ᐅᖃᓕᒫᒐᓕᐊᕆᔭᐅᓯᒪᔪᑦ

ᐊᑭᕋᖅᑐᖅᑕᐅᓂᖅ ᐊᑦᓱᕐᔪᐊᕌᓗᒃ ᐃᑉᐱᒋᔭᐅᔪᖅ ᐊᒥᓱᓄᑦ ᐃᓄᓐᓄᑦ ᐊᕐᓇᓄᑦ. ᑕᒪᓐᓇ ᓱᓕᒋᐊᓪᓚᑦᑐᖅ ᐱᓕᕆᖃᑎᖃᖅᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐊᐅᓚᑕᐅᒐᓱᐊᕐᓂᕐᒧᑦ ᐊᒻᒪᓗ ᐊᑭᕋᖅᑐᖅᑕᐅᓂᕐᒧᑦ ᐊᑐᐊᒐᐃᑦ ᐃᓱᒪᒋᔭᐅᓕᓲᖑᒻᒪᑕ ᐱᐅᙱᑦᑑᑎᑕᐅᓪᓗᑎᒃ ᓄᓇᖃᖅᑳᖅᓯᒪᔪᑦ.

ᑕᒪᓐᓇ ᑐᑭᖃᒡᒍᔪᖅ ᐃᓄᐃᑦ ᐊᕐᓇᐃᑦ ᑲᒪᒋᔭᐅᑦᓯᐊᖃᑦᑕᖏᑦᑐᑦ, ᑕᑯᖃᓯᐅᑎᓗᒋᑦ ᐊᓯᖏᑦ ᑲᓇᑕᒥᐅᑕᐃᑦ. ᐊᑦᓱᕈᓐᓇᕈᑕᐅᓕᕈᓐᓇᖅᑐᖅ ᐊᓂᒍᖅᑕᐅᔪᑦ ᐃᓄᓐᓂᒃ ᐊᕐᓇᓂᑦ, ᐱᓚᒋᔭᖏᑦ ᐊᒻᒪᓗ ᓄᓇᓕᐅᔪᓂᑦ.

ᐅᕕᓂᐅᖃᑎᒋᙱᑕᒥᓂ ᐊᑭᕋᖅᑐᖅᑕᐃᓕᒪᓂᕐᒥᑦ ᐱᓕᕆᓂᐅᕗᖅ, ᐋᖅᑭᑦᓱᖅᓯᒪᔪᒥᑦ ᐱᓕᕆᔾᔪᓯᖅ ᖃᐅᔨᓴᕐᓂᕐᒥᑦ, ᐊᒻᒪᓗ ᐱᓕᕆᓂᒃᑯᑦ ᐃᓕᓴᖅᓯᓂᕐᒥᑦ ᐱᑕᖃᕐᓂᖓᓂ ᐅᕕᓂᐅᖃᑎᒋᙱᑕᒥᓂ ᐊᑭᕋᖅᑐᕐᓂᕐᒥᑦ. ᖁᐊᖅᓵᓗᐊᖅᓯᒪᔪᓂᒃ-ᑐᓴᐅᒪᓂᒃᑯᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᑦ-ᑐᙵᕕᖃᕐᓂᒃᑯᑦ ᐱᓕᕆᓂᕐᒥᑦ, ᑐᙵᕕᖃᕐᓗᓂ ᑕᐅᑐᓐᓂᕆᔭᖏᓐᓂᒃ ᐃᓄᐃᑦ ᐊᕐᓇᐃᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ-ᑐᙵᕕᖃᕐᓂᕐᒥᑦ ᖃᐅᔨᓴᕐᓂᕐᒥᑦ (GBA+) ᖃᐅᔨᓴᕐᓂᕐᒥᑦ, ᐱᒻᒪᕆᐅᕗᖅ ᑲᔪᓯᓂᖃᑦᓯᐊᖅᑐᒥᑦ ᑲᒪᒋᔭᖃᕐᓂᕐᒥᑦ ᐋᖅᑭᑦᓱᖅᓯᒪᔪᓂᑦ ᒥᑭᓪᓕᑎᕇᓐᓇᖅᑐᓂᑦ ᐃᓄᓐᓂᒃ ᑲᓇᑕᒥ, ᐃᓚᒋᓗᓂᐅᒃ ᐃᑲᔪᖅᑕᐅᒐᓱᐊᖅᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒨᖓᔪᓂᑦ.

ᑕᒪᑦᓱᒧᖓᒨᖓᕗᖅ ᐊᑐᖅᑕᐅᓂᑯᓂᑦ ᐸᐅᒃᑑᑎᒃᑯᑦ ᓴᖅᑮᓖᓚᐅᖅᑐᑦ ᐊᑐᓕᖁᔭᒥᓂ ᐃᓄᐃᑦ ᐊᑭᕋᖅᑐᖅᑕᐅᒍᓐᓃᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ.

https://pauktuutit.ca/wp-content/uploads/Pauktuutit-Addressing-Racism-in-the-Health-Care-System-Apr2021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᔭᓄᐊᕆᒥᑦ ᓄᕕᐱᕆᒧᑦ 2020-ᒥᑦ, ᐸᐅᒃᑑᑎᒃᑯᑦ ᐱᓕᕆᖃᑎᖃᓚᐅᖅᑐᑦ ᐃᓄᓐᓂᒃ ᐊᕐᓇᓂᑦ, ᐊᐃᑉᐸᖏᓐᓂᒃ, ᐊᒻᒪᓗ ᒪᒃᑯᑦᑐᓂᑦ (18-29 ᐊᕐᕌᒍᓖᑦ) ᐃᓄᐃᑦ ᓄᓇᖓᓂ ᐊᒻᒪᓗ ᑲᓇᑕᒥ ᓄᓇᓕᐸᐅᔭᕐᓂᑦ ᐃᓕᓐᓂᐊᒃᑲᓐᓂᕈᒪᓪᓗᑎᒃ ᖃᐅᔨᒪᔭᖏᓐᓂᒃ, ᐃᓱᒪᒋᔭᖏᓐᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᒥᑦᓲᓄᑦ. ᑐᓴᐅᒪᔾᔪᑎᑦᓴᑦ ᓄᐊᑕᐅᔪᑦ ᖃᕋᑕᐅᔭᒃᑯᑦ ᐊᐱᖅᓱᕐᓂᒃᑯᑦ, ᑐᕌᖓᓂᓖᑦ ᑲᑎᙵᔪᑦ ᐊᒻᒪᓗ ᐊᐱᖅᓱᕐᓃᑦ ᓇᓗᓇᐃᔭᖅᓯᒪᔪᑦ ᑕᕝᕙᓂ “ᑐᓴᓚᐅᖅᑕᕗᑦ” ᐱᓕᕆᐊᖑᓂᖓ 1 ᐅᓂᒃᑳᓕᐊᖅ.

https://pauktuutit.ca/wp-content/uploads/Cannabis-in-our-Communities-What-we-heard-Report-ENG.pdf

https://pauktuutit.ca/wp-content/uploads/Cannabis-in-our-Communities-What-we-heard-Report-South-Baffin.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑖᓐᓇ ᐅᓂᒃᑳᓕᐊᖅ ᓇᓗᓇᐃᔭᐃᔪᖅ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᒧᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᐊᒻᒪᓗ ᐃᑲᔪᖅᓱᖅᑕᐅᓂᕐᒥᑦ ᒫᓐᓇᐅᔪᖅ ᐊᑐᐃᓐᓇᐅᔪᓂᑦ ᐃᓗᐊᓂ ᐊᒻᒪᓗ ᓯᓚᑖᓂ ᐃᓄᐃᑦ ᓄᓇᖓᓂ, ᐊᒻᒪᓗ ᖃᐅᔨᓇᓱᑦᑐᖅ ᖃᓄᖅ ᐊᑐᐃᓐᓇᐅᔪᑦ ᐊᒻᒪᓗ ᑐᕌᖓᒻᒪᖔᑦ ᐃᓄᓐᓄᑦ.

https://pauktuutit.ca/wp-content/uploads/Cannabis-in-our-Communities-Environmental-Scan.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᓇᓗᓇᐃᔭᐅᑎᒥᑦ ᐃᓕᓐᓂᐊᓚᐅᖅᑕᑦᑎᓐᓂᒃ ᐱᓕᕆᐊᖑᓂᖓᓂ 1 ᖃᐅᔨᒪᔭᐅᔪᓂᑦ, ᐃᑉᐱᒋᔭᐅᔪᓂᑦ ᐊᒻᒪᓗ ᐃᓕᖅᑯᓯᕆᔭᐅᔪᓂᑦ ᐃᓄᓐᓄᑦ ᒪᒃᑯᑦᑐᓄᑦ ᐊᒻᒪᓗ ᓄᑖᖑᔪᑦ ᐅᕝᕙᓘᓐᓃᑦ ᕿᑐᕐᖓᑦᓴᓕᓐᓄᑦ ᐊᖏᔪᖅᑳᕆᔭᐅᔪᓄᑦ, ᐅᖃᓕᒫᕐᓗᒍ “ᑐᓴᓚᐅᖅᑕᕗᑦ” ᐅᓂᒃᑳᓕᐊᖅ ᓇᐃᓈᖅᓯᒪᔪᖅ.

• https://pauktuutit.ca/wp-content/uploads/Cannabis-in-our-Communities-What-we-Heard-report-Summary-ENG.pdf
• https://pauktuutit.ca/wp-content/uploads/Cannabis-in-our-Communities-summary-report-South-Baffin-Inuktitut.pdf
• https://pauktuutit.ca/wp-content/uploads/Cannabis-in-our-communities-summary-report-Nunavik-Ungava.pdf
• https://pauktuutit.ca/wp-content/uploads/Cannabis-in-our-communities-summary-report-Inuvialuktun.pdf
• https://pauktuutit.ca/wp-content/uploads/Cannabis-in-our-communities-summary-report-Inuinnaqtun.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑖᓐᓇ ᐅᓂᒃᑳᓕᐊᖅ ᓴᖅᑮᕗᖅ ᓇᓂᔭᐅᔪᓂᑦ ᕿᒥᕐᕈᓂᕐᒥᑦ ᑐᓴᐅᒪᑎᑦᓯᓂᕐᒥᑦ ᐊᖏᓂᖅᓴᒥᑦ ᐱᓕᕆᐊᑦᓴᒥᑦ ᐃᓄᓐᓂᒃ ᐊᕐᓇᓂᑦ, ᒪᒃᑯᑦᑐᓂᑦ, ᐊᒻᒪᓗ ᐊᐃᑉᐸᖏᓐᓂᒃ ᐅᔾᔨᕈᓱᓕᖅᑎᑦᓯᓂᐊᖅᑐᒥᑦ ᐊᒻᒪᓗ ᐃᓕᓐᓂᐊᖅᑎᑦᓯᓗᓂ ᐊᑦᑕᓇᖅᑐᑦ ᐊᑦᑎᓪᓕᒋᐊᖅᑕᐅᓂᖏᑦ ᐱᓕᕆᓂᒃᑯᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᕐᓂᕐᒧᑦ. ᐊᖏᓂᖓᓄᑦ ᕿᒥᕐᕈᔭᐅᓂᖓ ᓇᓗᓇᐃᖅᓯᓇᓱᐊᓚᐅᖅᑐᖅ ᐊᒻᒪᓗ ᓇᐃᓈᖅᓯᓪᓗᓂ ᐃᓕᓐᓂᐊᕐᓂᕐᒧᑦ ᐊᒻᒪᓗ ᓯᐊᕐᓇᓂ ᐅᖃᓕᒫᓂᕐᒥᑦ ᑕᒪᒃᑯᓄᖓ:

1. ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᖅᑕᐅᓂᖏᑦ ᐃᓄᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ ᐊᑕᖏᐅᒪᔪᖅ; ᐊᒻᒪᓗ
2. ᐊᑑᑎᖃᖅᑐᑦ ᓱᕐᕋᕐᓇᖅᑐᓂᒃ ᐊᑐᖃᑦᑕᕐᓂᕐᒧᑦ ᓄᖅᑲᖅᑎᑦᓯᓂᕐᒥᑦ ᓇᓗᓇᐃᖅᓯᒪᔪᑦ ᐊᒻᒪᓗ ᖃᐅᔨᓴᖅᑕᐅᔪᑦ ᑖᒃᑯᓄᖓ/ᑐᕌᖓᓪᓗᓂ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ (ᐃᓚᒋᓗᓂᒋᑦ ᐃᓕᖅᑯᓯᕐᒧᑦ ᐊᒻᒪᓗ ᓄᓇᒥ ᑐᙵᕕᓕᓐᓂᒃ ᓱᒋᐊᕐᓂᕐᒥᑦ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᒻᒪᓗ ᖁᐊᖅᓵᕐᓇᖅᑐᒃᑰᓂᑯᓂᑦ ᓱᒋᐊᕐᓂᕐᒥᑦ, ᐊᒻᒪᓗ ᓴᙱᓂᖃᕐᓂᒃᑯᑦ ᑐᙵᕕᖃᕐᓂᕐᒥᑦ ᐊᑕᖏᐅᒪᔪᒃᑯᑦ ᓱᒋᐊᕐᓂᕐᒥᑦ).

ᐱᑕᖃᓗᐊᙱᓐᓂᖓ ᓱᓕᓂᕋᐃᕈᑎᓂᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᖃᑦᑕᕐᓂᕐᒥᑦ ᐊᒻᒪᓗ ᓄᖅᑲᑎᑦᓯᒐᓱᐊᕐᓂᕐᒥᑦ ᐃᓄᓐᓂᒃ, ᖃᐅᔨᓴᖅᑕᐅᓂᑰᔪᓂᑦ ᐊᑐᕐᓗᑎᒃ ᕿᒥᕐᕈᓂᕐᒥᑦ ᐊᖏᓪᓕᒋᐊᖅᑕᐅᓚᐅᖅᑐᖅ ᐃᓚᓕᐅᔾᔨᓂᕐᒥᑦ ᑐᓴᐅᒪᔾᔪᑎᑦᓴᓂᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐱᑕᖃᕐᓂᖓᓂ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ ᐊᒻᒪᓗ ᐅᑭᐅᖅᑕᖅᑐᒥᑦ ᐊᒻᒪᓗ ᓱᕐᕋᕐᓇᖅᑐᓂᑦ ᐊᑐᕈᓐᓃᕐᓂᕐᒧᑦ ᒪᒥᓴᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᖃᐅᔨᒪᓕᖅᑎᑦᓯᓂᐅᔪᖅ ᑕᕝᕙᓂ ᐅᓂᒃᑳᓕᐊᒥᑦ ᑐᙵᕕᖃᖅᑐᖅ ᐊᕐᕌᒍᓕᒫᒥᑦ ᖃᐅᔨᓴᕐᓂᕐᒥᑦ ᐃᓚᖃᓚᐅᖅᑐᖅ ᐊᕙᑎᓕᕆᓂᕐᒥᑦ ᕿᒥᕐᕈᓂᕐᒥᑦ ᐊᒻᒪᓗ ᓄᓇᓕᓐᓄᑦ ᐳᓚᕋᑉᐸᑦᓱᑎᒃ ᐃᓄᐃᑦ ᓄᓇᖓᓂ. ᑲᒪᒋᔭᖃᓚᐅᖅᑐᒍᑦ ᐃᓄᐃᑦ ᐊᕐᓇᐃᑦ ᐊᑐᐃᓐᓇᖃᕐᕕᐅᓂᖏᓐᓂᒃ ᕿᑐᕐᖏᐅᕈᓐᓇᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ, ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᐊᒻᒪᓗ ᑐᓴᐅᒪᔾᔪᑎᑦᓴᓂᑦ, ᐊᑐᕈᓐᓇᑲᐃᓐᓇᖅᑐᑦ ᓇᔾᔨᓕᔾᔭᐃᒃᑯᑏᑦ ᐊᒻᒪᓗ ᓇᔾᔨᓕᒃᑲᓐᓂᓚᐅᖅᓯᒪᒍᓐᓇᙱᓐᓂᕐᒥᑦ, ᓇᔾᔨᓕᕈᓐᓇᕐᓂᕐᒧᑦ ᐊᑐᕈᓐᓇᖅᑐᑦ, ᓇᔾᔨᓂᖓᓂ ᐊᒻᒪᓗ ᐃᕐᓂᓯᒪᓕᕈᓂ ᐸᖅᑭᔭᐅᓂᕐᒥᑦ ᐊᒻᒪᓗ ᐃᕐᓂᓱᑦᓰᓂᕐᒥᑦ. ᑖᓐᓇ ᐅᓂᒃᑳᓕᐊᖅ ᑐᙵᕕᖃᖅᑐᖅ ᐅᑉᐱᕆᔭᐅᔪᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᑦ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᐊᕐᓇᐃᑦ ᓇᓕᒧᑦᑐᒥᑦ ᐊᑐᐃᓐᓇᖃᕐᕕᐅᓗᑎᒃ ᐊᒻᒪᓗ ᐸᖅᑭᔭᐅᓗᑎᒃ.

ᖃᐅᔨᓴᕐᓂᖅ ᑲᒪᒋᔭᐅᓚᐅᖅᑐᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐃᑲᔪᖅᓱᖅᑕᐅᓪᓗᑎ ᑕᐃᔮᓐ ᑭᓇᓐ (ᑭᓇᓐ ᖃᐅᔨᒃᑲᐃᔩᑦ). ᖁᔭᓕᓯᒪᓪᓚᕆᑦᑐᒍᑦ ᐊᒥᓱᓄᑦ ᐃᓄᓐᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᑲᔪᕐᓂᖃᓚᐅᖅᑐᓂᑦ ᐃᓱᒪᒋᔭᒥᓂ, ᖃᐅᔨᒪᔭᒥᓂ, ᐊᒻᒪᓗ ᖃᐅᔨᒪᑦᓯᐊᕐᓂᖏᓐᓂᒃ ᑖᑦᓱᒧᖓ ᐅᓂᒃᑳᓕᐊᒧᑦ. ᑕᒪᓐᓇ ᐱᒻᒪᕆᐅᔪᖅ ᐱᓕᕆᐊᖑᓂᖓ ᑲᔪᓯᑎᑕᐅᑲᓇᙱᑦᑐᖅ ᐃᑲᔪᓚᐅᙱᑉᐸᑕ ᐊᒻᒪᓗ ᐅᖃᓪᓚᑦᓯᐊᕈᓐᓇᓚᐅᕐᒪᑕ ᓇᒻᒥᓂᕐᒨᖓᕐᔪᐊᖅᑐᓂᑦ ᐃᓛᓐᓂᒃᑯᓪᓗ ᖁᐊᖅᓵᕐᓇᖅᑐᓂᑦ ᑐᓴᐅᒪᔾᔪᑎᑦᓴᓂᑦ.

ᓯᕗᓪᓕᕐᒥᑦ ᐱᓗᐊᙳᐊᖅᑐᒥᓪᓗ, ᖁᔭᓕᓪᓚᕆᑦᑕᕗᑦ ᐊᕐᓇᐃᑦ ᕐᑲᖏᖅᖠᓂᕐᒥ, ᐊᕐᕕᐊᓂ, ᑰᔾᔪᐊᕐᒥ, ᐃᓅᕕᒻᒥ, ᐃᖃᓗᓐᓂ ᐊᒻᒪᓗ ᓄᓇᐃᓂᒥ ᐱᖃᑕᐅᓚᐅᖅᑐᓂᑦ ᐊᐱᖅᓱᖅᑕᐅᓂᕐᒧᑦ ᐊᒻᒪᓗ ᓄᓇᓕᒻᒥ ᐅᖃᖃᑎᒌᓂᕐᒧᑦ. ᑐᓴᐅᒪᔾᔪᑎᑦᓴᑦ ᐅᖃᐅᓯᕆᔭᖏᑦ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᑐᕌᖓᑎᓪᓗᒍ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᓂᑦ ᑕᐃᒪᐃᒋᐊᓕᒃ ᑎᑭᐅᒪᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᓕᖅᑎᑦᓯᓂᕐᒥᑦ ᖃᐅᔨᒪᒋᐊᕐᓗᑎᒃ ᑕᒪᕐᒥᑦᓯᐊᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐱᔪᓐᓇᑎᖃᕐᒪᑕ ᐃᓱᒪᖅᓱᕐᓂᕐᒥᑦ ᐊᑭᕋᖅᑐᖅᑕᐅᖏᓪᓗᑎ, ᐋᓐᓂᖅᓱᖅᑕᐅᖏᓪᓗᑎ, ᑭᑭᑕᐅᖏᓪᓗᑎ ᐊᒻᒪᓗ ᐱᓂᕐᓗᑦᑕᐅᖏᓪᓗᑎ.

ᑕᐃᒪᐃᒻᒥᔪᖅ, ᖁᔭᓕᓪᓚᕆᑦᑐᒍᑦ 22-ᓄᑦ ᓄᓕᐊᕐᓂᒃᑯᑦ ᐊᒻᒪᓗ ᓇᔾᔨᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᑲᔪᓚᐅᖅᑐᓂᑦ ᑐᓴᐅᒪᔾᔪᑎᑦᓴᓂᑦ ᐊᑦᓱᕉᑕᐅᔪᓂᑦ ᐊᒻᒪᓗ ᓄᖅᑲᖓᕈᑕᐅᔪᓂᑦ ᐃᓄᐃᑦ ᐊᕐᓇᓄᑦ ᐊᒻᒪᓗ ᓂᕕᐊᖅᓯᐊᓄᑦ ᑐᕌᖓᑎᓪᓗᒋᑦ ᓄᓕᐊᕐᓂᕐᒧᑦ ᐊᒻᒪᓗ ᕿᑐᕐᖏᐅᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᐅᒋᐊᓕᓐᓂᒃ ᐊᒻᒪᓗ ᐱᔪᓐᓇᐅᑎᖏᓐᓄᑦ.
ᑮᓇᐅᔭᑦ ᑖᑦᓱᒧᖓ ᖃᐅᔨᓴᕐᓂᕐᒧᑦ ᐊᑐᐃᓐᓇᐅᑎᑕᐅᓚᐅᖅᑐᖅ ᑖᒃᑯᓄᖓ ᐊᓪᓚᓄᑦ ᐊᒻᒪ ᐃᓄᐃᑦ ᐋᓐᓂᐊᖅᑐᓕᕆᕕᖏᓐᓄᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑖᓐᓇ ᐃᑲᔫᑎᑦᓴᖅ ᓴᖅᑭᑕᐅᓚᐅᖅᑐᖅ ᐃᓚᒋᔭᐅᓪᓗᓂ ᐃᓅᓯᓐᓂ ᐊᖅᑯᓵᖅᑕᕋ ᑳᓐᓱᒧᑦ ᐱᓕᕆᐊᑦᓴᖅ ᐊᒻᒪᓗ ᐃᑲᔪᖅᓱᖅᑕᐅᑦᓯᐊᖅᑐᓂ ᑖᒃᑯᓄᖓ ᑲᓇᑕᒥ ᑳᓐᓱᒧᑦ ᑲᑐᔾᔨᖃᑎᒌᑦ.

ᐊᓯᖏᑦ ᑳᓐᓱᒧᑦ ᐃᑲᔫᑦᓴᑦ ᓇᓂᔭᐅᔪᓐᓇᖅᑐᑦ ᐃᑭᐊᖅᑭᕕᑦᑎᓐᓂ. ᑕᐃᑲᓂ ᑕᑯᓂᐊᖅᑕᐃᑦ ᐃᓅᓯᓐᓂ ᐊᖅᑯᓵᖅᑕᕋ ᐅᖃᓕᒫᒐᕋᓛᑦ, ᐅᖃᓕᒫᕋᓐᓂᖅᑐᑦ ᑳᓐᓱᒧᑦ ᑐᓴᐅᒪᔾᔪᑎᑦᓴᑦ ᖃᓪᓗᓈᑎᑐᑦ ᐊᒻᒪᓗ ᐊᕕᑦᑐᖅᓯᒪᔪᓂᑦ ᐃᓄᒃᑎᑑᖓᓪᓗᑎᒃ ᐃᓄᓐᓄᑦ ᑳᓐᓱᓕᓐᓄᑦ, ᐸᖅᑭᔨᖏᓐᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓄᑦ. ᑐᓂᓯᓲᑦ ᑐᓴᐅᒪᔾᔪᑎᑦᓴᓂᑦ ᐃᓄᓐᓄᑦ ᓱᖅᑯᐃᖅᑕᐅᓕᓵᖅᑐᓂᑦ ᑳᓐᓱᖃᕆᐊᖏᑦ ᐃᑲᔪᖅᓱᖅᑕᐅᓂᐊᕐᒪᑕ ᑳᓐᓱᖃᕐᓂᖏᓐᓂᒃ, ᐊᒻᒪᓗ ᑎᑎᕋᖅᓯᒪᔪᑦ ᐱᓗᐊᙳᐊᖅᑐᒥᑦ ᐃᓄᓐᓄᑦ ᑐᑭᓯᓇᖅᓯᑎᑕᐅᓪᓗᑎᒃ ᑳᓐᓱᒥᑦ ᐊᒻᒪᓗ ᐃᓱᒪᓕᐅᑦᓯᐊᕈᓐᓇᕐᓂᐊᕐᒪᑕ. ᐃᑲᔪᕐᓂᐊᕐᒥᔪᑦ ᐃᓄᓐᓂᒃ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐅᖃᖃᑎᒌᑦᓯᐊᕐᓂᕐᒧᑦ. ᑐᕌᒐᕆᔭᐅᔪᖅ ᐃᑲᔪᖅᓱᕐᓂᕐᒥᑦ ᐃᓄᓐᓂᒃ ᑳᓐᓱᖃᖅᑐᓂᑦ ᐊᒻᒪᓗ ᐃᓅᓯᖏᑦ ᐱᐅᓂᖅᓴᐅᓕᖅᑯᓪᓗᒋᑦ.

https://pauktuutit.ca/wp-content/uploads/Cancer-Healing-Circle-Guide-FINAL.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2019

ᐃᓄᐃᑦ ᑲᓇᑕᒥ ᖁᑦᓯᓂᖅᓴᓂᑦ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖃᖃᑦᑕᖅᑐᑦ (STBBI). ᐱᑕᖃᓗᐊᙱᒃᑲᓗᐊᖅᑐᓂ ᐃᓄᓐᓄᑦ ᑐᕌᖓᔪᓂᑦ ᑭᓪᓕᓯᓂᐊᖅᑕᐅᓯᒪᔪᓂᑦ ᑐᓴᐅᒪᔾᔪᑎᑦᓴᓂᑦ, ᖃᐅᔨᒪᔪᒍᑦ ᒃᓚᒥᑎᐊ, ᒑᓇᕇᐊ ᐊᒻᒪᓗ ᓯᕕᓕᔅ ᐊᒥᓲᓂᖏᑦ ᐃᓄᐃᑦ ᓄᓇᖏᓐᓂᒃ ᖁᑦᓯᑦᑑᔪᑦ. ᓲᕐᓗ, ᓄᓇᕗᒻᒥ 2013-ᒥᑦ, 85 ᐳᓴᓐ ᐃᓅᔪᑦ, ᒃᓚᒥᑎᐊᖃᖅᑐᑦ 11-ᖏᖅᓱᕐᓗᒍ ᖁᑦᓯᓂᖅᓴᐅᓚᐅᖅᑐᑦ ᑲᓇᑕᓕᒫᒥᑦ, ᐊᒻᒪᓗ ᒑᓇᕇᐊᖃᖅᑐᑦ 27-ᖏᖅᓱᕐᓗᒍ ᖁᑦᓯᓂᖅᓴᐅᓚᐅᖅᑐᑦ. 2014-ᒥᑦ, ᓯᕕᓕᔅ ᖁᑦᓯᓐᓂᖏᑦ ᐊᖓᑖᓃᓚᐅᖅᑐᖅ 15-ᖏᖅᓱᕐᓗᒍ. ᒫᓐᓇᐅᔪᖅ ᓈᓴᐅᑎᖏᑦ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ ᐃᓄᐃᑦ ᓄᓇᓕᖏᓐᓂᒃ ᐊᒥᓲᙱᑦᑐᑦ, ᐅᓗᕆᐊᓇᕐᓂᖓ ᐊᐃᑦᑐᖅᑕᐅᓂᕐᒥᑦ ᖁᑦᓯᓂᖅᓴᐅᔪᖅ ᐱᑕᖃᑎᓪᓗᒍ ᐊᓯᖏᓐᓂᒃ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖑᔪᓂᑦ. ᓄᓇᓕᒻᒥ ᑎᒍᒥᐊᖅᑎᐅᔪᑦ ᓯᕘᕋᔪᑦ ᓱᒃᑲᓕᔪᒥᑦ ᐊᒥᓲᓂᖅᓴᐅᓕᕐᓂᖏᓐᓂᒃ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ ᑭᓯᐊᓂ ᐊᑑᑎᖃᖅᑐᒥᑦ ᓄᖅᑲᖅᑎᑦᓯᓂᕐᒥᑦ ᐊᒻᒪᓗ ᒪᒥᓴᐅᑎᓂᑦ ᐋᖅᑭᑦᓱᐃᓯᒪᓕᖅᑲᑕ.

https://pauktuutit.ca/wp-content/uploads/IKAJURNIQ_Final_Layout.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᐱᓕᕆᐊᑦᓴᖅ ᑐᕌᖓᔪᖅ ᓇᓗᓇᐃᔭᐃᔪᑦ ᐃᓐᓇᕐᓄᑦ ᐊᕐᓇᖕᓂᐊᓕᕆᓂᕐᒧᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪᓗ ᐅᖃᐅᑦᑐᕐᓂᖅ ᐃᓕᓐᓂᐊᖁᓗᒋᑦ ᐊᒻᒪᓗ ᐃᓱᒪᓕᖅᑎᑦᑎᓂᖅ ᒪᑯᒃᑐᓄᑦ ᑖᒃᑯᓄᖓ ᐊᕐᓇᓐᓂᐊᕐᓂᓕᕆᓂᕐᒧᑦ ᐋᓐᓂᐊᕐᓇᖅ ᐊᒻᒪᓗ ᐊᐅᒻᒧᑦ ᐋᓐᓂᐊᕐᓇᐃᑦ ᖃᐅᔨᓴᖅᑕᐅᓂᕐᒧᑦ. ᐊᑯᓂᐅᔪᒃᑯᑦ ᓂᕆᐅᒋᔭᐅᔪᒪᔫᒐᓗᐊᖅ ᒪᒃᑯᑦᑐᑦ (ᐊᒻᒪᓗ ᐃᓐᓇᐃᑦ) ᑐᑭᓯᐅᒪᓂᐊᖅᑐᑦ ᓄᓕᐊᕐᓂᓕᕆᓂᖅ ᑭᓲᒻᒪᖔᖅ ᐊᒻᒪᓗ, ᑕᐃᒪᐃᓕᖓᑎᓪᓗᒍ, ᓄᓕᐊᕐᓂᖃᑦᑕᕐᓂᐊᖅᑐᑦ ᐊᑦᑕᕐᓇᙱᑦᑐᒃᑯᑦ ᐊᒻᒪᓗ ᐱᓕᕆᒋᐊᕙᓪᓗᑎᒃ ᓄᓕᐊᕐᓂᒃᑯᑦ ᐊᐃᑦᑐᖅᑕᐅᓲᓂᑦ ᐊᒻᒪᓗ ᐊᐅᒻᒥᙶᖅᑐᓂᑦ ᐋᓐᓂᐊᖃᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᑎᖃᑦᑕᕐᓗᑎᒃ. ᒪᒃᑯᑦᑐᑦ ᑐᕌᒐᕆᔭᐅᔪᑦ ᐱᓕᕆᐊᑦᓴᒃᑯᑦ, ᐃᓕᓴᕆᔭᐅᕗᖅ ᐃᓐᓇᐃᑦ ᓄᓇᓕᓐᓂ ᐃᑲᔪᖅᓱᕆᐊᓖᑦ ᓄᓕᐊᕐᓂᒃᑯᑦ ᖃᓄᐃᖏᓯᐊᕐᓂᒃᑯᑦ ᐃᓕᖅᑯᓯᕐᒥᑦ ᐊᒻᒪᓗ ᐅᖃᖃᑎᒌᒍᓐᓇᕐᓗᑎ ᐊᕙᑎᖃᖅᑎᑦᓯᓂᕐᒥᑦ ᒪᒃᑯᑦᑐᑦ ᖃᐅᔨᓂᐊᕐᒪᑕ ᓄᓕᐊᕐᓂᒃᑯᑦ ᖃᓄᐃᖏᓯᐊᕐᓂᖅ ᓈᒻᒪᒋᔭᐅᓗᓂ.

https://pauktuutit.ca/wp-content/uploads/7046_PIW_STBBI_Guide_Web.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2018

ᑖᓐᓇ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᕐᓇᐅᑎ ᑐᕌᖓᔪᖅ ᑕᐃᒃᑯᓄᖓ ᐊᓯᐅᔨᓯᒪᔭᑦᑎᓐᓄᑦ ᑎᒥᐅᑉ ᐊᓐᓇᐅᒪᔾᔪᑎᖏᓐᓄᑦ/ᐊᓯᐱᒧᑦ ᐊᒻᒪᓗ ᐊᒥᓱᓄᑦ ᐃᓄᓐᓄᑦ ᐊᒻᒪᓗ ᑲᑐᔾᔨᖃᑎᒌᓄᑦ ᐃᑲᔪᖅᑐᓄᑦ ᐊᒥᓲᙱᓐᓂᖅᓴᐅᓕᖅᑎᑦᑎᓂᕐᒥᑦ STBBI-ᓂᒃ ᐃᓄᓐᓂᒃ.

ᐸᐅᒃᑑᑎᑦ ᖁᔭᓖᓐᓇᖅᑐᖅ ᐊᒥᓱᓄᑦ ᑲᑐᔾᔨᖃᑎᒋᔭᑦᑎᓐᓂᒃ, ᐃᖅᑲᓇᐃᔭᖃᑎᑉᐳᑦ ᐊᒻᒪᓗ ᐱᖃᓐᓇᕆᔭᕗᑦ ᐃᑲᔪᕐᓂᖃᕐᔪᐊᖅᑐᓂᑦ ᓴᖅᑮᓂᕐᒥᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᓯᕗᓂᑦᓴᒥᑦ ᑕᒪᐃᓐᓄᑦ.

ᑖᓐᓇ ᐱᓕᕆᐊᑦᓴᖅ ᑲᔪᓯᒍᓐᓇᓚᐅᖅᑐᖅ ᐃᑲᔪᖅᑕᐅᓂᒃᑯᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᑦᑐᐃᔨ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2017

ᐆᒪᓂᕋ ᐅᖃᓕᒫᕋᓐᓂᖅᑐᑦ ᑳᓐᓱᒧᑦ ᑐᓴᐅᒪᔾᔪᑎᑦᓴᑦ ᖃᓪᓗᓈᑎᑐᑦ ᐊᒻᒪᓗ ᐊᕕᑦᑐᖅᓯᒪᔪᓂᑦ ᐃᓄᒃᑎᑑᖓᓪᓗᑎᒃ ᐃᓄᓐᓄᑦ ᑳᓐᓱᓕᓐᓄᑦ, ᐸᖅᑭᔨᖏᓐᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓄᑦ. ᑐᓂᓯᓲᑦ ᑐᓴᐅᒪᔾᔪᑎᑦᓴᓂᑦ ᐃᓄᓐᓄᑦ ᓱᖅᑯᐃᖅᑕᐅᓕᓵᖅᑐᓂᑦ ᑳᓐᓱᒧᑦ ᐃᑲᔪᖅᓱᖅᑕᐅᓂᐊᕐᖓᑕ ᑳᓐᓱᖃᕐᓂᖏᓐᓄᑦ ᐊᖅᑯᑎᑦᓴᖓᓄᑦ. ᑎᑎᕋᖅᓯᒪᔪᑦ ᐱᓗᐊᙳᐊᖅᑐᒥᑦ ᐃᓄᓐᓄᑦ ᑐᑭᓯᓇᖅᓯᑎᑕᐅᓪᓗᑎᒃ ᑳᓐᓱᒥᑦ ᐊᒻᒪᓗ ᐃᓱᒪᓕᐅᑦᓯᐊᕈᓐᓇᕐᓂᐊᕐᒪᑕ. ᐃᑲᔪᕐᓂᐊᕐᒥᔪᖅ ᐃᓄᓐᓂᒃ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐅᖃᖃᑎᒌᑦᓯᐊᕐᓂᕐᒧᑦ. ᑐᕌᒐᕆᔭᐅᔪᖅ ᐃᑲᔪᖅᓱᕐᓂᕐᒥᑦ ᐃᓄᓐᓂᒃ ᑳᓐᓱᖃᖅᑐᓂᑦ ᐊᒻᒪᓗ ᐃᓅᓯᖏᑦ ᐱᐅᓂᖅᓴᐅᓕᖅᑯᓪᓗᒋᑦ.

https://pauktuutit.ca/wp-content/uploads/MyJourney_Book1_E_OCT2018_FINAL_Revised.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2017