ᐃᓄᒃᑎᑐᑦ ᑎᑎᕋᕐᓯᒪᔪᖅ ᐊᑐᐃᓐᓇᐅᓕᕐᓂᐊᕐᑐᖅ ᕿᓚᒥᕈᓗᒃ

ᐱᑕᖃᙱᒻᒪᑦ ᐊᖅᑯᑎᐅᔪᓐᓇᕐᑐᓂᒃ ᐋᓐᓂᕐᓯᕆᕙᖕᓂᕐᒥ ᕿᒪᐃᓇᓱᒃᖢᓂ ᐃᓄᐃᑦ ᓄᓇᓕᖏᓐᓂᒃ. ᐊᕐᓇᐃᑦ ᐅᖃᐅᓯᖃᕈᓐᓃᔭᒻᒪᑕ ᐱᑦᑎᐊᖅᑕᐅᕙᙱᓐᓂᕐᒥᒃ ᐊᐃᑉᐸᖏᓐᓄᑦ, ᑖᒃᑯᓄᖓᓗ ᑮᓇᐅᔭᓕᐅᕐᓂᒃᑯᑦ ᐸᖅᑭᔭᐅᕙᒃᖢᑎᒃ. ᐊᒻᒪᓗ, ᑕᒪᒃᑯᐊ ᐋᓐᓂᕐᓱᖅᑕᐅᖃᑦᑕᓗᐊᕐᑐᑦ ᐃᖕᒥᖕᓂᒃ ᑭᓲᙱᓐᓇᓱᒋᓗᐊᔭᒻᒪᑕ ᐊᒻᒪ ᐃᖕᒥᖕᓂᒃ ᐱᒃᑲᖅᑎᓕᖅᐸᒃᖢᑎᒃ ᐋᓐᓂᖅᓱᖅᑕᐅᓕᕐᓂᕐᒧᑦ ᐊᒻᒪ ᖃᓄᐃᓕᖓᓂᕐᒧᑦ, ᑕᒪᓐᓇᓗ ᐅᖃᐅᓯᖃᙱᔾᔪᑎᒋᓗᐊᓕᖅᖢᓂᐅᒃ. 

ᐅᓄᕐᑐᑦ ᐊᕐᓇᐃᑦ ᐱᑦᑎᐊᖅᑕᐅᕙᙱᑦᑐᑦ ᐊᒻᒪ ᓱᕈᓯᐅᓪᓗᑎᒃ ᓈᒻᒪᙱᓕᐅᕈᑎᖃᕐᓯᒪᖕᒥᔪᑦ. ᐊᔪᕐᓇᖅᑐᐊᓘᔭᒻᒪᑦ, ᐊᔪᕐᓇᓪᓚᕆᙱᒃᑯᓂ, ᐊᕐᓇᐃᑦ ᕿᒪᐃᑐᐃᓐᓇᕆᐊᒃᓴᖅ ᐋᓐᓂᕐᓱᖅᑕᐅᖃᑦᑕᐃᓐᓇᐅᔭᕐᓇᒥᒃ ᐃᓅᓯᕐᒥ ᐊᒻᒪ ᖁᓄᔪᕐᓂᐊᖅᑕᐅᕙᖕᓂᕐᒥᒃ ᐊᒻᒪᓗ ᐃᓱᒪᒃᑯᑦ ᐋᓐᓂᕐᓱᖅᑕᐅᕙᖕᓂᕐᒥᒃ.

ᐸᐅᒃᑑᑎᒃᑯᑦ ᐱᓕᕆᐊᖏᑦ ᓄᖅᑲᖅᑎᑦᑎᓂᕐᒥᒃ ᐋᓐᓂᕐᓱᐃᕆᑲᑦᑕᕐᓂᕐᒥᒃ ᐊᒻᒪ ᐱᑦᑎᐊᖃᑦᑕᙱᓐᓂᕐᒥᒃ:

  • ᐸᐅᒃᑑᑎᒃᑯᑦ ᓯᕗᓪᓕᐅᑎᑕᖓ ᐃᑲᔪᖅᑐᐃᓂᖅ ᒪᒥᓴᖅᐸᓪᓕᐊᓂᕐᒥᒃ ᒪᑯᓇᙵᑦ ᑭᖑᕚᑎᒍᑦ ᐊᒃᑐᐃᒍᑎᐅᓯᒪᔪᑦ ᐊᓯᐊᓂᒃ ᐃᓅᓯᖃᓕᕐᓂᕐᒧᑦ, ᐊᓯᐊᓄᑦ ᓅᑕᐅᓯᒪᓕᕐᓯᒪᓂᕐᒧᑦ ᐊᒻᒪᓗ ᐃᓕᓐᓂᐊᕆᐊᕐᕕᐅᖃᑦᑕᕐᓂᑯᓄᑦ.  
  • ᐅᒃᐱᕆᔭᐅᓯᒪᓂᒃᑯᑦ ᐃᓄᐃᑦ ᓄᓇᕐᔪᐊᒥ ᖃᓄᐃᓯᒪᓂᖏᓐᓂᒃ ᖃᐅᔨᒪᔭᕆᐊᖃᕐᓂᖅ, ᐊᒃᑐᐊᖃᑎᒌᖕᓂᖅᑕᖃᕐᒪ ᐊᑕᐅᓯᕐᒧᑦ ᐱᓕᕆᖃᑎᒌᒃᑐᓄᑦ ᑲᑐᔾᔨᖃᑎᒌᓄᑦ.  
  • ᐸᐅᒃᑑᑎᒃᑯᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ, ᐃᓕᖅᑯᓯᖏᓐᓂᒃ, ᐅᖃᐅᓯᖏᓐᓂᒃ ᐊᒻᒪ ᐊᑐᖃᑦᑕᖅᑕᖏᓐᓂᒃ ᐃᓚᐅᑎᑦᑎᓂᕐᒥᒃ ᐃᑲᔪᖅᑐᐃᖕᒪᑕ ᒪᑯᓄᖓ ᐃᓕᓐᓂᐊᕐᓂᓕᕆᓂᕐᒧᑦ, ᐊᑐᐊᒐᓕᕆᓂᕐᒧᑦ, ᒪᓕᒐᓕᕆᓂᕐᒥᒃ ᐊᖏᓈᓯᒪᓂᕐᓴᒥᒃ, ᐊᒻᒪᓗ ᐃᓅᖃᑎᒌᖕᓂᒃᑯᑦ ᑮᓇᐅᔭᓕᐅᕈᑎᐅᔪᓐᓇᖅᑐᓂᒃ ᐃᓄᖕᓄᑦ, ᐃᓚᐅᓪᓗᓂ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᑲᒪᒋᔭᖃᖅᐸᖕᓂᕐᒥᒃ.
  • ᐸᐅᒃᑑᑎᒃᑯᑦ ᐱᓕᕆᐊᖃᕐᒪᑕ ᓴᖅᑭᑎᑲᓐᓂᕐᓂᕐᒥᒃ ᐅᓄᕐᓂᕐᓴᓂᒃ ᒪᒥᓴᕐᓂᕐᒧᑦ ᐱᓕᕆᐊᒃᓴᓂᒃ ᐊᒻᒪᓗ ᐊᑯᓂᕈᓗᒃ ᐊᑐᖅᑐᒃᓴᓂᒃ ᐃᓄᖕᓅᖓᔪᓂᒃ ᐱᓕᕆᐊᒃᓴᓂᒃ ᐱᔨᑦᑎᕋᐅᑎᓂᒡᓗ 
  • ᐱᓕᕆᖃᑎᒌᖕᓂᖅᑕᖃᕆᐊᖃᕐᑐᖅ ᕿᒥᕐᕈᐊᕐᓂᒃᑯᑦ ᖃᓄᐃᓕᐅᕈᑎᓕᒫᓂᒃ ᖃᓄᖅ ᐋᖅᑭᒃᓱᐃᑲᓐᓂᕆᐊᖃᕐᓂᕐᒥᒃ, ᐃᓚᐅᓗᓂ ᐱᓇᓱᐊᒐᓪᓚᕆᖕᓂᕐᒥᒃ ᐆᒥᖓ ᐃᓄᐊᖅᑕᐅᔪᓂᒃ ᐊᓯᐅᓯᒪᔪᓂᒡᓗ ᓄᓇᖃᖅᑳᖅᑐᓂᒃ ᐊᕐᓇᓂ ᓂᕕᐊᕐᓵᓂᒡᓗ ᖃᐅᔨᓴᕈᑎᒥ ᑲᓇᑕᒥ ᖃᓄᐃᓕᐅᕈᑎᒃᓴᓂᒃ ᑕᒪᐃᑎᒍᑦ ᒐᕙᒪᑐᖃᑎᒍᑦ/ᐳᕌᕕᓐᓯᑎᒍ/ᑎᐅᕆᑑᕆᑎᒍᑦ ᐊᒻᒪᓗ ᒪᐅᓇ LCO levels. ᐊᒻᒪᒃᑲᓐᓂᖅ, ᐅᓇ ᐱᓇᓱᐊᒐᖃᓪᓚᕆᖕᓂ ᐃᓚᖃᕆᐊᖃᕐᑐᖅ ᐅᑯᓂᖓ ᐊᕐᓇᐅᓂᖅ/ᐊᖑᑎᐅᓂᖅ ᖃᐅᔨᓴᕈᑎᓂᒃ ᐃᓚᖃᖅᖢᓂ (Gender-Based Analysis Plus (GBA+)) ᐊᒻᒪᓗ ᐅᑯᓂᖓ 2SLGBTQQIA ᑕᐅᑐᖕᒥᓗᑎᒃ.. 
  • ᐸᐅᒃᑑᑎᒃᑯᑦ ᐱᓕᕆᐊᖃᕐᐸᓪᓕᐊᔪᑦ ᐊᕐᓇᐃᑦ ᐃᓄᐃᑦ ᖃᐅᔨᒪᓗᑎᒃ ᐱᔪᓐᓇᐅᑎᖏᓐᓂᒃ.
  • ᐸᐅᒃᑑᑎᒃᑯᑦ ᑲᔪᓯᔪᐃᑦ ᐱᓇᓱᐃᓐᓇᕐᒥᔪᑦ ᐃᑲᔫᑎᑖᕋᓱᑲᑕᒃᖢᑎᒃ ᑐᐊᕕᕐᓇᓪᓚᕆᒃᑐᓂᒃ ᐅᐸᒡᕕᐅᔪᓐᓇᖅᑐᓂᒃ ᐊᒻᒪᓗ ᐃᓂᒋᔭᐅᔪᓐᓇᕐᑐᓂᒃ ᒪᒥᓴᖅᐸᓪᓕᐊᓂᕐᒧᑦ ᐃᒡᓗᒃᓴᓂᒃ ᐊᕐᓇᓄᑦ ᓱᕈᓯᕐᓄᓪᓗ.
  • ᐅᓇ ᐱᓕᕆᐊᕗᑦ ‘ᐃᓚᐅᑎᑦᑎᓂᖅ ᐊᖑᑎᓂᖅ ᐊᒻᒪ ᓄᑲᑉᐱᐊᓂᒃ ᐋᓐᓂᓱᐃᕆᓂᕐᒥ ᐊᑐᖅᑕᐃᓕᓂᕐᒧᑦ’ ᖃᓄᐃᓕᐅᕈᑎ ᓇᓗᓇᐃᒃᑯᑎᐅᕗᖅ ᐅᒃᐱᕆᔭᒃᑯᑦ ᐱᓕᕆᐊᖃᕐᓂᕐᒥᒃ ᐊᓂᕐᓱᐃᕆᕙᖕᓂᕐᒥ ᐱᑕᖃᕈᓐᓃᖅᐹᓪᓕᕐᓂᕐᒧᑦ ᓄᓇᓕᑦᑎᓐᓂ. ᐅᓇ ᓴᖅᑭᑎᑦᑎᓯᒪᔪᖅ ᐱᒋᐊᕈᑎᓂᒃ ᒪᒥᓴᖅᑎᑦᑎᕙᓪᓕᐊᓂᕐᒥᒃ ᐊᖑᑎᓂᒃ ᐊᒻᒪ ᓄᑲᑉᐱᐊᓂᒃ ᐅᓇ ᐋᓐᓂᕐᓯᕆᕙᖕᓂᖅ ᓄᖅᑲᖅᑎᒐᓱᒃᖢᒍ.

ᐸᐅᒃᑑᑎᒃᑯᑦ ᐱᓕᕆᐊᖏᑦ ᐊᑐᐊᒐᓕᕆᓂᕐᒥᒃ: 

  • ᐸᐅᒃᑑᑎᒃᑯᑦ ᒫᓐᓇ ᐊᖏᕈᑎᖃᑎᒌᒍᑎᖃᕐᑐᑦ ᐸᓖᓯᒃᑯᓐᓂᒃ ᐱᓕᕆᐊᖃᕐᓂᐊᕐᓂᕐᒥ ᐊᑐᓕᕐᑎᑦᑎᓂᕐᒥᒃ 15-ᓂ ᐃᓱᒪᓕᐅᕆᔭᑦᑎᓐᓂᒃ ᐊᑐᐊᒐᓕᕆᓂᒃᑯᑦ ᐱᐅᓯᕚᓪᓕᕐᑎᑦᑎᓂᕐᒥ ᐊᕐᓇᐃᑦ ᐅᓗᕆᐊᓇᙱᑦᑐᒦᓐᓂᕐᓴᐅᓗᑎᒃ, ᐊᒻᒪᓗ ᑕᒪᒃᑯᐊ ᐱᑦᑎᐊᖅᑕᐅᖃᑦᑕᙱᓗᐊᕐᑐᑦ ᐃᓚᖏᓐᓄᑦ.  
  • ᓴᖅᑭᑎᑦᑎᒃᑲᓐᓂᕐᓗᑎᒃ ᐋᓐᓂᕐᓯᕆᕙᖕᓂᕐᒥᒃ ᐊᑐᖅᑎᑦᑎᑦᑕᐃᓕᓂᕐᒥᒃ ᐸᓖᓯᓕᕆᓂᒃᑯᑦ ᐱᔨᑦᑎᕋᐅᑎᑎᒍᑦ ᑕᐃᒪᐃᑦᑕᕆᐊᖃᖅᐸᑕᐱᑕᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐋᓐᓂᕐᓯᕆᕙᖕᓂᕐᒥ ᐃᓄᐃᑦ ᓄᓇᖏᓐᓂᒃ.  
  • ᐸᓖᓯᒃᑯᑦ ᓄᓇᓕᑦᑎᓐᓂ ᐃᓚᐅᑎᑕᐅᖃᑦᑕᕆᐊᖃᕐᑐᑦ ᐊᒻᒪ ᑐᑭᓯᓯᒪᓗᑎᒃ ᐃᓄᐃᑦ ᐊᑐᖃᑦᑕᕐᓯᒪᔭᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪ ᐅᖃᐅᓯᖏᓐᓂᒃ. ᐅᓇ ᐱᒻᒪᕆᐅᖕᒪᑦ ᐃᓄᐃᑦ ᐅᒃᐱᕈᓱᖕᓂᕐᓴᐅᓕᕈᓐᓇᕐᓂᖏᓐᓄᑦ ᐊᒻᒪᓗ ᖃᐅᔨᒪᔪᓐᓇᕐᓂᖏᓐᓄᑦ ᐸᓖᓯᒃᑯᑦ ᑖᒃᑯᓂᖓ ᐱᔨᑦᑎᕋᕐᓂᖏᓐᓂᒃ ᓴᐳᔾᔨᓯᒪᓂᒃᑯᑦ.  
  • ᓲᕐᓗ ᐃᒪᓐᓇ, ᐃᓄᐃᑦ ᐃᓕᖅᑯᓯᖃᕐᒪᑕ ᐃᓛᒌᑦ ᐋᓐᓂᕐᓯᕆᖃᑦᑕᐅᑎᑎᓪᓗᒋᑦ ᐅᖃᓪᓚᖃᑎᖃᕆᐊᖃᕐᓂᕐᒥᒃ ᐊᖑᑎᒧᑦ, ᖃᐅᔨᒪᑎᓪᓗᒍ ᑕᒪᒃᑯᐊ ᐱᑦᑎᐊᙱᓐᓂᐊᓗᐃᑦ ᖃᓄᐃᒍᑎᐅᔪᓐᓇᕐᓂᖑᓐᓂᒃ ᐊᒻᒪ ᐱᒋᐊᓪᓚᒃᐸᓪᓕᐊᒍᓐᓇᕐᓂᖏᓐᓂᒃ, ᐊᒻᒪᓗ ᖃᓄᐃᑕᐅᒍᑎᐅᔪᓐᓇᕐᓂᖓᓂᒃ ᑖᔅᓱᒧᖓ (ᐊᑯᓂᐊᓗᒃ ᑎᒍᔭᐅᓯᒪᓗᓂ), ᐊᒻᒪᓗ ᐃᑲᔪᕈᒪᓂᕐᒥᒃ– ᒪᐅᓇ ᓂᙵᐅᒪᓗᐊᔭᓐᓂᕐᒧᑦ ᐃᓅᓯᕆᔭᐅᓂᒃᑯᑦ, ᐃᒥᐊᓗᓗᐊᖃᑦᑕᕐᓂᕐᒧᑦ ᐱᓕᕆᐊᖑᓂᒃᑯᑦ, ᐊᓯᖏᑦᑎᒍᓪᓗ.
  • ᐸᓖᓯᒃᑯᑦ ᐅᒃᐱᕆᔭᒃᓴᐅᓗᑎᒃ ᐱᓕᕆᖃᑎᒋᔭᕆᐊᖃᕐᒪᑕ ᑕᒪᑐᒥᖓ ᐱᓕᕆᐊᖃᕐᓂᕐᒥᒃ ᐃᓚᒌᓂᒃ ᐋᓐᓂᕐᓯᕆᖃᑦᑕᕐᓂᕐᒥᒃ ᐊᑐᖅᑎᑦᑎᑦᑕᐃᓕᓂᕐᒧᑦ.ᐅᓇ ᑐᑭᖃᕐᑐᖅ ᓄᓇᓕᖕᓂ ᐃᓚᐅᓂᕐᓴᐅᖃᑦᑕᕐᓂᕐᒥᒃ, ᐊᑐᕈᓐᓇᕐᑐᒃᑯᑦ ᐱᓕᕆᐊᖃᕐᓂᕐᒥᒃ, ᑐᑭᓯᐅᒪᑎᑦᑎᒃᑲᓐᓂᕐᓂᕐᒥᒃ ᖃᓄᐃᑐᐃᓐᓇᕆᐊᖃᕐᓂᒃᑯᑦ ᐅᕝᕙᓘᓐᓃᑦ ᖃᓄᐃᓕᔭᐅᑐᐃᓐᓇᕆᐊᖃᕐᓂᒃᑯᑦ.
  • ᑭᓯᐊᓂ, ᒪᑯᓄᐊ ᐊᑑᑎᓕᒃᑯᑦ ᐸᓖᓯᓕᕆᓂᖅ ᐱᑦᑎᐊᖃᑦᑕᐅᑎᙱᑦᑐᓂᒃ ᐊᑐᖅᑎᑦᑎᑦᑕᐅᓕᓂᕐᑯᑦ ᐊᑐᕈᓐᓇᕐᓂᐊᕐᑎᓪᓗᒍ, ᓯᕗᓪᓕᕐᒥ ᐃᓄᐃᑦ ᐸᓖ
  • ᐊᔪᕐᓇᖅᑐᕈᓘᖕᒪᑦ ‘ᐅᒃᐱᕆᔭᖃᑦᑎᐊᕐᓂᖅ’ ᐅᓇ ᐸᓖᓯ ᐃᕝᕕ ᐅᖃᐅᓯᖓᓂᒃ ᐅᖃᕈᓐᓇᙱᑎᓪᓗᒍ, ᐊᒻᒪᓗ ᑕᒪᒃᑯᐊ ᐸᓖᓯᐅᔪᑦ ᐊᕐᕌᒎᖕᓂ ᒪᕐᕈᑐᐃᓐᓈᖕᓂ ᐃᓄᐃᑦ ᓄᓇᖓᓃᑉᐸᒃᖢᑎᒃ, ᐊᒻᒪᓗ ᐃᒡᓗᖃᖅᑎᑕᐅᓪᓗᑎᒃ ᐱᓕᕆᕝᕕᖓᑕ ᐃᓚᖓᓂᒃ ᓄᓇᖕᓄᑦ ᖃᓄᒃᓴᓗᐊᙱᖢᑎᒃ, ᐃᓚᐅᕙᙱᖢᑎᒃ ᓄᓇᓖᑦ ᖃᓄᐃᓕᐅᑲᑕᒃᑎᓪᓗᒋᑦ ᐊᒻᒪᓗ ᓄᓇᖃᖅᑐᓂᒃ ᓱᖏᐅᑎᓯᒪᙱᖢᑎᒃ ᓯᕗᓕᐅᕐᑎᒋᔭᐅᔪᓂᒡᓗ. ᐅᒃᐱᕈᓱᓕᕐᓂᖅ ᐱᕈᖅᐸᓪᓕᐊᒍᓐᓇᙱᒻᒪᑦ ᐃᓅᑑᓐᓇᖅᑐᒦᓪᓗᓂ, ᑭᓯᐊᓂᓕ ᐃᓚᐅᑲᑕᒃᐸᒡᓗᓂ.

ᐸᐅᒃᑑᑎᑦ ᑲᓇᑕᒥ ᑮᓇᐅᔭᓕᐅᕋᓱᙱᖢᑎᒃ ᑲᑐᔾᔨᖃᑎᒌᖑᔪᑦ ᑭᒡᒐᖅᑐᐃᔨᐅᓪᓗᑎᒃ ᐃᓄᖕᓂ ᐊᕐᓇᓂᒃ ᑲᓇᑕᒦᑦᑐᓂᒃ. ᐱᓇᓱᐊᒐᖃᖅᑐᑦ ᐅᔾᔨᕈᓱᓕᖅᑎᑦᑎᒃᑲᓐᓂᕐᓂᕐᒥᒃ ᐃᓄᐃᑦ ᐊᕐᓇᐃᑦ ᐱᔭᕆᐊᖃᕐᑕᖏᓐᓂᒃ, ᐊᒻᒪᓗ ᐃᓚᐅᑎᑕᐅᒃᑲᓐᓂᕈᓐᓇᕐᓂᖏᓐᓂᒃ ᓄᓇᓕᖕᓂᑦ, ᐊᕕᒃᑐᕐᓯᒪᓂᒃᑯᑦ ᐊᒻᒪ ᑲᓇᑕᒥᐅᑕᐅᓂᒃᑯᑦ ᐃᓱᒫᓘᑎᐅᕙᒃᑐᓄᑦ ᐃᓅᖃᑎᒌᖕᓂᕐᒧᑦ, ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᑮᓇᐅᔭᓕᐅᕋᓱᖕᓂᒃᑯᑦ ᐱᕙᓪᓕᐊᔪᓕᕆᓂᒃᑯᑦ. 

– 30 –

ᖃᐅᔨᒋᐊᒃᑲᓐᓂᕈᒪᒍᕕᑦ ᐅᓇ ᐅᖃᕐᕕᒋᔪᓐᓇᕐᑕᑦ: 

ᓲᓴᓐ ᑭᖕ, sking@pauktuutit.ca, 613-724-1518