈᓐᓇᕐᒪᖔᖅᐱᑦ ᐅᖃᖃᑎᒌᓐᓂᕐᒧᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᒥᑦ ᐃᕝᕕᑦ ᐃᓚᒋᔭᖏᓐᓂᒃ ᐅᕝᕙᓘᓐᓃᑦ ᓄᓇᓕᖓᓂ.
https://pauktuutit.ca/wp-content/uploads/Inuit-and-CannabisEN.pdf
ᐊᕐᕌᒍᒥᑦ ᓴᖅᑭᑕᐅᔪᖅ ᓯᑎᐱᕆ 2021
ᐃᓄᐃᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᖅᑕᐅᓂᖏᑦ: ᐱᒋᐊᖅᑎᑕᐅᓂᖓ ᐅᖃᖃᑎᒌᓐᓂᖅ
ᐊᒥᓱᑦ ᐱᔾᔪᑎᖃᖅᑎᑦᑎᔪᑦ ᐃᓄᐃᑦ ᐃᓱᒪᓕᐅᖅᑕᖏᓐᓂᒃ ᐊᑐᖃᑦᑕᕐᓂᕐᒧᑦ ᓲᕐᓗ ᐋᖓᔮᕐᓇᖅᑐᖅ ᐱᕈᖅᑐᕕᓂᓂᑦ, ᑭᖑᓂᑦᑎᓂᓪᓗ ᐊᑐᖅᓯᒪᔭᑦᑎᓐᓂᒃ, ᒫᓐᓇᐅᔪᖅ ᐊᑐᖅᑕᑦᑎᓐᓂᒃ, ᐊᒻᒪᓗ ᐃᓕᖅᑯᓯᕗᑦ. ᐃᓕᓐᓂᐊᒃᑲᓐᓂᓂᕐᒥᑦ ᑕᒪᒃᑯᓄᖓ ᐱᔾᔪᑕᐅᔪᓂᑦ ᖃᓄᕐᓗ ᐃᑲᔪᕈᓐᓇᕐᒪᖔᖅᐱᑦ ᐅᖃᖃᑎᒌᓐᓂᕐᒧᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᒥᑦ ᐃᕝᕕᑦ ᐃᓚᒋᔭᖏᓐᓂᒃ ᐅᕝᕙᓘᓐᓃᑦ ᓄᓇᓕᖓᓂ.
https://pauktuutit.ca/wp-content/uploads/discussion-guideEN.pdf
ᐊᕐᕌᒍᒥᑦ ᓴᖅᑭᑕᐅᔪᖅ ᓯᑎᐱᕆ 2021
ᐆᒃᑑᑎᑦ: ᐃᓄᐃᑦ ᓄᓕᐊᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓗᓇᐃᔭᐃᑏᑦ
ᐆᒃᑑᑎᑦ: ᐃᓄᐃᑦ ᓄᓕᐊᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓗᓇᐃᔭᐃᑏᑦ, ᑭᐅᔾᔪᑏᑦ 2017 ᑕᕝᕙ: ᐃᓄᐃᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᕐᓇᐅᑎ ᑐᕌᒐᖓ ᐃᓄᓐᓄᑦ ᑐᕌᖓᔪᓂᑦ ᖃᐅᔨᓴᕐᓂᕐᒥᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᑐᕌᖓᔪᖅ ᓯᕗᓂᑦᓴᒥᑦ ᖃᐅᔨᓴᕐᓂᕐᒧᑦ ᖃᐅᔨᒃᑲᐃᑎᑦᓯᓂᕐᒥᑦ. ᐆᒃᑑᑎᑦ ᑲᒪᒋᔭᖃᖅᑐᑦ ᐊᑦᓱᕉᑕᐅᒐᓱᐊᖅᑐᓂᑦ ᓇᓗᓇᐃᔭᖅᓯᒪᔪᓂᑦ ᐃᑲᔪᕐᓂᕐᒥᑦ: ᐊᑕᖏᐅᒪᓂᒃᑯᑦ ᐸᖅᑭᔭᐅᓂᕐᒥᑦ ᖃᐅᔨᓴᕐᓂᕐᒧᑦ ᐱᓕᕆᔭᐅᔪᓂᑦ ᑐᕌᖓᔪᓂᑦ ᖃᐅᔨᓴᕐᓂᕐᒥᑦ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᓂᑦ ᑭᓯᐊᓂ ᐅᖓᑖᓅᖓᔪᖅ ᐃᓚᓕᐅᑎᓂᕐᒥᑦ ᐊᓯᖏᓐᓂᒃ ᐊᑦᑕᐅᔪᓂᑦ ᓄᓕᐊᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᖃᓄᐃᙱᑦᓯᐊᕐᓂᕐᒥᑦ ᓲᕐᓗ, ᓄᓕᐊᕐᓂᒃᑯᑦ ᐋᓐᓂᖅᓯᕆᑦᑕᐃᓕᒪᑎᑦᓯᓂᕐᒥᑦ, ᐊᑐᐃᓐᓇᐅᑎᑦᓯᒃᑲᓐᓂᓂᕐᒥᑦ ᐃᓱᒪᓕᕆᓂᕐᒧᑦ ᐱᔨᑦᓯᕈᑎᓂᑦ ᓄᓇᓕᐅᔪᓂᑦ ᐊᒻᒪᓗ ᐃᑲᔪᖅᓱᕐᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᒻᒪᓗ ᓄᓕᐊᕐᓂᒃᑯᑦ ᐊᔾᔨᒌᙱᑦᑐᓂᑦ. 15-ᓂᒃ ᓇᓗᓇᐃᒃᑯᑕᕐᓂᒃ ᓂᕈᐊᖅᑕᐅᑎᓪᓗᒋᑦ ᑲᓇᑕᒥ ᐃᓄᐃᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᖃᑎᒌᑦ ᑐᕌᒐᕆᔭᐅᓪᓗᓂ ᐆᒃᑑᑎᑦ, ᐱᒻᒪᕆᐅᕗᖅ ᖃᐅᔨᒪᔭᐅᓗᓂ ᐊᑕᐅᓯᑐᐊᒥᑦ ᐱᓕᕆᔾᔪᓯᖅᑕᖃᙱᑦᑐᖅ ᖃᐅᔨᓴᕐᓂᕐᒥᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᓂᕈᐊᖅᑕᐅᓂᖏᑦ ᐊᒻᒪᓗ ᐊᑐᖅᑕᐅᓂᖏᑦ ᓇᓗᓇᐃᒃᑯᑕᑦ ᐊᕕᑦᑐᖅᓯᒪᓂᕐᒨᖓᕆᐊᓖᑦ ᐊᒻᒪᓗ ᓄᓇᓕᓐᓄᑦ.
https://pauktuutit.ca/wp-content/uploads/Final-English-Uuktuutiit-aug2021-electronic-proof.pdf
https://pauktuutit.ca/wp-content/uploads/Uuktuutiit-French-electronic-apr2022.pdf
https://pauktuutit.ca/wp-content/uploads/Uuktuutiit-Inuinnaqtun-electronic-apr2022.pdf
https://pauktuutit.ca/wp-content/uploads/Uuktuutiit-Inuktitut-north-Baffin-electronic-mar2022.pdf
https://pauktuutit.ca/wp-content/uploads/Uuktuutiit-Inuktitut-south-baffin-electronic-sept2021.pdf
https://pauktuutit.ca/wp-content/uploads/Uuktuutiit-Inuvialuktun-electronic-mar2022.pdf
https://pauktuutit.ca/wp-content/uploads/Uuktuutiit-Labrador-Inuttut-mar2022-electronic.pdf
https://pauktuutit.ca/wp-content/uploads/Uuktuutiit-Nunavik-electronic-apr2022.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2021
ᐃᑲᔪᕐᓂᖅ 2021
ᓯᕗᓪᓕᖅᐹᖅ ᑎᑎᕋᖅᓯᒪᔪᖅ ᐃᑲᔪᕐᓂᖅ ᓴᖅᑭᑕᐅᓚᐅᖅᑐᖅ 2018-ᒥᑦ. ᐃᑲᔫᑎᑦᓴᐅᓪᓗᓂ ᑐᓴᖅᑎᑦᓯᓂᕐᒥᑦ ᐃᓄᓐᓂᒃ ᐊᔾᔨᒌᙱᑦᑐᓂᑦ ᐊᓪᓗᕈᑕᐅᓲᓂᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓕᓐᓂᐊᖅᑎᑦᓯᓂᕐᒥᑦ, ᖃᐅᔨᓴᖅᑕᐅᓂᕐᒥᑦ, ᓱᖅᑯᐃᖅᑕᐅᓇᓱᐊᕐᓂᕐᒥᑦ ᐊᒻᒪᓗ ᒪᒥᓴᖅᑕᐅᓂᕐᒥᑦ, ᐃᑲᔫᑎᑦᓴᒥᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᓯᕋᖅᑎᖏᓐᓄᑦ ᐃᓕᖅᑯᓯᕐᒧᑦ ᓈᒻᒪᑦᑐᒥᑦ ᐊᒻᒪᓗ ᐊᕕᑦᑐᖅᓯᒪᔪᒧᑦ ᑐᕌᖓᔪᓂᑦ ᐱᓕᕆᔾᔪᓯᕐᓂᑦ ᐊᑐᐃᓐᓇᐅᑎᑦᓯᔪᓂᑦ ᐊᑦᑕᕐᓇᙱᑦᑐᒥᑦ ᐊᒻᒪᓗ ᓇᓕᒧᑎᑦᓯᔪᒥᑦ ᐸᖅᑭᔭᐅᓂᕐᒥᑦ ᐃᓄᓐᓄᑦ. ᑐᓴᖅᑎᑕᐅᓚᐅᖅᑎᓪᓗᒋᑦ ᐊᒻᒪᓗ ᐱᓕᕆᖃᑎᒌᓂᕐᒧᑦ ᐅᖃᖃᑎᒌᓐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᓄᐃᑦ ᓄᓇᖓᓂ 2019-2020-ᒥᑦ, ᐃᑲᔪᕐᓂᖅ ᓄᑖᙳᖅᑎᑕᐅᓯᒪᔪᖅ ᐊᒻᒪᓗ ᐋᖅᑭᑦᓱᖅᓯᒪᓂᖓ ᐊᖏᓪᓕᒋᐊᖅᑕᐅᔪᖅ – ᐃᑲᔪᕐᓂᖅ 2021 ᐃᓚᖃᖅᑐᖅ ᑐᓴᐅᒪᔾᔪᑎᑦᓴᒃᑲᓐᓂᕐᓂᒃ ᓄᖅᑲᖅᑎᑦᓯᓂᕐᒥᑦ, ᖃᐅᔨᓴᕐᓂᕐᒥᑦ ᐊᒻᒪᓗ ᒪᒥᓴᐃᓂᕐᒥᑦ ᐋᓐᓂᐊᕈᑕᐅᓲᓂᑦ ᐊᐃᑦᑐᕐᓗᑦᑕᐅᓲᓂᑦ ᓄᓕᐊᕐᓂᒃᑯᑦ ᐊᒻᒪᓗ ᐊᐃᒃᑯᑦ ᑕᒪᒃᑯᐊᓗ ᓄᑖᖑᔪᑦ ᐃᓄᓐᓄᑦ ᑐᕌᖓᔪᑦ ᐊᑕᖏᐅᒪᓂᒃᑯᑦ ᐸᖅᑭᔭᐅᓂᕐᒥᑦ.
https://pauktuutit.ca/wp-content/uploads/IKAJURNIQ-sept2021-electronic-final.pdf
ᐊᕐᕌᒍᒥᑦ ᓴᖅᑭᑕᐅᔪᖅ: 2021
ᐊᕐᕌᒍᑕᒪᑦ ᐅᓂᒃᑳᓕᐊᖑᓯᒪᔪᑦ
2023-2024 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2022-2023 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2021-2022 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2020-2021 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2019-2020 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2018-2019 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2017-2018 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2016-2017 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2014-2015 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2013-2014 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2012-2013 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2011-2012 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
