ᐅᖃᓕᒫᒐᓕᐊᕆᔭᐅᓯᒪᔪᑦ

ᓂᐅᕕᕐᓂᕐᒧᑦ ᐱᓕᕆᔾᔪᓯᐊ ᐊᒻᒪᓗ ᐃᓕᓐᓂᐊᖅᑎᑦᓯᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᐱᓕᕆᐊᑦᓴᖅ

ᑖᓐᓇ ᐊᑕᖐᑦᑎᐊᖅᑐᖅ ᐅᓂᒃᑳᓕᐊᖅ, ᐋᖅᑭᑦᓱᖅᑕᐅᔪᖅ ᐱᓕᕆᖃᑎᖃᑦᓯᐊᕐᓂᒃᑯᑦ ᐃᓄᓐᓂᒃ ᓇᒻᒥᓂᖃᖅᑎᐅᔪᓂᑦ, ᐃᑲᔪᖅᓱᖅᑐᓂᑦ ᑲᑐᔾᔨᖃᑎᒌᓂᑦ, ᐊᒻᒪᓗ ᑳᓐᑐᓛᒃᑕᐅᓯᒪᔪᑦ ᑐᑦᑕᕐᕖᑦ, ᑐᕌᖓᔪᖅ ᐃᑲᔪᖅᓱᕐᓂᖅᓴᐅᓂᕐᒥᑦ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓗᑎᒃ ᐃᓄᐃᑦ ᓇᒻᒥᓂᖃᖅᑎᐅᔪᓂᑦ. ᐊᑐᐃᓐᓇᐅᑎᑦᓯᔪᖅ ᐱᒻᒪᕆᐅᔪᓂᑦ ᐅᖃᐅᓯᑦᓴᓂᑦ ᐊᑦᓱᕉᑕᐅᔪᓂᑦ ᐊᒻᒪᓗ ᐱᕕᑦᓴᖃᕐᓂᐅᔪᓂᑦ ᐊᑐᖅᑕᐅᔪᓂᑦ ᐃᓄᓐᓄᑦ ᐊᕐᓇᓄᑦ ᐊᑐᐃᓐᓇᖃᕐᕕᐅᓂᕐᒥᑦ ᑳᓐᑐᓛᒃᑖᕐᓂᕐᒧᑦ ᐊᒻᒪᓗ ᐱᓕᕆᓇᓱᐊᕐᓂᕐᒥᑦ ᓂᐅᕕᕐᓂᕐᒧᑦ ᐱᓕᕆᔾᔪᓯᐅᔪᓂᑦ, ᑐᑭᓯᐅᒪᑎᑦᓯᕗᖅ ᐱᒋᐊᖃᖅᑕᖏᓐᓂᒃ ᐊᒻᒪᓗ ᐱᒍᒪᔭᖏᓐᓂᒃ ᐱᕙᓪᓕᐊᑎᑦᓯᓂᒃᑯᑦ ᐃᓄᓐᓄᑦ ᑐᕌᖓᔪᒥᑦ ᐱᓕᕆᔾᔪᓯᕐᒥᑦ ᐋᖅᑭᑦᓱᖅᓯᒪᔪᒥᑦ.

ᐊᕐᕌᒍᒥᑦ ᓴᖅᑭᑕᐅᔪᖅ ᔪᓚᐃ 2024

ᖃᕆᓴᐅᔭᕐᓄᑦ ᐃᓕᓗᒍ

ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᖃᐅᔨᓴᕐᓂᕐᒥᑦ ᐃᓄᐃᑦ ᐊᕐᓇᖏᓐᓄᑦ-ᓇᒻᒥᓂᖁᑎᒋᔭᐅᔪᑦ ᓇᒻᒥᓂᖁᑎᑦ ᑭᖑᓪᓕᖅᐹᒥ ᐅᓂᒃᑳᑦ 2021

ARKTIS ᐱᐅᓯᑎᑉᐹ ᐊᑐᖅᑕᐅᓚᐅᖅᑐᖅ ᐅᖃᖃᑎᖃᑦᓯᐊᕐᓂᕐᒥᑦ ᐱᓕᕆᓂᐅᔪᒥᑦ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᖅᑎᐅᔪᓂᒃ ᐊᒻᒪᓗ ᑐᕌᖓᓂᖃᖅᑐᓂᒃ ᑎᒍᒥᐊᖅᑎᐅᔪᓂᑦ, ᓲᕐᓗ ᐊᕕᑦᑐᖅᓯᔪᓂᑦ ᐱᕙᓪᓕᐊᑎᑦᓯᓂᕐᒧᑦ ᑲᑐᔾᔨᖃᑎᒌᓂᑦ ᐊᒻᒪᓗ ᐊᓯᖏᑦ ᒐᕙᒪᑐᖃᒃᑯᑦ, ᓂᒋᐊᓂ ᐊᕕᑦᑐᖅᓯᒪᔪᑦ ᐊᒻᒪᓗ ᐊᕕᑦᑐᖅᓯᒪᔪᓂᑦ ᒐᕙᒪᓂᑦ ᐊᒻᒪᓗ ᒐᕙᒪᐅᙱᑦᑐᓂᑦ ᐱᔨᑦᓯᕋᖅᑎᓂᑦ, ᐊᒻᒪᓗ ᐱᓕᕆᓂᕐᒧᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᖃᐅᔨᓴᕐᓂᕐᒥᑦ (GBA+) ᖃᐅᔨᔭᐅᔪᓂᑦ ᓴᖅᑭᑦᑐᓂᑦ ᑕᒪᒃᑯᓂᖓ ᐊᐱᖅᓱᕐᓂᐅᔪᓂᑦ.

ᖃᐅᔨᔭᐅᔪᑦ ᑖᑦᓱᒧᖓ ᖃᐅᔨᓴᕐᓂᕐᒧᑦ ᑐᙵᕕᖃᖅᑐᑦ ᐱᐅᓂᖓᓂ ᐊᒻᒪᓗ ᐊᒥᓲᓂᖓᓂ ᐊᐱᖅᓱᕐᓂᕐᒧᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ ᐊᐱᖅᓱᕐᓂᐅᔪᓂᑦ 30-ᓂᒃ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᖅᑎᐅᔪᓂᑦ (IWBO) ᐊᒻᒪᓗ 15-ᓂᒃ ᐱᕙᓪᓕᐊᔪᓕᕆᔨᓂᑦ (EDO) ᐊᓯᖏᓪᓗ ᐱᔨᑦᓯᕋᖅᑏᑦ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᓂᑦ ᓄᓇᓕᐸᐅᔭᕐᓂᑦ ᒫᔾᔨ ᐊᒻᒪᓗ ᐊᐃᕆᓕ 2021-ᒥᑦ.

https://pauktuutit.ca/wp-content/uploads/GBA_IWOB_Report_AUG-2021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᐋᑐᕚ ᐃᓄᐃᑦ ᐊᕐᓇᐃᑦ ᐃᒡᓗᖃᒃᑎᑦᑎᓂᕐᒧᑦ ᐊᒻᒪᓗ ᓇᔪᒐᐃᑦ ᐱᔭᐅᒋᐊᖃᓐᓂᖏᓐᓄᑦ ᖃᐅᔨᓇᓱᐊᖅᑕᐅᒋᐊᓕᑦ

ᑖᓐᓇ ᖃᐅᔨᓴᕐᓂᖅ ᑮᓇᐅᔭᖃᖅᑎᑕᐅᓚᐅᖅᑐᖅ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐᑯᓐᓄᑦ (CMHC), ᑭᓯᐊᓂ, ᐃᓱᒪᒋᔭᐅᔪᑦ ᓴᖅᑭᑕᐅᔪᑦ ᓇᒻᒥᓂᖅ ᐃᓱᒪᒋᔭᐅᔪᑦ ᑎᑎᕋᖅᑎᒧᑦ(ᓄᑦ) ᐊᒻᒪᓗ ᑲᓇᑕᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᑲᒪᒋᔭᖃᙱᑦᑐᖅ ᑕᒪᒃᑯᓂᖓ.

https://pauktuutit.ca/wp-content/uploads/Pauktuutit_Housing_English_03.pdf

https://pauktuutit.ca/wp-content/uploads/Pauktuutit_Housing_Inuktitut.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2021

ᖃᕆᓴᐅᔭᕐᓄᑦ ᐃᓕᓗᒍ

ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᖃᐅᔨᓴᕐᓂᕐᒥᑦ ᐃᓄᐃᑦ ᐊᕐᓇᖏᓐᓄᑦ-ᓇᒻᒥᓂᖁᑎᒋᔭᐅᔪᑦ ᓇᒻᒥᓂᖁᑎᑦ

ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ (ᐸᐅᒃᑑᑎᑦ) ᐊᐱᖅᓱᓚᐅᖅᑐᑦ 30-ᓂᒃ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᖅᑎᐅᔪᓂᑦ (IWBO) ᐊᒻᒪᓗ 15-ᓂᒃ ᐱᕙᓪᓕᐊᔪᓕᕆᔨᓂᑦ (EDO) ᐊᓯᖏᓪᓗ ᐱᔨᑦᓯᕋᖅᑏᑦ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᓂᑦ ᓄᓇᓕᐸᐅᔭᕐᓂᑦ ᒫᔾᔨ ᐊᒻᒪᓗ ᐊᐃᕆᓕ 2021-ᒥᑦ.

ᐱᔾᔪᑎᒋᔭᖓ ᑖᑦᓱᒧᖓ ᐅᖃᖃᑎᖃᕐᓂᕐᒥᑦ ᑐᑭᓯᐅᒪᓂᖅᓴᐅᒍᒪᓪᓗᑎᒃ ᐱᔭᐅᔭᕆᐊᓕᓐᓂᒃ, ᓯᕗᓪᓕᐅᔾᔭᐅᔭᕆᐊᓕᓐᓂᒃ, ᐊᑦᓱᕉᑕᐅᔪᓂᑦ, ᐊᒻᒪᓗ ᐊᒥᒐᕆᔭᐅᔪᓂᑦ ᐃᓄᓐᓂᒃ ᐊᕐᓇᓂᑦ ᐱᕙᓪᓕᐊᑎᑦᓯᓂᕐᒧᑦ ᐸᐅᒃᑑᑎᒃᑯᑦ ᐃᑲᔪᖅᓱᑦᓯᐊᕐᓂᖅᓴᐅᓂᐊᕐᒪᑕ ᐃᓄᓐᓂᒃ ᐊᕐᓇᓂᑦ ᐊᒻᒪᓗ ᓂᓪᓕᐊᓗᑎᒃ ᑭᒡᒐᖅᑐᐃᓗᑎᒃ.

ᐊᐱᖅᓱᕐᓂᐅᔪᑦ ᓴᖅᑮᓚᐅᖅᑐᑦ ᓇᒻᒥᓂᖃᕐᓂᕐᒧᑦ ᑭᓇᐅᓂᖏᓐᓂᒃ ᐊᒻᒪᓗ ᖃᐅᔨᓇᓱᓚᐅᖅᑐᑦ ᐊᔾᔨᒋᙱᑦᑐᓂᑦ ᐃᓚᒋᓗᓂᐅᒃ ᖃᓄᖅ ᑲᔪᓯᓂᖃᑦᓯᐊᕐᓂᖅ ᑐᑭᖃᖅᑎᑕᐅᒻᒪᖔᖅ, ᖃᓄᖅ ᐱᓕᕆᔾᔪᓯᑦᑎᐊᕙᐅᓛᑦ ᐊᑐᖅᑕᐅᖃᓯᐅᑎᒻᒪᖔᑦ ᓇᒻᒥᓂᖃᕐᓂᕐᒧᑦ ᐃᓱᒪᓕᐅᕆᓂᕐᒥᑦ, ᑐᕌᖓᓂᖓ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᒻᒪᓗ ᐃᓕᖅᑯᓯᕐᒥᑦ ᓇᒻᒥᓂᕆᔭᐅᔪᒥᑦ, ᐊᑦᓱᕉᑕᐅᔪᑦ ᐊᒻᒪᓗ ᐱᕕᑦᓴᖃᕐᓂᐅᔪᑦ, ᐊᒻᒪᓗ ᐊᑐᐃᓐᓇᖃᕐᕕᐅᓂᕐᒥᑦ ᐃᑲᔪᖅᑕᐅᓂᕐᒥᑦ ᐊᒻᒪᓗ ᐃᑲᔫᑎᑦᓴᓂᑦ.

https://pauktuutit.ca/wp-content/uploads/GBA_IWOB_Backgrounder_NOV-2021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᖃᕆᓴᐅᔭᕐᓄᑦ ᐃᓕᓗᒍ

ᑲᒪᓂᕐᒥᑦ ᐃᓄᐃᑦ ᐊᕐᓇᐃᑦ ᑮᓇᐅᔾᔭᓴᕆᐊᖃᕐᓂᖏᓐᓂᒃ ᐊᒻᒪᓗ ᒪᑭᒪᑦᓯᐊᕐᓗᑎᒃ ᐱᔾᔪᑎᑦᓴᓂᑦ ᐲᔭᐃᑎᓪᓗᒋᑦ ᓴᓇᔪᓕᕆᓂᕐᒧᑦ

ᐃᓄᐃᑦ ᐊᕐᓇᐃᑦ ᐃᖅᑲᓇᐃᔭᖅᓯᒪᔪᑦ ᓄᓇᒥᑦ ᐲᔭᐃᕝᕕᐅᓲᓂᑦ ᐊᕐᕌᒍᒐᓵᓗᓐᓄᑦ, ᐊᒥᓱᓛᖑᒐᔪᓲᑦ ᐊᕐᓇᓂᑦ ᐃᖅᑲᓇᐃᔭᖅᑐᓂᑦ ᐅᔭᕋᓐᓂᐊᕐᕕᓐᓂᑦ ᐅᑭᐅᖅᑕᖅᑐᒥ (ᐸᐅᒃᑑᑎᑦ ᐊᒻᒪᓗ UBC 2016). ᑕᐃᒪᑦᑐᑐᖃᐅᕗᖅ, ᑖᒃᑯᐊ ᐃᖅᑲᓇᐃᔭᕐᕕᑦ ᐊᖑᑎᓅᖓᓂᖅᓴᐅᓯᒪᒻᒪᑕ, ᓴᖅᑭᕝᕕᐅᓕᕈᓐᓇᖅᑐᑦ ᐃᓄᐃᑦ ᐊᕐᓇᐃᑦ ᓇᓕᒧᖏᑦᑐᓂᑦ ᐱᕕᑦᓴᖃᖅᑎᑕᐅᓂᕐᒥᑦ ᑮᓇᐅᔾᔭᑦᓴᕐᓂᕐᒥᑦ ᐊᒻᒪᓗ ᒪᑭᒪᑦᓯᐊᕐᓂᕐᒥᑦ, ᐊᑐᖅᑕᐅᔪᓪᓗ ᓄᓕᐊᕐᓂᒃᑯᑦ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᐸᕝᕕᓴᖅᑕᐅᓂᕐᒥᖅ ᐃᖅᑲᓇᐃᔭᕐᕕᒻᒥᑦ.

ᑐᕌᒐᕆᔭᐅᔪᖅ ᑖᑦᓱᒧᖓ ᐅᓂᒃᑳᓕᐊᒧᑦ ᐱᖓᓲᓕᖅᑲᖓᕗᖅ, ᖃᐅᔨᓴᖅᑐᖅ:

ᐃᓄᐃᑦ ᐊᕐᓇᐃᑦ ᑮᓇᐅᔾᔭᑦᓴᕋᓱᐊᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓂᕐᒥᑦ;
ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᑦ ᓄᓕᐊᕐᓂᒃᑯᑦ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᐸᕝᕕᓴᖅᑕᐅᓂᕐᒥᑦ ᓄᓇᒥᙶᖅᑐᓂᑦ ᐲᔭᐃᔨᐅᔪᓂᑦ ᓴᓇᕕᓐᓂ; ᐊᒻᒪᓗ
ᐃᓄᐃᑦ ᐊᕐᓇᐃᑦ ᖃᐅᔨᒪᓂᖏᑦ ᑐᕌᖓᔪᓂᑦ ᐊᑐᐊᒐᕐᓂᒃ ᐊᒻᒪᓗ ᐱᓕᕆᔾᔪᓯᕐᓂᑦ ᐃᖅᑲᓇᐃᔭᕐᕕᒻᒥ.

ᐊᑦᑐᐃᓂᐅᔪᑦ ᐱᑕᖃᖅᐸᒌᖅᑐᓂᑦ ᖃᐅᔨᓴᕐᓂᐅᔪᓂᑦ ᐸᐅᒃᑑᑎᒃᑯᑦ ᐱᔭᕇᓚᐅᖅᑕᖓᓂ 2014, 2016 ᐊᒻᒪᓗ 2020, ᖃᐅᔨᓴᓚᐅᖅᑐᑦ ᐊᑦᑐᐃᓂᐅᔪᓂᑦ ᓄᓇᒥᙶᖅᑐᓂᑦ ᐲᔭᐃᓂᕐᒥᑦ ᐃᓄᓐᓂᒃ ᐊᕐᓇᓂᑦ ᐊᒻᒪᓗ ᐃᓚᒋᔭᖏᓐᓂᒃ. ᖃᐅᔨᓴᕐᓂᐅᔪᖅ ᑐᕌᖓᓚᐅᖅᑐᖅ ᓴᖅᑮᓂᕐᒥᑦ ᐱᓪᓚᑦᑖᖑᓂᖓᓂ ᓄᓕᐊᕐᓂᒃᑯᑦ ᐋᓐᓂᖅᓯᕆᓂᕐᒥᑦ ᐊᒻᒪᓗ ᐸᕝᕕᓵᕆᓂᕐᒥᑦ ᐃᓄᓐᓂᒃ ᐊᕐᓇᓂᑦ ᐅᑭᐅᖅᑕᖅᑐᒥ, ᓇᓗᓇᐃᖅᓯᓂᕐᒥᓪᓗ ᐊᒥᒐᕆᔭᐅᔪᓂᑦ, ᐱᕕᑦᓴᖃᕐᓂᐅᔪᓂᑦ ᐊᒻᒪᓗ ᐊᑐᓕᖁᔭᐅᔪᓂᑦ ᐱᔾᔪᑎᒋᓪᓗᒍ ᐃᓄᐃᑦ ᐊᕐᓇᐃᑦ ᑮᓇᐅᔾᔭᑦᓴᕋᓱᐊᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓂᕐᒧᑦ ᐃᓄᐃᑦ ᓄᓇᖓᓂ.

ᖃᐅᔨᔭᐅᔪᑦ ᑖᑦᓱᒧᖓ ᖃᐅᔨᓴᕐᓂᕐᒧᑦ ᑐᙵᕕᖃᖅᑐᑦ ᐱᐅᓂᖓᓂ ᐊᒻᒪᓗ ᐊᒥᓲᓂᖓᓂ ᐊᐱᖅᓱᕐᓂᕐᒧᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐱᔭᕇᖅᑕᐅᓚᐅᖅᑐᑦ 29-ᓄᑦ ᐊᕐᓇᓄᑦ ᐊᕐᕕᐊᓂ (ᓄᓇᕗᑦ), ᓴᓪᓗᐃᑦ (ᓄᓇᕕᒃ), ᐃᓅᕕᒃ (ᐃᓄᕕᐊᓗᐃᑦ) ᐊᒻᒪᓗ ᖃᒪᓂ’ᑐᐊᖅ (ᑭᕙᓪᓕᖅ).

https://pauktuutit.ca/wp-content/uploads/Addressing-Inuit-Womens-Economic-Security-Prosperity_Mar302021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᖃᕆᓴᐅᔭᕐᓄᑦ ᐃᓕᓗᒍ

ᑐᑭᓯᐊᔭᐅᔪᑦ ᐱᒋᐊᖃᕐᓂᖏᑦ ᓄᓇᓕᔾᔪᐊᒥᐅᑕᐃᑦ ᐃᓄᐃᑦ ᐊᕐᓇᖏᓐᓂᒃ – ᐱᔭᕇᕈᑎ ᐅᓂᒃᑳᓕᐊᖑᓯᒪᔪᖅ

ᑖᓐᓇ ᐅᓂᒃᑳᓕᐊᖅ ᖃᐅᔨᓴᖅᑐᖅ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᑕᓪᓕᒪᓂᑦ ᓄᓇᓕᐊᐅᔭᕐᓂᒃ ᑲᓇᑕᒥ: ᐃᐊᑦᒪᓐᑕᓐ, ᐅᐃᓂᐸᐃᒡ, ᑐᕌᓐᑐ, ᐋᑐᕚ ᐊᒻᒪᓗ ᒪᓐᑐᕆᐋ. ᐊᕐᓇᐃᑦ ᐅᓂᒃᑳᖏᑦ ᓴᖅᑮᕗᑦ ᑕᐃᒪᐃᓕᖓᒐᔪᙱᑦᑐᖅ ᑐᑭᓕᐊᖅᑐᒥᑦ ᐊᒻᒪᓗ ᑐᑭᓯᓇᑦᓯᐊᖅᑐᓂᑦ ᖃᓄᐃᓕᐅᕈᑕᐅᔪᒥᓂᕐᓂᒃ. ᑕᐃᒫᖔᖅ, ᑲᑎᙵᔪᑦ ᖃᓄᐃᓕᐅᕈᑕᐅᔪᑦ ᐊᔭᐅᖅᑐᐃᔪᓂᑦ ᓄᓇᓕᖏᓐᓂᒃ ᐊᒻᒪᓗ ᓄᓇᓕᐸᐅᔭᓅᓕᖔᓲᑦ. ᐊᕐᓇᐃᑦ ᐃᓚᖏᑦ ᕿᓂᖃᑦᑕᖅᑐᑦ ᐱᕕᑦᓴᑦᓯᐊᕙᕐᓂᒃ ᓄᓇᓕᐸᐅᔭᕐᓂᒃ, ᐊᑭᖓ ᐃᓪᓗᖃᕐᓂᕐᒧᑦ ᐊᒻᒪᓗ ᐱᐅᑦᓯᐊᙱᑦᑐᒥᑦ ᐱᔨᑦᓯᕈᑎᓂᑦ ᐅᑭᐅᖅᑕᖅᑐᒥ ᓅᓕᕈᑕᐅᖃᑦᑕᕐᒥᔪᑦ. ᐊᒥᓱᑦ ᐊᐱᖅᓱᕐᓃᑦ ᓴᖅᑭᓚᐅᖅᑐᑦ ᓄᓇᓕᐸᐅᔭᕐᒥᐅᑕᐅᓗᓂ ᓲᕐᓗ “ᐊᓄᓪᓚᒍᑕᐅᔪᖅ” ᓇᒻᒥᓂᖅ ᓂᕈᐊᖅᑕᐅᑐᐃᓐᓇᖏᑦᑐᖅ.

ᐊᒥᓱᑦ ᐃᑲᔪᕐᓂᖃᖅᑐᑦ ᐱᐅᔪᒥᑦ ᐊᑐᖅᑕᐅᔪᓂᑦ ᐃᓄᓐᓂᒃ ᐊᕐᓇᓂᑦ ᓄᓇᓕᐸᐅᔭᕐᓂᒃ; ᐱᓗᐊᖅᑐᒥᑦ, ᐃᓅᖃᑎᒌᓂᕐᒥᑦ ᐃᑲᔪᖅᑕᐅᓂᕐᒥᑦ, ᐃᓚᒌᑦ ᐊᒻᒪᓗ ᐱᖃᓐᓇᕆᔭᐅᔪᑦ, ᐃᓪᓗᖃᑦᓯᐊᕐᓂᖅ ᓈᒻᒪᑦᑐᒥᓪᓗ, ᐱᖃᑕᐅᓂᕐᒥᑦ ᐃᓕᖅᑯᓯᕐᒨᖓᔪᓂᑦ, ᐋᓐᓂᐊᖃᙱᓐᓂᖅ ᐊᒻᒪᓗ ᖃᓄᐃᙱᑦᓯᐊᕐᓂᖅ, ᐊᒻᒪᓗ ᑮᓇᐅᔾᔭᓴᕈᓐᓇᕐᓂᕐᒥᑦ. ᑕᐃᒫᑦᑕᐅᖅ, ᐊᑐᓂᕐᓗᑦᑕᐅᓯᒪᔪᑦ ᐃᓚᖃᑐᐃᓐᓇᕆᐊᓖᑦ ᐊᔪᖅᓴᕐᓂᕐᒥᑦ, ᐊᖏᕐᕋᖃᙱᓐᓂᕐᒥᑦ, ᐋᓐᓂᖅᓱᖅᑕᐅᓂᕐᒥᑦ, ᖃᓂᒪᓂᕐᒥᑦ, ᐅᓗᕆᐊᓇᖅᑐᒦᓐᓂᖅ, ᐊᒻᒪᓗ ᑭᑭᑕᐅᓂᕐᒥᑦ. ᐃᓚᒃᑲᓐᓂᕐᓗᒍ, ᖃᐅᔨᕐᓂᕐᒥᑦ ᐊᕐᓇᐃᑦ ᐱᖁᑎᓄᑦ ᐊᒻᒪᓗ ᐱᖁᑎᓅᖓᖏᑦᑐᖅ ᐊᑐᖅᓯᒪᔭᖏᑦ ᓴᖅᑭᔮᖅᑎᑦᓯᕗᑦ ᐊᑐᐃᓐᓇᐅᔪᑦ ᐃᑲᔫᑎᑦᓴᓂᑦ ᐊᒻᒪᓗ ᐱᔨᑦᓯᕈᑎᓂᑦ ᑐᕌᖓᓂᖅᓴᐅᓲᑦ ᐱᖁᑎᓂᑦ ᐱᔭᐅᒋᐊᓕᓐᓂᒃ ᑲᒪᒋᔭᖃᕐᓂᕐᒥᑦ ᐱᖁᑎᒨᖓᖏᑦᑐᓂᑦ ᐱᔭᕆᔭᕆᐊᓕᓐᓂᒃ ᐊᒻᒪᓗ ᐊᑦᓱᕉᑕᐅᔪᓂᑦ. ᐅᓂᒃᑳᓕᐊᖅ ᐅᖃᐅᓯᖃᖅᑐᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ ᓄᓇᓕᐸᐅᔭᕐᓂᒃ, ᐃᓅᓯᕆᔭᖏᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᐊᔾᔨᐅᙱᑦᑐᒃᑯᑦ ᐅᓗᕆᐊᓇᖅᑐᒦᓐᓂᖏᑦ, ᑭᑭᑕᐅᓂᖏᑦ, ᖃᓄᐃᙱᑦᓯᐊᕐᓂᖅ ᐊᒻᒪᓗ ᐊᑦᑕᕐᓇᔾᔭᐃᓯᒪᓂᖅ ᐋᖅᑭᑦᓯᒪᒻᒪᖔᑦ.

https://pauktuutit.ca/wp-content/uploads/358996508-Final-Report-UAS-Urban-Research-April-2017.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2017

ᖃᕆᓴᐅᔭᕐᓄᑦ ᐃᓕᓗᒍ

ᐊᖏᖃᑎᒌᒃ – ᓯᖁᒥᑦᓯᓂᕐᒥᑦ ᐊᕝᕕᐊᕈᑎᓂᑦ, ᓴᖅᑮᓂᕐᒥᑦ ᐱᕕᑦᓴᓂᑦ

2015-ᒥᑦ, ᐸᐅᒃᑑᑎᒃᑯᑦ ᑮᓇᐅᔭᖅᑖᖅᑎᑕᐅᓚᐅᖅᑐᑦ ᑕᕝᕘᓇ ᖃᓪᓗᓈᓂᕐᒥᐅᑕᕐᓄᑦ ᓄᓇᖃᖅᑳᖅᓯᒪᔪᓄᑦ ᐸᕐᓇᐅᑎᒧᑦ ᖃᐅᔨᓴᕐᓂᖃᖅᑎᑕᐅᓂᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᖃᑕᐅᓂᖏᓐᓄᑦ ᐃᓄᐃᑦ ᐊᕐᓇᐃᑦ ᐃᓄᐃᑦ ᓄᓇᖓᓂ. ᑐᕌᒐᕆᔭᖓ ᐱᓕᕆᐊᑦᓴᐅᑉ ᐱᖃᑕᐅᑎᑦᓯᓂᕐᒥᑦ ᐊᔾᔨᒌᙱᑦᑐᓂᑦ ᐱᖃᖅᑎᐅᖃᑕᐅᔪᓂᑦ ᐊᑐᓂ ᐊᕕᑦᑐᖅᓯᒪᔪᓂᑦ ᐅᑭᐅᖅᑕᖅᑐᒥ ᖃᐅᔨᓇᓱᓐᓂᕐᒥᑦ ᐊᒻᒪᓗ ᐊᕕᑦᑐᐃᓂᕐᒥᑦ ᐊᕝᕕᐊᕈᑕᐅᔪᓂᑦ ᐃᓄᐃᑦ ᐊᕐᓇᐃᑦ ᐊᑐᖃᑦᑕᖅᑕᖏᓐᓂᒃ ᐃᖅᑲᓇᐃᔮᖅᑖᕋᓱᐊᖅᑎᓪᓗᒋᑦ, ᓇᒻᒥᓂᖃᕐᓂᒃᑯᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒻᒥᑦ. ᑕᕝᕘᓇ, ᐸᐅᒃᑑᑎᒃᑯᑦ ᑲᑐᔾᔨᖃᑎᖃᓕᕈᓐᓇᕋᔭᖅᑐᑦ ᐱᓕᕆᖃᑎᒌᓐᓂᒃᑯᑦ ᓇᓗᓇᐃᖅᓯᓂᕐᒥᑦ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐊᒻᒪᓗ ᐊᑐᓕᖁᔭᐅᔪᓂᑦ ᖃᓄᐃᓕᐅᕆᐊᕐᓂᕐᒧᑦ ᐱᓕᕆᖃᑕᐅᓂᐊᕐᒪᑕ ᐃᓄᐃᑦ ᐊᕐᓇᐃᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᓂᕐᒧᑦ. ᑭᖑᓪᓕᖅᐹᒥᑦ ᓴᖅᑭᑕᐅᔪᖅ ᑖᑦᓱᒧᖓ ᐱᓕᕆᐊᑦᓴᒧᑦ ᑖᓐᓇᐅᕗᖅ ᐊᖏᖃᑎᒌᒃ ᐸᕐᓇᐅᑎ.

ᐸᕐᓇᐅᑎ ᐃᑲᔫᑎᑦᓴᐅᕗᖅ ᐱᔭᐅᔭᕆᐊᓕᓐᓂᒃ, ᐊᑦᓱᕉᑕᐅᔪᓂᑦ ᐊᒻᒪᓗ ᑐᕌᒐᑦᓴᓂᑦ ᐃᓄᓐᓄᑦ ᐊᕐᓇᓄᑦ ᓯᕗᑦᓴᓕᐅᖅᑎᓪᓗᒋᑦ, ᐱᓕᕆᒐᓱᐊᖅᑎᓪᓗᒋᑦ ᐃᓚᒋᔭᒥᓄᑦ ᐊᒻᒪᓗ ᐃᑲᔪᕋᓱᐊᕐᓗᑎᒃ ᓄᓇᓕᖏᓐᓄᑦ. ᑐᓴᐅᒪᔾᔪᑎᑦᓴᑦ ᐊᒻᒪᓗ ᐊᑐᓕᖁᔭᐅᔪᑦ ᓴᖅᑭᑕᐅᔪᑦ ᓄᐊᑕᐅᓯᒪᔪᑦ ᐃᓄᕕᐊᓗᒻᒥ, ᓄᓇᕗᒻᒥ, ᓄᓇᕕᒻᒥ ᐊᒻᒪᓗ ᓄᓇᑦᓯᐊᕗᒻᒥ, ᑐᓴᖅᑎᑕᐅᓯᒪᓪᓗᑎᒃ ᐅᖓᑖᓂ 37-ᓂᒃ ᐱᖃᖅᑎᐅᖃᑕᐅᔪᓂᑦ ᐊᒻᒪᓗ 145-ᓂᒃ ᐃᓄᓐᓂᒃ ᐊᕐᓇᓂᑦ. ᐸᐅᒃᑑᑎᒃᑯᑦ ᑕᐃᒪᐃᖁᔨᔪᑦ ᑖᓐᓇ ᐸᕐᓇᐅᑎ ᐊᑐᖅᑕᐅᓗᓂ ᐅᔾᔨᕈᓱᓕᖅᑎᑦᓯᓂᕐᒧᑦ ᐊᒻᒪᓗ ᑐᓴᖅᑎᑦᓯᓂᕐᒥᑦ ᒐᕙᒪᓂᑦ, ᐃᓕᓐᓂᐊᕐᕕᓐᓂᑦ, ᐱᔨᑦᓯᕋᖅᑎᓂᑦ ᐊᒻᒪᓗ ᓇᒻᒥᓂᖃᖅᑎᓂᑦ ᐅᑭᐅᖅᑕᖅᑐᒥ ᐸᕐᓇᐃᓂᕐᒥᑦ ᐱᖃᑕᐅᑎᑦᓯᓂᕐᒥᑦ ᐃᓄᓐᓂᒃ ᐊᕐᓇᓂᑦ. ᑕᕝᕘᓇᖓᒻᒪᑦ ᐱᕙᓪᓕᐊᑎᑦᓯᓂᒃᑯᑦ ᐊᑐᐊᒐᕐᓂᒃ, ᐱᓕᕆᐊᑦᓴᓂᑦ, ᐱᓕᒻᒪᑦᓴᐃᓂᕐᒥᑦ ᐊᒻᒪᓗ ᐱᔨᑦᓯᕈᑎᓂᑦ ᑲᒪᒋᔭᖃᕐᓂᕐᒥᑦ ᐊᔾᔨᐅᙱᑦᑐᓂᑦ ᐱᔭᑦᓴᕆᔭᐅᔪᓂᑦ ᐊᒻᒪᓗ ᐊᕝᕕᐊᕈᑕᐅᔪᓂᑦ ᐊᑐᖅᑕᐅᓲᓂᑦ ᐃᓄᓐᓄᑦ ᐊᕐᓇᓄᑦ ᐃᑲᔪᖅᓱᕈᓐᓇᓕᕋᔭᖅᑐᒍᑦ ᓇᓕᒧᑦᑐᒥᑦ ᐱᖃᑕᐅᓂᕆᔭᖏᓐᓂᒃ ᐃᓅᓯᕐᒧᑦ ᐊᒻᒪᓗ ᐱᕙᓪᓕᐊᓂᒃᑯᑦ ᑮᓇᐅᔾᔭᓴᓐᓂᕐᒥᑦ ᐃᓄᐃᑦ ᓄᓇᖓᓂ.

https://pauktuutit.ca/wp-content/uploads/Engaging_Inuit_Women_in_Economic_Participation.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2017

ᖃᕆᓴᐅᔭᕐᓄᑦ ᐃᓕᓗᒍ

ᐅᔭᕋᓐᓂᐊᕐᓂᕐᒧᑦ ᓂᐅᕕᖅᐸᓪᓕᐊᓂᕐᒧᑦ ᓇᓗᓇᐃᒃᑯᑕᑦ

ᐅᔭᕋᓐᓂᐊᕐᓂᕐᒧᑦ ᑲᒻᐸᓂᐅᔪᑦ ᓇᒻᒥᓂᖅ ᑭᓱᓕᒫᓂᑦ ᑲᒪᒋᔭᖃᕈᓐᓇᙱᒻᒪᑕ. ᐱᒋᐊᓕᕋᑖᖅᑎᓪᓗᒋᑦ ᕿᓂᖅᐸᓪᓕᐊᓂᕐᒥᑦ ᐃᓂᐅᔪᒥᑦ ᐅᕝᕙᓘᓐᓃᑦ ᐱᓕᕆᓯᒪᑎᓪᓗᒋᑦ ᐊᕐᕌᒍᒐᓴᓐᓄᑦ, ᐅᔭᕋᓐᓂᐊᕐᓂᕐᒧᑦ ᑲᒻᐸᓂᐅᔪᑦ ᐊᑐᖃᑦᑕᖅᑐᑦ ᓱᓇᒃᑯᑖᓂᑦ ᐊᒻᒪᓗ ᐱᔨᑦᓯᕈᑎᓂᑦ ᐊᒥᓱᓂᑦ ᐊᓯᖏᓐᓂᒃ ᓇᒻᒥᓂᕆᔭᐅᔪᓂᑦ. ᐸᐅᒃᑑᑎᒃᑯᑦ ᖃᐅᔨᒍᒪᔪᑦ ᑕᒪᓐᓇ ᖃᓄᖅ ᑐᑭᖃᕐᒪᖔᖅ ᐃᓄᓐᓄᑦ ᐊᕐᓇᓄᑦ ᓇᒻᒥᓂᖃᖅᑎᓄᑦ ᐊᒻᒪᓗ ᐊᕐᓇᓄᑦ ᐱᒋᐊᖅᑎᑦᓯᒍᒪᔪᓂᑦ ᓇᒻᒥᓂᕆᓂᐊᖅᑕᒥᓂ. ᖃᓄᐃᑦᑐᓂᑦ ᐱᕕᑦᓴᖅᑕᖃᖅᑲ ᐃᓄᓐᓄᑦ ᐊᕐᓇᓄᑦ ᓇᒻᒥᓂᖃᕐᓂᓕᕆᓂᕐᒧᑦ ᐅᔭᕋᓐᓂᐊᕐᕕᓐᓂᑦ? ᑭᐅᓂᕐᒥᑦ ᑖᑦᓱᒥᖓ ᐊᐱᖅᑯᑎᒥᑦ, ᐸᐅᒃᑑᑎᒃᑯᑦ ᓴᖅᑮᓚᐅᖅᑐᑦ ᐱᓕᕆᐊᑦᓴᒥᑦ ᖃᐅᔨᓇᓱᐊᖅᓱᑎᒃ ᓇᒥ ᐅᔭᕋᓐᓂᐊᕐᓂᕐᒧᑦ ᐱᓕᕆᐊᑦᓴᑦ ᐃᓄᐃᑦ ᓄᓇᖓᓂᒻᒪᖔᑦ, ᑭᒃᑰᒻᒪᖔᑦ ᐅᔭᕋᓐᓂᐊᕐᓂᕐᒧᑦ ᑲᒻᐸᓂᐅᔪᑦ ᐊᒻᒪᓗ ᑭᓱᓂᑦ ᓂᐅᕕᕆᐊᖃᕐᒪᖔᑦ ᐊᓯᖏᑦ ᓇᒻᒥᓂᕆᔭᐅᔪᓂᑦ. ᑭᐅᔾᔪᑎᓕᒫᑦ ᓇᓂᓚᐅᖅᑕᕗᑦ ᑕᕝᕙᓃᑦᑐᑦ ᐃᑭᐊᖅᑭᕕᒻᒥᑦ.

https://pauktuutit.ca/wp-content/uploads/Infographic_MiningProcurement.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2015

ᖃᕆᓴᐅᔭᕐᓄᑦ ᐃᓕᓗᒍ

“ᐊᑦᑐᐃᓂᕆᔭᖓ ᓄᓇᒥᙶᖅᑐᓂᑦ ᐲᔭᐃᓂᐅᔪᒥᑦ ᐃᓄᓐᓄᑦ ᐊᕐᓇᓄᑦ ᐃᓚᒋᔭᖏᓐᓄᓪᓗ ᖃᒪᓂ’ᑐᐊᖅ, ᓄᓇᕗᒻᒥ – ᓇᓗᓇᐃᒃᑯᑕᖏᓐᓄᑦ ᖃᐅᔨᓴᕐᓂᕐᒥᑦ

ᑖᓐᓇ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᖅ ᑯᖏᓪᓕᕆᔭᖓ ᒪᕐᕉᓐᓂᒃ ᑎᑎᖅᑳᓐᓂᒃ ᑲᒪᒋᔭᖃᕐᓂᕐᒥᑦ ᐃᓅᓯᕐᒧᑦ ᐊᑦᑐᐃᓂᐅᔪᓂᑦ ᐅᔭᕋᓐᓂᐊᕐᓂᕐᒧᑦ ᖃᓂᒋᔭᖓᓂ ᖃᒪᓂ’ᑐᐊᖅ ᐃᓄᓐᓂᒃ ᐊᕐᓇᓂᑦ ᐊᒻᒪᓗ ᐃᓚᒌᖑᔪᓂᑦ ᓄᓇᓕᐅᔪᒥᑦ. ᓯᕗᓪᓕᖅᐹᖅ ᐅᓂᒃᑳᓕᐊᖅ (ᒫᔾᔨ 2014) ᑐᙵᕕᖃᓚᐅᖅᑐᖅ ᐊᐱᖅᓱᕐᓂᐅᔪᓂᑦ ᐊᒻᒪᓗ ᐱᐅᓂᖏᓐᓄᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ. ᑖᓐᓇ ᐅᓂᒃᑳᓕᐊᖅ ᑲᒪᒋᔭᖃᖅᑐᖅ ᖃᐅᔨᔭᐅᓚᐅᖅᑐᓂᑦ ᐊᐱᖅᓱᕐᓂᐅᔪᒥᑦ, ᐃᓗᓕᖏᑦ ᐋᖅᑭᑦᓱᖅᑕᐅᓪᓗᑎᒃ 2013-ᒥᑦ ᐃᓄᐃᑦ ᐊᕐᓇᓄᑦ ᖃᒪᓂ’ᑐᐊᕐᒥᑦ ᐱᓇᓱᐊᕈᓯᓕᒫᒥᑦ ᐃᓕᓐᓂᐊᓯᓐᓈᖅᑎᓪᓗᒋᑦ.

ᐊᐱᖅᑯᓱᕐᓂᐅᔪᖅ ᐱᔭᕇᖅᑕᐅᓚᐅᖅᑐᖅ 62-ᓄᑦ ᐊᕐᓇᓄᑦ, ᐊᕐᕌᒍᓕᓐᓄᑦ 19-ᓂᒃ ᐊᒻᒪᓗ ᐅᖓᑖᓄᑦ. ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ ᑲᒪᒋᔭᖃᖅᑐᖅ ᐊᑐᖅᓯᒪᔭᖏᓐᓂᒃ, ᐃᓱᒪᒋᔭᖏᓐᓂᒃ ᐊᒻᒪᓗ ᐃᑉᐱᓐᓂᐊᕆᔭᖏᓐᓂᒃ. ᐃᓅᓯᕐᒧᑦ ᐊᑦᑐᖅᑕᐅᓯᒪᓂᖏᓐᓄᑦ ᖃᐅᔨᓴᕐᓂᖅ ᑐᕌᒐᖃᓲᖑᑎᓪᓗᒍ ᓈᓴᐅᑎᑎᒍᑦ ᓇᓗᓇᐃᒃᑯᑕᕐᓂᒃ (ᖃᑦᓯᐅᓂᖏᑦ ᐱᔨᑦᓯᕈᑏᑦ ᐊᑐᖅᑕᐅᓂᖏᑦ, ᐱᓕᕆᕝᕖᑦ ᐊᑐᖅᑕᐅᔪᑦ, ᐃᖅᑲᓇᐃᔭᖅᑐᑦ, ᐃᓕᓐᓂᐊᖅᑎᑕᐅᔪᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᓪᓕᓯᓂᐊᖅᑕᐅᓯᒪᔪᑦ, ᐊᓯᖏᑦ), ᐊᒥᒐᑦᓯᓪᓚᕆᖃᑦᑕᖅᑐᑦ ᑕᕝᕘᓇ ᐱᓕᕆᓂᐅᔪᒃᑯᑦ. ᐃᓅᓯᐅᑉ ᐱᐅᓂᖓ ᐊᑐᖅᑕᐅᓂᑰᔪᖅ ᐱᒻᒪᕆᐅᕗᖅ. ᖃᓄᐃᑦᑑᒐᓗᐊᖅᐸᑕ ᓇᓗᓇᐃᒃᑯᑕᑦ ᓴᖅᑭᑕᐅᔪᑦ, ᖃᓄᖅ ᐊᕐᓇᐃᑦ ᐃᓱᒪᒋᔭᖃᕐᒪᖔᑦ ᐊᒻᒪᓗ ᐃᑉᐱᒍᓱᒻᒪᖔᑦ ᐊᑐᖅᓯᒪᔭᖏᓐᓂᒃ ᐱᒻᒪᕆᐅᕗᖅ ᐊᑦᑐᐃᓂᐅᔪᓄᑦ.

https://pauktuutit.ca/wp-content/uploads/Report-Final-Jan-2015.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2016

ᖃᕆᓴᐅᔭᕐᓄᑦ ᐃᓕᓗᒍ

ᓯᕗᓪᓕᖅᐹᒥᑦ ᑎᑎᕋᕐᓂᕐᒥᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ – ᐃᓕᓐᓅᖓᕗᖅ

ᑮᓇᐅᔭᖃᖅᑎᑕᐅᔪᖅ ᖃᓪᓗᓈᓂᕐᒥᐅᑕᕐᓄᑦ ᓄᓇᖃᖅᑳᖅᓯᒪᔪᓄᑦ ᐸᕐᓇᐅᑎᒧᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐱᔭᕇᖅᓯᓚᐅᖅᑐᑦ ᐱᓕᕆᐊᑦᓴᒥᑦ ᐃᓕᓐᓂᐊᖅᑎᑕᐅᓂᕐᒧᑦ ᐃᓄᓐᓂᒃ ᒪᒃᑯᑦᑐᓂᑦ ᐊᕐᕌᒍᓕᓐᓂᒃ 15-24-ᓂᒃ ᖃᓄᖅ ᐱᓕᕆᖃᑎᒋᔭᐅᑦᓯᐊᕈᓐᓇᕐᒪᖔᑦ ᐃᖅᑲᓇᐃᔮᒧᑦ ᐅᕝᕙᓘᓐᓃᑦ ᐱᒋᐊᖅᑎᑦᓯᓂᕐᒥᑦ ᓇᒻᒥᓂᕆᓂᐊᖅᑕᒥᓂᒃ. ᐃᓱᒪᒋᔭᐅᓚᐅᖅᑐᖅ ᐃᓕᓐᓂᐊᕐᓗᑎᒃ ᐊᑦᓱᕉᑕᐅᔪᓂᑦ, ᓯᕗᓪᓕᐅᔾᔭᐅᔭᕆᐊᓕᓐᓂᒃ, ᐊᒻᒪᓗ ᐱᔭᐅᒍᒪᔪᓂᑦ ᐃᖅᑲᓇᐃᔮᑦᓴᒧᑦ ᐃᓕᓐᓂᐊᕐᓂᕐᒥᑦ, ᐃᖅᑲᓇᐃᔭᕐᓂᕐᒥᑦ, ᐊᒻᒪᓗ ᐃᖅᑲᓇᐃᔮᕆᔪᒪᔭᒥᓄᑦ ᐸᕐᓇᐃᓂᕐᒥᑦ ᐊᒻᒪᓗ ᖃᐅᔨᓇᓱᐊᕐᓂᕐᒥᑦ ᖃᓄᖅ ᐸᐅᒃᑑᑎᒃᑯᑦ ᐃᑲᔪᕈᓐᓇᕐᒪᖔᑦ ᐃᓄᓐᓂᒃ ᒪᒃᑯᑦᑐᓂᑦ ᐱᕙᒌᔭᐃᓂᕐᒥᑦ ᐃᖅᑲᓇᐃᔭᕐᓄᕐᒧᑦ ᑲᓇᑕᒥ ᑮᓇᐅᔾᔭᕋᓱᐊᕐᓂᐅᔪᒥᑦ.

https://pauktuutit.ca/wp-content/uploads/FACTSHEET_Writing_Resume.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2014

ᖃᕆᓴᐅᔭᕐᓄᑦ ᐃᓕᓗᒍ