ᐋᑐᕚ, ᓅᕙᐃᕝᕙ 29, 2021 – ᐸᐅᒃᑑᑏᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐊᐅᓚᔾᔭᐃᓯᒪᔪᑦ ᐅᖃᓕᒪᐅᑎᖃᖅᑕ ᐅᔭᕋᕐᒥᒃ: ᓱᕐᕋᓇᖅᑐᒧᑦ ᐋᓐᓂᐊᖅᑎᑕᐅᓂᕐᒥᒃ ᒥᑭᓪᓕᑎᕆᔾᔪᑎᒥᒃ ᓄᓇᓕᑦᑎᓐᓂ: ᑐᕌᒐᖃᕐᓂᖅ ᒪᒃᑯᑦᑐᓂᒃ ᐃᓄᓐᓂᒃ ᐊᓈᓇᐃᓪᓗ ᖃᓄᐃᙱᑦᓯᐊᕐᓂᖏᓐᓄᑦ ᐊᐅᓚᓂᐅᔪᖅ. ᑖᓐᓇ ᐊᐅᓚᓂᐅᔪᖅ ᑐᕌᒐᖃᖅᑐᖅ ᐃᑲᔪᕈᑕᐅᒍᒪᓪᓗᓂ ᐃᓄᓐᓂᒃ ᒪᒃᑯᑦᑐᓂᒃ, ᕿᑐᕐᖓᖅᑖᕐᓂᐅᓴᔪᓂᒃ, ᐃᓚᒌᓐᓂᓪᓗ ᑐᑭᓯᓯᒪᒃᑲᓐᓂᖁᓪᓗᒋᑦ ᖃᓄᐃᑦᑐᓪᓚᕆᐅᒻᒪᖔᑕ ᐅᓂᒃᑳᑐᐃᓐᓇᐃᓪᓗ ᓱᕐᕋᓇᖅᑐᓅᖓᔪᓄᖅ ᖃᓄᖅ ᒥᑭᓪᓕᑎᕋᑦᓴᐅᒻᒪᖔᑕ ᐋᓐᓂᖅᑎᕆᓂᐅᑐᐃᓐᓇᕆᐊᓖᑦ ᖃᐅᔨᒪᔭᐅᑦᓯᐊᑲᓐᓂᖁᓪᓗᒍ ᖃᓄᐃᙱᓯᐊᕐᓂᕐᒃᑯᑦ ᐃᓚᒌᓐᓂᖅ ᓄᓇᓕᓕᖃᕐᓂᕐᓗ.   

ᐅᖃᓕᒪᐅᑎᖃᖅᑕ ᐅᕙᕋᕐᒥᒃ: ᓱᕐᕋᓇᖅᑐᒧᑦ ᐋᓐᓂᖅᑎᖅᑕᐅᓂᕐᒧᑦ ᒥᑭᓪᓕᑎᕈᑎ ᐊᑐᐃᓐᓇᐅᑎᑦᓯᒍᑕᐅᔪᖅ, ᐃᓄᓐᓄᑦ ᑐᕌᖓᔪᓂᒃ, ᓇᓗᓇᐃᕈᑎᑦᓴᓂᒃ ᑐᙵᕕᓕᓐᓂᒃ, ᐊᑦᑐᐊᓂᖃᖅᓱᑎᓪᓗ ᑐᓴᕋᑦᓴᐃᑦ ᐃᓄᓐᓄᑦ ᐆᑦᑐᕋᓱᐊᕈᒪᔪᓄᑦ ᓱᕐᕋᓇᖅᑐᓂᒃ, ᐊᑐᖅᐸᒌᖅᑐᓄᓪᓘᓐᓃᑦ ᓱᕐᕋᓇᖅᑐᓂᒃ, ᐊᑐᖃᑦᑕᖁᓪᓗᒋᑦ ᒥᑭᓪᓕᑎᕆᔪᓂᒃ ᐅᓗᕆᐊᓇᖅᑐᓂᒃ ᐋᓐᓂᖅᑎᕈᑕᐅᑐᐃᓐᓇᕆᐊᓕᓐᓂᓪᓗ.  

“ᐃᓚᐅᑎᓐᓂᖃᖅᓱᑎᒃ, ᓄᓇᓕᓖᑦ ᐅᖃᐅᓯᖃᖅᓯᒪᔪᑦ ᐅᑉᐱᕆᔭᒥᓐᓂᒃ ᓱᕐᕋᓇᖅᑐᖅ ᐊᑐᖅᑕᐅᒐᔪᕆᐊᖓ ᐊᖏᖅᑕᐅᓯᒪᑐᐃᓐᓇᖅᓱᓂᓗ ᓄᓇᓕᓕᓐᓂ. ᑕᐃᒪᐃᒻᒪᑦ, ᐅᖃᓕᒪᐅᑎᒋᓚᕗᑦ ᐅᔭᕋᖅ: ᓱᕐᕋᓇᖅᑐᒧᑦ ᐋᓐᓂᖅᑎᖅᑕᐅᓂᕐᒧᑦ ᒥᑭᓪᓕᑎᕆᒍᑎ ᐅᖃᐅᓯᖃᖅᑐᖅ ᑭᙴᒪᓇᕐᓂᖏᓐᓂᒃ ᓱᓕᔪᑦ ᓱᓕᔪᕐᓇᖅᑐᓂᓪᓗ ᑐᓴᕋᑦᓴᐃᑦ ᐃᓄᓐᓄᑦ ᐃᑲᔫᑕᐅᓂᐊᕐᓗᑎᒃ ᑐᓴᐅᒪᑦᓯᐊᕐᓗᑎᒃ ᐃᓱᒪᑦᓴᖅᓯᐅᕈᑎᖃᖃᑦᑕᕐᓂᐊᕐᒪᑕ,” ᐅᖃᖅᑐᖅ ᐸᐅᒃᑑᑎᒃᑯᑦ ᐊᖓᔪᖅᑳᖓᑦ ᕋᕙᑲ ᑲᓪᓗ. “ᐊᑐᐃᓐᓇᐅᑎᑦᓯᓂᒃᑯᑦ ᐱᖅᑯᓯᕐᒨᖓᔪᓂᒃ ᐊᑐᕋᑦᓴᓂᒃ ᐅᔾᔨᖅᑐᑲᓐᓂᕈᑕᐅᔪᓂᒃ, ᑲᙳᓱᒍᑕᐅᒍᓐᓃᕐᓗᓂ, ᒥᑭᓪᓕᑎᖅᑕᐅᓗᓂᓗ ᐋᓐᓂᖅᑎᕆᓂᖅ, ᒪᑐᐃᖅᓯᒍᒪᒐᓗᐊᖅᑐᒍᑦ ᐅᖃᖃᑎᒌᓐᓂᐅᔪᓂᒃ ᓱᕐᕋᓇᖅᑑᑉ ᒥᑦᓵᓄᑦ ᒥᑭᓪᓕᑎᕐᓗᒋᓪᓗ ᐅᓗᕆᐊᓇᖅᑐᑦ ᐊᑯᕐᖓᓐᓂ ᐃᓄᐃᑦ ᒪᒃᑯᑦᑐᑦ ᐃᓚᒌᓪᓗ.”

ᑕᑯᑦᓴᐅᑎᑕᐅᔪᑦ ᓴᓇᐅᒐᖏᑦ ᓵᕐᓚᑦ ᖃᕆᑕᖅ, ᐊᑐᖅᑕᐅᓂᐊᖅᑐᑦ ᐃᓗᓕᓪᓗᐊᑕᖏᑦ ᐅᑯᐊ “ᐅᖓᑖᓄᒋᐊᒃᑲᓐᓂᖅ ᐃᓗᓕᓕᒃ ᓱᕐᕋᓇᖅᑐᑐᐃᓐᓇᐅᖏᑦᑐᖅ.” ᓱᕐᕋᓇᖅᑐᑦ ᐊᑐᖅᑕᐅᓂᖏᑦ ᐃᓄᓐᓄᑦ ᐃᓗᓕᖅᑐᔪᑦ. ᐃᑲᔫᑕᐅᓂᐊᕐᓗᓂ ᑖᓐᓇ ᐅᖃᐅᓯᑦᓴᐅᑉ ᐊᑐᐃᓐᓇᐅᑲᓐᑲᓐᓂᕈᓐᓇᕐᓂᖓᓄᑦ, ᐸᐅᒃᑑᑏᑦ ᐃᓕᓐᓂᐊᑎᑦᓯᔾᔪᑎᖏᑦ ᐃᓗᓕᖃᖅᑐᑦ ᐊᑑᑎᓪᓚᕆᑦᑐᓅᖓᔪᓂᒃ, ᐅᖃᖃᑎᒌᒍᑎᖃᕐᓂᕐᒧᑦ ᒪᓕᒐᐃᑦ, ᓂᕕᙵᖅᑎᕋᑦᓴᐃᑦ, ᓇᓗᓇᐃᒃᑯᓯᖅᓯᒪᔪᑦ ᐊᓐᓄᕌᑦ, ᑐᓴᐅᒪᑎᑦᓯᑲᓐᓂᕈᑎᑦᓴᐃᑦ, ᐊᖅᑯᑕᐅᔪᓪᓗ ᐃᒻᒥᓂᒃ ᕿᒥᕐᕈᒍᑎᑦᓴᐃᑦ ᓱᕐᕋᓇᖅᑐᑐᖃᑦᑕᓂᕐᒨᖓᔪᓄᑦ ᑐᓴᐅᒪᔭᐅᑎᓪᓗᒋᑦ ᐃᓚᐅᑎᑦᓯᓂᖃᕐᓂᒃᑯᑦ.

ᐅᖃᖃᑎᒌᒍᑎᓚᕗᑦ ᐅᔭᕋᖅ: ᓱᕐᕋᓇᖅᑐᓂᒃ ᐋᓐᓂᖅᑎᕈᑕᐅᓂᖏᓐᓂᒃ ᒥᑭᓪᓕᑎᕆᒍᑎ ᐃᓕᓐᓂᐊᕋᑦᓴᖅ ᑕᑯᔭᑦᓴᐅᔪᖅ ᓱᕐᕋᓇᖅᑐᑐᖃᑦᑕᕐᓂᖅ ᓄᓇᓕᓐᓂ ᒪᑉᐱᒐᖓᓂ ᐅᕝᕙᓘᓐᓃᑦ ᐅᕗᙵᕐᓗᑎᑦ letstalkaboutujarak.com

ᐊᐱᖅᓱᖅᑕᐅᒍᒪᒍᕕᑦ:

ᖃᓄᐃᓕᒋᐊᕆᑦ ᐊᒫᓐᑕ ᑎᓯᐅᕆᒧᑦ, 613.806.3336 ᖃᕆᑕᐅᔭᒃᑯᓪᓘᓐᓃᑦ [email protected].

-30-

ᐸᐅᒃᑑᑏᑦ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑎᒥᐅᔪᑦ ᑭᒡᒐᖅᑐᐃᔪᑦ ᐃᓘᓐᓇᖏᓐᓂᒃ ᐃᓄᓐᓂᒃ ᐊᕐᓇᓂᒃ ᑲᓇᑕᒥ. ᐱᓕᕆᐊᑦᓴᖃᖅᑐᑦ ᑲᔪᓯᑎᑦᓯᓂᕐᒥᒃ ᐅᔾᔨᕆᔭᐅᒋᐊᒃᑲᓐᓂᕐᓗᑎᒃ ᑭᙴᒪᒋᔭᐅᔪᓄᑦ ᐃᓄᓐᓄᑦ ᐊᕐᓇᓄᑦ ᐃᓇᑦᓯᒍᑕᐅᓗᑎᓪᓗ ᐃᓚᐅᑎᖁᔭᐅᓗᑎᒃ ᓄᓇᓕᖏᓐᓂ, ᐊᕕᑦᑐᖅᓯᒪᔪᓂ ᑲᓇᑕᒥᓗ ᐃᓱᒫᓘᑕᐅᔪᓂᒃ ᐊᑦᑐᐊᔪᓄᑦ ᐃᓅᕐᓯᕐᒧᑦ, ᐱᖅᑯᓯᕐᒧᑦ, ᖃᑭᒪᓇᓱᐊᕐᓂᕐᒧᓪᓗ.