ᐅᖃᓕᒫᒐᓕᐊᕆᔭᐅᓯᒪᔪᑦ

Inuit women and gender-diverse Inuit across Canada need and deserve an organization that listens to their needs and works toward solutions that address real and emerging issues. Pauktuutit is this organization – we will create a safe space for celebrating and preserving Inuit culture, language, and traditions. It is important to have a strong advocate to support both national and local efforts that recognize the ongoing impacts of colonialism on Inuit. This includes focusing on reconciliation by directing resources and attention to the significant challenges faced by Inuit women, girls and gender-diverse Inuit.

This Strategic Plan outlines our mission, vision, priorities, and goals for the next five years. It explains the steps we will take to achieve these goals. The plan also reflects on the past while considering the present and future. It is designed to be both hopeful and practical, showing our commitment to being transparent and accountable to our clients, partners, funding agencies, and the Inuit who we serve and represent.

Year Published October 2024

ᐸᐅᒃᑑᑎᒃᑯᑦ ᐱᒋᐊᖅᑎᑦᓯᓚᐅᖅᑐᑦ ᑖᑦᓱᒥᖓ ᐱᓕᕆᐊᑦᓴᒥᑦ ᑐᑭᓯᐅᒪᓂᖅᓴᐅᓂᕐᒧᑦ ᐊᑦᓱᕉᑕᐅᖃᑦᑕᖅᑐᓂᑦ ᑐᕌᖓᔪᓂᑦ ᐃᓪᓗᓕᕆᓂᕐᒧᑦ ᐊᒻᒪᓗ ᐊᖏᕐᕋᖃᙱᓐᓂᕐᒧᑦ ᐃᓄᓐᓄᑦ ᐊᕐᓇᓄᑦ ᓄᓇᓕᐸᐅᔭᕐᓂᑦ. ᑕᒪᓐᓇ ᐱᓕᕆᐊᖑᓂᖓ ᖃᐅᔨᓴᑦᑐᖅ ᖃᓄᖅ ᖃᓪᓗᓈᓃᑦᑐᑦ ᐃᓄᐃᑦ ᐊᕐᓇᐃᑦ ᑲᒪᒋᔭᖃᓲᖑᒻᒪᖔᑦ ᐃᓪᓗᑖᕋᓱᐊᕐᓂᕐᒥᑦ ᖃᓪᓗᓈᓂᑦ ᓄᓇᓕᐸᐅᔭᕐᓂᑦ ᐊᒻᒪᓗ ᑐᑭᓯᐅᒪᓂᕐᒧᑦ ᐊᕝᕕᐊᕈᑕᐅᕙᑦᑐᓂᑦ ᐊᑐᖃᑦᑕᖅᑐᖏᓐᓂᒃ. ᖃᐅᔨᓴᕐᓂᖅᑕᖃᓚᐅᖅᑐᖅ ᒪᓕᑦᓱᑎᒃ ᑐᙵᕕᐅᔪᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐸᐅᒃᑑᑎᒃᑯᑦ ᐃᓄᓐᓄᑦ ᑐᕌᖓᔪᖅ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ-ᑐᙵᕕᖃᕐᓂᕐᒥᑦ ᖃᐅᔨᓴᕐᓂᕐᒥᑦ (GBA+) ᐋᖅᑭᑦᓱᖅᓯᒪᔪᖅ, ᖄᓕᕇᖑᔪᓂᑦ, ᐊᒻᒪᓗ ᓇᓗᓇᐃᖅᓯᔾᔪᑎᓂᑦ ᑐᙵᕕᖃᕐᓂᕐᒥᑦ ᑐᑭᓯᐅᒪᓂᕐᒥᑦ.

https://pauktuutit.ca/wp-content/uploads/PAUKTUUTIT-Unique-Challenges-Faced-by-Inuit-Women-in-Urban-Centres-Regarding-Housing-and-Homelessness-IK.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᐅᑐᐱᕆ 2024

ᑖᓐᓇ ᐊᑕᖐᑦᑎᐊᖅᑐᖅ ᐅᓂᒃᑳᓕᐊᖅ, ᐋᖅᑭᑦᓱᖅᑕᐅᔪᖅ ᐱᓕᕆᖃᑎᖃᑦᓯᐊᕐᓂᒃᑯᑦ ᐃᓄᓐᓂᒃ ᓇᒻᒥᓂᖃᖅᑎᐅᔪᓂᑦ, ᐃᑲᔪᖅᓱᖅᑐᓂᑦ ᑲᑐᔾᔨᖃᑎᒌᓂᑦ, ᐊᒻᒪᓗ ᑳᓐᑐᓛᒃᑕᐅᓯᒪᔪᑦ ᑐᑦᑕᕐᕖᑦ, ᑐᕌᖓᔪᖅ ᐃᑲᔪᖅᓱᕐᓂᖅᓴᐅᓂᕐᒥᑦ ᐃᓄᓐᓂᒃ ᐊᕐᓇᓂᑦ ᓇᒻᒥᓂᖃᕐᓂᕐᒧᑦ ᐊᒻᒪᓗ ᒪᑭᒪᑦᓯᐊᕐᓗᑎᒃ ᐃᓄᐃᑦ ᓇᒻᒥᓂᖃᖅᑎᐅᔪᓂᑦ. ᐊᑐᐃᓐᓇᐅᑎᑦᓯᔪᖅ ᐱᒻᒪᕆᐅᔪᓂᑦ ᐅᖃᐅᓯᑦᓴᓂᑦ ᐊᑦᓱᕉᑕᐅᔪᓂᑦ ᐊᒻᒪᓗ ᐱᕕᑦᓴᖃᕐᓂᐅᔪᓂᑦ ᐊᑐᖅᑕᐅᔪᓂᑦ ᐃᓄᓐᓄᑦ ᐊᕐᓇᓄᑦ ᐊᑐᐃᓐᓇᖃᕐᕕᐅᓂᕐᒥᑦ ᑳᓐᑐᓛᒃᑖᕐᓂᕐᒧᑦ ᐊᒻᒪᓗ ᐱᓕᕆᓇᓱᐊᕐᓂᕐᒥᑦ ᓂᐅᕕᕐᓂᕐᒧᑦ ᐱᓕᕆᔾᔪᓯᐅᔪᓂᑦ, ᑐᑭᓯᐅᒪᑎᑦᓯᕗᖅ ᐱᒋᐊᖃᖅᑕᖏᓐᓂᒃ ᐊᒻᒪᓗ ᐱᒍᒪᔭᖏᓐᓂᒃ ᐱᕙᓪᓕᐊᑎᑦᓯᓂᒃᑯᑦ ᐃᓄᓐᓄᑦ ᑐᕌᖓᔪᒥᑦ ᐱᓕᕆᔾᔪᓯᕐᒥᑦ ᐋᖅᑭᑦᓱᖅᓯᒪᔪᒥᑦ.

ᐊᕐᕌᒍᒥᑦ ᓴᖅᑭᑕᐅᔪᖅ ᔪᓚᐃ 2024

ᑖᓐᓇ “ᓄᓇᕐᔪᐊᓕᒫᒥ ᓱᓕᓂᕋᕈᑦ ᐱᔪᓐᓇᐅᑎᒋᔭᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᓐᓄᑦ” ᑐᑭᖃᖅᑎᑦᓯᕗᖅ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᒥᑦ ᐊᑐᕆᐊᓕᖏᓐᓂᒃ. ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᒪᓕᒐᐅᙱᑦᑐᖅ, ᑭᓯᐊᓂ ᐅᖃᐅᔾᔪᐃᓲᖅ ᑲᓇᑕᐅᑉ ᒐᕙᒪᖓᓂ ᒪᓕᒐᖏᓐᓂᒃ ᖃᐅᔨᒪᒋᐊᕐᔫᒥᓗᑎᒃ ᐋᓐᓂᖅᓯᓕᖏᒃᑲᓗᐊᕐᒪᖔᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐱᔪᓐᓇᐅᑎᖏᓐᓂᒃ ᓴᐳᔾᔨᓗᑎᒃ.

ᐸᐅᒃᑑᑎᒃᑯᑦ ᓴᖅᑮᓯᒪᔪᑦ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᓴᙱᓂᖅᑖᖅᑎᑦᓯᓂᕐᒥᑦ ᐃᓄᓐᓂᒃ ᐊᕐᓇᓂᑦ, ᓂᕕᐊᖅᓯᐊᓂ, ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᐅᙱᓐᓂᖏᓐᓂᒃ ᒪᑭᑕᓂᕐᒧᑦ ᐱᔪᓐᓇᐅᑎᖏᓐᓄᑦ.

https://pauktuutit.ca/wp-content/uploads/UNDRIP-and-Inuit-woman_inuktut.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᔫᓂ 2024

ᑖᓐᓇ “ᓄᓇᕐᔪᐊᓕᒫᒥ ᓱᓕᓂᕋᕈᑦ ᐱᔪᓐᓇᐅᑎᒋᔭᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᓐᓄᑦ” ᑐᑭᖃᖅᑎᑦᓯᕗᖅ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᒥᑦ ᐊᑐᕆᐊᓕᖏᓐᓂᒃ. ᓄᓇᕐᔪᐊᓕᒫᒥ ᓱᓕᓂᕋᐃᕈᑎ ᐱᔪᓐᓇᐅᑎᒋᔭᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᒪᓕᒐᐅᙱᑦᑐᖅ, ᑭᓯᐊᓂ ᐅᖃᐅᔾᔪᐃᓲᖅ ᑲᓇᑕᐅᑉ ᒐᕙᒪᖓᓂ ᒪᓕᒐᖏᓐᓂᒃ ᖃᐅᔨᒪᒋᐊᕐᔫᒥᓗᑎᒃ ᐋᓐᓂᖅᓯᓕᖏᒃᑲᓗᐊᕐᒪᖔᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐱᔪᓐᓇᐅᑎᖏᓐᓂᒃ ᓴᐳᔾᔨᓗᑎᒃ.

ᐸᐅᒃᑑᑎᒃᑯᑦ ᓴᖅᑮᓯᒪᔪᑦ ᐃᓄᓐᓄᑦ ᑐᕌᖓᔪᓂᑦ ᐃᑲᔫᑎᑦᓴᓂᑦ ᓴᙱᓂᖅᑖᖅᑎᑦᓯᓂᕐᒥᑦ ᐃᓄᓐᓂᒃ ᐊᕐᓇᓂᑦ, ᓂᕕᐊᖅᓯᐊᓂ, ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐊᔾᔨᐅᙱᓐᓂᖏᓐᓂᒃ ᒪᑭᑕᓂᕐᒧᑦ ᐱᔪᓐᓇᐅᑎᖏᓐᓄᑦ.

https://pauktuutit.ca/wp-content/uploads/what-is-undrip_Inuktut.pdf

ᐊᕐᕌᒍᒥᑦ ᓴᖅᑭᑕᐅᔪᖅ ᔫᓂ 2024

ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᓯᕗᓪᓕᐊᔾᔨᓯᒪᔪᑦ ᐊᖏᓪᓕᒋᐊᖅᑎᑦᓯᓂᕐᒥᑦ ᐃᓄᓐᓂᒃ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ ᐃᓄᓐᓄᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᐅᙱᑦᑐᓂᑦ ᐃᓄᓐᓂᒃ. ᐱᒋᐊᖅᑎᑦᓯᓂᕐᒥᑦ ᐱᓕᕆᕝᕕᐅᔪᓂᑦ ᐊᓯᔾᔩᓂᕐᒥᑦ, ᐸᐅᒃᑑᑎᒃᑯᑦ ᑎᒍᒥᐊᖅᑎᐅᔪᓂᑦ ᑲᑎᑎᑦᓯᓚᐅᖅᑐᑦ ᑲᑐᔾᔨᖃᑎᖃᖅᓱᑎᒃ ᑲᓇᑕᒥ ᑲᑎᒪᔨᓂᑦ ᓄᓇᖃᖅᑳᖅᓯᒪᔪᓂᑦ ᐃᕐᓂᓱᑦᓰᔨᓂᑦ, ᐃᑲᔪᖅᓱᖅᑕᐅᓪᓗᑎᒃ ᑮᓇᐅᔭᕐᓂᒃ ᑕᐃᑲᙵᑦ ᓄᓇᖃᖅᑳᖅᓯᒪᔪᑦ ᐱᔨᑦᓯᕈᑏᑦ ᑲᓇᑕᒥ. ᖃᕋᓴᐅᔭᒃᑯᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᑎᑦᓯᓚᐅᖅᑐᒍᑦ ᐅᓐᓄᓴᐃᓐᓇᒃᑯᑦ ᒫᔾᔨ 28-30, 2023-ᒥᑦ, ᐅᔾᔨᕈᓱᓕᖅᑎᑦᓯᓂᕐᒧᑦ ᐊᑦᓱᕉᑕᐅᕙᑦᑐᓂᑦ ᐃᓄᓐᓄᑦ, ᐱᔭᑦᓴᕆᔭᖏᑦ ᐃᓄᐃᑦ ᐃᕐᓂᓱᑦᓰᔩᑦ, ᐱᒻᒪᕆᐅᓂᖓ ᐃᓕᖅᑯᓯᒨᖓᑦᓯᐊᖅᑐᒥᑦ ᐃᕐᓂᓱᑦᓰᓂᕐᒧᑦ ᐱᔨᑦᓯᕈᑎᓂᑦ, ᐊᒻᒪᓗ ᐱᑕᖃᕆᐊᖃᕐᓂᖓᓂ ᐱᔪᓐᓇᐅᑎᑎᒍᑦ ᑐᙵᕕᖃᖅᑐᒥᑦ ᐋᖅᑭᑦᓱᖅᓯᒪᔪᒥᑦ ᐃᑲᔪᖅᓱᕐᓂᕐᒧᑦ ᐅᑎᖅᑎᑕᐅᓂᖓ ᐊᒻᒪᓗ ᐊᑐᖃᓯᐅᑎᓂᖓ ᐃᓄᓐᓄᑦ ᐃᕐᓂᓱᑦᓰᓂᕐᒥᑦ.

ᑖᓐᓇ ᐅᓂᒃᑳᓕᐊᖅ ᓇᐃᓈᖅᓯᔪᖅ ᑲᔪᓯᑎᑕᐅᔪᓂᑦ ᐊᒻᒪᓗ ᐊᓂᒍᖅᑎᑕᐅᔪᓂᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᑲᑎᒪᓂᐅᔪᒥᑦ. ᐃᓚᒋᔭᐅᕗᖅ ᑲᔪᓰᓐᓇᖅᑐᒥᑦ ᐊᑦᓱᕈᕐᓂᕐᒥᑦ ᐱᕙᓪᓕᐊᑎᑦᓯᓂᕐᒥᑦ ᑲᓇᑕᒥ ᐃᓄᓐᓄᑦ ᐃᕐᓂᓱᑦᓰᓂᕐᒧᑦ ᐋᖅᑭᑦᓱᖅᓯᒪᔪᒥᑦ, ᑐᙵᕕᖃᕐᓗᑎᒃ ᐅᑉᐱᕆᔭᐅᔪᒥᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐃᓄᓐᓄᑦ ᐱᔪᓐᓇᐅᑎᒋᔭᐅᔪᑦ, ᐊᒻᒪᓗ ᐃᓄᐃᑦ ᐱᐅᑦᑎᐊᖅᑐᒥᑦ, ᖃᐅᔨᓴᖅᑕᐅᓂᑰᑦᓯᐊᖅᑐᓂᑦ, ᐊᒻᒪᓗ ᐃᓕᖅᑯᓯᑎᒍᑦ ᐊᑦᑕᕐᓇᙱᑦᑐᒥᑦ ᐸᖅᑭᔭᐅᑦᓯᐊᕐᓗᑎᒃ.

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᐊᔪᕿᖅᑐᖅ ᕿᑐᕐᖓᖃᐅᓯᓂᕐᒧᑦ ᐊᔪᕈᓐᓃᖅᓴᓂᕐᒧᑦ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᖃᐅᔨᑎᑦᓯᓂᕐᒧᑦ ᐊᒻᒪᓗ ᐊᑐᓕᖅᑎᑦᓯᓂᕐᒥᑦ ᐱᕚᓪᓕᕈᑕᐅᔪᓂᑦ ᐱᕙᒌᔭᐃᓂᕐᒥᑦ ᒪᒃᑯᑦᑐᓂᑦ ᐃᓄᓐᓂᒃ ᐊᖑᑎᓂᑦ ᓄᑲᑉᐱᐊᓂᓪᓗ ᑐᑭᓯᐅᒪᓂᐊᕐᒪᑕ ᐊᔪᕈᓐᓃᖅᓴᐅᑎᓂᑦ ᐅᖃᖃᑎᒌᑦᓯᐊᕐᓂᕐᒧᑦ ᐊᒻᒪᓗ ᐊᐃᑉᐸᕇᑦᓯᐊᕐᓂᕐᒧᑦ, ᐃᓕᓐᓂᐊᕐᓂᕐᒥᑦ ᐱᒻᒪᕆᐅᓂᖓᓂ ᓂᙵᓗᐊᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᓱᕈᕐᓂᕐᒥᑦ, ᐊᒻᒪᓗ ᑐᑭᓯᐅᒪᓂᕐᒥᑦ ᐱᒻᒪᕆᐅᓂᖓᓂ ᐊᖏᖅᓯᒪᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ ᐊᒻᒪᓗ ᓄᓕᐊᕐᓂᒃᑯᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓂᒃ. ᐊᑕᐅᑦᓯᒃᑯᑦ, ᑕᒪᓐᓇ ᖃᐅᔨᒪᓂᖅ ᐃᑲᔪᕐᓂᐊᖅᑐᖅ ᒪᒃᑯᑦᑐᓂᑦ ᐊᑖᑕᒋᔭᐅᔪᓂᑦ ᖃᐅᔨᓗᑎᒃ ᐊᑑᑎᖃᖅᑐᓂᑦ ᐊᔪᕈᓐᓃᖅᓴᐅᑎᓂᑦ ᐊᑦᓱᕈᓗᐊᓕᖅᑎᓪᓗᒋᑦ ᐊᒻᒪᓗ ᓂᙵᐅᒪᓂᐅᒍᓐᓇᖅᑐᖅ ᕿᑐᕐᖓᖃᖅᓱᓂ.

ᑭᓱᓕᕆᔾᔪᑏᑦ ᐊᑐᐃᓐᓇᐅᑎᑦᓯᒻᒥᔪᖅ ᐊᑑᑎᖃᖅᑐᓂᑦ ᑐᓴᐅᒪᔾᔪᑎᑦᓴᓂᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒧᑦ ᑐᙵᕕᖃᖅᑐᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓅᖃᑎᒌᓐᓂᕐᒧᑦ ᐅᖃᖃᑎᒌᓐᓂᕐᒧᑦ ᐊᔪᕈᓐᓃᖅᓴᐅᑎᓂᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᓕᖅᑎᑦᓯᓂᕐᒥᑦ ᐊᒻᒪᓗ ᐸᖅᑭᑦᓯᓂᕐᒥᑦ ᐊᒻᒪᓗ ᐃᑲᔪᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓯᕆᑦᑕᐃᓕᒪᑎᑦᓯᓂᕐᒥᑦ. ᑭᓱᓕᕆᔾᔪᑏᑦ ᐱᓕᕆᑎᑦᓯᒻᒥᔪᖅ ᐃᓄᐃᑦ ᐱᙳᐊᕈᓯᖏᓐᓂᒃ ᐊᒻᒪᓗ ᓄᓇᒥ ᖃᓄᐃᓕᐅᕈᑎᑦᓴᓂᑦ ᒪᒃᑯᑦᑐᓄᑦ ᐱᓕᕆᑦᓯᐊᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐊᓂᒍᐃᑦᓯᐊᕈᓐᓇᖅᓯᓂᕐᒥᑦ. ᑭᓱᓕᕆᔾᔪᑏᑦ ᐊᒻᒪᓗ ᖃᓄᐃᓕᐅᕈᑎᑦᓴᑦ ᐊᑐᐃᓐᓇᐅᑎᑕᐅᔪᑦ ᐊᓯᔾᔨᖅᑕᐅᒍᓐᓇᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᐊᓯᖏᓐᓄᑦ ᑲᑐᔾᔨᖃᑎᒌᓄᑦ, ᐊᑐᐃᓐᓇᐅᑎᑦᓯᓯᓐᓈᑦ ᓂᐱᖁᑎᒋᔭᐅᓂᕐᒥᑦ, ᐱᔭᐅᔭᕆᐊᓕᓐᓂᒃ ᖃᐅᔨᓴᕐᓂᕐᒥᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᑐᕌᖓᖃᓯᐅᑎᔪᓂᑦ ᐊᑦᓱᕉᑕᐅᔪᓂᑦ ᐱᓕᕆᖃᑎᖃᖅᑎᑦᓯᓂᕐᒥᑦ ᐃᓄᓐᓂᒃ ᒪᒃᑯᑦᑐᓂᑦ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ.

ᐱᔾᔪᑎᒋᔭᖓ ᐊᔪᕿᖅᑐᖅ ᑭᓱᓕᕆᔾᔪᑏᑦ ᓴᖅᑭᑕᐅᓚᐅᖅᑐᖅ ᐃᒪᐃᓕᐅᕐᓂᕐᒧᑦ:

1. ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᕐᓂᕐᒥᑦ ᐸᕐᓇᐃᓂᕐᒥᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᐊᖓᔪᖅᑳᕆᔭᐅᓂᕐᒥᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᒪᒃᑯᑦᑐᓄᑦ ᐃᓄᓐᓄᑦ ᐊᖑᑎᓄᑦ ᐊᒻᒪᓗ ᓄᑲᑉᐱᐊᓄᑦ;
2. ᑐᓴᖅᑕᐅᑎᑦᓯᓗᑎᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐃᓱᒪᒃᑯᑦ ᐊᒻᒪᓗ ᐃᑉᐱᒋᔭᒃᑯᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ, ᒪᒥᓴᕐᓂᕐᒥᑦ, ᐊᒻᒪᓗ ᐃᓄᐃᑦ ᕿᑐᕐᖓᖃᐅᓯᖏᓐᓂᒃ, ᐊᒻᒪᓗ
3. ᐃᑲᔪᕐᓂᖃᕐᓂᕐᒧᑦ ᐆᒪᑦᓯᐊᕆᖃᑎᒌᑦᑐᓄᑦ ᐃᓚᒌᓄᑦ.

https://pauktuutit.ca/wp-content/uploads/PIWC_EYMB-Ajuqiqtuq-Toolkit_Inuktitut.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᐊᕙᑎᓕᕆᓂᕐᒧᑦ ᕿᒥᕐᕈᐊᕐᓂᖅ ᑖᒃᑯᓄᖓ ᐊᓂᒍᐃᓯᒪᔪᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ ᐊᒻᒪᓗ ᐃᓚᒌᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᑭᐅᔾᔪᑎ ᐱᓕᕆᐊᑦᓴᖅ ᑲᒪᒋᔭᖃᖅᑐᖅ ᐃᑲᔫᑎᑦᓴᓂᑦ ᐊᒻᒪᓗ ᐱᔨᑦᓯᕈᑎᓂᑦ ᐊᑐᓂ ᐊᕕᑦᑐᖅᓯᒪᔪᓂᑦ ᐃᓄᐃᑦ ᓄᓇᖓᓂ ᐊᒻᒪᓗ ᐃᓚᖏᓐᓂᒃ ᓄᓇᓕᐸᐅᔭᕐᓂᒃ, ᐊᖏᓂᖅᓴᒥᓪᓗ ᑲᓇᑕᓕᒫᒥᑦ, ᖃᓪᓗᓈᓂᑦ ᐊᕕᑦᑐᖅᓯᒪᔪᓂᑦ, ᐊᒻᒪᓗ ᐅᑭᐅᖅᑕᖅᑐᒥᑦ ᖁᑦᓯᓐᓂᐅᔪᓂᑦ. ᓇᓗᓇᐃᖅᓯᕗᖅ ᐱᑕᖃᖅᐸᒌᖅᑐᓂᑦ ᐃᑲᔫᑎᑦᓴᓂᑦ ᒪᓕᒐᓕᕆᔨᓄᑦ ᐊᓯᖏᓂᓪᓗ ᓯᕗᓪᓕᖅᐹᒥᑦ ᐃᑲᔪᖅᑎᒋᔭᐅᔪᓂᒃ ᐃᖅᑲᓇᐃᔭᖅᑎᓂᒃ ᐃᑲᔪᖅᓱᖅᑐᓂᒃ ᐃᓄᓐᓂᒃ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᑰᔪᓄᑦ ᐊᓂᒍᐃᓯᒪᔪᓂᒃ ᐃᖅᑲᖅᑐᐃᕕᓕᕆᓂᒃᑯᑦ, ᓴᖅᑭᔮᖅᑎᑦᓯᕗᖅ ᐊᒥᒐᕆᔭᐅᔪᓂᑦ ᐊᒻᒪᓗ ᐱᔭᐅᔭᕆᐊᓕᓐᓂᒃ. ᕿᒥᕐᕈᓂᖅ ᑐᕌᒐᖃᖅᑐᖅ ᐃᓄᓐᓄᑦ ᑐᕌᖓᔪᓂᑦ ᐅᕝᕙᓘᓐᓃᑦ ᐊᖏᓂᖅᓴᒥᑦ ᑐᕌᖓᔪᓂᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ ᐃᑲᔫᑎᑦᓴᓂᑦ, ᑭᑭᑕᐅᓗᑎᒃ ᓄᓇᖃᖅᑳᖅᓯᒪᔪᓅᖏᑦᑐᑦ ᓱᓇᒃᑯᑖᓂᑦ.

ᑕᒪᕐᒥᑦᑎᐊᖅ ᐱᓕᕆᐊᖑᔪᑦ ᑐᙵᑎᑕᐅᓪᓗᐊᖅᐳᑦ ᖃᐅᔨᔾᔪᑕᐅᓯᒪᔪᓂᒃ−ᑐᙵᕕᓕᖕᓂᒃ ᑎᑎᕋᖅᓯᒪᔪᓂᒃ ᐃᑲᔪᖅᑐᐃᔪᒪᓂᕐᒧᑦ ᑭᐅᔾᔪᑕᐅᔪᓂᒃ. ᐃᓄᐃᑦ ᐊᕐᓇᐃᑦ ᓂᐱᖏᑦ ᑐᓴᖅᑕᐅᑦᑎᐊᖁᓪᓗᒋᑦ, ᐃᑲᔪᖅᑐᐃᕗᒍᑦ ᖃᐅᔨᓴᖅᑕᐅᔪᓂᒃ, ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐊᒻᒪᓗ ᐊᕙᑎᓕᕆᓂᕐᒧᑦ ᕿᒥᕐᕈᓂᕐᒥᑦ/ᐊᒥᒐᕆᔭᐅᔪᓂᑦ ᖃᐅᔨᓴᕐᓂᕐᒥᑦ, ᐱᓕᕆᐊᑦᓴᓕᒫᓂᑦ.

https://pauktuutit.ca/wp-content/uploads/Saimaniik-Environmental-Scan_INUK.pdf

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᑖᓐᓇ ᓴᐃᒪᓃᒃ ᑭᓱᓕᕆᔾᔪᑏᑦ, ᐋᖅᑭᑦᓱᖅᑕᐅᔪᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᑲᒪᒋᔭᖃᖅᑐᖅ ᐊᒥᓲᓗᐊᕐᓂᖏᓐᓂᒃ ᐃᓄᐃᑦ ᐊᕐᓇᐃᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓲᓄᑦ (IPV) ᐊᒻᒪᓗ ᐊᑲᐅᙱᓕᐅᕈᑕᐅᖃᑦᑕᖅᑐᓂᑦ ᐃᑲᔪᖅᑕᐅᒐᓱᐊᕐᓂᕐᒧᑦ. ᑐᕌᖓᔪᖅ ᑐᑭᓯᐅᒪᑎᑦᓯᓂᕐᒥᑦ ᒪᓕᒐᓕᕆᔨᓂᑦ ᐊᑐᖅᑕᐅᔪᑐᖃᕐᓂᒃ ᐊᒻᒪᓗ ᒫᓐᓇᐅᔪᖅ ᐃᓗᓕᖏᓐᓂᒃ ᑕᐃᒫᒃ ᐊᑐᖅᑕᐅᕙᓪᓕᐊᔪᓂᑦ, ᐊᑐᐃᓐᓇᐅᑎᑦᓯᔪᑦ ᐸᕐᓇᐅᑎᓂᑦ ᐃᑲᔪᕐᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ ᑲᒪᒋᔭᖃᕐᓂᕐᒧᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.

ᓴᐃᒪᓃᒃ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᐃᑲᔪᖅᑕᐅᓪᓗᑎᒃ ᐊᓂᒍᐃᓯᒪᔪᓂᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ, ᒪᓕᒐᓕᕆᔨᓄᑦ, ᐱᓕᕆᔨᒻᒪᕆᓐᓄᑦ, ᓄᓇᓕᒻᒥᐅᑦ ᑲᓇᑕᓕᒫᒥᑦ. ᐋᖅᑭᑦᓱᖅᓯᒪᔪᖅ ᐃᒪᐃᓕᐅᕐᓂᕐᒧᑦ:

• ᐋᖅᑭᑦᓱᐃᓂᕐᒥᑦ ᐱᔭᐅᔭᕆᐊᓕᓐᓂᒃ ᐊᒻᒪᓗ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐊᓂᒍᐃᓯᒪᔪᓄᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.
• ᐃᑲᔪᕐᓂᕐᒧᑦ ᐱᔨᑦᓯᕈᑎᓄᑦ ᐊᒥᒐᕆᔭᐅᔪᓄᑦ.

ᓴᙱᓂᖅᓴᒥᑦ ᑐᑭᓯᐅᒪᓕᕐᓗᑎᒃ ᒪᓕᒐᖅᑎᒍᑦ ᐊᑦᓱᕉᑕᐅᓲᓂᑦ ᐊᒻᒪᓗ ᐅᓗᕆᐊᓇᕐᓂᐅᔪᓂᑦ ᐊᑐᖅᑕᐅᓲᓂᑦ ᐃᓄᓐᓄᑦ ᐊᕐᓇᓄᑦ.

ᐊᕐᕌᒍᒥᑦ ᓴᖅᑭᑕᐅᔪᖅ 2024

ᑖᓐᓇ ᖃᐅᔨᓴᕐᓂᖅ ᐅᖃᐅᓯᖃᖅᐳᖅ ᖃᐅᔨᔭᐅᓪᓗᐊᑕᖅᑐᓂᑦ ᑐᕌᖓᔪᓂᑦ ᐊᑐᐃᓐᓇᐅᓂᖏᓐᓂᒃ ᕿᒫᕖᑦ ᐊᒻᒪᓗ ᐊᑦᑕᕐᓇᙱᑦᑐᑦ ᐃᓂᑦᓴᐃᑦ ᐊᕐᓇᓄᑦ ᐊᒻᒪᓗ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᐃᓄᓐᓄᑦ ᕿᑐᕐᖓᖏᓐᓄᓪᓗ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᑦ ᓄᓇᖓᓂ, ᐊᕝᕕᐊᕈᑕᐅᖃᑦᑕᖅᑐᓪᓗ ᐱᔨᑦᓯᕋᖅᑕᐅᔪᑦ ᐊᒻᒪᓗ ᐱᔨᑦᓯᕋᖅᑐᑦ ᖃᐅᔨᖃᑦᑕᖅᑕᖏᓐᓂᒃ ᐊᒻᒪᓗ ᐱᕕᑦᓴᐅᔪᓂᑦ ᐱᐅᓯᑎᑦᓯᓂᕐᒥᑦ ᐱᔨᑦᓯᕋᕐᓂᐅᔪᒥᑦ. ᐊᑐᑦᓯᐊᕐᓂᒃᑯᑦ ᐱᑕᖃᖅᐸᒌᖅᑐᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐊᒻᒪᓗ ᐊᐱᖅᓱᑦᑎᐊᕐᓂᒃᑯᑦ, ᑖᓐᓇ ᐱᓕᕆᐊᑦᓴᖅ ᑲᒪᒋᔭᖃᖅᑐᖅ ᐊᒥᒐᕆᔭᐅᓪᓚᕆᑦᑐᓂᑦ ᖃᐅᔨᒪᔭᐅᔪᓂᑦ ᐱᓪᓚᑦᑖᖑᔪᓂᑦ ᐃᑲᔪᖅᓱᐃᓂᕐᒥᑦ ᐊᒻᒪᓗ ᐱᔨᑦᓯᕈᑎᓂᑦ ᐊᑐᐃᓐᓇᐅᔪᓂᑦ ᑖᒃᑯᓄᖓ ᐅᓗᕆᐊᓇᖅᑐᒦᑦᑐᓄᑦ ᐃᓄᒋᐊᕐᓂᐅᔪᓄᑦ.

ᑕᒪᑦᓱᒥᖓ ᐱᓕᕆᓂᕐᒧᑦ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᑳᓐᑐᓛᒃᑎᑦᓯᓚᐅᖅᑐᖅ ᓄᐊᑦᓯᓂᕐᒥᑦ ᐊᒻᒪᓗ ᖃᐅᔨᓴᕐᓂᕐᒥᑦ ᐊᐱᖅᓱᕐᓂᒃᑯᑦ ᐊᒻᒪᓗ ᐅᖃᖃᑎᒌᓐᓂᒃᑯᑦ ᑲᑎᙵᔪᑦ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ ᑐᑭᓯᐊᒪᓂᖅᓴᐅᓂᕐᒧᑦ ᐊᑐᖅᑕᐅᓂᖏᑦ ᐊᒻᒪᓗ ᐊᑐᐃᓐᓇᐅᓂᖏᑦ ᕿᒫᕖᑦ, ᐊᑐᖅᑕᐅᓂᑰᔪᑦ ᐃᓄᐃᑦ ᐊᕐᓇᓄᑦ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ-ᐊᔾᔨᒌᙱᓐᓂᖏᑦ, ᐊᒻᒪᓗ ᕿᑐᕐᖓᖏᑦ, ᑭᓱᒥᓪᓗ ᐱᒋᐊᖃᕐᒪᖔᑦ ᐃᓱᒪᒋᓗᒋᑦ ᕿᒫᕖᑦ, ᓄᓇᓖᑦ, ᐊᒻᒪᓗ ᒪᑭᒪᔾᔪᑏᑦ.

https://pauktuutit.ca/wp-content/uploads/Pauktituut_FLG_Planning-for-the-Future-Report_Revised_9APR2024.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2024

ᐃᑲᔪᖅᑕᐅᓗᑎᒃ ᑐᑭᓯᒋᐊᖅᑎᑦᑎᓂᕐᒥᑦ ᐱᓕᕆᔨᓂᑦ, ᐸᐅᒃᑑᑎᒃᑯᑦ ᖃᐅᔨᓴᖅᑎᑦᑎᓚᐅᖅᑐᑦ ᐃᓪᓗᓕᕆᓂᕐᒧᑦ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᔪᓂᑦ ᐃᓄᖕᓄᑦ ᐊᒻᒪ ᐊᐱᕐᓱᐸᑦᑐᑎᒃ ᐱᔨᑦᓯᕋᖅᑎᓂᑦ 12-ᓂ ᐃᓄᒋᐊᕝᕕᓐᓂ ᑐᖕᖓᕕᓐᓂ: ᐋᑐᕚ, ᒪᓐᑐᕆᐊ, ᑐᕌᓐᑐ, ᐅᐃᓂᐸᐃᒡ, ᓴᐃᓐᑦ ᔮᓐᔅ, ᕼᐋᐱ ᕙᓕ-ᒎᔅ ᐸᐃ, ᕼᐊᓕᕚᒃᔅ, ᕆᔭᐃᓇ, ᐃᐊᑦᒪᓐᑕᓐ, ᔨᐊᓗᓇᐃᕝ, ᕕᒃᑑᕆᐊ, ᐊᒻᒪ ᕗᕋᑦᑐᕆᒃᑕᓐ, ᐊᒻᒪ ᐊᐱᕐᓱᐸᑦᑐᑎᒃ ᐃᓅᖏᑦᑐᓂᑦ ᐱᔨᑦᓯᕋᖅᑎᓂᑦ ᑖᒃᑯᓇᓂ ᓄᓇᓕᐸᐅᔭᓂ. ᐅᓂᒃᑳᓕᐊᖑᓯᒪᔪᑦ, ᑲᓇᑕᒥ ᐃᓄᒋᐊᕝᕕᓐᓂ ᐃᓄᖕᓂᒃ ᐃᓪᓗᓕᕆᓂᖅ ᐊᒻᒪ ᐊᖏᕐᕋᖃᖏᑦᑐᓕᕆᓂᖅ ᐊᑐᖅᑕᐅᒋᐊᓕᓐᓂᑦ ᖃᐅᔨᓴᕐᓂᕐᒥᑦ ᐅᓂᒃᑳᑦᓴᑦ: ᖃᐅᔨᓴᕐᓂᕐᒧᑦ ᓇᐃᓈᖅᓯᒪᔪᖅ ᑲᓇᑕᒥ ᐃᓄᒋᐊᕝᕕᓐᓂ ᐃᓄᖕᓂᒃ ᐃᓪᓗᓕᕆᓂᖅ ᐊᒻᒪ ᐊᖏᕐᕋᖃᖏᑦᑐᓕᕆᓂᖅ ᐊᑐᖅᑕᐅᒋᐊᓕᓐᓂᑦ ᖃᐅᔨᓴᕐᓂᕐᒥᑦ: ᐱᔨᑦᓯᕋᖅᑎᓂᑦ ᐊᐱᕐᓱᕐᓂᖅ ᐱᓪᓗᐊᑕᖏᓐᓂᑦ ᐅᖃᐅᓯᓕᒃ ᑭᐅᔾᔪᑎᐅᓚᐅᖅᑐᓂᑦ ᐱᔨᑦᓯᕋᖅᑎᓄᑦ ᐊᑐᓂ ᓄᓇᓕᐸᐅᔭᓂ ᐊᒻᒪ ᓴᖅᑮᓯᒪᔪᑦ ᖃᓪᓕᐅᔾᔨᓯᒪᔪᓂᑦ ᑐᕌᒐᐅᔪᓂᑦ ᐊᒻᒪ ᑕᑯᓐᓇᖅᑕᐅᓯᒪᔪᓂᑦ ᐊᐱᕐᓱᕐᓂᖃᖅᑎᓪᓗᒋᑦ. ᐊᒻᒪᑦᑕᐅᖅ, ᐸᐅᒃᑑᑎᒃᑯᑦ ᐱᔭᕇᓚᐅᕐᒥᔪᑦ ᖃᐅᔨᓴᕐᓂᕐᒥᑦ ᖃᐅᔨᓴᖅᑕᐅᓯᒪᔪᓂᑦ ᓄᓇᕐᔪᐊᕐᒥ ᐊᖏᕐᕋᖃᖏᑦᑐᓕᕆᔾᔪᑎᓂᑦ ᐊᒻᒪ ᐸᕐᓇᒍᑎᑦᓴᓕᕆᔪᓂᑦ ᓇᓕᒧᓯᒪᖁᓪᓗᒋᑦ ᑕᐃᒃᑯᐊ ᐱᓕᕆᔾᔪᑎᐅᔪᑦ ᐱᐅᓯᒋᐊᒃᑲᓐᓂᖁᓪᓗᒋᑦ ᐃᓄᖕᓄᑦ ᑲᓇᑕᒥ, ᐱᔭᕇᓚᐅᖅᑐᑦ ᖃᐅᔨᓴᖅᑕᐅᓂᑰᔪᓂᑦ ᐊᑐᕐᓗᑎᒃ ᕿᒥᕐᕈᓂᕐᒥᑦ ᑐᕌᒐᖃᖅᑐᑎᒃ ᓈᒻᒪᓐᓂᖏᓐᓂᑦ ᐊᒻᒪ ᐱᕙᓪᓕᐅᑎᕙᓐᓂᖏᓐᓂᑦ ᖃᓄᖅ ᐊᖏᕐᕋᖃᖏᑦᑐᓄᑦ ᐱᓕᕆᐊᑦᓴᐃᑦ ᐊᒻᒪ ᐱᔨᑦᓯᕋᐅᑏᑦ ᐃᓄᒋᐊᕝᕕᒻᒥᐅᑕᓄᑦ ᐃᓄᖕᓄᑦ ᑲᓇᑕᒥ, ᐊᒻᒪ ᐃᓗᓕᖏᓐᓂᑦ ᐊᖏᕐᕋᖃᖏᑦᑐᓕᕆᓂᐅᑉ ᐊᒻᒪ ᐃᓪᓗᓕᕆᓂᕐᒧ ᐱᓕᕆᐊᑦᓴᐃᑦ ᐊᒻᒪ ᐱᔨᑦᓯᕋᐅᑏᑦ 12-ᓂ ᓇᓗᓇᐃᖅᑕᐅᓯᒪᔪᓂ ᐃᓄᒋᐊᕝᕕᓐᓂ ᑎᑎᖅᑲᓕᒫᑦ ᐱᔭᐅᒍᓐᓇᖅᑐᑦ ᖃᐅᔨᒋᐊᕐᓗᑎᑦ ᐸᐅᒃᑑᑎᑦ ᐃᓅᖃᑎᒋᓄᑦ ᐊᒻᒪᓗ ᒪᑭᒪᓇᓱᐊᕈᑎᒥᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔨᖃᑎᒌᑦ ᐃᕐᖏᓐᓈᕈᑎᒃᑯᑦ ᐅᕗᖓ lijtemaye@pauktuutit.ca.

https://pauktuutit.ca/wp-content/uploads/Pauktuutit_Reaching-Home_Final-Report_Inuktut.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2023

ᓯᑎᐱᕆ 2021-ᒥᑦ ᒫᔾᔨ 2022-ᒧᑦ, ᐸᐅᒃᑑᑎᒃᑯᑦ ᐅᖃᖃᑎᖃᓚᐅᖅᑐᑦ ᐃᓄᓐᓂᒃ ᐃᓄᐃᑦ ᓄᓇᖓᓂᓂ ᐊᒻᒪᓗ ᓄᓇᓕᐸᐅᔭᕐᓃᑦᑐᓂᑦ ᑲᓇᑕᓕᒫᒥᑦ ᑐᓴᕈᒪᓪᓗᑎᒃ ᑭᓱᓂᑦ ᑕᑯᒍᒪᒐᔭᕐᒪᖔᑦ ᒐᕙᒪᑐᖃᒃᑯᓐᓂᑦ ᐃᓚᓕᐅᑎᓂᕐᒥᑦ ᓄᓇᖃᖅᑳᖅᓯᒪᓂᕐᒧᑦ-ᑐᙵᕕᖃᕐᓗᑎᒃ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒐᕐᓂᒃ.

ᑐᓴᓚᐅᖅᑐᒍᑦ ᐋᓐᓂᐊᖃᕐᓇᙱᑦᑐᓕᕆᔨᓂᑦ, ᐊᐅᓚᑦᓯᔨᓂᑦ, ᐋᓐᓂᐊᓯᐅᖅᑎᓂᑦ, ᖃᐅᔨᓴᖅᑎᓂᑦ, ᐃᓐᓇᑐᖃᕐᓂᑦ, ᐊᒻᒪᓗ ᐊᓈᓇᒋᔭᐅᔪᓂᑦ ᐊᑐᖅᓯᒪᔭᖏᓐᓂᒃ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ. ᐅᓂᒃᑳᓚᐅᖅᑐᑦ ᓴᙱᔪᓂᑦ ᑐᑦᓯᕋᖅᑐᓂᑦ ᐊᓯᔾᔩᕐᔪᐊᕐᓂᕐᒥᑦ ᒫᓐᓇᐅᔪᖅ ᐱᓕᕆᔾᔪᓯᐅᔪᒥᑦ ᐃᓄᓐᓄᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒥᑦ.

ᑖᓐᓇ ᐅᓂᒃᑳᓕᐊᖅ ᓴᖅᑮᕗᖅ ᐊᑐᓕᖁᔭᑦᑎᓐᓂᒃ ᓴᓇᕙᓪᓕᐊᓂᕐᒥᑦ ᑐᙵᕕᑦᓴᒥᑦ ᐃᓄᓐᓄᑦ ᓄᓕᐊᕐᓂᒃᑯᑦ ᐊᒻᒪᓗ ᕿᑐᕐᖏᐅᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᑲᓇᑕᒥ.

https://pauktuutit.ca/wp-content/uploads/Pauktuutit_Health-Report_ENG_03.pdf

ᐊᕐᕌᒍᒥᑦ ᓴᖅᑭᑕᐅᔪᖅ: 2022