ᐅᖃᓕᒫᒐᓕᐊᕆᔭᐅᓯᒪᔪᑦ
ᐃᓚᐅᑎᑦᓯᓂᕐᒥᑦ ᒪᒃᑯᑦᑐᓂᑦ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ ᑭᓱᓕᕆᔾᔪᑏᑦ
ᐊᔪᕿᖅᑐᖅ ᕿᑐᕐᖓᖃᐅᓯᓂᕐᒧᑦ ᐊᔪᕈᓐᓃᖅᓴᓂᕐᒧᑦ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᖃᐅᔨᑎᑦᓯᓂᕐᒧᑦ ᐊᒻᒪᓗ ᐊᑐᓕᖅᑎᑦᓯᓂᕐᒥᑦ ᐱᕚᓪᓕᕈᑕᐅᔪᓂᑦ ᐱᕙᒌᔭᐃᓂᕐᒥᑦ ᒪᒃᑯᑦᑐᓂᑦ ᐃᓄᓐᓂᒃ ᐊᖑᑎᓂᑦ ᓄᑲᑉᐱᐊᓂᓪᓗ ᑐᑭᓯᐅᒪᓂᐊᕐᒪᑕ ᐊᔪᕈᓐᓃᖅᓴᐅᑎᓂᑦ ᐅᖃᖃᑎᒌᑦᓯᐊᕐᓂᕐᒧᑦ ᐊᒻᒪᓗ ᐊᐃᑉᐸᕇᑦᓯᐊᕐᓂᕐᒧᑦ, ᐃᓕᓐᓂᐊᕐᓂᕐᒥᑦ ᐱᒻᒪᕆᐅᓂᖓᓂ ᓂᙵᓗᐊᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᓱᕈᕐᓂᕐᒥᑦ, ᐊᒻᒪᓗ ᑐᑭᓯᐅᒪᓂᕐᒥᑦ ᐱᒻᒪᕆᐅᓂᖓᓂ ᐊᖏᖅᓯᒪᓂᕐᒥᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔ ᐊᒻᒪᓗ ᓄᓕᐊᕐᓂᒃᑯᑦ ᐊᔾᔨᒌᙱᓐᓂᐅᔪᓂᑦ ᐃᓄᓐᓂᒃ. ᐊᑕᐅᑦᓯᒃᑯᑦ, ᑕᒪᓐᓇ ᖃᐅᔨᒪᓂᖅ ᐃᑲᔪᕐᓂᐊᖅᑐᖅ ᒪᒃᑯᑦᑐᓂᑦ ᐊᑖᑕᒋᔭᐅᔪᓂᑦ ᖃᐅᔨᓗᑎᒃ ᐊᑑᑎᖃᖅᑐᓂᑦ ᐊᔪᕈᓐᓃᖅᓴᐅᑎᓂᑦ ᐊᑦᓱᕈᓗᐊᓕᖅᑎᓪᓗᒋᑦ ᐊᒻᒪᓗ ᓂᙵᐅᒪᓂᐅᒍᓐᓇᖅᑐᖅ ᕿᑐᕐᖓᖃᖅᓱᓂ.
ᑭᓱᓕᕆᔾᔪᑏᑦ ᐊᑐᐃᓐᓇᐅᑎᑦᓯᒻᒥᔪᖅ ᐊᑑᑎᖃᖅᑐᓂᑦ ᑐᓴᐅᒪᔾᔪᑎᑦᓴᓂᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒧᑦ ᑐᙵᕕᖃᖅᑐᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓅᖃᑎᒌᓐᓂᕐᒧᑦ ᐅᖃᖃᑎᒌᓐᓂᕐᒧᑦ ᐊᔪᕈᓐᓃᖅᓴᐅᑎᓂᑦ ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ ᓇᓕᒧᒌᓕᖅᑎᑦᓯᓂᕐᒥᑦ ᐊᒻᒪᓗ ᐸᖅᑭᑦᓯᓂᕐᒥᑦ ᐊᒻᒪᓗ ᐃᑲᔪᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓯᕆᑦᑕᐃᓕᒪᑎᑦᓯᓂᕐᒥᑦ. ᑭᓱᓕᕆᔾᔪᑏᑦ ᐱᓕᕆᑎᑦᓯᒻᒥᔪᖅ ᐃᓄᐃᑦ ᐱᙳᐊᕈᓯᖏᓐᓂᒃ ᐊᒻᒪᓗ ᓄᓇᒥ ᖃᓄᐃᓕᐅᕈᑎᑦᓴᓂᑦ ᒪᒃᑯᑦᑐᓄᑦ ᐱᓕᕆᑦᓯᐊᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐊᓂᒍᐃᑦᓯᐊᕈᓐᓇᖅᓯᓂᕐᒥᑦ. ᑭᓱᓕᕆᔾᔪᑏᑦ ᐊᒻᒪᓗ ᖃᓄᐃᓕᐅᕈᑎᑦᓴᑦ ᐊᑐᐃᓐᓇᐅᑎᑕᐅᔪᑦ ᐊᓯᔾᔨᖅᑕᐅᒍᓐᓇᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᐊᓯᖏᓐᓄᑦ ᑲᑐᔾᔨᖃᑎᒌᓄᑦ, ᐊᑐᐃᓐᓇᐅᑎᑦᓯᓯᓐᓈᑦ ᓂᐱᖁᑎᒋᔭᐅᓂᕐᒥᑦ, ᐱᔭᐅᔭᕆᐊᓕᓐᓂᒃ ᖃᐅᔨᓴᕐᓂᕐᒥᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᑐᕌᖓᖃᓯᐅᑎᔪᓂᑦ ᐊᑦᓱᕉᑕᐅᔪᓂᑦ ᐱᓕᕆᖃᑎᖃᖅᑎᑦᓯᓂᕐᒥᑦ ᐃᓄᓐᓂᒃ ᒪᒃᑯᑦᑐᓂᑦ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ.
ᐱᔾᔪᑎᒋᔭᖓ ᐊᔪᕿᖅᑐᖅ ᑭᓱᓕᕆᔾᔪᑏᑦ ᓴᖅᑭᑕᐅᓚᐅᖅᑐᖅ ᐃᒪᐃᓕᐅᕐᓂᕐᒧᑦ:
- ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᕐᓂᕐᒥᑦ ᐸᕐᓇᐃᓂᕐᒥᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᐊᖓᔪᖅᑳᕆᔭᐅᓂᕐᒥᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᒪᒃᑯᑦᑐᓄᑦ ᐃᓄᓐᓄᑦ ᐊᖑᑎᓄᑦ ᐊᒻᒪᓗ ᓄᑲᑉᐱᐊᓄᑦ;
- ᑐᓴᖅᑕᐅᑎᑦᓯᓗᑎᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐃᓱᒪᒃᑯᑦ ᐊᒻᒪᓗ ᐃᑉᐱᒋᔭᒃᑯᑦ ᐃᓅᓯᓕᕆᔾᔪᑎᓂᑦ ᐱᓕᒻᒪᓴᕐᓂᕐᒥᑦ, ᒪᒥᓴᕐᓂᕐᒥᑦ, ᐊᒻᒪᓗ ᐃᓄᐃᑦ ᕿᑐᕐᖓᖃᐅᓯᖏᓐᓂᒃ, ᐊᒻᒪᓗ
- ᐃᑲᔪᕐᓂᖃᕐᓂᕐᒧᑦ ᐆᒪᑦᓯᐊᕆᖃᑎᒌᑦᑐᓄᑦ ᐃᓚᒌᓄᑦ.
https://pauktuutit.ca/wp-content/uploads/PIWC_EYMB-Ajuqiqtuq-Toolkit_Inuktitut.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2024
ᓴᐃᒪᓃᒃ ᐊᕙᑎᓕᕆᓂᕐᒧᑦ ᕿᒥᕐᕈᐊᕐᓂᖅ
ᐊᕙᑎᓕᕆᓂᕐᒧᑦ ᕿᒥᕐᕈᐊᕐᓂᖅ ᑖᒃᑯᓄᖓ ᐊᓂᒍᐃᓯᒪᔪᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ ᐊᒻᒪᓗ ᐃᓚᒌᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᑭᐅᔾᔪᑎ ᐱᓕᕆᐊᑦᓴᖅ ᑲᒪᒋᔭᖃᖅᑐᖅ ᐃᑲᔫᑎᑦᓴᓂᑦ ᐊᒻᒪᓗ ᐱᔨᑦᓯᕈᑎᓂᑦ ᐊᑐᓂ ᐊᕕᑦᑐᖅᓯᒪᔪᓂᑦ ᐃᓄᐃᑦ ᓄᓇᖓᓂ ᐊᒻᒪᓗ ᐃᓚᖏᓐᓂᒃ ᓄᓇᓕᐸᐅᔭᕐᓂᒃ, ᐊᖏᓂᖅᓴᒥᓪᓗ ᑲᓇᑕᓕᒫᒥᑦ, ᖃᓪᓗᓈᓂᑦ ᐊᕕᑦᑐᖅᓯᒪᔪᓂᑦ, ᐊᒻᒪᓗ ᐅᑭᐅᖅᑕᖅᑐᒥᑦ ᖁᑦᓯᓐᓂᐅᔪᓂᑦ. ᓇᓗᓇᐃᖅᓯᕗᖅ ᐱᑕᖃᖅᐸᒌᖅᑐᓂᑦ ᐃᑲᔫᑎᑦᓴᓂᑦ ᒪᓕᒐᓕᕆᔨᓄᑦ ᐊᓯᖏᓂᓪᓗ ᓯᕗᓪᓕᖅᐹᒥᑦ ᐃᑲᔪᖅᑎᒋᔭᐅᔪᓂᒃ ᐃᖅᑲᓇᐃᔭᖅᑎᓂᒃ ᐃᑲᔪᖅᓱᖅᑐᓂᒃ ᐃᓄᓐᓂᒃ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᑰᔪᓄᑦ ᐊᓂᒍᐃᓯᒪᔪᓂᒃ ᐃᖅᑲᖅᑐᐃᕕᓕᕆᓂᒃᑯᑦ, ᓴᖅᑭᔮᖅᑎᑦᓯᕗᖅ ᐊᒥᒐᕆᔭᐅᔪᓂᑦ ᐊᒻᒪᓗ ᐱᔭᐅᔭᕆᐊᓕᓐᓂᒃ. ᕿᒥᕐᕈᓂᖅ ᑐᕌᒐᖃᖅᑐᖅ ᐃᓄᓐᓄᑦ ᑐᕌᖓᔪᓂᑦ ᐅᕝᕙᓘᓐᓃᑦ ᐊᖏᓂᖅᓴᒥᑦ ᑐᕌᖓᔪᓂᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ ᐃᑲᔫᑎᑦᓴᓂᑦ, ᑭᑭᑕᐅᓗᑎᒃ ᓄᓇᖃᖅᑳᖅᓯᒪᔪᓅᖏᑦᑐᑦ ᓱᓇᒃᑯᑖᓂᑦ.
ᑕᒪᕐᒥᑦᑎᐊᖅ ᐱᓕᕆᐊᖑᔪᑦ ᑐᙵᑎᑕᐅᓪᓗᐊᖅᐳᑦ ᖃᐅᔨᔾᔪᑕᐅᓯᒪᔪᓂᒃ−ᑐᙵᕕᓕᖕᓂᒃ ᑎᑎᕋᖅᓯᒪᔪᓂᒃ ᐃᑲᔪᖅᑐᐃᔪᒪᓂᕐᒧᑦ ᑭᐅᔾᔪᑕᐅᔪᓂᒃ. ᐃᓄᐃᑦ ᐊᕐᓇᐃᑦ ᓂᐱᖏᑦ ᑐᓴᖅᑕᐅᑦᑎᐊᖁᓪᓗᒋᑦ, ᐃᑲᔪᖅᑐᐃᕗᒍᑦ ᖃᐅᔨᓴᖅᑕᐅᔪᓂᒃ, ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᑯᓂᑦ, ᐊᒻᒪᓗ ᐊᕙᑎᓕᕆᓂᕐᒧᑦ ᕿᒥᕐᕈᓂᕐᒥᑦ/ᐊᒥᒐᕆᔭᐅᔪᓂᑦ ᖃᐅᔨᓴᕐᓂᕐᒥᑦ, ᐱᓕᕆᐊᑦᓴᓕᒫᓂᑦ.
https://pauktuutit.ca/wp-content/uploads/Saimaniik-Environmental-Scan_INUK.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2024
ᓴᐃᒪᓃᒃ ᑭᓱᓕᕆᔾᔪᑏᑦ
ᑖᓐᓇ ᓴᐃᒪᓃᒃ ᑭᓱᓕᕆᔾᔪᑏᑦ, ᐋᖅᑭᑦᓱᖅᑕᐅᔪᖅ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᑲᒪᒋᔭᖃᖅᑐᖅ ᐊᒥᓲᓗᐊᕐᓂᖏᓐᓂᒃ ᐃᓄᐃᑦ ᐊᕐᓇᐃᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓲᓄᑦ (IPV) ᐊᒻᒪᓗ ᐊᑲᐅᙱᓕᐅᕈᑕᐅᖃᑦᑕᖅᑐᓂᑦ ᐃᑲᔪᖅᑕᐅᒐᓱᐊᕐᓂᕐᒧᑦ. ᑐᕌᖓᔪᖅ ᑐᑭᓯᐅᒪᑎᑦᓯᓂᕐᒥᑦ ᒪᓕᒐᓕᕆᔨᓂᑦ ᐊᑐᖅᑕᐅᔪᑐᖃᕐᓂᒃ ᐊᒻᒪᓗ ᒫᓐᓇᐅᔪᖅ ᐃᓗᓕᖏᓐᓂᒃ ᑕᐃᒫᒃ ᐊᑐᖅᑕᐅᕙᓪᓕᐊᔪᓂᑦ, ᐊᑐᐃᓐᓇᐅᑎᑦᓯᔪᑦ ᐸᕐᓇᐅᑎᓂᑦ ᐃᑲᔪᕐᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ ᑲᒪᒋᔭᖃᕐᓂᕐᒧᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.
ᓴᐃᒪᓃᒃ ᑭᓱᓕᕆᔾᔪᑏᑦ ᐋᖅᑭᑦᓱᖅᑕᐅᔪᔪᖅ ᐃᑲᔪᖅᑕᐅᓪᓗᑎᒃ ᐊᓂᒍᐃᓯᒪᔪᓂᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ, ᒪᓕᒐᓕᕆᔨᓄᑦ, ᐱᓕᕆᔨᒻᒪᕆᓐᓄᑦ, ᓄᓇᓕᒻᒥᐅᑦ ᑲᓇᑕᓕᒫᒥᑦ. ᐋᖅᑭᑦᓱᖅᓯᒪᔪᖅ ᐃᒪᐃᓕᐅᕐᓂᕐᒧᑦ:
- ᐋᖅᑭᑦᓱᐃᓂᕐᒥᑦ ᐱᔭᐅᔭᕆᐊᓕᓐᓂᒃ ᐊᒻᒪᓗ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐊᓂᒍᐃᓯᒪᔪᓄᑦ ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᕐᒧᑦ.
- ᐃᑲᔪᕐᓂᕐᒧᑦ ᐱᔨᑦᓯᕈᑎᓄᑦ ᐊᒥᒐᕆᔭᐅᔪᓄᑦ.
ᓴᙱᓂᖅᓴᒥᑦ ᑐᑭᓯᐅᒪᓕᕐᓗᑎᒃ ᒪᓕᒐᖅᑎᒍᑦ ᐊᑦᓱᕉᑕᐅᓲᓂᑦ ᐊᒻᒪᓗ ᐅᓗᕆᐊᓇᕐᓂᐅᔪᓂᑦ ᐊᑐᖅᑕᐅᓲᓂᑦ ᐃᓄᓐᓄᑦ ᐊᕐᓇᓄᑦ.
ᐊᕐᕌᒍᒥᑦ ᓴᖅᑭᑕᐅᔪᖅ 2024
ᐃᑲᔪᖃᑎᒌᓂᖅ ᐃᓄᐃᑦ ᒪᒃᑯᑦᑐᓄᑦ ᐊᖅᑯᑏᑦ ᐋᓐᓂᖅᑎᕆᑎᑦᑕᐃᓕᓂᕐᒥᑦ
ᐃᑲᔪᖃᑎᒌᓂᖅ: ᒪᒃᑯᑦᑐᓄᑦ ᐱᓕᕆᑎᑦᓯᓂᕐᒧᑦ ᑭᓱᓕᕆᔾᔪᑏᑦ ᐃᑲᔪᕐᓂᐊᖅᓯᒪᔪᑦ ᐃᓄᓐᓂᑦ ᒪᒃᑯᑦᑐᓂᑦ ᐃᓄᐃᑦ ᓄᓇᖓᓐᓂ ᓴᖅᑭᑎᑦᑎᓗᑎ ᐊᒻᒪ ᐱᓕᕆᑎᑦᑎᓗᑎ ᓇᒻᒥᓂᖅ ᒪᒃᑯᑦᑐᓄᑦ ᑲᑎᓐᓂᐅᔪᓂᑦ ᐅᕝᕙᓘᓐᓃᑦ ᐱᓕᕆᓂᐅᔪᒥᑦ. ᑕᕝᕙᓂ ᑭᓱᓕᕆᔾᔪᑎᓂ, ᓇᓂᓯᓂᐊᖅᑐᑎᑦ ᐋᖅᑭᔅᓯᒪᔭᕇᖅᑐᑦ ᐊᒻᒪ ᑭᓱᓕᕆᔾᔪᑏᑦ ᖃᓱᑎᓪᓗᒋᑦ ᓴᖅᑭᖅᑎᑕᐅᒃᑲᓂᕐᓂᖏᑦ ᑖᒃᑯᐊ ᒪᒃᑯᑦᑐᓄᑦ ᐃᓕᕆᐊᖃᓗᐊᖅᑐᑦ ᖃᓄᐃᓘᖅᑕᐅᔪᑦ. ᐱᔾᔪᑎᒋᓪᓗᒍ ᖃᓄᖅᑑᕋᔅᓴᐅᓂᖏᓐᓄᑦ ᐊᒻᒪ ᐊᑦᑐᐊᓂᓕᓐᓄᑦ ᐃᕝᕕᑦ ᓄᓇᓕᖓᓄᑦ, ᑭᓱᓕᕆᔾᔪᑏᑦ ᐃᓕᓐᓂᑦ ᓂᕈᐊᕈᓐᓇᑎᑦᑎᔪᖅ ᓇᓐᓂᐊᓐᓂ ᑭᓱᓕᕆᔾᔪᑎᓂᑦ ᐱᐅᓛᖑᓂᖏᓐᓄᑦ ᐊᑐᖅᑕᐅᓗᑎ ᐃᕝᕕᑦ ᐅᖃᖅᓯᒪᓂᖏᓐᓄᑦ ᐊᒻᒪ ᐊᑐᓕᕐᓗᒍ ᓴᖅᑭᑎᑦᑎᓗᓂ ᐱᓕᕆᔭᐅᒃᑲᓂᖅᑐᓂᑦ ᐃᕝᕕᑦ ᑲᑎᓐᖓᔪᓄᑦ ᐅᕝᕙᓘᓐᓃᑦ ᐱᓕᕆᔭᐅᔪᖅ.
ᐱᓕᕆᐊᑦᓴᖅ ᑮᓇᐅᔭᖃᖅᑎᑕᐅᓚᐅᖅᑐᖅ ᐊᓪᓚᓄᑦ ᐊᒻᒪᓗ ᐃᓄᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪᓗ ᐃᓚᒌᓂᑦ ᐋᓐᓂᖅᓯᕆᑦᑕᐃᓕᒪᓂᕐᒧᑦ ᐱᓕᕆᐊᑦᓴᒧᑦ (FVPP) – ᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ.
https://pauktuutit.ca/wp-content/uploads/IkajuqatigiiniqToolkit_ENB_FINAL.pdf
https://pauktuutit.ca/wp-content/uploads/IkajuqatigiiniqToolkit_SB_FINAL.pdf
https://pauktuutit.ca/wp-content/uploads/IkajuqatigiiniqToolkit_NUNA_FINAL.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2021
ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᐊᒻᒪᓗ ᖁᐊᖅᓵᓗᐊᖅᓯᒪᔪᓄᑦ ᖃᕋᓴᒃᑯᑦ ᐋᓐᓂᖅᓯᒪᓂᖅ
ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ (IPV, ᖃᐅᔨᒪᔭᐅᒍᓐᓇᕐᒥᔪᖅ ᐋᓐᓂᖅᓱᐃᓂᕐᒥᑦ ᐊᐃᑉᐸᕆᔭᒥᓄᑦ) ᐅᖃᐅᓯᖃᖅᐳᖅ ᑎᒥᒥᒍᑦ, ᓄᓕᐊᕐᓂᒃᑯᑦ, ᐊᒻᒪᓗ ᓇᒻᒥᓂᖅ/ᑎᒥᒥᑦ ᐃᓱᒪᒋᔭᖃᕐᓂᕐᒥᑦ ᐋᓐᓂᖅᓯᕆᓂᕐᒥᑦ ᒫᓐᓇᐅᔪᖅ ᐊᐃᑉᐸᕆᔭᐅᔪᒥᑦ ᐅᕝᕙᓘᓐᓃᑦ ᐊᐃᑉᐸᕆᔭᐅᓚᐅᖅᑐᒧᑦ. ᐊᐃᑉᐸᕆᔭᒥᓄᑦ ᐋᓐᓂᖅᓱᖅᑕᐅᓂᖅ ᖃᕋᓴᒃᑯᑦ ᐋᓐᓂᕐᓂᖅ (IPV TBI) ᑕᐃᒪᐃᒍᓐᓇᖅᑐᖅ ᐋᓐᓂᖅᑕᐅᓂᒃᑯᑦ ᐅᕝᕙᓘᓐᓃᑦ ᓯᓚᑖᓂᙶᖅᑐᒧᑦ ᐊᑦᓱᕈᖅᑐᒧᑦ ᓂᐊᖁᒃᑯᑦ, ᑮᓇᐅᒃᑯᑦ ᐅᕝᕙᓘᓐᓃᑦ ᖁᖓᓯᒃᑯᑦ, ᐅᕝᕙᓘᓐᓃᑦ ᓇᐅᒃᑯᒃᑭᐊᖅ ᑎᒥᒃᑯᑦ ᐊᐅᓚᔾᔭᒃᑲᓪᓚᓪᓗᓂ ᐅᕝᕙᓘᓐᓃᑦ ᓴᔪᑦᑎᑦᓯᔪᒥᑦ ᓂᐊᕈᕐᒥᑦ. ᑕᐃᒪᐃᑐᐃᓐᓇᕆᐊᖃᕐᒥᔪᖅ ᐃᓄᒃ ᕿᒥᓴᖅᑕᐅᑎᓪᓗᒍ ᐊᐅᒻᒥᑦ ᐃᖏᕐᕋᔪᖃᙱᓐᓂᖅᓴᐅᓕᓲᖅ ᖃᕋᓴᕐᒧᑦ.
https://pauktuutit.ca/wp-content/uploads/Pauktuutit_IPV-TBI_Violence_Brochure_English_1.pdf
https://pauktuutit.ca/wp-content/uploads/Pauktuutit_IPV-TBI_Violence_Brochure_Kivalliq_1.pdf
https://pauktuutit.ca/wp-content/uploads/Pauktuutit_IPV-TBI_Violence_Brochure_NorthBaffin_1.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2021
ᐱᓕᒻᒪᒃᓴᕐᓂᖅ: ᐱᓕᕆᖃᑎᖃᓐᓂᖅ ᐊᖑᑎᓂᒃ ᐊᒻᒪᓗ ᓄᑲᑉᐱᐊᓂᒃ ᒥᑭᓂᖅᓴᐅᓕᖅᑎᑦᑎᓂᒻᒥᒃ ᐋᓐᓂᖅᓯᕆᓂᕐᒥᒃ ᐊᕐᓇᓂᒃ ᐊᒻᒪᓗ ᓂᕕᐊᖅᓯᐅᓂᒃ – ᐱᓕᕆᐊᖑᓂᖓ II
ᐃᓕᓐᓂᐊᕈᑕᐅᓚᐅᖅᑐᖅ ᐱᓕᕆᐊᖑᓂᖓᓂ II ᖃᓄᐃᓕᐅᕈᑎᑦᓴᓂᑦ ᐱᖃᑕᐅᑎᑦᓯᓂᕐᒥᑦ ᐃᓄᓐᓂᒃ ᐊᖑᑎᓂᑦ ᐊᒻᒪᓗ ᓄᑲᑉᐱᐊᓂᑦ ᐋᓐᓂᖅᓯᕆᑦᑕᐃᓕᒪᓂᕐᒧᑦ ᐊᕐᓇᓂᑦ ᓂᕕᐊᖅᓯᐊᓂᓪᓗ ᐱᓕᕆᐊᑦᓴᖅ ᑐᓴᖅᑎᑦᓯᓚᐅᖅᑐᖅ ᐊᒻᒪᓗ ᐊᑐᐃᓐᓇᐅᑎᑦᓯᓪᓗᓂ ᓱᓕᔪᓂᑦ ᐱᓕᒻᒪᒃᓴᕐᓂᖅ ᑭᓱᓕᕆᔾᔪᑏᑦ.
ᑭᓱᓕᕆᔾᔪᑏᑦ ᐋᖅᑭᒋᐊᖅᑕᐅᓚᐅᖅᑐᖅ ᐱᖃᓯᐅᔾᔨᓂᕐᒥᑦ ᑲᓇᑕᒥ ᐃᓄᐃᑦ ᒪᓕᒍᒥᓇᖅᑐᖅ, ᐃᓗᓕᒃᑲᓐᓂᖏᑦ ᐊᒻᒪᓗᐃ ᐃᑲᔫᑎᑦᓴᒃᑲᓐᓃᑦ ᖃᐅᔨᒪᔨᑕᕐᓄᑦ, ᐊᒻᒪᓗ ᓴᖅᑮᓂᕐᒥᑦ ᑕᑯᒥᓇᓐᓂᖅᓴᐅᔪᒥᑦ ᐊᒻᒪᓗ ᐊᑐᐃᓐᓇᐅᓂᖅᓴᒥᑦ ᑎᑎᖅᑲᕐᒥᑦ.
ᐱᓕᕆᐊᑦᓴᖅ ᑐᕌᖓᕗᖅ ᖃᐅᔨᒪᔭᐅᔭᕆᐊᖃᖅᑐᓂᑦ ᐊᒻᒪᓗ ᓴᙱᓕᖅᑎᑦᑎᓂᖅ ᑲᒪᒋᔪᓐᓇᕐᓂᖅ ᐊᒃᓱᕈᕐᓇᖅᑐᓂᒃ ᐊᔪᙱᔾᔪᑎᔅᓴᓂᑦ ᐃᓄᐃᑦ ᐊᖑᑎᑦ ᐊᒻᒪᓗ ᓄᑲᑉᐱᐊᓄᑦ ᓄᖑᑎᕆᕙᓪᓕᐊᓗᒋᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐱᑦᑎᐊᙱᓐᓂᕐᒧᑦ ᐃᓄᐃᑦ ᓄᓇᓕᖏᓐᓂ. ᑭᓱᓕᕆᔾᔪᑏᑦ ᑎᑎᖅᑲᐅᕗᑦ ᐊᑐᐃᓐᓇᐅᑎᑦᓯᔪᓂᑦ ᑐᓴᐅᒪᔾᔪᑎᑦᓴᓂᑦ ᒪᑯᓄᖓ:
- ᐃᑲᔪᕐᓂᕐᒥᑦ ᓄᓇᓕᒻᒥᑦ ᐊᒻᒪᓗ ᐃᓄᓐᓂᒃ ᐱᕙᒌᔭᐃᓂᕐᒥᑦ ᒪᒥᓴᕐᓂᕐᒧᑦ ᐊᒻᒪᓗ ᐊᓯᔾᔨᕐᓂᕐᒧᑦ;
- ᓇᓗᓇᐃᖅᓯᓂᕐᒥᑦ ᐃᑲᔪᖅᑎᐅᔪᒥᓇᖅᑐᒥᑦ;
- ᐃᓕᓐᓂᐊᖅᑎᑦᓯᓂᕐᒥᑦ ᐊᒻᒪᓗ ᐱᓕᕆᖃᑎᒋᓂᐊᖅᑕᖏᓐᓂᒃ;
- ᐱᒋᐊᖅᑎᑦᓯᓗᑎᒃ ᐊᖑᑎᓂᑦ ᑲᑎᖃᑦᑕᕐᓂᐊᖅᑐᓂᑦ;
- ᐋᖅᑭᑦᓱᐃᓂᕐᒥᑦ ᑲᑎᙵᔪᓂᑦ ᐋᖅᑭᑦᓱᖅᓯᒪᔪᒥᑦ;
- ᐃᖃᐃᓕᓴᖅᑎᑦᓯᓗᑎᒃ ᐊᒻᒪᓗ ᖃᓄᐃᓕᐅᕈᑎᑦᓴᓂᑦ ᐱᖃᑕᐅᔪᓂᑦ ᑲᒪᒋᔭᖃᕐᓂᕐᒧᑦ ᐊᑲᐅᙱᓕᐅᕈᑎᓂᑦ ᓲᕐᓗ ᐃᒻᒥᓂ ᐅᔾᔨᕈᓱᓕᕐᓂᕐᒥᑦ ᐊᒻᒪᓗ ᒪᑭᑉᐹᓪᓕᓂᕐᒥᑦ, ᓂᙵᐅᒪᓂᖅ, ᓯᓐᓇᓂᖅ, ᐊᓂᒍᖅᑎᑕᐅᓯᒪᙱᑦᑐᑦ ᖁᐊᖅᓵᕐᓃᑦ, ᐊᓯᖏᑦ;
- ᑲᑎᖅᓱᕐᓗᒋᑦ ᐱᓕᕆᐊᑦᓴᒧᑦ ᐊᑭᖏᑦ; ᐊᒻᒪᓗ
- ᐋᖅᑭᑦᓱᐃᓗᑎᒃ ᐱᓕᕆᐊᑦᓴᒧᑦ ᓇᓗᓇᐃᔭᐅᑎᖏᓐᓂᒃ ᓲᕐᓗ, ᓇᑭᑦ ᑮᓇᐅᔭᖅᑖᕈᓐᓇᕐᒪᖔᑦ, ᖃᓄᖅ ᐊᑐᐃᓐᓇᖃᕐᕕᐅᓂᕐᒥᑦ ᑮᓇᐅᔭᕐᓂᒃ, ᐃᓂᑦᓴᖅᑖᕐᓂᕐᒥᑦ, ᐊᓯᖏᑦ.
ᐊᕐᕌᒍᒥᑦ ᓴᖅᑭᑕᐅᔪᖅ 2020
ᖃᐅᔨᓴᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᕿᒫᕕᓐᓂᑦ ᐱᔨᑦᓯᕈᑎᓂᑦ ᐱᔭᐅᔭᕆᐊᓕᓐᓂᒃ ᐃᓄᐃᑦ ᓄᓇᖓᓂ
“ᖃᐅᔨᓴᕐᓂᕐᒥᑦ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒥᑦ ᐊᒻᒪᓗ ᕿᒫᕕᓐᓂᑦ ᐱᔨᑦᓯᕈᑎᓂᑦ ᐱᔭᐅᔭᕆᐊᓕᓐᓂᒃ ᐃᓄᐃᑦ ᓄᓇᖓᓂ ᐱᓕᕆᐊᖑᓚᐅᖅᑐᖅ ᑐᑭᓯᐅᒪᓂᖅᓴᐅᓂᕐᒥᑦ ᐊᑦᑐᐃᖃᑕᐅᔪᓂᑦ ᐃᓄᐃᑦ ᐊᕐᓇᐃᑦ ᐊᑐᖅᓯᒪᔭᖏᓐᓂᒃ ᐋᓐᓂᖅᓱᖅᑕᐅᓂᕐᒧᑦ. ᖃᐅᔨᓴᕐᓂᐅᔪᖅ ᖃᐅᔨᓇᓱᑦᑐᖅ ᓇᓗᓇᐃᒃᑯᑕᕐᓂᒃ ᓇᓪᓕᐊᖑᓂᕐᒨᖓᔪᓂᒃ ᓱᖅᑯᐃᖅᑕᐅᓇᓱᐊᕐᓂᖓ ᐋᓐᓂᖅᓱᖅᑕᐅᓂᕐᒥᑦ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᓇᓗᓇᐃᖅᓯᔪᖅ ᐱᔨᑦᓯᕈᑎᓂᑦ ᐊᒥᒐᕆᔭᐅᔪᓂᑦ ᐱᐅᓯᕚᓪᓕᖅᑎᑦᓯᓂᕐᒥᑦ ᐊᑑᑎᖃᕐᓂᖏᓐᓂᒃ ᖃᓄᐃᓕᐅᕆᐊᕈᑎᓂᑦ ᑐᕌᖓᔪᓂᑦ ᑲᒪᒋᔭᖃᕐᓂᕐᒧᑦ ᐱᔭᐅᔭᕆᐊᓕᓐᓂᒃ ᐃᓄᓐᓄᑦ ᐊᕐᓇᓄᑦ ᐋᓐᓂᖅᓱᖅᑕᐅᔪᓄᑦ.
- https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03.pdf
- https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03-Executive-Summary.pdf
- https://pauktuutit.ca/wp-content/uploads/PIWC-Rpt-GBV-and-Shelter-Service-Needs-2019-03-Recommendations.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2019
ᓱᕙᒎᖅ – ᐊᔾᔨᐅᙱᑦᑐᖅ ᓴᖅᑭᑕᐅᔪᖅ ᒫᔾᔨ 1996
ᑖᓐᓇ ᐊᔾᔨᐅᙱᑦᑐᖅ ᓴᖅᑭᑕᐅᔪᖅ ᓱᕙᒎᖅ ᐱᕚᓪᓕᕈᑕᐅᕗᖅ ᐃᓄᓕᒫᓄᑦ ᐃᓕᓐᓂᐊᕐᓂᕐᒧᑦ ᓱᕈᓰᑦ ᓱᔭᐅᓐᓂᕐᒪᖔᑦ ᐅᐸᒍᑎᓚᐅᖅᑐᓂᑦ ᔫᓯᐱ ᐴᓂᔪ ᐃᓕᓐᓂᐊᕐᕕᖓᓂ ᐊᒻᒪᓗ ᑐᖁᐃᑎᓪ ᕼᐋᓪ, ᐃᑲᔪᖅᓱᕐᓂᕐᒧᑦ ᐃᓕᓐᓂᐊᕆᐊᖃᑦᑕᓚᐅᖅᑐᓂᑦ ᓂᕈᐊᖅᑕᒥᓂ ᐊᖅᑯᑎᑦᓴᖏᓐᓄᑦ ᒪᒥᓴᕐᓂᕐᒧᑦ.
https://pauktuutit.ca/wp-content/uploads/1996_Suvaguuq.pdf
ᐊᕐᕌᒍᒥᑦ ᓴᖅᑭᑕᐅᔪᖅ 1996
ᓱᓕᔪᓂᒃ ᓇᓗᓇᐃᖅᓯᔪᖅ: ᐊᑦᑕᕐᓇᖅᑕᐃᓕᒪᓂᖅ ᐊᒻᒪᓗ ᐋᓐᓂᖅᓯᕆᓂᖅ
ᐊᕐᓇᐃᑦ ᐊᑐᓂ ᓄᓇᓕᐸᐅᔭᕐᒥᑦ ᕿᒫᓯᒪᔪᑦ ᐋᓐᓂᖅᓯᕆᓂᕐᒥᑦ, ᐅᖃᐅᓯᖃᒡᒍᓚᐅᖅᑐᑦ ᐃᒻᒥᓂᒃ ᐅᐱᒋᔭᖃᑦᓯᐊᙱᓐᓂᕐᒥᑦ ᐊᒻᒪᓗ ᕿᒫᒡᒍᓚᐅᖅᑐᑦ ᐃᓄᑑᓪᓗᑎᒃ. ᐃᓄᐃᑦ ᐊᕐᓇᐃᑦ ᐊᑦᓱᕈᓐᓇᖅᑐᖅᓯᐅᓲᑦ ᓇᓂᓯᒐᓱᐊᕆᐊᖓᑦ “ᐊᑦᑕᕐᓇᙱᑦᑐᒥᑦ ᐃᓂᑦᓴᒥᑦ” ᑎᑭᕋᑖᖅᑎᓪᓗᒋᑦ ᓇᓕᐊᑐᐃᓐᓇᕐᒧᑦ ᓄᓇᓕᐸᐅᔭᕐᒧᑦ. ᑕᒪᓐᓇ ᐱᔾᔪᑎᒋᓪᓗᒍ, ᐊᒥᓱᓄᑦ ᐊᕐᓇᓄᑦ “ᑰᖃᕐᕕᒻᒥᑦ ᓂᕿᓕᐅᕈᓐᓇᕐᓂᖅ ᐊᖏᕐᕋᐅᕗᖅ.”
https://pauktuutit.ca/wp-content/uploads/UAS_factsheet_safety_violence.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2018
ᓱᓕᔪᓂᒃ ᓇᓗᓇᐃᖅᓯᔪᖅ: ᐃᓅᖃᑎᒌᓐᓃᑦ
ᐃᓄᐃᑦ ᐊᕐᓇᐃᑦ ᐃᓅᓯᕐᒨᖓᔪᓂᑦ ᐱᔾᔪᑎᑦᓴᓂᑦ ᐅᖃᐅᓯᖃᓚᐅᕐᒥᔪᑦ ᓱᒻᒪᑦ ᕿᒪᑦᓯᕙᒻᒪᖔᑦ ᐊᖏᕐᕋᖏᓐᓂᒃ ᐅᑭᐅᖅᑕᖅᑐᒥ; ᐱᔾᔪᑎᓪᓗᐊᑕᐅᕗᖅ ᑕᐃᒪᐃᓕᖅᑭᖃᑦᑕᕐᓂᖏᑦ ᐋᓐᓂᖅᓯᕆᓂᕐᒥᑦ ᐃᓚᒌᖑᔪᓂᑦ ᐊᒻᒪᓗ ᐊᐃᑉᐸᕇᒃ ᐊᕕᖃᑦᑕᕐᓂᖏᓐᓂᒃ.
https://pauktuutit.ca/wp-content/uploads/UAS_factsheet_social_relationships.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2018
ᑮᓇᖅ ᐃᔨᖅᓯᒪᔪᖅ, ᐃᓚᖓ 2 – ᐃᓐᓇᐅᑉ ᐃᓅᓯᖓ: ᑲᑎᒪᑎᑦᓯᔫᑉ ᐊᑐᐊᒐᖓ
ᐱᓕᕆᐊᖓᓂᖓ II ᑲᒪᒋᔭᖃᕐᓂᕐᒥᑦ ᐱᔭᐅᒋᐊᓕᓐᓂᒃ ᓱᕈᓯᕐᓄᑦ ᖁᓄᔪᓐᓂᐊᖅᑕᐅᓯᒪᔪᓂᑦ ᐊᓯᔾᔩᓚᐅᖅᑐᑦ ᕿᕐᓕᖅᑕᒥᑦ ᑕᕐᕆᔮᑦᓴᒥᑦ ᓴᓇᔭᐅᓚᐅᖅᑐᒥᑦ ᐊᑯᑭᑦᑐᓂ. ᓯᕗᓪᓕᖅᐹᖅ ᕿᕐᓕᖅᑕᖅ ᑕᕐᕆᔮᑦᓴᖅ ᑲᒪᒋᔭᖃᖅᑐᖅ ᐊᑦᑐᐃᓂᐅᔪᓂᑦ ᓱᕈᓰᑦ ᖁᓄᔪᓐᓂᐊᖅᑕᐅᓂᖏᓐᓂᒃ ᓱᕈᓯᕐᒧᑦ ᑭᖑᓂᐊᒍᑦ ᕿᕐᓕᖅᑕᖅ ᑕᕐᕆᔮᑦᓴᖅ ᑲᒪᒋᔭᖃᖅᑐᖅ ᐃᓐᓇᐃᑦ ᐊᑐᖃᑦᑕᖅᑕᖏᓐᓂᒃ ᓱᕈᓯᐅᓪᓗᑎᒃ ᖁᓄᔪᓐᓂᐊᖅᑕᐅᓂᑰᑎᓪᓗᒋᑦ. ᐱᒻᒪᕆᐅᕗᖅ ᑕᒪᒃᑮᒃ ᓯᕗᓪᓕᖅᐹᖅ ᐊᒻᒪᓗ ᑭᖑᓂᖓᓂ ᕿᕐᓕᖅᑕᑦ ᑕᕐᕆᔮᒃᓵᒃ ᐃᓚᒋᔭᐅᓗᑎᒃ ᐱᓕᒻᒪᑦᓴᕐᓂᕐᒧᑦ ᐃᓕᓐᓂᐊᕈᑎᑦᓴᓄᑦ/ᐃᑲᔫᑎᑦᓴᓄᑦ.
ᐱᔾᔪᑎᒋᓪᓗᒍ ᐊᑦᑕᕐᓇᕐᓂᖓ ᐃᓗᓕᖏᓐᓄᑦ ᐊᒻᒪᓗ ᐱᑕᖃᕆᐊᖃᕐᓂᖓ ᐊᑦᑕᕐᓇᙱᑦᑐᒥᑦ ᐊᕙᑎᒥᑦ ᐅᖃᖃᑎᒌᓐᓂᕐᒧᑦ ᑕᒪᒃᑯᓂᖓ ᐊᑲᐅᙱᓕᐅᕈᑕᐅᔪᓂᑦ, ᐸᐅᒃᑑᑎᒃᑯᑦ ᑕᐃᒪᐃᖁᔨᔪᑦ ᑮᓇᖅ ᐃᔨᖅᓯᒪᔪᖅ ᐃᓕᓐᓂᐊᕈᑎᑦᓴᑦ ᐊᑐᖅᑕᐅᖃᑦᑕᕐᓗᑎᒃ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑕᐅᑎᓪᓗᒋᑦ ᐃᑲᔪᖅᓱᕈᑎᓂᑦ ᐊᒻᒪᓗ ᐃᑲᔫᑎᑦᓴᑦ ᐊᑐᐃᓐᓇᖃᒃᑲᓐᓂᕋᓱᓐᓂᖏᓐᓂᒃ ᖁᓄᔪᓐᓂᐊᖅᑕᐅᓯᒪᔪᓄᑦ, ᐊᓂᒍᐃᓯᒪᔪᓄᑦ ᐊᒻᒪᓗ ᐃᓚᒋᔭᖏᓐᓄᑦ ᐊᑐᐃᓐᓇᖅᑕᖃᓕᖅᑲᑦ ᓄᓇᓕᓐᓂᑦ.
https://pauktuutit.ca/wp-content/uploads/Pauktuutit_HiddenFace_FacilitatorsPart2_WEB.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2012
ᑮᓇᖅ ᐃᔨᖅᓯᒪᔪᖅ, ᐃᓚᖓ 1 – ᓱᕈᓰᑦ ᖁᓄᔪᓐᓂᐊᖅᑕᐅᓂᖏᑦ: ᑲᑎᒪᑎᑦᓯᔫᑉ ᐊᑐᐊᒐᖓ
ᐸᐅᒃᑑᑎᑦ ᐱᓕᕆᒍᓐᓇᓚᐅᖅᑐᑦ ᐱᓕᕆᐊᖓᓂᖓ I ᑲᒪᒋᔭᖃᕐᓂᕐᒥᑦ ᐱᔭᐅᔭᕆᐊᓕᓐᓂᒃ ᓱᕈᓯᕐᓄᑦ ᖁᓄᔪᓐᓂᐊᖅᑕᐅᓯᒪᔪᓄᑦ ᐱᓕᕆᐊᑦᓴᒥᑦ 2007/2008-ᒥᑦ. ᑐᕌᒐᕆᔭᐅᓚᐅᖅᑐᑦ ᕿᕐᓕᖅᑕᒧᑦ ᑕᕐᕆᔮᑦᓴᒧᑦ ᐃᓄᓕᒫᓂᑦ ᐃᔾᔨᕈᓯᓕᖅᑎᑦᓯᓂᕐᒧᑦ ᐃᑲᔫᑎᑦᓴᒥᑦ ᑕᐃᒎᓯᓕᒻᒥᒃ ᑮᓇᖅ ᐃᔨᖅᓯᒪᔪᖅ ᐊᑯᑭᑦᑐᓂᑦ ᑲᓇᑕᐅᑉ ᐃᓄᒃᑎᑐᑦ ᐅᖃᐅᓯᖓᓄᑦ, ᐱᕙᓪᓕᐊᑎᑦᓯᓂᕐᒥᑦ ᑲᑎᒪᑎᑦᓯᔨᒥᑦ ᐊᒻᒪᓗ ᐱᖃᑕᐅᓂᐊᖅᑐᓄᑦ ᐅᖃᓕᒫᒐᕐᓂᒃ, ᓴᖅᑮᓗᑎᒃ ᐊᒻᒪᓗ ᐱᓕᕆᔾᔪᑎᒥᑦ ᐅᓪᓗᓂᑦ ᑎᓴᒪᓂᑦ ᐱᓕᒻᒪᑦᓴᐃᓂᕐᒧᑦ ᐃᓕᓐᓂᐊᓯᓐᓈᑦ ᐱᓕᕆᔨᓪᓗᐊᑕᕐᓄᑦ, ᐃᓕᓐᓂᐊᖅᑎᑦᓯᔨᓄᑦ ᐊᒻᒪᓗ ᐊᓯᖏᑦ ᐱᓕᕆᔨᒻᒪᕆᓐᓄᑦ.
ᐱᔾᔪᑎᒋᓪᓗᒍ ᐊᑦᑕᕐᓇᕐᓂᖓ ᐃᓗᓕᖏᓐᓄᑦ ᐊᒻᒪᓗ ᐱᑕᖃᕆᐊᖃᕐᓂᖓ ᐊᑦᑕᕐᓇᙱᑦᑐᒥᑦ ᐊᕙᑎᒥᑦ ᐅᖃᖃᑎᒌᓐᓂᕐᒧᑦ ᑕᒪᒃᑯᓂᖓ ᐊᑲᐅᙱᓕᐅᕈᑕᐅᔪᓂᑦ, ᐸᐅᒃᑑᑎᒃᑯᑦ ᑕᐃᒪᐃᖁᔨᔪᑦ ᑮᓇᖅ ᐃᔨᖅᓯᒪᔪᖅ ᐃᓕᓐᓂᐊᕈᑎᑦᓴᑦ ᐊᑐᖅᑕᐅᖃᑦᑕᕐᓗᑎᒃ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑕᐅᑎᓪᓗᒋᑦ ᐃᑲᔪᖅᓱᕈᑎᓂᑦ ᐊᒻᒪᓗ ᐃᑲᔫᑎᑦᓴᑦ ᐊᑐᐃᓐᓇᖃᒃᑲᓐᓂᕋᓱᓐᓂᖏᓐᓂᒃ ᖁᓄᔪᓐᓂᐊᖅᑕᐅᓯᒪᔪᓄᑦ, ᐊᓂᒍᐃᓯᒪᔪᓄᑦ ᐊᒻᒪᓗ ᐃᓚᒋᔭᖏᓐᓄᑦ ᐊᑐᐃᓐᓇᖅᑕᖃᓕᖅᑲᑦ ᓄᓇᓕᓐᓂᑦ.
https://pauktuutit.ca/wp-content/uploads/Pauktuutit_HiddenFace_FacilitatorsPart1_WEB.pdf
ᐊᕐᕌᒍᒥᑦ ᓴᖅᑭᑕᐅᔪᖅ 2012
ᐊᕐᕌᒍᑕᒪᑦ ᐅᓂᒃᑳᓕᐊᖑᓯᒪᔪᑦ
2023-2024 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2022-2023 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2021-2022 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2020-2021 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2019-2020 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2018-2019 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2017-2018 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2016-2017 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2014-2015 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2013-2014 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2012-2013 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
2011-2012 ᐊᕐᕌᒍᑕᒫᕐᓯ ᐊᕐᕌᒍᑕᒫᕐᓯ
