— Read the english version
ᓄᓇᖃᖅᑳᕐᓯᒪᔪᓄᑦ ᑭᒫᕕᒃᓴᓕᐅᕈᑎᒃᓴᐃᑦ ᑭᓇᐅᔭᐃᑦ ᓴᖅᑭᑦᑕᐅᕋᑖᖅᑲᒻᒥᑦ ᐱᕕᖃᕐᑎᒃᓯᖏᓪᓚᑦ ᐃᓄᖕᓄᑦ ᐊᕐᓇᓄᑦ ᐊᒻᒪ ᓱᕈᓯᕐᓄᑦ ᕿᒫᕙᒃᑐᓄᑦ ᐊᓐᓂᑎᕐᑕᐅᕙᒃᑐᓄᑦ
ᐋᑐᒑᒥ, ᔫᓂ 2, 2020 − ᐅᓪᓗᒥ ᐸᐅᒃᑑᑎᒃ ᐃᓄᐃᑦ ᐊᕐᓇᐃᑦ ᑲᓇᑕᒥ ᑎᓕᐅᕆᖅᑲᐅᕗᑦ ᐳᕋᐃᒻᒥᔅᑕ ᑐᕈᑐᒥᒃ ᒫᓐᓇᒃᑕᐅᑎᒋᒃᑯᑦ ᐊᑐᓕᕐᑎᒃᓯᑯᓪᓗᒍ ᐃᓚᖓᓐᓂᒃ ᐃᓄᖕᓄᑦ ᑐᕌᖓᔪᓂᒃ ᐊᑐᓕᕐᑎᑕᐅᖁᔭᐅᔪᕕᓂᕐᓂᒃ ᐊᕐᕌᓂᒃ ᓴᖅᑭᕐᑕᐅᓚᐅᕐᑐᓂᒃ ᐅᓂᒃᑳᓂᒃ ᑲᓇᑕᓕᒫᒥ ᑭᓪᓕᓯᓂᐊᕐᑐᖃᓚᐅᕐᑎᓪᓗᒍ ᑭᓐᖑᕐᑕᐅᓯᒪᔪᓂᒃ ᐊᒻᒪ ᑐᖁᑕᒥᓂᐅᔪᓂᒃ ᓄᓇᖃᖅᑳᕐᓯᒪᔪᓂᒃ ᐊᕐᓇᓂᒃ ᐊᒻᒪ ᓂᕕᐊᕐᓯᐊᓂᒃ … ᐱᑦᔪᑎᒌᓪᓗᖑ ᑮᓇᖃᕐᑎᑕᐅᖁᓪᓗᒋᑦ ᑕᓪᓕᒪᐅᔪᓂᒃ ᓄᑖᖑᔪᓂᒃ ᑭᒫᕕᒃᓴᓂᒃ ᐃᓄᐃᑦ ᓄᓇᖓᑦᓂ ᐊᒻᒪ ᐋᑐᒐᒥ.
“2015ᒥ ᐳᕋᐃᒻᒥᔅᑕ ᑐᕈᑐ ᓇᓗᓇᐃᕐᓯᓚᐅᕐᓯᒪᖕᒪᑦ ᐊᑦᔨᒌᓯᐊᕐᑎᑕᐅᖁᓪᓗᒋ ᐊᕐᓇᓕᒫᑦ ᑲᓇᑕᒥ. ᑕᐃᒪᐃᒻᒪᑦ ᐃᓄᐃᑦ ᐊᕐᓇᐃᑦ ᐊᑦᔨᐅᑎᑕᐅᒋᐊᖃᕆᕗᑦ” ᑕᐃᒫᒃ ᐅᖃᓚᐅᑐᖅ ᕆᐱᑲ ᑯᑦᓗ, ᐊᖏᔪᖅᑳᖓᑦ ᐸᐅᒃᑑᑎᒃᑯᑦ.
ᑖᓐᓇ ᕿᓄᑦᔪᑎᐅᔪᖅ ᐋᖅᑭᐊᕐᑕᐅᑲᓐᓂᖁᓪᓗᒋᑦ ᑭᓇᐅᔭᐃᑦ ᕿᒫᕕᒃᓴᓕᐅᕈᑎᒃᓴᑦ ᑕᓪᓕᒥᕐᒥ ᓇᓗᓇᐃᕐᓯᔪᖃᓚᐅᕐᑎᓗᒍ $100 ᒥᓕᔭᓐᑖᓚᓂᒃ ᒐᕙᒪᑐᖃᒃᑯᑦ ᑭᓇᐅᔭᖃᕐᑎᒃᓯᓂᐊᕐᒪᑕ ᓴᓇᔭᐅᑦᔪᑎᒃᓴᖏᓐᓂᒃ ᐊᒻᒪ ᐊᐅᓚᑦᔪᑎᒃᓴᖏᓐᓂᒃ 12ᖑᔪᓄᑦ ᓄᑖᓄᑦ ᕿᒫᕕᒃᓴᓄᑦ ᓄᓇᖃᖅᑳᕐᓯᒪᔪᓄᑦ ᐊᕐᓇᓄᑦ ᐊᒻᒪ ᓂᕕᐊᕐᓯᐊᓄᑦ. ᑭᓯᐊᓂᓕ ᑖᒃᑯᐊ ᓄᑖᑦ ᑭᓇᐅᔭᖃᕐᑎᒃᓯᓕᔪᑏᑦ ᐱᕕᖃᕐᑎᒃᓯᖏᒻᒪᑕ ᐃᓄᖕᓄᑦ ᑐᕌᖓᔪᓂᒃ ᑭᒫᕕᒃᓴᓂᒃ ᐊᕐᓇᓄᑦ ᐊᒻᒪ ᓱᕈᓯᕐᓄᑦ ᕿᒫᔪᓂᒃ ᐊᓐᓂᑎᕐᑕᐅᕙᑦᑐᓂᒃ ᑮᓇᐅᔭᖃᕐᑕᐅᖏᓚᑦ ᑖᒃᑯᐊ ᐸᐅᒃᑑᑎᒃᑯᑦ ᐊᒻᒪ ᒐᕙᒪᑐᖃᒃᑯᓐᓂ ᒥᓂᔅᑕᐅᔪᑦ ᐊᒻᒪ ᒐᕙᒪᑐᖃᒃᑯᑦ ᐃᖅᑲᓇᐃᔭᕐᑎᖏᑦ ᐱᓇᓱᐊᖃᑎᒌᑦᓯᐊᓚᐅᕋᓗᐊᕐᑎᓪᓗᒋᑦ ᐊᒻᒪ ᐋᔨᖃᑎᒌᖃᑦᑕᐅᓚᐅᕋᓗᐊᕐᑎᓪᓗᒋᑦ ᑖᒃᑯᓇᓂ ᑕᖅᑭᓂ ᐊᒻᒪ ᐱᓇᓱᐊᕈᓯᕐᓂ ᓈᔪᓂ ᐅᖃᓕᒪᐅᑎᖃᓚᐅᕐᑎᓪᓗᒋᑦ ᑕᒪᑐᒥᖓ ᑭᖕᖑᒪᔭᒻᒪᕆᐅᔪᒥᒃ ᑭᓇᐅᔭᖃᕐᑎᒃᓯᖁᔨᓪᓗᑎᒃ.
ᐸᐅᒃᑑᑎᒃᑯᑦ ᓇᓗᓇᐃᕐᓯᕗᑦ ᒫᓐᓇᒃᑕᐅᑎᒋᒃᑯᑦ ᓴᖅᑮᖁᔨᓪᓗᑎᒃ ᑭᓇᐅᔭᓂᒃ $20 ᒥᓕᔭᓐᑖᓚᓂᒃ ᑕᓪᓕᒪᓄᑦ ᓄᑖᓄᑦ ᕿᒫᕕᒃᓴᓄᑦ ᑐᕌᖓᒐᔭᕐᑐᓂᒃ ᐃᓄᐃᑦ ᐊᕐᓇᓄᑦ ᐊᒻᒪ ᓱᕈᓯᕐᓄᑦ. ᑭᓇᐅᔭᐃᑦ ᓴᓇᑦᔪᑎᐅᔪᓐᓇᕋᔭᕐᑐᑦ ᑭᖕᖑᒪᔭᒻᒪᕆᐅᔪᓂᒃ ᖃᓄᑐᐃᓐᓇᖅ ᐊᑑᑎᖃᕈᓐᓇᕋᔭᕐᑐᓂᒃ ᑭᒫᕕᒃᓂᒃ ᐊᒻᒪ ᓇᔪᒐᐅᑲᐃᓐᓇᕋᔭᕐᑐᓂᒃ ᐊᕕᒃᑐᕐᓯᒪᐅᕐᑐᓂ ᓄᓇᕘᒥ, ᐃᓄᕕᐊᓗᒃᓂ, ᓄᓇᕕᒃᒥ ᐊᒻᒪ ᓄᓇᑦᓯᐊᕐᒥ ᐊᒻᒪᓗᑕᐅᖅ ᐋᑐᒑᒥ ᐃᓄᐃᑦ ᐊᒥᓲᓂᕐᐹᖑᒻᒪᑕ ᖃᓪᓗᓈᓂ.
ᐊᒻᒪᓗᑕᐅᖅ ᖁᓄᒻᒥᕈᑕᐅᑲᓐᓂᓚᐅᕐᒥᔪᖅ ᐱᓇᓱᐊᖃᑎᒌᓂᖏᓐᓄᑦ ᒐᕙᒪᑐᖃᒃᑯᑦ ᐊᒻᒪ ᓄᓇᖃᕐᑳᕐᓯᒪᔪᑦ ᒥᓂᔅᑕᖓᑦ ᑯᐅᕈᓕᓐ ᕕᓇᑦ ᑎᓴᒻᒥᕐᒥ ᓇᓗᓇᕐᓯᓚᐅᕐᒪᑦ ᒐᕙᒪᑐᖃᒃᑯᑦ ᐅᖓᕐᕙᒋᐊᕐᓯᒻᒪᑕ ᓴᖅᑭᕐᑕᐅᔪᒫᕐᓂᐊᕐᓂᖏᓐᓂᒃ ᑲᓇᑕᒥ ᐊᑐᑕᐅᔪᒃᓴᒫᑦ ᐱᑦᔪᑎᒋᓪᓗᒋᑦ ᑭᓪᓕᓯᓂᐊᕐᓂᐅᓚᐅᕐᑐᓂᒃ, ᑕᒪᓐᓇ ᓴᖅᑭᕐᑕᐅᔪᒫᕐᓂᐊᓚᐅᕋᓗᐊᕐᒪᑦ ᔫᓂ 2020ᒥ.
ᐸᐅᒃᑑᑎᑯᑦ ᑐᓂᓯᓚᐅᕐᓯᒪᖕᒪᑕ ᒐᕙᒪᑐᖃᒃᑯᓐᓄᑦ ᑐᑭᓯᐅᒪᑦᔪᑎᒃᓴᖏᓐᓂᒃ ᐊᑐᓕᕐᑕᐅᖁᔭᒻᒥᓐᓂᒃ ᐃᓄᖕᓄᑦ ᑐᕌᖓᔪᓂᒃ ᒪᓕᒃᓱᒋᑦ ᑭᓪᓕᓯᓂᐊᕐᑎᐅᓚᐅᕐᑐᑦ ᑎᑎᖃᖏᓐᓂᒃ ᐋᖅᑭᒋᐊᕈᑕᐅᖁᔭᐅᔪᓂᒃ. ᐸᐅᒃᑑᑎᒃᑯᑦ ᒪᕐᕈᓕᖓᕝᔫᓐᓂᒃ ᑭᓪᓕᓯᓂᐊᕐᑎᑯᓐᓄᑦ ᑐᓂᓯᓚᐅᕐᑐᑦ ᑎᑎᕋᕐᓯᒪᔪᓂᒃ. ᐸᕐᓇᓯᒪᒌᓕᕐᑐᑦ ᐊᑐᓕᕐᑎᒃᓯᔪᓐᓇᕐᓗᑎᒃ ᐃᓄᖕᓄᑦ ᑐᕌᖓᔪᓂᒃ
ᑲᑐᑦᔨᖃᑎᒌᓂᒃᑯᑦ ᐋᖅᑭᑦᓱᐃᓂᑯᑦ ᑐᑭᒧᐊᑦᔪᑎᒃᓴᓂᒃ ᓴᖅᑭᕐᑕᐅᖁᓪᓗᒋᑦ ᐃᓕᖅᑯᓯᑐᖃᐃᑦ ᑐᑭᒧᐊᑦᔪᑎᒋᓗᒋᑦ ᐊᑐᑎᒃᓴᒫᓂᒃ ᐃᓄᖕᓄᑦ ᐊᕐᓇᓄᑦ ᑲᓇᑕᒥ. ᐃᓱᒪᖕᒪᑕ ᐋᖅᑭᔪᖃᕈᓐᓇᕐᒪᑦ ᐊᑕᖐᑦᓯᐊᕐᑐᒥᒃ ᐸᕐᓇᐃᑦᔪᑎᒥᒃ ᐊᒻᒪ ᑕᒪᓐᓇ ᓴᖅᑭᑕᐅᒋᐊᖃᕋᓗᐊᕐᒪᑦ ᑎᓯᐱᕆ 2020 ᐊᓂᒍᓚᐅᕐᑎᓐᓇᒍ.
ᐸᐅᒃᑑᑎᒃᑯᑦ ᓯᕗᓕᕐᑎᖏᑦᑕ ᐅᖃᐅᓯᖏᑦ:
“ᐱᓇᓱᐊᕈᓯᐅᓚᐅᕐᑐᒥ ᓇᓗᓇᐃᕐᑕᐅᓚᐅᕐᑐᖅ ᖁᓄᒻᒥᓇᕐᑐᒻᒪᕆᐊᓗᕗᖅ ᐃᓄᐃᑦ ᐊᕐᓇᖏᓐᓄᑦ ᑖᒃᑯᐊ ᐊᓈᓇᖏᑦ ᐸᓂᖏᑦ ᐃᕐᖑᑕᖏᑦ ᐊᒻᒪ ᐱᖃᓐᓇᕆᔭᖏᑦ ᔭᒐᐃᔭᐅᓯᒪᖕᒪᑕ ᐅᑦᕙᓘᓐᓂᑦ ᐃᓄᐊᕐᑕᐅᓯᒪᖕᒪᑕ ᐊᒻᒪ ᐊᒥᓱᐃᑦ ᑲᑉᐱᐊᓇᕐᑐᒥᖃᑦᑕᕐᒪᑕ ᐊᒻᒪ ᑲᓇᑕᒥ ᐊᒥᓲᓂᕐᐹᖑᕙᒃᓱᑎᓪᓗ ᓱᕋᑦᔪᑎᒻᒪᕆᐊᓗᖃᑦᑕᕐᒪᑦ ᐊᖏᕐᕋᒥᓐᓂ ᐊᓐᓂᑎᕐᑕᐅᕙᒃᑐᑦ. ᐃᒪᐃᑦᑑᔮᕐᒪᑦ ᐃᓄᐃᑦ ᐊᕐᓇᖏᑦ ᐳᐃᒍᕐᑕᐅᑲᓐᓂᕐᒥᔪᑦ ᐊᒻᒪ ᐅᖃᐅᓯᕆᕙᒃᑕᕗᑦ ᑐᓵᔭᐅᖏᑦᓯᐊᒻᒪᕆᒻᒪᑕ.
− ᕆᐱᑲ ᑯᑦᓗ, ᐊᖏᔪᖅᑳᖅ, ᐸᐅᒃᑑᑎᑦ ᐃᓄᐃᑦ ᐊᕐᓇᖏᑦ ᑲᓇᑕᒥ
“ᕿᒫᕕᖃᖏᑦᑑᓂᖏᓐᓄᑦ ᐃᓄᐃᑦ ᐊᕐᓇᖏᑦ ᖃᓪᓗᓈᓄᑦ ᓄᑉᐸᒻᒪᑕ ᐊᑦᑕᓇᖏᑦᑐᒥᔪᒪᒃᓱᑎᒃ. ᑭᓯᐊᓂᓕ ᖃᓪᓗᓈᓂ ᓱᕐᓗ ᐋᑐᒑᒥᒍᑎᒃ ᐅᑦᕙᓗ ᐅᐃᓂᐱᒃᒥᒍᑎᒃ ᐅᑦᕙᓘᓐᓂᑦ ᒪᑐᕆᐊᒥᒍᑎᒃ, ᐱᔭᐅᒋᐊᑭᑦᑐᒥᒃᐳᑦ ᐊᓐᓂᑎᕐᑕᐅᓂᕐᒧᑦ ᐊᒻᒪᓗ ᐃᓅᓯᕐᒧᑦ ᐊᑦᑕᓇᕐᑐᒥᔪᑕᐅᕙᑐᑦᓄᑦ ᐊᖓᔮᓇᕐᑐᓄᑦ ᐊᒻᒪᓗ ᐃᓱᒪᕐᓱᑕᐅᓕᕐᓱᑎᒃ ᑯᔭᒐᐅᑎᑕᐅᓪᓗᑎᒃ”
− ᔨᐅᕆ ᓵᑉ, ᐊᖏᔪᖅᑳᑉ ᑐᖏᓕᖓ, ᐸᐅᒃᑑᑎᑦ ᐃᓄᐃᑦ ᐊᕐᓇᖏᑦ ᑲᓇᑕᒥ
“ᐅᓂᒃᑳᕐᓱᑕ ᑭᓪᓕᓯᓂᐊᕐᑎᓄᑦ ᓱᕐᓗ ᑕᕐᓂᕗᑦ ᒪᑉᐱᓚᐅᕋᑦᑎᒍ ᐊᒻᒪ ᐊᓐᓂᐊᓇᕐᑐᐊᓗᒃ ᐊᑐᒃᑲᓂᕐᑖᓗᒋᓕᕐᓱᒍ . ᓱᓇᐅᑦᕚᓗᓕ ᐃᓱᒪᒋᔭᐅᖏᑦᑐᑦ ᓄᓇᑦᓯᐊᒥᐅᑦ ᐅᑦᕙᓗ ᓄᓇᕕᒃᒥᐅᑦ.”
− ᓵᓚᑦ ᐅᕈᕆ, ᑎᑎᕋᕐᑎ−ᑮᓇᐅᔭᓕᕆᔨ, ᐸᐅᒃᑑᑎᑦ ᐃᓄᐃᑦ ᐊᕐᓇᖏᑦ ᑲᓇᑕᒥ
ᑐᑭᓯᓇᕐᓯᕚᓪᓕᕈᑏᑦ ᖃᐅᒪᔭᐅᔪᑦ:
- ᐃᓄᐃᑦ ᐊᕐᓇᐃᑦ ᐊᓐᓂᕐᑎᕐᑕᐅᒐᔪᓐᓂᕐᓴᐃᑦ ᓱᕐᓗ 14ᕋᐃᕋᕐᓱᑎᒃ ᐊᓂᕐᑎᕐᑕᐅᒐᔪᓐᓂᕐᓴᐃᑦ ᐊᓯᖏᓐᓂ ᐊᕐᓇᓂ ᑲᓇᑕᒥ.
- 51ᖑᒻᒪᑕ ᓄᓇᓖᑦ ᐃᓄᐃ ᓄᓇᖓᑦᓂ, 37 ᓄᓇᓖᑦ ᐊᑦᑕᓇᖏᑦᑐᒥᑦᕕᑦᓴᖓᖏᑦᑐᑦ ᐃᓄᐃᑦ ᐊᕐᓇᖏᑦ ᐊᒻᒪ ᓂᕕᐊᕐᓯᐊᖏᑦ ᕿᒫᔪᑦ ᐊᓐᓂᕐᑎᕆᔨᒥᓐᓂᒃ.
- ᐸᐅᒃᑑᑎᑦᑯᑦ ᕿᒫᕕᓴᓄᑦ ᑭᓇᐅᔭᖃᕐᑎᑕᐅᖁᔨᓂᖏᑦ ᒪᓕᑐᐃᓐᓇᕐᐳᑦ ᑭᓪᓕᓯᓂᐊᕐᓂᐅᓚᐅᕐᑐᑦ ᐋᖅᑭᒋᐊᕈᑕᐅᖁᔭᖏᓐᓂᒃ, ᐃᓚᒋᔭᐅᑦᓱᓂ ᐱᓐᒪᕆᐊᓗᕗᖅ ᐊᑐᓕᕐᑎᑕᐅᖁᔭᖅ ᒐᕙᒪᑐᖃᒃᑯᑦ “ᑭᓇᐅᔭᖃᕐᑎᒃᓯᒋᐊᓖᑦ ᐊᑦᑕᓇᖏᑦᑐᒥᒃᕕᒃᓴᓂᒃ, ᕿᒫᕕᒃᓂᒃ, ᐃᒡᓗᒋᔭᐅᑲᐃᓐᓇᕈᓐᓇᕐᑐᓂᒃ ᐊᒻᒪ ᓇᒻᒥᓂᖅ ᐃᒡᓗᒋᔭᐅᓕᕈᓐᓇᕐᑐᓂᒃ ᐃᓄᐃᑦ ᐊᕐᓇᖏᓐᓄᑦ, ᓱᕈᓯᕐᓄᑦ ᐊᒻᒪ ᐊᓯᖏᓐᓄᑦ ᕿᒫᔪᓄᑦ ᐊᓐᓂᑎᕆᔨᒥᓐᓂᒃ. (ᐊᑐᓕᕐᑕᐅᖁᔭᐅᓯᒪᔪ 16.9)
- ᒫᓐᓇᒧᑦ ᑎᑭᕋᑕᕐᓱᓂ, ᒐᕙᒪᑐᖃᒃᑯᑦ ᓄᓇᖃᖅᑳᕐᓯᒪᔪᓄᑦ ᒥᓂᔅᑕᖓᑦ ᐱᕕᖃᕐᑎᑕᐅᓯᒪᑐᐃᓐᓇᕐᑐᖅ ᑭᓇᐅᔭᖃᕐᑎᒃᓯᔪᓇᕐᓱᓂ ᑭᒪᕕᒃᓄᑦ ᐊᓪᓚᐃᑦ ᓄᓇᑖᕆᔭᐅᓂᑯᒋᔭᖏᓐᓂ, ᑕᐃᒪᐃᒻᒪᑦ ᓇᓗᓇᖏᑦᓯᐊᓕᕐᑐᖅ ᐱᕕᖃᕐᑎᑕᐅᖏᒻᒪᑕ ᐊᑦᑕᓇᕐᑐᒦᖃᕐᑕᓂᖏᑦ ᐃᓄᐃᑦ ᐊᕐᓇᖏᑦ ᐊᒻᒪ ᓱᕈᓯᖏᑦ.
ᐱᕙᓪᓕᐊᔪᓕᕆᔩᑦ ᐊᐱᖅᑯᑎᓴᖃᕈᑦᓯ ᐅᑯᐊ ᐅᖃᕐᕕᔪᓐᓇᕐᑕᓯ:
ᐅᑭᐅᕐᑕᐅᕐᑐᒥᐅᓄᑦ ᐱᕙᓪᓕᐊᔪᓕᕆᔨᖏᓐᓄᑦ ᐅᖃᕐᕕᒋᔪᓐᓇᕐᑕᓯ:
ᐋᓐᑐᐊᓇᑦ ᕗᕆᓐᑕᒧᐊ;
ᑐᓴᐅᒪᑎᒃᓯᓂᕐᒧᑦ ᑐᑭᒧᐊᒃᑎᒃᓯᔨ
613-316-8943
abrindamour@pauktuutit.ca
ᖃᓪᓗᓈᓂ ᐊᒻᒪ ᑲᓇᑕᓕᒫᒧᖓᔪᓄᑦ ᐱᕙᓪᓕᐊᔪᓕᕆᔨᖏᑦ ᐅᖃᕐᕕᒋᔪᓐᓇᕐᑕᓯ:
ᑲᑐᕆᓐ ᕗᐊᑎᓐ ᓕᕙᐃᕗᕆ,
613-979-8683
CFL@impactcanada.com (ᐅᐃᕖᑎᑐᑦ)
ᓲᓇᓐ
ᑭᖕ613-724-1518
007susanking@gmail.com (ᖃᓪᓗᓈᑎᑐᑦ)