ᑲᓇᑕᒥ ᐅᓪᓗᕆᔭᖓᓐᓂ ᐅᔾᔨᕈᓱᓐᓂᕐᒥᑦ ᔭᒐᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᐊᕐᓇᓂᑦ ᓂᕕᐊᖅᓯᐊᓂᓪᓗ ᒪᐃᒥ
5, 2023, ᐸᐅᑦᑑᑎᒃᑯᑦ ᐃᓄᐃᑦ ᐊᕐᓇᓄᑦ ᑲᓇᑕᒥ ᓴᖅᑮᓛᖅᑐᑦ ᐊᐅᐸᑦᑐᒥᑦ ᐊᒪᐅᑎᒥᒃ ᐱᓕᕆᐊᕆᔭᖓᓐᓂ.
ᑖᓐᓇ ᐱᓕᕆᐊᕆᔭᖅ ᐅᐱᒋᔭᖃᖅᑐᖅ ᐃᓅᓯᕆᓚᐅᖅᑕᖏᓐᓂ ᔭᒐᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᑦ ᓂᕕᐊᖅᓯᐊᓂᓪᓗ ᐊᒻᒪᓗ ᐊᔾᔨᐅᖏᑦᑐᓂᒃ ᖃᓄᐃᑦᑑᓂᖏᓐᓂ ᐊᕐᓇᓂᑦ ᐊᖑᑎᓂᓪᓗ ᐃᓄᓐᓂᒃ ᐊᒻᒪᓗ ᐅᔾᔨᕈᓱᑦᑎᑦᑎᒍᒪᓪᓗᑎᑦ ᓱᓕ ᓂᖓᖅᑕᐅᖃᑦᑕᕐᓂᖏᓐᓂ.
ᑖᓐᓇ ᖃᕋᓴᐅᔭᒃᑯᑦ ᓴᖅᑭᔮᖅᑎᑕᖅ ᖁᐊᖅᓴᕈᑕᐅᑐᐃᓐᓇᕆᐊᓕᒃ ᐅᖃᓕᒫᖅᑐᓄᑦ ᐊᔅᓱᕈᓐᓇᕐᓂᖓᓐᓄᑦ. ᐃᑲᔪᖅᑕᐅᑦᑕᐅᑎᒋᒍᒪᓐᓂᕈᕕᑦ, ᐅᖄᓚᒍᓐᓇᖅᑐᑎᑦ 1-844-413-6649 ᑲᓇᑕᒥ, ᐊᑭᖃᓐᖏᑦᑐᒥᓪᓘᓐᓃᑦ ᑐᐊᕕᕐᓇᖅᑐᒧᑦ ᒪᑐᐃᖓᐃᓐᓇᓕᒪᖅᑐᒧᑦ.
ᐃᓄᐃᑦ ᐊᕐᓇᑦ, ᓂᕕᐊᖅᓯᐊᑦ, ᐊᔾᔨᐅᖏᑦᑐᓪᓗ ᖃᓄᐃᑦᑑᓂᖏᓐᓂ ᐊᕐᓇᐃᑦ ᐊᖑᑏᓪᓗ ᐃᓄᐃᑦ ᓴᓐᖏᔪᐊᓗᐃᑦ ᐆᒻᒪᕆᑦᑑᓪᑎᓗᑎᓪᓗ.
ᖁᕕᐊᓇᓐᖏᑦᑑᒐᓗᐊᖅ, ᑕᒪᒃᑯᐊ ᓂᖓᖅᑕᐅᖃᑦᑕᖅᑐᑦ ᑕᒪᒃᑯᐊᖑᒐᓗᐊᕐᒥᑎᓪᓗᒋᑦ ᐊᓯᖏᑦ ᐊᕐᓇᐃᑦ, ᓄᑲᑉᐱᐊᑦ, ᐊᔾᔨᐅᖏᑦᑐᓪᓗ ᖃᓄᐃᑦᑑᓂᖏᑦ ᐊᕐᓇᐃᑦ ᐊᖑᑏᓪᓗ ᑲᓇᑕᒥ.
ᐊᑦᑐᖅᑕᐅᖃᑦᑕᕐᓂᖏᑦ ᓂᖓᖅᑕᐅᔪᓂᒃ ᐃᓚᐃᖅᑐᓂᓪᓘᓐᓃᑦ ᐊᑦᑐᖅᑕᐅᑲᒻᒪᑦᑐᑦ ᐃᓅᖃᑎᒥᓄᒃ ᐊᒻᒪᓗ ᑕᒪᒃᑯᐊ ᑭᖑᕚᖏᓐᓅᖅᑲᐸᓪᓕᐊᓪᓗᑎᑦ.
ᐊᐅᐸᖅᑐᖅ ᐊᒪᐅᑎ ᓇᓗᓇᐃᒃᑯᑕᖅ ᐃᖅᑲᐅᒪᑦᑎᓂᕐᒥᑦ.
ᐊᒪᐅᑎ ᐃᓄᐃᑦ ᐱᖅᑯᓯᖏᓐᓃᓐᖔᖅᑐᖅ ᐊᕐᓇᐅᑉ ᖁᓕᑦᑕᐅᔭᖓ ᓇᓴᓕᒃ ᕿᑐᕐᖓᒥᓂᒃ ᐊᒫᕈᑎᖓ.
ᐃᒪᐅᑎᓕᐅᖅᓯᒪᓕᖅᑐᑦ ᐅᑭᐅᒐᓴᕐᔪᐊᕌᓗᓐᓄᑦ 100−ᖏᓐᓃᑦᑐᓄᑦ, ᐊᒥᓱᓂᓪᓗ, ᖃᐅᔨᒪᔭᐅᑦᑎᐊᖅᑐᓂ ᐱᓕᒻᒪᔅᓯᒪᑦᑎᐊᖅᑐᓪᓗ ᒥᖅᓱᓲᑦ ᐊᒪᐅᑎᓐᓂᒃ ᑭᖑᕚᖏᓄᓪᓗ ᐃᓕᓐᓂᐊᑎᑦᑎᔾᔪᑎᒋᓪᓗᓂᒋᑦ.
ᓴᓇᒪᓂᖓ ᐊᒪᐅᑏᑦ ᐊᔾᔨᒌᖃᑦᑕᖏᑦᑐᑦ ᓇᑭᓐᖔᖅᓯᒪᓂᖏᓐᓂ ᒪᓕᑦᑐᑦ, ᑭᓯᐊᓂᓕ ᖃᓄᐃᑦᑑᓂᖓ, ᓴᓇᒪᓂᖓᓗ ᓇᓗᓇᓐᖏᑦᑎᐊᖅᑐᖅ ᓇᓗᓇᐃᒃᑯᑎᐅᔪᖅ ᐃᓄᓐᓃᓐᖔᕐᓂᖏᓐᓂ ᐊᕐᓇᓂᑦ.
“ᑕᕝᕙᓂ ᐱᓕᕆᐊᔅᓴᓂᒃ, ᐃᓱᒪᒋᓪᓚᕆᑦᑕᕗᑦ ᓇᓪᓕᒋᔭᕗᑦ, ᑭᓯᐊᓂᓗ ᖃᐅᔨᒪᖁᔨᑦᑎᐊᖅᑐᒍᑦ ᓂᖓᖅᑕᐅᖃᑦᑕᕐᓂᖏᓐᓂ ᐃᓄᐃᑦ ᐊᕐᓇᐃᑦ, ᓄᑲᑉᐱᐊᓪᓗ ᐊᒻᒪᓗ ᐊᔾᔨᐅᖏᑦᑐᑦ ᖃᓄᐃᑦᑑᓂᖏᓐᓂ ᐊᕐᓇᓂᑦ ᐊᖑᑎᓂᓪᓗ ᐱᓕᕆᖃᑎᒌᖃᑦᑕᖅᑐᓂᒃ ᓂᖓᕐᓂᕐᒥᑦ ᓄᖅᑲᑎᑦᑎᓇᓱᐊᖅᑐᑎᑦ ᓄᓇᓕᓐᓂᑦ”
– ᔨᐅᕆ ᓵᑉ, ᐊᖏᔪᖅᑲᖅ ᐸᐅᑦᑑᑎᒃᑯᓐᓄ ᐃᓄᓐᓄᑦ ᐊᕐᓇᓄᑦ ᑲᓇᑕᒥ.
ᐃᓄᐃᑦ ᐊᕐᓇᐃᑦ, ᓄᑲᑉᐱᐊᑦ, ᐊᔾᔨᐅᖏᑦᑐᓪᓗ ᖃᓄᐃᑦᑑᓂᖏᑦ ᐊᕐᓇᐃᑦ ᐊᖑᑏᓪᓗ ᐃᓄᐃᑦ ᐱᓕᕆᐊᔅᓴᓖᓐᓇᐅᒻᒪᑕ ᐃᓚᒌᓐᓂᑎᓐᓂ ᓄᓇᑦᑎᓂᓪᓗ.
ᐊᒥᓲᓗᐊᖅᑐᐊᓘᓕᕐᖓᑕ ᔭᒐᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᐊᒻᒪᓗ ᑖᔅᓱᒥᖓ ᐱᓕᕆᐊᒥᑦ, ᓇᓪᓕᒋᔪᒪᓪᓗᑎᒍ ᐃᓅᓯᕆᓚᐅᖅᑕᖏᑦ ᖃᓄᐃᑦᑑᓚᐅᕐᓂᖏᓐᓂᓪᓗ ᐱᓕᕆᒐᑦᑕ.
ᓱᓕ ᐊᒥᓱᐊᓗᐃᑦ ᓂᖓᖅᑕᐅᕙᑦᑐᑦ. ᑕᒪᓐᓇ ᐃᓱᓕᓐᖏᑦᑎᐊᖅᑐᖅ ᐊᑲᐅᓐᖏᓕᐅᕈᑎᐅᔪᖅ, ᐅᓪᓗᒥ ᓱᓕ ᐱᑕᓕᒃ.
ᑕᐃᒪᐃᑦᑐᓴᐃᓐᓇᕐᒥᑦ ᐱᔭᕆᐊᖃᕐᒥᒐᑦ ᐊᑦᑕᓇᓐᖏᑦᑐᒦᓪᓗᑕ, ᑎᒥᕗᑦ ᖃᓄᐃᓐᖏᑦᑎᐊᕐᓗᓂ, ᐃᓕᓐᓂᐊᖅᓯᒪᓗᑕ, ᐃᖅᑲᖅᑐᐃᕕᑎᒍᑦ ᐃᑲᔪᖅᑕᐅᓗᑕ, ᑎᒥᒃᑯᓪᓗ, ᐃᓱᒪᒃᑯᓪᓗ, ᒪᑭᒪᓂᒃᑯᓪᓗ, ᐃᓅᓯᓕᕆᓂᕐᒥᓪᓗ ᐱᖅᑯᓯᕐᒥᑎᒍᓪᓗ ᖁᕕᐊᓲᑎᖃᔅᓴᐃᓐᓇᖃᑦᑕᕐᓗᑕᓗ ᑲᓇᑕᒥᐅᑕᓕᒫᑎᑐᑦ ᑕᐃᒪᐃᑉᐸᒻᒪᑕ.
ᐊᓯᔾᔨᕐᓂᐅᓂᐊᖅᑐᖅ ᓯᕗᒃᑲᑕᖅᑕᐅᓗᓂ ᐃᓄᓐᓄᑦ ᐊᕐᓇᐃᑦ, ᓄᑲᑉᐱᐊᑦ, ᐊᔾᔨᐅᖏᑦᑐᓪᓗ ᖃᓄᐃᑦᑑᓂᖏᑦ ᐊᕐᓇᐃᑦ ᐊᖑᑏᓪᓗ ᐃᓄᐃᑦ. ᐃᓱᒪᒋᔪᒪᓪᓗᒋᑦ ᑕᐃᒃᑯᐊ ᐃᓅᒍᓐᓃᕐᓂᑯᑦ ᓴᖅᑮᔪᒪᓪᓗᑕᓗ ᓂᕆᐅᓇᑦᑎᐊᖅᑐᓂᒃ ᓯᕗᓂᔅᓴᖃᑦᑎᐊᕐᓂᒥᑦ ᐃᓄᓕᒫᓄᑦ ᓄᓇᕗᒻᒥ ᐃᓄᐃᓪᓗ ᓄᓇᖏᓐᓂ, ᐱᒋᐊᕈᑎᔅᓴᓂᒃ ᐸᕐᓇᐅᑎᓂᒃ ᐱᑕᖃᕆᐊᖃᕐᖓᑦ ᓂᐱᑦᑎᓐᓂ.
The Red Amautiit
Red Amauti by Eunice Tunraluk from Arctic Bay, Nunavut
Red Amauti by Heather Angnatok from Nain, Nunatsiavut
Red Amauti by Shirley Elias from Inuvik, Inuvialuit
Red Amautii by Sarah Samisack from Inukjuak, Nunavik
Red Amauti by Nancy Pukinaq Aupaluktuq from Baker Lake, Nunavut
ᒪᒥᓴᕐᓂᖅ ᐊᐅᓚᑕᐅᒋᐊᖃᖅᑐᖅ ᐃᓄᓐᓄᑦ ᐊᕐᓇᓄᑦ ᐊᑐᕐᓗᑎᓪᓗ ᐃᓄᓐᓅᖓᔪᓂᒃ, ᐊᔾᔨᐅᖏᑦᑐᓂᒃ ᖃᓄᐃᑦᑑᓂᖏᓐᓂ ᑕᑯᓐᓇᖃᑕᐅᓗᑎᑦ ᐱᖅᑯᓯᕐᒥᓂᓪᓗ ᐊᑐᕐᓗᑎᑦ ᑐᑭᖃᑦᑎᐊᖅᑐᓂᓪᓗ.
ᐊᐅᓚᑦᑎᓗᑎᑦ ᐃᓄᓕᒫᑦ ᐃᓱᒪᒋᔭᐅᓗᑎᑦ ᐃᖅᑲᐅᒪᔭᐅᓗᑎᓪᓗ ᔭᒐᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᐊᕐᓇᐃᑦ, ᓄᑲᑉᐱᐊᑦ, ᐊᔾᔨᐅᖏᑦᑐᓪᓗ ᖃᓄᐃᑦᑑᓂᖏᑦ ᐊᕐᓇᐃᑦ ᐊᖑᑏᓪᓗ ᐃᓄᐃᑦ ᓯᕗᓂᑦᑎᓐᓂ ᐊᑦᑕᓇᓐᖏᑦᑐᒦᖁᓪᓗᒋᑦ.
ᓄᖅᑲᑎᑦᑎᒐᓱᐊᕐᒥᓗᑎᑦ ᓂᖓᕐᓂᕐᒥᑦ ᐋᓐᓂᖅᑐᓕᕆᓂᕐᒥᓪᓗ, ᓄᑖᕐᓂᑦ ᐃᓄᓐᓄᑦ ᕿᒫᕕᑦᑕᖃᕐᓗᓂ ᐃᓪᓗᒋᔭᐅᑲᐃᓐᓇᕈᓐᓇᖅᑐᓂᓪᓗ ᐱᑕᖃᕐᓗᓂ ᐊᕐᓇᓄᑦ ᕿᒫᓯᒪᔪᓄ ᓂᖓᖅᑕᐅᖃᑦᑕᖅᑐᓄ, ᐊᒻᒪᓗ ᐃᑲᔪᖅᑐᖅᑕᐅᑲᓐᓂᕐᓗᑎᑦ ᐊᔾᔨᐅᖏᑦᑐᑦ ᐊᕐᓇᐃᑦ ᐊᖑᑏᓪᓗ ᐊᒻᒪᓗ ᐱᖅᑯᓯᖏᓐᓂ ᒪᓕᓪᓗᑎᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᓯᒪᔭᐅᑦᑎᐊᕐᓗᑎᑦ ᑕᒪᒃᑯᐊ ᐸᐅᑦᑑᑎᒃᑯᓐᓄᑦ ᓯᕗᓪᓕᖅᐹᕆᔭᐅᖃᓯᐅᔾᔭᐅᑦᑎᐊᖅᑐᑦ.
ᐅᖃᓕᒫᖅᑕᐃᓐᓇᕆᓗᒍ ᐅᓂᒃᑳᓕᒫᖅ:
ᑲᓇᑕᒥ ᐃᓄᓐᓄᑦ ᐱᒋᐊᕈᑎᔅᓴᓄᑦ ᐸᕐᓇᐅᑏᑦ ᔭᒐᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᐃᓄᓐᓄᑦ ᐊᕐᓇᓄᑦ, ᓄᑲᑉᐱᐊᓄᑦ ᐊᒻᒪᓗ ᑕᐃᒪᐃᑦᑑᖃᒥᓂᒃ ᐊᐃᑉᐸᖃᓲᕐᓂᑦ ᐊᔾᔨᒌᓐᖏᑦᑐᓂᓪᓘᓐᓃᑦ (2SLGBTQQIA+)