ᐋᑐᕚᒥᑦ, ᐊᐅᒡᒍᓯ 24, 2021 – ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐃᒪᐃᖁᔨᒐᓗᐊᕐᐳᑦ, ᓂᕈᐊᕐᓇᐅᓕᕐᒥᒻᒪᑦ, ᑲᓇᑕᐅᑉ ᑲᑎᒻᒪᔨᕐᔪᐊᖏᑦᑕ ᓯᕗᓕᕐᑎᖏᓐᓂᒃ ᑲᑦᓱᖓᐃᖓᑎᒃᓯᖁᔨᒐᓗᐊᕐᐳᑦ ᐃᓄᐃᑦ ᐊᕐᓇᐃᑦ ᑲᑎᒻᒪᖃᑕᐅᖃᑦᑕᖁᓪᓗᒋᑦ ᒐᕙᒪᑐᖃᒃᑯᑎᒍᑦ ᐋᔩᑦᔪᑕᐅᓕᕋᐃᑉᐸᑕ ᐊᑦᑐᐃᓐᓂᖃᕐᑐᑦ ᐃᓄᐃᑦ ᐊᕐᓇᖏᓐᓂᒃ ᐊᒻᒪ ᓂᕕᐊᕐᓯᐊᓂᒃ.
ᐸᐅᒃᑑᑎᒃᑯᑦ ᐊᖓᔪᖅᑳᖓᑦ ᕆᐱᑲ ᑲᑦᓗ ᐅᖃᓚᐅᕐᑐᖅ ᐸᐅᒃᑑᑎᒃᑯᑦ ᓂᕆᐅᕆᔭᖃᕋᓗᐊᕐᑐᑦ ᐃᓄᐃᑦ ᐊᕐᓇᐃᑦ ᐃᓚᒋᔭᐅᑎᑕᐅᓂᐊᕐᓂᖏᓐᓂᒃ ᐊᖅᑭᑦᓱᐃᔪᖃᓕᕐᑎᓪᓗᒍ ᖃᓄᕐᑑᕈᑎᒃᓴᒫᓂᒃ ᐊᑐᓕᕐᑎᑕᐅᖁᓪᓗᒍ ᓯᓚᕐᔪᐊᒥ ᑲᑎᒻᒪᕕᒃᔪᐊᖓᑦᑕ ᓇᓗᓇᐃᕐᓯᒪᔭᖏᓐᓂᒃ ᓯᓚᕐᔪᐊᒥ ᓄᓇᖃᖅᑳᕐᓯᒪᔪᓄᑦ ᐱᔪᓐᓇᐅᑎᐅᓂᕋᕐᑕᐅᔪᓂᒃ ᐊᑐᓕᕐᑎᑕᐅᖁᓪᓗᒋᑦ ᑖᒃᑯᓇᓂ ᑕᖅᑭᓂ ᐊᒡᒋᕐᑐᓂ. ᑭᓯᐊᓂᓕᒃᑕᐅᖅ ᓇᓗᓇᐃᕐᓯᖁᔨᒐᓗᐊᕐᐳᒍᑦ ᑲᑦᓱᖓᐃᕐᑎᓯᓯᒪᑯᓪᓗᒋᑦ ᐃᓗᓐᓇᑎᒃ ᑲᑎᒻᒪᕕᔪᐊᑉ ᓯᕗᓕᕐᑎᖏᓐᓂᒃ ᑕᒪᒃᑯᐊ ᐃᓄᐃᑦ ᐊᕐᓇᐃᑦ ᓇᓕᒧᒃᑎᑕᐅᓗᑎᒃ ᐱᔪᓐᓇᕐᑎᑕᐅᖁᓪᓗᒋᑦ ᖃᓄᖅ ᓯᓚᕐᔪᐊᒥ ᓄᓇᖃᖅᑳᕐᓯᒪᔪᐃᑦ ᐱᔪᓐᓇᐅᑎᒋᔭᐅᓂᕋᕐᑕᐅᔪᑦ ᖃᓄᖅ ᐊᑐᓕᕐᑎᑕᐅᓂᐊᕐᒪᖔᑕ ᐃᓗᓐᓇᖏᓐᓄᑦ ᒐᕙᒪᑐᖃᒃᑯᑦ ᐱᓕᕆᕕᖏᓐᓄᑦ ᐊᒻᒪ ᑲᒪᓪᓗᐊᑕᕐᑎᓄᑦ.
ᐸᐅᒃᑑᑎᒃᑯᑦ ᓇᓗᓇᐃᕐᑕᐅᖁᔨᒐᓗᐊᕆᕗᑦ ᐃᓄᐃᑦ ᐊᕐᓇᐃᑦ ᓯᕗᓕᕐᑎᐅᖃᑕᐅᖁᓪᓗᒋᑦ ᐊᑐᓕᕐᑎᑕᐅᓂᐊᑎᓪᓗᒍ ᐸᕐᓇᐅᑎᐅᓯᒪᔪᖅ ᑐᕌᖓᔪᖅ ᑭᖑᕐᑕᐅᓯᒪᔪᑦ ᐊᒻᒪ ᐃᓄᐊᕐᑕᐅᓯᒪᔪᑦ ᐊᕐᓇᐃᑦ ᐊᒻᒪ ᓂᕕᐊᕐᓯᐊᑦ ᑭᓪᓕᓯᓂᐊᕐᑐᖃᓚᐅᕐᑎᓪᓗᒍ ᐊᑐᓕᕐᑎᑕᐅᖁᔭᐅᓯᒪᔪᑦ.
ᕆᐱᑲ ᑲᓪᓗᒃ ᐅᖃᓚᐅᕐᑐᖅ ᐃᓄᐃᑦ ᐊᕐᓇᐃᑦ ᖃᐅᔨᒪᓂᕐᐹᖑᒻᒪᑕ ᐊᖅᑮᒋᐊᕈᑎᒃᓴᐅᔪᓂᒃ ᓇᒻᒪᒥᓂᖅ ᐊᑦᑕᓇᕐᑐᒥᑦᑕᐃᓕᖁᓪᓗᑕ ᐊᒻᒪ ᓴᐳᑦᓴᐅᓯᒪᖁᓪᓗᑕ. ᓇᒻᒥᓂᖅ ᐊᑐᕐᓯᒪᔭᕗᑦ, ᓯᕗᓪᓕᐅᑦᔭᐅᖁᔭᕗᑦᓗ ᐊᒻᒪ ᐃᓱᒪᕐᓴᕐᓯᐅᕈᑎᒋᓯᒪᔭᕗᑦ ᖃᐅᔨᒪᑦᔪᑕᐅᒋᐊᖃᕋᓗᐊᕐᒪᑕ ᐃᓗᓐᓇᖓᓄᑦ ᐸᕐᓇᐅᑎᐅᓯᒪᔫᑉ ᐊᑐᓕᕐᑎᑕᐅᓂᖓᓄᑦ.
ᐸᐅᒃᑑᑎᒃᑯᑦ ᐃᓱᒪᒐᓗᐊᕐᐳᑦ ᐃᓗᓐᓇᑎᒃ ᑲᑎᒻᒪᕕᒃᔪᐊᕐᒥ ᐊᕕᒃᑐᕐᓯᒪᐅᕐᑐᑦ ᐊᒻᒪ ᓂᕈᐊᒐᒃᓴᓕᒫᑦ ᓇᓗᓇᐃᕐᓯᔪᓐᓇᖁᓪᓗᒋᑦ ᐃᒫᒃ:
- ᑮᓇᐅᔭᕐᑑᑎᒃᓴᒫᒃᓴᓂᒃ ᐃᓄᒃᓄᑦ ᑐᕌᖓᓚᑦᑖᕐᑐᓂᒃ ᑭᒫᕕᒃᓴᓕᐅᕈᑎᒃᓴᓂᒃ ᐊᒻᒪ ᐃᒡᓗᒋᔭᐅᑲᐃᓐᓇᓕᐅᕈᑎᒃᓴᓂᒃ ᐃᓄᐃᑦ ᐊᕐᓇᖏᓐᓄᑦ ᐊᒻᒪ ᕿᑐᖓᖏᓐᓄᑦ
- ᐃᓄᐃᑦ ᓄᓇᖓᑦᑕ ᐊᕕᒃᑐᕐᓯᒪᐅᕐᕕᓕᒫᖏᓐᓂ ᐊᒥᓱᕈᕆᐊᕐᓗᒋᑦ ᐃᓄᐃᑦ ᐃᕐᓂᓱᒃᓰᔩᑦ ᐊᒻᒪ ᐊᑐᐃᓐᓇᖃᕐᓂᕐᓴᐅᓕᖁᓪᒋᑦ ᐊᑦᔨᒌᒃᑐᑯᑦ ᐊᓐᓂᐊᕐᓯᐅᕐᑐᓕᕆᓂᖅ
- ᐃᓗᓐᓇᓂ ᐊᑐᓕᕐᑎᑕᐅᖁᓪᓗᒍ ᓯᓚᕐᔪᐊᒥ ᓄᓇᖃᖅᑳᕐᓯᒪᔪᓄᑦ ᐱᔪᓐᓇᐅᑎᐅᓂᕋᕐᑕᐅᑦ
- ᐃᓄᐃᑦ ᐊᕐᓇᐃᑦ ᐃᓚᐅᑎᑕᐅᑦᓯᐊᖁᓪᓗᒋᑦ ᐊᑐᓕᕐᑎᑕᐅᑎᒍ ᐸᕐᓇᐅᑎᐅᓯᒪᔪᑦ ᑭᖑᕐᑕᐅᓯᒪᔪᑦ ᐊᒻᒪ ᐃᓄᐊᕐᑕᐅᓯᒪᔪᑦ ᓄᓇᖃᖅᑳᕐᓯᒪᔪᑦ ᐊᕐᓇᐃᑦ ᐊᒻᒪ ᓂᕕᐊᕐᓯᐊᑦ ᑖᒃᑯᓂᖓ ᑭᓪᓕᓯᓂᐊᕐᑐᖃᓚᐅᕐᑎᓗᒋᑦ ᐸᕐᓇᐅᑎᐅᓯᒪᔪᑦ.
- ᐃᓄᐃᑦ ᐊᕐᓇᐃᑦ ᐱᓇᓱᖃᑕᐅᖏᓐᓇᖁᓪᓗᖏᑦ ᐊᑑᑎᓕᒫᓂᒃ ᐊᖅᑭᑦᓱᐃᔪᖃᕐᑎᓪᓗᒍ ᐊᑐᐊᒐᒃᓴᓂᒃ ᐊᒻᒪ ᓇᓗᓇᐃᕐᓯᔪᖃᕐᑎᓪᓗᒍ.
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᑖᒃᑯᐊ ᑲᓇᑕᒥ ᑎᒥᐅᕗᑦ ᑭᒡᒐᑐᕐᑏᑦ ᐃᓄᐃᑦ ᐊᕐᓇᖏᓐᓂᒃ ᑲᓇᑕᒥ.
-30-
ᑐᑭᒋᐊᒃᑲᓐᓂᕆᒪᒍᕕᑦ ᐅᖃᕐᕕᒋᓗᒍ ᐅᓇ:
ᑳᑎ ᐅᐃᑦᑕᑯ Cathie Whittaker: 613 238-3977 Ext. 271 / cwhittaker@pauktuutit.ca