ᐅᖃᓕᒫᒐᓕᐊᕆᔭᐅᓯᒪᔪᑦ

ᓯᕗᓪᓕᖅᐹᖅ ᑎᑎᕋᖅᓯᒪᔪᖅ ᐃᑲᔪᕐᓂᖅ ᓴᖅᑭᑕᐅᓚᐅᖅᑐᖅ 2018-ᒥᑦ. ᐃᑲᔫᑎᑦᓴᐅᓪᓗᓂ ᑐᓴᖅᑎᑦᓯᓂᕐᒥᑦ ᐃᓄᓐᓂᒃ ᐊᔾᔨᒌᙱᑦᑐᓂᑦ ᐊᓪᓗᕈᑕᐅᓲᓂᑦ ᓄᓕᐊᕐᓂᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓕᓐᓂᐊᖅᑎᑦᓯᓂᕐᒥᑦ, ᖃᐅᔨᓴᖅᑕᐅᓂᕐᒥᑦ, ᓱᖅᑯᐃᖅᑕᐅᓇᓱᐊᕐᓂᕐᒥᑦ ᐊᒻᒪᓗ ᒪᒥᓴᖅᑕᐅᓂᕐᒥᑦ, ᐃᑲᔫᑎᑦᓴᒥᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᓯᕋᖅᑎᖏᓐᓄᑦ ᐃᓕᖅᑯᓯᕐᒧᑦ ᓈᒻᒪᑦᑐᒥᑦ ᐊᒻᒪᓗ ᐊᕕᑦᑐᖅᓯᒪᔪᒧᑦ ᑐᕌᖓᔪᓂᑦ ᐱᓕᕆᔾᔪᓯᕐᓂᑦ ᐊᑐᐃᓐᓇᐅᑎᑦᓯᔪᓂᑦ ᐊᑦᑕᕐᓇᙱᑦᑐᒥᑦ ᐊᒻᒪᓗ ᓇᓕᒧᑎᑦᓯᔪᒥᑦ ᐸᖅᑭᔭᐅᓂᕐᒥᑦ ᐃᓄᓐᓄᑦ. ᑐᓴᖅᑎᑕᐅᓚᐅᖅᑎᓪᓗᒋᑦ ᐊᒻᒪᓗ ᐱᓕᕆᖃᑎᒌᓂᕐᒧᑦ ᐅᖃᖃᑎᒌᓐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᓄᐃᑦ ᓄᓇᖓᓂ 2019-2020-ᒥᑦ, ᐃᑲᔪᕐᓂᖅ ᓄᑖᙳᖅᑎᑕᐅᓯᒪᔪᖅ ᐊᒻᒪᓗ ᐋᖅᑭᑦᓱᖅᓯᒪᓂᖓ ᐊᖏᓪᓕᒋᐊᖅᑕᐅᔪᖅ – ᐃᑲᔪᕐᓂᖅ 2021 ᐃᓚᖃᖅᑐᖅ ᑐᓴᐅᒪᔾᔪᑎᑦᓴᒃᑲᓐᓂᕐᓂᒃ ᓄᖅᑲᖅᑎᑦᓯᓂᕐᒥᑦ, ᖃᐅᔨᓴᕐᓂᕐᒥᑦ ᐊᒻᒪᓗ ᒪᒥᓴᐃᓂᕐᒥᑦ ᐋᓐᓂᐊᕈᑕᐅᓲᓂᑦ ᐊᐃᑦᑐᕐᓗᑦᑕᐅᓲᓂᑦ ᓄᓕᐊᕐᓂᒃᑯᑦ ᐊᒻᒪᓗ ᐊᐃᒃᑯᑦ ᑕᒪᒃᑯᐊᓗ ᓄᑖᖑᔪᑦ ᐃᓄᓐᓄᑦ ᑐᕌᖓᔪᑦ ᐊᑕᖏᐅᒪᓂᒃᑯᑦ ᐸᖅᑭᔭᐅᓂᕐᒥᑦ.

https://pauktuutit.ca/wp-content/uploads/IKAJURNIQ-sept2021-electronic-final.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2021

ᐊᑭᕋᖅᑐᖅᑕᐅᓂᖅ ᐊᑦᓱᕐᔪᐊᕌᓗᒃ ᐃᑉᐱᒋᔭᐅᔪᖅ ᐊᒥᓱᓄᑦ ᐃᓄᓐᓄᑦ ᐊᕐᓇᓄᑦ. ᑕᒪᓐᓇ ᓱᓕᒋᐊᓪᓚᑦᑐᖅ ᐱᓕᕆᖃᑎᖃᖅᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐊᐅᓚᑕᐅᒐᓱᐊᕐᓂᕐᒧᑦ ᐊᒻᒪᓗ ᐊᑭᕋᖅᑐᖅᑕᐅᓂᕐᒧᑦ ᐊᑐᐊᒐᐃᑦ ᐃᓱᒪᒋᔭᐅᓕᓲᖑᒻᒪᑕ ᐱᐅᙱᑦᑑᑎᑕᐅᓪᓗᑎᒃ ᓄᓇᖃᖅᑳᖅᓯᒪᔪᑦ.

ᑕᒪᓐᓇ ᑐᑭᖃᒡᒍᔪᖅ ᐃᓄᐃᑦ ᐊᕐᓇᐃᑦ ᑲᒪᒋᔭᐅᑦᓯᐊᖃᑦᑕᖏᑦᑐᑦ, ᑕᑯᖃᓯᐅᑎᓗᒋᑦ ᐊᓯᖏᑦ ᑲᓇᑕᒥᐅᑕᐃᑦ. ᐊᑦᓱᕈᓐᓇᕈᑕᐅᓕᕈᓐᓇᖅᑐᖅ ᐊᓂᒍᖅᑕᐅᔪᑦ ᐃᓄᓐᓂᒃ ᐊᕐᓇᓂᑦ, ᐱᓚᒋᔭᖏᑦ ᐊᒻᒪᓗ ᓄᓇᓕᐅᔪᓂᑦ.

ᐅᕕᓂᐅᖃᑎᒋᙱᑕᒥᓂ ᐊᑭᕋᖅᑐᖅᑕᐃᓕᒪᓂᕐᒥᑦ ᐱᓕᕆᓂᐅᕗᖅ, ᐋᖅᑭᑦᓱᖅᓯᒪᔪᒥᑦ ᐱᓕᕆᔾᔪᓯᖅ ᖃᐅᔨᓴᕐᓂᕐᒥᑦ, ᐊᒻᒪᓗ ᐱᓕᕆᓂᒃᑯᑦ ᐃᓕᓴᖅᓯᓂᕐᒥᑦ ᐱᑕᖃᕐᓂᖓᓂ ᐅᕕᓂᐅᖃᑎᒋᙱᑕᒥᓂ ᐊᑭᕋᖅᑐᕐᓂᕐᒥᑦ. ᖁᐊᖅᓵᓗᐊᖅᓯᒪᔪᓂᒃ-ᑐᓴᐅᒪᓂᒃᑯᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᑦ-ᑐᙵᕕᖃᕐᓂᒃᑯᑦ ᐱᓕᕆᓂᕐᒥᑦ, ᑐᙵᕕᖃᕐᓗᓂ ᑕᐅᑐᓐᓂᕆᔭᖏᓐᓂᒃ ᐃᓄᐃᑦ ᐊᕐᓇᐃᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ-ᑐᙵᕕᖃᕐᓂᕐᒥᑦ ᖃᐅᔨᓴᕐᓂᕐᒥᑦ (GBA+) ᖃᐅᔨᓴᕐᓂᕐᒥᑦ, ᐱᒻᒪᕆᐅᕗᖅ ᑲᔪᓯᓂᖃᑦᓯᐊᖅᑐᒥᑦ ᑲᒪᒋᔭᖃᕐᓂᕐᒥᑦ ᐋᖅᑭᑦᓱᖅᓯᒪᔪᓂᑦ ᒥᑭᓪᓕᑎᕇᓐᓇᖅᑐᓂᑦ ᐃᓄᓐᓂᒃ ᑲᓇᑕᒥ, ᐃᓚᒋᓗᓂᐅᒃ ᐃᑲᔪᖅᑕᐅᒐᓱᐊᖅᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒨᖓᔪᓂᑦ.

ᑕᒪᑦᓱᒧᖓᒨᖓᕗᖅ ᐊᑐᖅᑕᐅᓂᑯᓂᑦ ᐸᐅᒃᑑᑎᒃᑯᑦ ᓴᖅᑮᓖᓚᐅᖅᑐᑦ ᐊᑐᓕᖁᔭᒥᓂ ᐃᓄᐃᑦ ᐊᑭᕋᖅᑐᖅᑕᐅᒍᓐᓃᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ.

https://pauktuutit.ca/wp-content/uploads/Pauktuutit-Addressing-Racism-in-the-Health-Care-System-Apr2021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᐃᑲᔪᖃᑎᒌᓂᖅ: ᒪᒃᑯᑦᑐᓄᑦ ᐱᓕᕆᑎᑦᓯᓂᕐᒧᑦ ᑭᓱᓕᕆᔾᔪᑏᑦ ᐃᑲᔪᕐᓂᐊᖅᓯᒪᔪᑦ ᐃᓄᓐᓂᑦ ᒪᒃᑯᑦᑐᓂᑦ ᐃᓄᐃᑦ ᓄᓇᖓᓐᓂ ᓴᖅᑭᑎᑦᑎᓗᑎ ᐊᒻᒪ ᐱᓕᕆᑎᑦᑎᓗᑎ ᓇᒻᒥᓂᖅ ᒪᒃᑯᑦᑐᓄᑦ ᑲᑎᓐᓂᐅᔪᓂᑦ ᐅᕝᕙᓘᓐᓃᑦ ᐱᓕᕆᓂᐅᔪᒥᑦ. ᑕᕝᕙᓂ ᑭᓱᓕᕆᔾᔪᑎᓂ, ᓇᓂᓯᓂᐊᖅᑐᑎᑦ ᐋᖅᑭᔅᓯᒪᔭᕇᖅᑐᑦ ᐊᒻᒪ ᑭᓱᓕᕆᔾᔪᑏᑦ ᖃᓱᑎᓪᓗᒋᑦ ᓴᖅᑭᖅᑎᑕᐅᒃᑲᓂᕐᓂᖏᑦ ᑖᒃᑯᐊ ᒪᒃᑯᑦᑐᓄᑦ ᐃᓕᕆᐊᖃᓗᐊᖅᑐᑦ ᖃᓄᐃᓘᖅᑕᐅᔪᑦ. ᐱᔾᔪᑎᒋᓪᓗᒍ ᖃᓄᖅᑑᕋᔅᓴᐅᓂᖏᓐᓄᑦ ᐊᒻᒪ ᐊᑦᑐᐊᓂᓕᓐᓄᑦ ᐃᕝᕕᑦ ᓄᓇᓕᖓᓄᑦ, ᑭᓱᓕᕆᔾᔪᑏᑦ ᐃᓕᓐᓂᑦ ᓂᕈᐊᕈᓐᓇᑎᑦᑎᔪᖅ ᓇᓐᓂᐊᓐᓂ ᑭᓱᓕᕆᔾᔪᑎᓂᑦ ᐱᐅᓛᖑᓂᖏᓐᓄᑦ ᐊᑐᖅᑕᐅᓗᑎ ᐃᕝᕕᑦ ᐅᖃᖅᓯᒪᓂᖏᓐᓄᑦ ᐊᒻᒪ ᐊᑐᓕᕐᓗᒍ ᓴᖅᑭᑎᑦᑎᓗᓂ ᐱᓕᕆᔭᐅᒃᑲᓂᖅᑐᓂᑦ ᐃᕝᕕᑦ ᑲᑎᓐᖓᔪᓄᑦ ᐅᕝᕙᓘᓐᓃᑦ ᐱᓕᕆᔭᐅᔪᖅ.

ᐱᓕᕆᐊᑦᓴᖅ ᑮᓇᐅᔭᖃᖅᑎᑕᐅᓚᐅᖅᑐᖅ ᐊᓪᓚᓄᑦ ᐊᒻᒪᓗ ᐃᓄᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪᓗ ᐃᓚᒌᓂᑦ ᐋᓐᓂᖅᓯᕆᑦᑕᐃᓕᒪᓂᕐᒧᑦ ᐱᓕᕆᐊᑦᓴᒧᑦ (FVPP) – ᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ.

https://pauktuutit.ca/wp-content/uploads/IkajuqatigiiniqToolkit_ENB_FINAL.pdf

https://pauktuutit.ca/wp-content/uploads/IkajuqatigiiniqToolkit_SB_FINAL.pdf

https://pauktuutit.ca/wp-content/uploads/IkajuqatigiiniqToolkit_NUNA_FINAL.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ (IPV, ᖃᐅᔨᒪᔭᐅᒍᓐᓇᕐᒥᔪᖅ ᐋᓐᓂᖅᓱᐃᓂᕐᒥᑦ ᐊᐃᑉᐸᕆᔭᒥᓄᑦ) ᐅᖃᐅᓯᖃᖅᐳᖅ ᑎᒥᒥᒍᑦ, ᓄᓕᐊᕐᓂᒃᑯᑦ, ᐊᒻᒪᓗ ᓇᒻᒥᓂᖅ/ᑎᒥᒥᑦ ᐃᓱᒪᒋᔭᖃᕐᓂᕐᒥᑦ ᐋᓐᓂᖅᓯᕆᓂᕐᒥᑦ ᒫᓐᓇᐅᔪᖅ ᐊᐃᑉᐸᕆᔭᐅᔪᒥᑦ ᐅᕝᕙᓘᓐᓃᑦ ᐊᐃᑉᐸᕆᔭᐅᓚᐅᖅᑐᒧᑦ. ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᖃᕋᓴᒃᑯᑦ ᐋᓐᓂᕐᓂᖅ (IPV TBI) ᑕᐃᒪᐃᒍᓐᓇᖅᑐᖅ ᐋᓐᓂᖅᑕᐅᓂᒃᑯᑦ ᐅᕝᕙᓘᓐᓃᑦ ᓯᓚᑖᓂᙶᖅᑐᒧᑦ ᐊᑦᓱᕈᖅᑐᒧᑦ ᓂᐊᖁᒃᑯᑦ, ᑮᓇᐅᒃᑯᑦ ᐅᕝᕙᓘᓐᓃᑦ ᖁᖓᓯᒃᑯᑦ, ᐅᕝᕙᓘᓐᓃᑦ ᓇᐅᒃᑯᒃᑭᐊᖅ ᑎᒥᒃᑯᑦ ᐊᐅᓚᔾᔭᒃᑲᓪᓚᓪᓗᓂ ᐅᕝᕙᓘᓐᓃᑦ ᓴᔪᑦᑎᑦᓯᔪᒥᑦ ᓂᐊᕈᕐᒥᑦ. ᑕᐃᒪᐃᑐᐃᓐᓇᕆᐊᖃᕐᒥᔪᖅ ᐃᓄᒃ ᕿᒥᓴᖅᑕᐅᑎᓪᓗᒍ ᐊᐅᒻᒥᑦ ᐃᖏᕐᕋᔪᖃᙱᓐᓂᖅᓴᐅᓕᓲᖅ ᖃᕋᓴᕐᒧᑦ.

https://pauktuutit.ca/wp-content/uploads/Pauktuutit_IPV-TBI_Violence_Brochure_English_1.pdf

https://pauktuutit.ca/wp-content/uploads/Pauktuutit_IPV-TBI_Violence_Brochure_Kivalliq_1.pdf

https://pauktuutit.ca/wp-content/uploads/Pauktuutit_IPV-TBI_Violence_Brochure_NorthBaffin_1.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᔭᓄᐊᕆᒥᑦ ᓄᕕᐱᕆᒧᑦ 2020-ᒥᑦ, ᐸᐅᒃᑑᑎᒃᑯᑦ ᐱᓕᕆᖃᑎᖃᓚᐅᖅᑐᑦ ᐃᓄᓐᓂᒃ ᐊᕐᓇᓂᑦ, ᐊᐃᑉᐸᖏᓐᓂᒃ, ᐊᒻᒪᓗ ᒪᒃᑯᑦᑐᓂᑦ (18-29 ᐊᕐᕌᒍᓖᑦ) ᐃᓄᐃᑦ ᓄᓇᖓᓂ ᐊᒻᒪᓗ ᑲᓇᑕᒥ ᓄᓇᓕᐸᐅᔭᕐᓂᑦ ᐃᓕᓐᓂᐊᒃᑲᓐᓂᕈᒪᓪᓗᑎᒃ ᖃᐅᔨᒪᔭᖏᓐᓂᒃ, ᐃᓱᒪᒋᔭᖏᓐᓂᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᒥᑦᓲᓄᑦ. ᑐᓴᐅᒪᔾᔪᑎᑦᓴᑦ ᓄᐊᑕᐅᔪᑦ ᖃᕋᑕᐅᔭᒃᑯᑦ ᐊᐱᖅᓱᕐᓂᒃᑯᑦ, ᑐᕌᖓᓂᓖᑦ ᑲᑎᙵᔪᑦ ᐊᒻᒪᓗ ᐊᐱᖅᓱᕐᓃᑦ ᓇᓗᓇᐃᔭᖅᓯᒪᔪᑦ ᑕᕝᕙᓂ “ᑐᓴᓚᐅᖅᑕᕗᑦ” ᐱᓕᕆᐊᖑᓂᖓ 1 ᐅᓂᒃᑳᓕᐊᖅ.

https://pauktuutit.ca/wp-content/uploads/Cannabis-in-our-Communities-What-we-heard-Report-ENG.pdf

https://pauktuutit.ca/wp-content/uploads/Cannabis-in-our-Communities-What-we-heard-Report-South-Baffin.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑖᓐᓇ ᐅᓂᒃᑳᓕᐊᖅ ᓇᓗᓇᐃᔭᐃᔪᖅ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᒧᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᐊᒻᒪᓗ ᐃᑲᔪᖅᓱᖅᑕᐅᓂᕐᒥᑦ ᒫᓐᓇᐅᔪᖅ ᐊᑐᐃᓐᓇᐅᔪᓂᑦ ᐃᓗᐊᓂ ᐊᒻᒪᓗ ᓯᓚᑖᓂ ᐃᓄᐃᑦ ᓄᓇᖓᓂ, ᐊᒻᒪᓗ ᖃᐅᔨᓇᓱᑦᑐᖅ ᖃᓄᖅ ᐊᑐᐃᓐᓇᐅᔪᑦ ᐊᒻᒪᓗ ᑐᕌᖓᒻᒪᖔᑦ ᐃᓄᓐᓄᑦ.

https://pauktuutit.ca/wp-content/uploads/Cannabis-in-our-Communities-Environmental-Scan.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᓇᓗᓇᐃᔭᐅᑎᒥᑦ ᐃᓕᓐᓂᐊᓚᐅᖅᑕᑦᑎᓐᓂᒃ ᐱᓕᕆᐊᖑᓂᖓᓂ 1 ᖃᐅᔨᒪᔭᐅᔪᓂᑦ, ᐃᑉᐱᒋᔭᐅᔪᓂᑦ ᐊᒻᒪᓗ ᐃᓕᖅᑯᓯᕆᔭᐅᔪᓂᑦ ᐃᓄᓐᓄᑦ ᒪᒃᑯᑦᑐᓄᑦ ᐊᒻᒪᓗ ᓄᑖᖑᔪᑦ ᐅᕝᕙᓘᓐᓃᑦ ᕿᑐᕐᖓᑦᓴᓕᓐᓄᑦ ᐊᖏᔪᖅᑳᕆᔭᐅᔪᓄᑦ, ᐅᖃᓕᒫᕐᓗᒍ “ᑐᓴᓚᐅᖅᑕᕗᑦ” ᐅᓂᒃᑳᓕᐊᖅ ᓇᐃᓈᖅᓯᒪᔪᖅ.

• https://pauktuutit.ca/wp-content/uploads/Cannabis-in-our-Communities-What-we-Heard-report-Summary-ENG.pdf
• https://pauktuutit.ca/wp-content/uploads/Cannabis-in-our-Communities-summary-report-South-Baffin-Inuktitut.pdf
• https://pauktuutit.ca/wp-content/uploads/Cannabis-in-our-communities-summary-report-Nunavik-Ungava.pdf
• https://pauktuutit.ca/wp-content/uploads/Cannabis-in-our-communities-summary-report-Inuvialuktun.pdf
• https://pauktuutit.ca/wp-content/uploads/Cannabis-in-our-communities-summary-report-Inuinnaqtun.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᐃᓄᐃᑦ ᐊᕐᓇᐃᑦ ᐃᖅᑲᓇᐃᔭᖅᓯᒪᔪᑦ ᓄᓇᒥᑦ ᐲᔭᐃᕝᕕᐅᓲᓂᑦ ᐊᕐᕌᒍᒐᓵᓗᓐᓄᑦ, ᐊᒥᓱᓛᖑᒐᔪᓲᑦ ᐊᕐᓇᓂᑦ ᐃᖅᑲᓇᐃᔭᖅᑐᓂᑦ ᐅᔭᕋᓐᓂᐊᕐᕕᓐᓂᑦ ᐅᑭᐅᖅᑕᖅᑐᒥ (ᐸᐅᒃᑑᑎᑦ ᐊᒻᒪᓗ UBC 2016). ᑕᐃᒪᑦᑐᑐᖃᐅᕗᖅ, ᑖᒃᑯᐊ ᐃᖅᑲᓇᐃᔭᕐᕕᑦ ᐊᖑᑎᓅᖓᓂᖅᓴᐅᓯᒪᒻᒪᑕ, ᓴᖅᑭᕝᕕᐅᓕᕈᓐᓇᖅᑐᑦ ᐃᓄᐃᑦ ᐊᕐᓇᐃᑦ ᓇᓕᒧᖏᑦᑐᓂᑦ ᐱᕕᑦᓴᖃᖅᑎᑕᐅᓂᕐᒥᑦ ᑮᓇᐅᔾᔭᑦᓴᕐᓂᕐᒥᑦ ᐊᒻᒪᓗ ᒪᑭᒪᑦᓯᐊᕐᓂᕐᒥᑦ, ᐊᑐᖅᑕᐅᔪᓪᓗ ᓄᓕᐊᕐᓂᒃᑯᑦ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᐸᕝᕕᓴᖅᑕᐅᓂᕐᒥᖅ ᐃᖅᑲᓇᐃᔭᕐᕕᒻᒥᑦ.

ᑐᕌᒐᕆᔭᐅᔪᖅ ᑖᑦᓱᒧᖓ ᐅᓂᒃᑳᓕᐊᒧᑦ ᐱᖓᓲᓕᖅᑲᖓᕗᖅ, ᖃᐅᔨᓴᖅᑐᖅ:

1. ᐃᓄᐃᑦ ᐊᕐᓇᐃᑦ ᑮᓇᐅᔾᔭᑦᓴᕋᓱᐊᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓂᕐᒥᑦ;
2. ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᑦ ᓄᓕᐊᕐᓂᒃᑯᑦ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᐸᕝᕕᓴᖅᑕᐅᓂᕐᒥᑦ ᓄᓇᒥᙶᖅᑐᓂᑦ ᐲᔭᐃᔨᐅᔪᓂᑦ ᓴᓇᕕᓐᓂ; ᐊᒻᒪᓗ
3. ᐃᓄᐃᑦ ᐊᕐᓇᐃᑦ ᖃᐅᔨᒪᓂᖏᑦ ᑐᕌᖓᔪᓂᑦ ᐊᑐᐊᒐᕐᓂᒃ ᐊᒻᒪᓗ ᐱᓕᕆᔾᔪᓯᕐᓂᑦ ᐃᖅᑲᓇᐃᔭᕐᕕᒻᒥ.

ᐊᑦᑐᐃᓂᐅᔪᑦ ᐱᑕᖃᖅᐸᒌᖅᑐᓂᑦ ᖃᐅᔨᓴᕐᓂᐅᔪᓂᑦ ᐸᐅᒃᑑᑎᒃᑯᑦ ᐱᔭᕇᓚᐅᖅᑕᖓᓂ 2014, 2016 ᐊᒻᒪᓗ 2020, ᖃᐅᔨᓴᓚᐅᖅᑐᑦ ᐊᑦᑐᐃᓂᐅᔪᓂᑦ ᓄᓇᒥᙶᖅᑐᓂᑦ ᐲᔭᐃᓂᕐᒥᑦ ᐃᓄᓐᓂᒃ ᐊᕐᓇᓂᑦ ᐊᒻᒪᓗ ᐃᓚᒋᔭᖏᓐᓂᒃ. ᖃᐅᔨᓴᕐᓂᐅᔪᖅ ᑐᕌᖓᓚᐅᖅᑐᖅ ᓴᖅᑮᓂᕐᒥᑦ ᐱᓪᓚᑦᑖᖑᓂᖓᓂ ᓄᓕᐊᕐᓂᒃᑯᑦ ᐋᓐᓂᖅᓯᕆᓂᕐᒥᑦ ᐊᒻᒪᓗ ᐸᕝᕕᓵᕆᓂᕐᒥᑦ ᐃᓄᓐᓂᒃ ᐊᕐᓇᓂᑦ ᐅᑭᐅᖅᑕᖅᑐᒥ, ᓇᓗᓇᐃᖅᓯᓂᕐᒥᓪᓗ ᐊᒥᒐᕆᔭᐅᔪᓂᑦ, ᐱᕕᑦᓴᖃᕐᓂᐅᔪᓂᑦ ᐊᒻᒪᓗ ᐊᑐᓕᖁᔭᐅᔪᓂᑦ ᐱᔾᔪᑎᒋᓪᓗᒍ ᐃᓄᐃᑦ ᐊᕐᓇᐃᑦ ᑮᓇᐅᔾᔭᑦᓴᕋᓱᐊᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓂᕐᒧᑦ ᐃᓄᐃᑦ ᓄᓇᖓᓂ.

ᖃᐅᔨᔭᐅᔪᑦ ᑖᑦᓱᒧᖓ ᖃᐅᔨᓴᕐᓂᕐᒧᑦ ᑐᙵᕕᖃᖅᑐᑦ ᐱᐅᓂᖓᓂ ᐊᒻᒪᓗ ᐊᒥᓲᓂᖓᓂ ᐊᐱᖅᓱᕐᓂᕐᒧᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐱᔭᕇᖅᑕᐅᓚᐅᖅᑐᑦ 29-ᓄᑦ ᐊᕐᓇᓄᑦ ᐊᕐᕕᐊᓂ (ᓄᓇᕗᑦ), ᓴᓪᓗᐃᑦ (ᓄᓇᕕᒃ), ᐃᓅᕕᒃ (ᐃᓄᕕᐊᓗᐃᑦ) ᐊᒻᒪᓗ ᖃᒪᓂ’ᑐᐊᖅ (ᑭᕙᓪᓕᖅ).

https://pauktuutit.ca/wp-content/uploads/Addressing-Inuit-Womens-Economic-Security-Prosperity_Mar302021.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2021

ᐃᓕᓐᓂᐊᕈᑕᐅᓚᐅᖅᑐᖅ ᐱᓕᕆᐊᖑᓂᖓᓂ II ᖃᓄᐃᓕᐅᕈᑎᑦᓴᓂᑦ ᐱᖃᑕᐅᑎᑦᓯᓂᕐᒥᑦ ᐃᓄᓐᓂᒃ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ ᐋᓐᓂᖅᓯᕆᑦᑕᐃᓕᒪᓂᕐᒧᑦ ᐊᕐᓇᓂᑦ ᓂᕕᐊᖅᓯᐊᓂᓪᓗ ᐱᓕᕆᐊᑦᓴᖅ ᑐᓴᖅᑎᑦᓯᓚᐅᖅᑐᖅ ᐊᒻᒪᓗ ᐊᑐᐃᓐᓇᐅᑎᑦᓯᓪᓗᓂ ᓱᓕᔪᓂᑦ ᐱᓕᒻᒪᒃᓴᕐᓂᖅ ᑭᓱᓕᕆᔾᔪᑏᑦ.

ᑭᓱᓕᕆᔾᔪᑏᑦ ᐋᖅᑭᒋᐊᖅᑕᐅᓚᐅᖅᑐᖅ ᐱᖃᓯᐅᔾᔨᓂᕐᒥᑦ ᑲᓇᑕᒥ ᐃᓄᐃᑦ ᒪᓕᒍᒥᓇᖅᑐᖅ, ᐃᓗᓕᒃᑲᓐᓂᖏᑦ ᐊᒻᒪᓗᐃ ᐃᑲᔫᑎᑦᓴᒃᑲᓐᓃᑦ ᖃᐅᔨᒪᔨᑕᕐᓄᑦ, ᐊᒻᒪᓗ ᓴᖅᑮᓂᕐᒥᑦ ᑕᑯᒥᓇᓐᓂᖅᓴᐅᔪᒥᑦ ᐊᒻᒪᓗ ᐊᑐᐃᓐᓇᐅᓂᖅᓴᒥᑦ ᑎᑎᖅᑲᕐᒥᑦ.

ᐱᓕᕆᐊᑦᓴᖅ ᑐᕌᖓᕗᖅ ᖃᐅᔨᒪᔭᐅᔭᕆᐊᖃᖅᑐᓂᑦ ᐊᒻᒪᓗ ᓴᙱᓕᖅᑎᑦᑎᓂᖅ ᑲᒪᒋᔪᓐᓇᕐᓂᖅ ᐊᒃᓱᕈᕐᓇᖅᑐᓂᒃ ᐊᔪᙱᔾᔪᑎᔅᓴᓂᑦ ᐃᓄᐃᑦ ᐊᖑᑎᑦ ᐊᒻᒪᓗ ᓄᑲᑉᐱᐊᓄᑦ ᓄᖑᑎᕆᕙᓪᓕᐊᓗᒋᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐱᑦᑎᐊᙱᓐᓂᕐᒧᑦ ᐃᓄᐃᑦ ᓄᓇᓕᖏᓐᓂ. ᑭᓱᓕᕆᔾᔪᑏᑦ ᑎᑎᖅᑲᐅᕗᑦ ᐊᑐᐃᓐᓇᐅᑎᑦᓯᔪᓂᑦ ᑐᓴᐅᒪᔾᔪᑎᑦᓴᓂᑦ ᒪᑯᓄᖓ:

• ᐃᑲᔪᕐᓂᕐᒥᑦ ᓄᓇᓕᒻᒥᑦ ᐊᒻᒪᓗ ᐃᓄᓐᓂᒃ ᐱᕙᒌᔭᐃᓂᕐᒥᑦ ᒪᒥᓴᕐᓂᕐᒧᑦ ᐊᒻᒪᓗ ᐊᓯᔾᔨᕐᓂᕐᒧᑦ;
• ᓇᓗᓇᐃᖅᓯᓂᕐᒥᑦ ᐃᑲᔪᖅᑎᐅᔪᒥᓇᖅᑐᒥᑦ;
• ᐃᓕᓐᓂᐊᖅᑎᑦᓯᓂᕐᒥᑦ ᐊᒻᒪᓗ ᐱᓕᕆᖃᑎᒋᓂᐊᖅᑕᖏᓐᓂᒃ;
• ᐱᒋᐊᖅᑎᑦᓯᓗᑎᒃ ᐊᖑᑎᓂᑦ ᑲᑎᖃᑦᑕᕐᓂᐊᖅᑐᓂᑦ;
• ᐋᖅᑭᑦᓱᐃᓂᕐᒥᑦ ᑲᑎᙵᔪᓂᑦ ᐋᖅᑭᑦᓱᖅᓯᒪᔪᒥᑦ;
• ᐃᖃᐃᓕᓴᖅᑎᑦᓯᓗᑎᒃ ᐊᒻᒪᓗ ᖃᓄᐃᓕᐅᕈᑎᑦᓴᓂᑦ ᐱᖃᑕᐅᔪᓂᑦ ᑲᒪᒋᔭᖃᕐᓂᕐᒧᑦ ᐊᑲᐅᙱᓕᐅᕈᑎᓂᑦ ᓲᕐᓗ ᐃᒻᒥᓂ ᐅᔾᔨᕈᓱᓕᕐᓂᕐᒥᑦ ᐊᒻᒪᓗ ᒪᑭᑉᐹᓪᓕᓂᕐᒥᑦ, ᓂᙵᐅᒪᓂᖅ, ᓯᓐᓇᓂᖅ, ᐊᓂᒍᖅᑎᑕᐅᓯᒪᙱᑦᑐᑦ ᖁᐊᖅᓵᕐᓃᑦ, ᐊᓯᖏᑦ;
• ᑲᑎᖅᓱᕐᓗᒋᑦ ᐱᓕᕆᐊᑦᓴᒧᑦ ᐊᑭᖏᑦ; ᐊᒻᒪᓗ
• ᐋᖅᑭᑦᓱᐃᓗᑎᒃ ᐱᓕᕆᐊᑦᓴᒧᑦ ᓇᓗᓇᐃᔭᐅᑎᖏᓐᓂᒃ ᓲᕐᓗ, ᓇᑭᑦ ᑮᓇᐅᔭᖅᑖᕈᓐᓇᕐᒪᖔᑦ, ᖃᓄᖅ ᐊᑐᐃᓐᓇᖃᕐᕕᐅᓂᕐᒥᑦ ᑮᓇᐅᔭᕐᓂᒃ, ᐃᓂᑦᓴᖅᑖᕐᓂᕐᒥᑦ, ᐊᓯᖏᑦ.

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑖᓐᓇ ᐅᓂᒃᑳᓕᐊᖅ ᓴᖅᑮᕗᖅ ᓇᓂᔭᐅᔪᓂᑦ ᕿᒥᕐᕈᓂᕐᒥᑦ ᑐᓴᐅᒪᑎᑦᓯᓂᕐᒥᑦ ᐊᖏᓂᖅᓴᒥᑦ ᐱᓕᕆᐊᑦᓴᒥᑦ ᐃᓄᓐᓂᒃ ᐊᕐᓇᓂᑦ, ᒪᒃᑯᑦᑐᓂᑦ, ᐊᒻᒪᓗ ᐊᐃᑉᐸᖏᓐᓂᒃ ᐅᔾᔨᕈᓱᓕᖅᑎᑦᓯᓂᐊᖅᑐᒥᑦ ᐊᒻᒪᓗ ᐃᓕᓐᓂᐊᖅᑎᑦᓯᓗᓂ ᐊᑦᑕᓇᖅᑐᑦ ᐊᑦᑎᓪᓕᒋᐊᖅᑕᐅᓂᖏᑦ ᐱᓕᕆᓂᒃᑯᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᕐᓂᕐᒧᑦ. ᐊᖏᓂᖓᓄᑦ ᕿᒥᕐᕈᔭᐅᓂᖓ ᓇᓗᓇᐃᖅᓯᓇᓱᐊᓚᐅᖅᑐᖅ ᐊᒻᒪᓗ ᓇᐃᓈᖅᓯᓪᓗᓂ ᐃᓕᓐᓂᐊᕐᓂᕐᒧᑦ ᐊᒻᒪᓗ ᓯᐊᕐᓇᓂ ᐅᖃᓕᒫᓂᕐᒥᑦ ᑕᒪᒃᑯᓄᖓ:

1. ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᖅᑕᐅᓂᖏᑦ ᐃᓄᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ ᐊᑕᖏᐅᒪᔪᖅ; ᐊᒻᒪᓗ
2. ᐊᑑᑎᖃᖅᑐᑦ ᓱᕐᕋᕐᓇᖅᑐᓂᒃ ᐊᑐᖃᑦᑕᕐᓂᕐᒧᑦ ᓄᖅᑲᖅᑎᑦᓯᓂᕐᒥᑦ ᓇᓗᓇᐃᖅᓯᒪᔪᑦ ᐊᒻᒪᓗ ᖃᐅᔨᓴᖅᑕᐅᔪᑦ ᑖᒃᑯᓄᖓ/ᑐᕌᖓᓪᓗᓂ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ (ᐃᓚᒋᓗᓂᒋᑦ ᐃᓕᖅᑯᓯᕐᒧᑦ ᐊᒻᒪᓗ ᓄᓇᒥ ᑐᙵᕕᓕᓐᓂᒃ ᓱᒋᐊᕐᓂᕐᒥᑦ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᒻᒪᓗ ᖁᐊᖅᓵᕐᓇᖅᑐᒃᑰᓂᑯᓂᑦ ᓱᒋᐊᕐᓂᕐᒥᑦ, ᐊᒻᒪᓗ ᓴᙱᓂᖃᕐᓂᒃᑯᑦ ᑐᙵᕕᖃᕐᓂᕐᒥᑦ ᐊᑕᖏᐅᒪᔪᒃᑯᑦ ᓱᒋᐊᕐᓂᕐᒥᑦ).

ᐱᑕᖃᓗᐊᙱᓐᓂᖓ ᓱᓕᓂᕋᐃᕈᑎᓂᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐊᑐᖃᑦᑕᕐᓂᕐᒥᑦ ᐊᒻᒪᓗ ᓄᖅᑲᑎᑦᓯᒐᓱᐊᕐᓂᕐᒥᑦ ᐃᓄᓐᓂᒃ, ᖃᐅᔨᓴᖅᑕᐅᓂᑰᔪᓂᑦ ᐊᑐᕐᓗᑎᒃ ᕿᒥᕐᕈᓂᕐᒥᑦ ᐊᖏᓪᓕᒋᐊᖅᑕᐅᓚᐅᖅᑐᖅ ᐃᓚᓕᐅᔾᔨᓂᕐᒥᑦ ᑐᓴᐅᒪᔾᔪᑎᑦᓴᓂᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐱᑕᖃᕐᓂᖓᓂ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ ᐊᒻᒪᓗ ᐅᑭᐅᖅᑕᖅᑐᒥᑦ ᐊᒻᒪᓗ ᓱᕐᕋᕐᓇᖅᑐᓂᑦ ᐊᑐᕈᓐᓃᕐᓂᕐᒧᑦ ᒪᒥᓴᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᖃᐅᔨᒪᓕᖅᑎᑦᓯᓂᐅᔪᖅ ᑕᕝᕙᓂ ᐅᓂᒃᑳᓕᐊᒥᑦ ᑐᙵᕕᖃᖅᑐᖅ ᐊᕐᕌᒍᓕᒫᒥᑦ ᖃᐅᔨᓴᕐᓂᕐᒥᑦ ᐃᓚᖃᓚᐅᖅᑐᖅ ᐊᕙᑎᓕᕆᓂᕐᒥᑦ ᕿᒥᕐᕈᓂᕐᒥᑦ ᐊᒻᒪᓗ ᓄᓇᓕᓐᓄᑦ ᐳᓚᕋᑉᐸᑦᓱᑎᒃ ᐃᓄᐃᑦ ᓄᓇᖓᓂ. ᑲᒪᒋᔭᖃᓚᐅᖅᑐᒍᑦ ᐃᓄᐃᑦ ᐊᕐᓇᐃᑦ ᐊᑐᐃᓐᓇᖃᕐᕕᐅᓂᖏᓐᓂᒃ ᕿᑐᕐᖏᐅᕈᓐᓇᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ, ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᐊᒻᒪᓗ ᑐᓴᐅᒪᔾᔪᑎᑦᓴᓂᑦ, ᐊᑐᕈᓐᓇᑲᐃᓐᓇᖅᑐᑦ ᓇᔾᔨᓕᔾᔭᐃᒃᑯᑏᑦ ᐊᒻᒪᓗ ᓇᔾᔨᓕᒃᑲᓐᓂᓚᐅᖅᓯᒪᒍᓐᓇᙱᓐᓂᕐᒥᑦ, ᓇᔾᔨᓕᕈᓐᓇᕐᓂᕐᒧᑦ ᐊᑐᕈᓐᓇᖅᑐᑦ, ᓇᔾᔨᓂᖓᓂ ᐊᒻᒪᓗ ᐃᕐᓂᓯᒪᓕᕈᓂ ᐸᖅᑭᔭᐅᓂᕐᒥᑦ ᐊᒻᒪᓗ ᐃᕐᓂᓱᑦᓰᓂᕐᒥᑦ. ᑖᓐᓇ ᐅᓂᒃᑳᓕᐊᖅ ᑐᙵᕕᖃᖅᑐᖅ ᐅᑉᐱᕆᔭᐅᔪᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᑦ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᐊᕐᓇᐃᑦ ᓇᓕᒧᑦᑐᒥᑦ ᐊᑐᐃᓐᓇᖃᕐᕕᐅᓗᑎᒃ ᐊᒻᒪᓗ ᐸᖅᑭᔭᐅᓗᑎᒃ.

ᖃᐅᔨᓴᕐᓂᖅ ᑲᒪᒋᔭᐅᓚᐅᖅᑐᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐃᑲᔪᖅᓱᖅᑕᐅᓪᓗᑎ ᑕᐃᔮᓐ ᑭᓇᓐ (ᑭᓇᓐ ᖃᐅᔨᒃᑲᐃᔩᑦ). ᖁᔭᓕᓯᒪᓪᓚᕆᑦᑐᒍᑦ ᐊᒥᓱᓄᑦ ᐃᓄᓐᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᑲᔪᕐᓂᖃᓚᐅᖅᑐᓂᑦ ᐃᓱᒪᒋᔭᒥᓂ, ᖃᐅᔨᒪᔭᒥᓂ, ᐊᒻᒪᓗ ᖃᐅᔨᒪᑦᓯᐊᕐᓂᖏᓐᓂᒃ ᑖᑦᓱᒧᖓ ᐅᓂᒃᑳᓕᐊᒧᑦ. ᑕᒪᓐᓇ ᐱᒻᒪᕆᐅᔪᖅ ᐱᓕᕆᐊᖑᓂᖓ ᑲᔪᓯᑎᑕᐅᑲᓇᙱᑦᑐᖅ ᐃᑲᔪᓚᐅᙱᑉᐸᑕ ᐊᒻᒪᓗ ᐅᖃᓪᓚᑦᓯᐊᕈᓐᓇᓚᐅᕐᒪᑕ ᓇᒻᒥᓂᕐᒨᖓᕐᔪᐊᖅᑐᓂᑦ ᐃᓛᓐᓂᒃᑯᓪᓗ ᖁᐊᖅᓵᕐᓇᖅᑐᓂᑦ ᑐᓴᐅᒪᔾᔪᑎᑦᓴᓂᑦ.

ᓯᕗᓪᓕᕐᒥᑦ ᐱᓗᐊᙳᐊᖅᑐᒥᓪᓗ, ᖁᔭᓕᓪᓚᕆᑦᑕᕗᑦ ᐊᕐᓇᐃᑦ ᕐᑲᖏᖅᖠᓂᕐᒥ, ᐊᕐᕕᐊᓂ, ᑰᔾᔪᐊᕐᒥ, ᐃᓅᕕᒻᒥ, ᐃᖃᓗᓐᓂ ᐊᒻᒪᓗ ᓄᓇᐃᓂᒥ ᐱᖃᑕᐅᓚᐅᖅᑐᓂᑦ ᐊᐱᖅᓱᖅᑕᐅᓂᕐᒧᑦ ᐊᒻᒪᓗ ᓄᓇᓕᒻᒥ ᐅᖃᖃᑎᒌᓂᕐᒧᑦ. ᑐᓴᐅᒪᔾᔪᑎᑦᓴᑦ ᐅᖃᐅᓯᕆᔭᖏᑦ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᑐᕌᖓᑎᓪᓗᒍ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐱᔪᓐᓇᐅᑎᒋᔭᐅᔪᓂᑦ ᑕᐃᒪᐃᒋᐊᓕᒃ ᑎᑭᐅᒪᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᓕᖅᑎᑦᓯᓂᕐᒥᑦ ᖃᐅᔨᒪᒋᐊᕐᓗᑎᒃ ᑕᒪᕐᒥᑦᓯᐊᑦ ᐃᓄᐃᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐱᔪᓐᓇᑎᖃᕐᒪᑕ ᐃᓱᒪᖅᓱᕐᓂᕐᒥᑦ ᐊᑭᕋᖅᑐᖅᑕᐅᖏᓪᓗᑎ, ᐋᓐᓂᖅᓱᖅᑕᐅᖏᓪᓗᑎ, ᑭᑭᑕᐅᖏᓪᓗᑎ ᐊᒻᒪᓗ ᐱᓂᕐᓗᑦᑕᐅᖏᓪᓗᑎ.

ᑕᐃᒪᐃᒻᒥᔪᖅ, ᖁᔭᓕᓪᓚᕆᑦᑐᒍᑦ 22-ᓄᑦ ᓄᓕᐊᕐᓂᒃᑯᑦ ᐊᒻᒪᓗ ᓇᔾᔨᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᑲᔪᓚᐅᖅᑐᓂᑦ ᑐᓴᐅᒪᔾᔪᑎᑦᓴᓂᑦ ᐊᑦᓱᕉᑕᐅᔪᓂᑦ ᐊᒻᒪᓗ ᓄᖅᑲᖓᕈᑕᐅᔪᓂᑦ ᐃᓄᐃᑦ ᐊᕐᓇᓄᑦ ᐊᒻᒪᓗ ᓂᕕᐊᖅᓯᐊᓄᑦ ᑐᕌᖓᑎᓪᓗᒋᑦ ᓄᓕᐊᕐᓂᕐᒧᑦ ᐊᒻᒪᓗ ᕿᑐᕐᖏᐅᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᐅᒋᐊᓕᓐᓂᒃ ᐊᒻᒪᓗ ᐱᔪᓐᓇᐅᑎᖏᓐᓄᑦ.
ᑮᓇᐅᔭᑦ ᑖᑦᓱᒧᖓ ᖃᐅᔨᓴᕐᓂᕐᒧᑦ ᐊᑐᐃᓐᓇᐅᑎᑕᐅᓚᐅᖅᑐᖅ ᑖᒃᑯᓄᖓ ᐊᓪᓚᓄᑦ ᐊᒻᒪ ᐃᓄᐃᑦ ᐋᓐᓂᐊᖅᑐᓕᕆᕕᖏᓐᓄᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ.

ᐊᕐᕌᒍᒥᑦ ᓴᖅᑭᑕᐅᔪᖅ 2020

ᑕᒪᓐᓇ ᑎᑎᕋᖅᓯᒪᔪᑦ ᕿᒥᕐᕈᓂᖅ ᑕᑯᓂᐊᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᕐᓂᒃ, ᒪᓕᒐᓕᐊᓂᑦ ᐊᒻᒪᓗ ᐋᖅᑭᑦᓱᖅᓯᒪᔪᓂᑦ ᓄᓇᕐᔪᐊᓕᒫᒥᑦ ᑲᓇᑕᒥᓗ ᐊᖏᓂᖃᖅᑐᓂᑦ ᓴᖅᑮᓂᕐᒥᑦ ᐱᔭᑦᓴᕆᔭᐅᔪᓂᑦ ᐊᒻᒪᓗ ᑲᒪᒋᔭᐅᔭᕆᐊᓕᓐᓂᒃ ᒐᕙᒪᓄᑦ, ᒐᕙᒪᐅᙱᑦᑐᓄᑦ ᐊᒻᒪᓗ ᓴᓇᕕᓐᓂ ᓴᐳᔾᔨᕐᓂᒥᑦ ᖃᓄᐃᙱᑦᓯᐊᕐᓂᕆᔭᖏᓐᓂᒃ ᐃᓄᐃᑦ ᐊᕐᓇᐃᑦ ᐊᒻᒪᓗ ᓄᓇᓕᐅᔪᑦ. ᓄᓇᕐᔪᐊᕐᒥᑦ ᐃᓄᓐᓄᑦ ᐱᔪᓐᓇᐅᑏᑦ ᐋᖅᑭᑦᓱᖅᓯᒪᔪᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᐊᖏᓂᖓᓂ ᖃᓄᖅ ᐊᕐᓇᐃᑦ ᐱᔪᓐᓇᐅᑎᖏᓐᓂᒃ ᓴᐳᔾᔨᔩᑦ ᑲᒪᒋᔭᖃᓲᖑᒻᒪᖔᑦ ᐊᕕᑦᑐᖅᓯᒪᔪᓂᑦ ᐊᒻᒪᓗ ᓄᓇᓕᒻᒥ ᐊᑲᐅᙱᓕᐅᕈᑕᐅᔪᓂᑦ ᑐᕌᖓᔪᓂᑦ ᐲᔭᐃᓂᕐᒧᑦ ᐊᐅᓚᑦᓯᓂᕐᒥᑦ. ᓴᖅᑮᒻᒥᔪᖅ ᑭᐅᔾᔪᑕᐅᔪᓂᑦ ᓴᓇᕕᓐᓂᑦ ᐊᒻᒪᓗ ᐱᓕᕆᔨᓂᑦ ᐊᕐᓇᓄᑦ ᐱᔪᓐᓇᐅᑎᒋᔭᐅᔪᓂᑦ ᓴᐳᔾᔨᔨᓄᑦ, ᓴᖅᑭᔮᖅᑎᑦᓯᓂᕐᒥᓪᓗ ᓄᓇᕐᔪᐊᕐᒥᑦ ᐊᑐᖅᑕᐅᔪᓂᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒧᑦ ᑐᕌᖓᔪᓂᑦ ᓄᓇᒥᙶᖅᑐᓂᑦ ᐲᔭᐃᔪᓂᑦ ᓴᓇᕕᓐᓂᑦ.

ᐃᓚᖏᑦ ᓄᓇᕐᔪᐊᕐᒥᑦ ᐃᓄᓐᓄᑦ ᐱᔪᓐᓇᐅᑏᑦ ᐋᖅᑭᑦᓱᖅᓯᒪᔪᑦ ᐊᑐᖅᑕᐅᓂᐊᖅᑐᑦ ᑖᑦᓱᒧᖓ ᖃᐅᔨᓴᖅᑕᐅᓂᑰᔪᓂᑦ ᐊᑐᕐᓗᑎᒃ ᕿᒥᕐᕈᓂᕐᒥᑦ, ᓴᖅᑮᕋᔭᖅᑐᖅ ᓄᓇᕐᔪᐊᕐᒥᑦ ᐊᑐᕆᐊᓕᓐᓂᒃ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᓂᑦ ᑐᕌᖓᔪᓂᑦ ᓄᓇᖃᖅᑳᖅᓯᒪᔪᓄᑦ, ᐃᓚᖃᖅᑐᖅ ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ (UNDRIP) ᐊᒻᒪᓗ ᓄᓇᕐᔪᐊᕐᒥ ᓱᓕᓂᕋᐃᕈᑎ ᐃᓄᐃᑦ ᐱᔪᓐᓇᐅᑎᖏᓐᓄᑦ (UDHR). ᑲᓇᑕᒥ ᐋᖅᑭᑦᓱᖅᓯᒪᔪᑦ, ᓲᕐᓗ 94 ᖃᓄᐃᓕᐅᕆᐊᕐᓂᕐᒧᑦ ᓱᓕᔪᓂᑦ ᐊᒻᒪᓗ ᓴᐃᒻᒪᖃᑎᒌᓐᓂᕐᒧᑦ ᑲᒥᓴᒃᑯᑦ ᑲᓇᑕᒥ (TRC) ᐊᒻᒪᓗ ᑲᓇᑕᒥ ᐱᔪᓐᓇᐅᑎᓄᑦ ᐊᒻᒪᓗ ᐃᓱᒪᖅᓱᕐᓂᕐᒧᑦ ᑲᒪᒋᔭᐅᓂᐊᕐᒥᔪᖅ ᒪᓕᒋᐊᓕᓐᓂᒃ ᑲᓇᑕᐅᑉ ᒐᕙᒪᖓᓄᑦ ᐱᐅᖅᓱᐊᕐᓂᕐᒧᑦ ᐊᒻᒪᓗ ᐱᐅᓯᕚᓪᓕᖅᑎᑦᓯᓂᕐᒥᑦ ᒐᕙᒪᒃᑯᑦ, ᐃᓅᓯᕐᒧᑦ ᐊᒻᒪᓗ ᑮᓇᐅᔾᔭᓂᒃᑯᑦ ᐱᔪᓐᓇᐅᑎᒋᔭᐅᔪᓂᑦ ᐃᓄᐃᑦ ᐊᕐᓇᐃᑦ, ᓱᕈᓰᑦ ᐊᒻᒪᓗ ᓄᓇᓖᑦ. ᐱᔭᑦᓴᕆᔭᐅᔪᑦ ᐊᒻᒪᓗ ᑲᒪᒋᔭᐅᔭᕆᐊᓖᑦ ᓂᒋᐊᓂ ᐊᒻᒪᓗ ᐅᑭᐅᖅᑕᖅᑐᒥ ᐃᓱᒪᒋᓗᒍ ᖃᐅᔨᒪᑦᓯᐊᕆᐊᕐᓂᕐᒥᑦ ᖃᓄᐃᙱᑦᓯᐊᕐᓂᕆᔭᖏᒃ ᐃᓄᐃᑦ ᐊᕐᓇᐃᑦ ᐊᒻᒪᓗ ᓄᓇᓖᑦ ᓇᓗᓇᐃᖅᑕᐅᓂᐊᕐᒥᔪᖅ, ᑐᕌᖓᑎᓪᓗᒋᑦ ᒪᓕᒐᕐᓄᑦ ᐊᑐᕈᓐᓇᖅᑐᓂᑦ ᑎᓴᒪᓂᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᓄᓇᖓᓂ, ᐃᓱᒪᒋᓗᒋᑦ.

https://pauktuutit.ca/wp-content/uploads/Litterature-Review-V9-updated.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2020